നൊച്ചാട് ഗ്രാമപഞ്ചായത്ത് കാര്യാലയത്തിന്റെ പുതിയ കെട്ടിടോദ്ഘാടനം തൊഴില്‍ വകുപ്പ് മന്ത്രി ടി.പി രാമകൃഷ്ണന്‍ നിര്‍വഹിച്ചു. നൊച്ചാട് പഞ്ചായത്ത് പ്രസിഡന്റ് പി.എം കുഞ്ഞിക്കണ്ണന്‍ അധ്യക്ഷത വഹിച്ചു. പേരാമ്പ്ര എം.എല്‍.എയുടെ ആസ്തി വികസന ഫണ്ടില്‍നിന്ന് രണ്ടുകോടി രൂപയും പഞ്ചായത്ത് വിഹിതവുമടക്കം രണ്ടരക്കോടി ചെലവില്‍ മുളിയങ്ങലില്‍ ജലസേചന വകുപ്പ് അനുവദിച്ച 18 സെന്റ് സ്ഥലത്താണ് പുതിയ കെട്ടിടം നിര്‍മ്മിച്ചത്. മൂന്നു നിലകളിയായി 11,625 ചതുരശ്ര അടി വിസ്തീര്‍ണത്തിലാണ് കാര്യാലയത്തിന്റെ നിര്‍മ്മാണം. 

•     ജില്ലയിൽ ഇന്ന് 7 പേർക്ക് കൂടി കോവിഡ് സ്ഥിരീകരിച്ചു. 

•    മെയ് 31 ന് ദുബായ് കൊച്ചി വിമാനത്തിലെത്തിയ 26 വയസ്സുള്ള ആലുവ സ്വദേശിക്കും, ജൂൺ 1ന്‌ അബുദാബി കൊച്ചി വിമാനത്തിലെത്തിയ 57 വയസ്സുള്ള പുത്തൻവേലിക്കര സ്വദേശിക്കും, ജൂൺ 11 ന് ചെന്നൈ കൊച്ചി വിമാനത്തിലെത്തിയ  39 വയസ്സുള്ള ചെന്നൈ സ്വദേശിക്കും, മെയ് 31 ന് നൈജീരിയ കൊച്ചി വിമാനത്തി ലെത്തിയ 40 വയസ്സുള്ള അഹമ്മദാബാദ് സrദശിക്കും, അതേ വിമാനത്തിലെത്തിയ 23 വയസ്സുള്ള മഹാരാഷ്ട്ര സ്വദേശിക്കും, 51 വയസ്സുള്ള തമിഴ്നാട് സ്വദേശിക്കും രോഗം സ്ഥിരീകരിച്ചു.

•     ജില്ലയിൽ ഇന്ന് 7 പേർക്ക് കൂടി കോവിഡ് സ്ഥിരീകരിച്ചു. 

എറണാകുളം: കെ.എസ്.ഇ.ബി ഓഫീസേഴ്സ് അസോസിയേഷൻ എറണാകുളം ജില്ലാ കമ്മിറ്റി വിദ്യാർത്ഥികൾക്കായി 25 ടെലിവിഷനുകൾ കൈമാറി. കളക്ടറേറ്റ് ചേംബറിൽ നടന്ന ചടങ്ങിൽ ജില്ലാ കളക്ടർ എസ്.സു ഹാസ്  ജോൺ ഫെർണാണ്ടസ് എം എൽ എ യിൽ നിന്നും ടെലിവിഷനുകൾ ഏറ്റുവാങ്ങി. അസോസിയേഷൻ സംസ്ഥാന സെക്രട്ടറി സുനിൽ സി.എസ്., ഓർഗനൈസിംഗ് സെക്രട്ടറി ബി.ഹരികുമാർ , സോണൽ സെക്രട്ടറി മുഹമ്മദ് കാസിം, ജില്ലാ സെക്രട്ടറി മനോജ് കുട്ടപ്പൻ, സംസ്ഥാന വൈസ്.പ്രസിഡൻ്റ് മുഹമ്മദ് അലി , ജില്ലാ പ്രസിഡൻ്റ് ഷീബ. പി എന്നിവർ പങ്കെടുത്തു.

എറണാകുളം: പിഴല-മൂലമ്പിള്ളി പാലത്തിന്‍റെ ഉദ്ഘാടനം കോവിഡ് മാനദണ്ഡങ്ങള്‍ പാലിച്ചു ജൂണ്‍ 22ന് വൈകീട്ട് നാല് മണിക്ക് കളക്ടറേറ്റ് കോണ്‍ഫറന്‍സ് ഹാളില്‍ വെച്ച് നടത്താന്‍ കളക്ടര്‍ എസ് സുഹാസിന്‍റെ അധ്യക്ഷതയില്‍ ചേര്‍ന്ന യോഗത്തില്‍ തീരുമാനമായി. വീഡിയോ കോണ്‍ഫറന്‍സിലൂടെ മുഖ്യമന്ത്രി പിണറായി വിജയന്‍ പാലത്തിന്‍റെ ഉദ്ഘാടനം നിര്‍വ്വഹിക്കും. ലളിതമായ ചടങ്ങിലായിരിക്കും ഉദ്ഘാടനം നടക്കുന്നത്. തദ്ദേശ സ്വയം ഭരണ വകുപ്പ് മന്ത്രി എ.സി മൊയ്തീന്‍, പൊതുമരാമത്ത് വകുപ്പ് മന്ത്രി ജി സുധാകരന്‍, ഹൈബി ഈഡന്‍ എം.പി , എസ് ശര്‍മ എം.എല്‍.എ, കെ.ജെ മാക്സി എം.എല്‍.എ, കളക്ടര്‍ തുടങ്ങിയവര്‍ ഉദ്ഘാടന ചടങ്ങില്‍ പങ്കെടുക്കും.

