കാക്കനാട്: ദേശീയ നഗര ഉപജീവന മിഷന്‍ പദ്ധതി നടപ്പാക്കുന്ന നഗരസഭകളിലെ വിവിധ പദ്ധതി പ്രവര്‍ത്തനങ്ങള്‍ ഫീല്‍ഡ് തലത്തില്‍ നടപ്പാക്കുന്നതിന് തൃക്കാക്കര, കളമശേരി, ഏലൂര്‍, തൃപ്പൂണിത്തുറ നഗരസഭകളിലേക്ക് കമ്മ്യൂണിറ്റി ഓര്‍ഗനൈസര്‍മാരെ 12 മാസത്തേക്ക് കരാര്‍ അടിസ്ഥാനത്തില്‍ നിയമിക്കുന്നതിന് അപേക്ഷ ക്ഷണിച്ചു. അപേക്ഷകര്‍ കുടുംബശ്രീ അംഗങ്ങളായ വനിതകളായിരിക്കണം. ഉദ്യോഗാര്‍ഥികള്‍ അതാത് നഗരസഭ പരിധിയില്‍ താമസിക്കുന്നവരാകണം. അടിസ്ഥാന യോഗ്യത പ്ലസ് ടു. കംപ്യൂട്ടര്‍ പരിജ്ഞാനം അഭികാമ്യം. സാമൂഹ്യ വികസനവുമായി ബന്ധപ്പെട്ട മേഖലയില്‍ മൂന്നു വര്‍ഷത്തെ പ്രവൃത്തി പരിചയം ഉണ്ടായിരിക്കണം.

മിഷന്‍ഗ്രീന്‍ ശബരിമല പദ്ധതിയുടെ ഭാഗമായി പ്ലാസ്റ്റിക് ഉപയോഗത്തിനെതിരേ തീര്‍ഥാടകരെ ബോധവത്കരിക്കുന്ന പദ്ധതിയുടെ രണ്ടാംഘട്ടത്തിന് തുടക്കമായി. പത്തനംതിട്ട കെഎസ്ആര്‍ടിസി ബസ് സ്റ്റാന്‍ഡിനു സമീപം ജില്ലാ കളക്ടര്‍ ആര്‍. ഗിരിജ കര്‍ണാടകത്തില്‍ നിന്നുള്ള തീര്‍ഥാടകര്‍ക്ക്  തുണി സഞ്ചികള്‍ നല്‍കി കൊണ്ടാണ് രണ്ടാംഘട്ട പ്രവര്‍ത്തനങ്ങള്‍ക്ക് തുടക്കമിട്ടത്. 

മാധ്യമപ്രവര്‍ത്തകരുടെ അക്രഡിറ്റേഷന്‍ പുതുക്കല്‍ ഓണ്‍ലൈനായി  ചെയ്ത് ജില്ലാ ഇന്‍ഫര്‍മേഷന്‍ ഓഫീസുകളില്‍ മേലധികാരികളുടെ സീലോടെയുള്ള പ്രിന്‍റ് ഔട്ട് നല്‍കേണ്ട അവസാന തീയതി ഡിസംബര്‍ 16 ശനിയാഴ്ചയാണ്. ഇനിയും ഓണ്‍ലൈനായി പുതുക്കാനുള്ളവര്‍ എത്രയും വേഗം നടപടി പൂര്‍ത്തിയാക്കി പ്രിന്‍റ് ഔട്ടുകള്‍ 16ന് വൈകിട്ട് അഞ്ചിന് മുന്‍പ് ജില്ലാ ഇന്‍ഫര്‍മേഷന്‍ ഓഫീസില്‍ നല്‍കണമെന്ന് അഭ്യര്‍ഥിക്കുന്നു.
ജില്ലാ ഇന്‍ഫര്‍മേഷന്‍ ഓഫീസര്‍

    ഓഡിറ്റ് ആന്റ് ഫയല്‍ മാനേജ്‌മെന്റ് സംബന്ധമായി ജില്ലാ പഞ്ചായത്ത്  നിര്‍വ്വഹണ ഉദ്യോഗസ്ഥര്‍ക്കുള്ള ഏകദിന പരിശീലനം ഇ് (ഡിസംബര്‍ 16) തടിയമ്പാട് ഇടുക്കി 'ോക്ക് വെര്‍ച്വല്‍ ക്ലാസ് റൂമില്‍ നടക്കും.  രാവിലെ 9.30 മുതല്‍ വൈകി'് അഞ്ച് മണിവരെയാണ് പരിശീലനം.  സംസ്ഥാനതല     വിദഗ്ധരാണ് ക്ലാസ് നയിക്കുത്.  സംശയ നിവാരണത്തിനുള്ള സംവിധാനവും ഏര്‍പ്പെടുത്തിയി'ുണ്ട്.  മുഴുവന്‍ നിര്‍വ്വഹണദ്യോഗസ്ഥരും കൃത്യമായി പങ്കെടുക്കണമെ് ജില്ലാ പ്ലാനിംഗ് ഓഫീസര്‍ അറിയിച്ചു.  പകരക്കാരെ അനുവദിക്കുതല്ല.

കൊച്ചി: രജിസ്റ്റ്രേഷന്‍ വകുപ്പ് ഡിസംബര്‍ 23-ന് നടത്തുന്ന ആധാരമെഴുത്ത് ലൈസന്‍സിനുള്ള പരീക്ഷയ്ക്ക് സബ് രജിസ്ട്രാര്‍ ഓഫീസുകളില്‍ നിന്നും ലഭിച്ച ഹാള്‍ടിക്കറ്റുകളില്‍ എറണാകുളം ജില്ലയില്‍ രജിസ്റ്റര്‍ നമ്പര്‍ 3341 മുതല്‍ 3627 വരെയുള്ള അപേക്ഷകരുടെ പരീക്ഷാ സെന്റര്‍ ഗവ ഗേള്‍സ് ഹയര്‍സെക്കന്ററി സ്‌കൂള്‍ തൃപ്പൂണിത്തുറയാണ്. ഗവ. ഗേള്‍സ് എച്ച് എസ് തൃപ്പൂണിത്തുറ എന്ന് തെറ്റായിട്ടാണ് ഹാള്‍ ടിക്കറ്റില്‍ രേഖപ്പെടുത്തിയിരിക്കുന്നത്.

കൊച്ചി: ജില്ലയില്‍ മത്സ്യത്തൊഴിലാളി കടാശ്വാസകമ്മീഷന്‍ ഡിസംബര്‍ 22 രാവിലെ 10-ന് എറണാകുളം ഗസ്റ്റ്ഹൗസില്‍ അദാലത്ത് നടത്തും.  അദാലത്തില്‍ പങ്കെടുക്കാന്‍ കമ്മീഷനില്‍  നിന്ന് നോട്ടീസ് ലഭിച്ചവരും ബന്ധപ്പെട്ട ബാങ്കിന്റെ പ്രതിനിധികളും ഹാജരാകണം