എറണാകുളം: "കോവിഡ് 19 മഹാമാരിയുടെ പശ്ചാത്തലത്തിലുണ്ടായ സാമ്പത്തിക തകർച്ചയില്‍ നിന്നും കേരളത്തെ രക്ഷിക്കുന്നതിനായി ഭക്ഷ്യോത്പാദന വർദ്ധനവ് ലക്ഷ്യം വച്ച് സംസ്ഥാന സർക്കാർ ആവിഷ്കരിച്ച പദ്ധതി ഏത്?" ജില്ലയിലെ ഒരു ലക്ഷത്തിലധികം വരുന്ന സ്ത്രീ മത്സരാര്‍ത്ഥികള്‍ ആവേശത്തോടെ മൂന്നാമത്തെ ഓപ്ഷന്‍ തിരഞ്ഞെടുത്തു -"സുഭിക്ഷ കേരളം". ജില്ലയിലെ കുടുംബശ്രീ പ്രവര്‍ത്തകര്‍ക്കിടയില്‍ നടത്തിയ സൈബര്‍ ജാലകം 2 ക്വിസ് മത്സരത്തിലെ ഒന്നാമത്തെ ചോദ്യമായിരുന്നു മേല്‍ പറഞ്ഞത്.

തൃപ്പൂണിത്തുറ ആർ.എൽ.വി കോളേജ് ഓഫ് മ്യൂസിക് ആൻഡ് ഫൈൻ ആർട്‌സിൽ കഥകളി ചെണ്ട വിഭാഗത്തിൽ ഗസ്റ്റ് അദ്ധ്യാപകരുടെ അഭിമുഖം 17ന് രാവിലെ 11നും ഹിസ്റ്ററി ഓഫ് ആർട്ട് വിഭാഗത്തിലേക്കുള്ള അഭിമുഖം 12 മണിക്കും നടക്കും. ഉദ്യോഗാർത്ഥികൾ അസൽ രേഖകൾ സഹിതം ഹാജരാകണം. ഒന്നാം/രണ്ടാം ക്ലാസ്സോടെ അംഗീകൃത സർവകലാശാലയിൽ നിന്നും പ്രസ്തുത വിഷയങ്ങളിൽ നേടിയിട്ടുള്ള ബിരുദാനന്തര ബിരുദമാണ് യോഗ്യത. ഉദ്യോഗാർത്ഥികൾ എറണാകുളം കോളേജ് വിദ്യാഭ്യാസ വകുപ്പ് ഉപമേധാവിയുടെ കാര്യാലയത്തിൽ അതിഥി അധ്യാപകരുടെ പാനലിൽ രജിസ്റ്റർ ചെയ്തിരിക്കണം. ആരോഗ്യ വകുപ്പിന്റെ നിർദ്ദേശങ്ങൾ കർശനമായി പാലിക്കണം. ഫോൺ: 0484-2779757.
പി.എൻ.എക്സ്. 2146/2020

സംസ്ഥാനത്തെ കോൺട്രാക്റ്റ് കാര്യേജുകളുടെയും ചരക്കു വാഹനങ്ങളുടെയും (ട്രാൻസ്‌പോർട്ട്-നോൺട്രാൻസ്‌പോർട്ട്) ഏപ്രിൽ ഒന്നുമുതൽ ത്രൈമാസ കാലയളവിലേക്കുള്ള വാഹന നികുതി അടയ്ക്കുന്നതിനുള്ള സമയപരിധി ജൂലൈ 15 വരെ നീട്ടുന്നതിന് ഗതാഗത മന്ത്രി എ.കെ. ശശീന്ദ്രൻ ഉത്തരവിട്ടു. നേരത്തെ രണ്ട് തവണ സമയപരിധി നീട്ടിയിരുന്നെങ്കിലും വാഹന ഉടമകളുടെ അപേക്ഷ പരിഗണിച്ചും കോവിഡ്-19 രോഗ വ്യാപനവും അതുമൂലം വാഹന ഉടമകൾക്കുണ്ടായ പ്രയാസങ്ങൾ കണക്കിലെടുത്തുമാണ് സമയം വീണ്ടും ദീർഘിപ്പിച്ചത്.

തദ്ദേശ സ്വയംഭരണ വകുപ്പിന്റെ ഭാഗമായ അമൃത് മിഷനിൽ ശുചീകരണ പദ്ധതികളിലേർപ്പെടുന്നതിന് ടെക്‌നിക്കൽ റിസോഴ്‌സ് പേഴ്‌സനെ എംപാനൽ ചെയ്യുന്നു. വിശദവിവരങ്ങൾക്ക് www.amrut.kerala.org. ഫോൺ: 0471-2323856.
പി.എൻ.എക്സ്. 2144/2020

കേരള ഇൻസ്റ്റിറ്റ്യൂട്ട് ഓഫ് ലോക്കൽ അഡ്മിനിസ്‌ട്രേഷൻ (കില) ഡ്രൈവർ തസ്തികയിൽ നിയമനത്തിന് അപേക്ഷ ക്ഷണിച്ചു. വിശദ വിവരങ്ങൾ www.kila.ac.in ൽ ലഭിക്കും. അപേക്ഷ ലഭിക്കേണ്ട അവസാന തിയതി ജൂൺ 24.
പി.എൻ.എക്സ്. 2143/2020