കോഴിക്കോട് ജില്ലയില്‍ വനം വകുപ്പില്‍ ബീറ്റ് ഫോറസ്റ്റ് ഓഫീസര്‍ തസ്തികയുടെ 582, 583, 584, 585, 640 കാറ്റഗറി നമ്പറുകളിലുള്ള റാങ്ക് പട്ടിക പ്രസിദ്ധീകരിച്ചതായി ജില്ലാ പിഎസ് സി ഓഫീസര്‍ അറിയിച്ചു.

വിപണിയില്‍ കോഴി ഇറച്ചിയുടെ വില കുറഞ്ഞുവരുന്നതിനാല്‍ വടകര താലൂക്കിലെ മുഴുവന്‍ വ്യാപാരികളും കോഴി ഇറച്ചിയുടെ വില കുറക്കണമെന്ന് താലൂക്ക് സപ്ലൈ ഓഫീസര്‍ അറിയിച്ചു.  കിലോയ്ക്ക് 160 രൂപയേ ഈടാക്കാവൂ.  ചിക്കന്‍ സ്റ്റാളിലെ ജീവനക്കാര്‍ നിര്‍ബന്ധമായും ഹെല്‍ത്ത് കാര്‍ഡ് ഉള്ളവരായിരിക്കണം. മാസ്‌ക് ധരിക്കുകയും വേണം.

കോവിഡ് 19 രോഗവ്യാപനം ചെറുക്കാനായി പ്രഖ്യാപിച്ച ലോക്ക്ഡൗണ്‍ കാലയളവില്‍ ജില്ലയില്‍ പിടിച്ചെടുത്തത് 19,258 ലിറ്റര്‍ വാഷ്. മാര്‍ച്ച് 24 മുതല്‍ മെയ് 30 വരെയുള്ള കാലയളവിലാണ് ഇത്രയും വാഷ് പിടികൂടിയത്. 161.4 ലിറ്റര്‍ അറാക്കും 60.5 ലിറ്റര്‍ ഐഎംഎഫ്എല്ലും പിടികൂടിയതായി  ജില്ലാ എക്സ്സൈസ് വകുപ്പ് അധികൃതര്‍ അറിയിച്ചു. 176 കേസുകളാണ് ഇക്കാലയളവില്‍ രജിസ്റ്റര്‍ ചെയ്തിട്ടുള്ളതെന്നും  ഇതില്‍ 29 പ്രതികളെ പിടികൂടിയതായും അധികൃതര്‍ പറഞ്ഞു. വ്യാജവാറ്റിനെതിരെ എക്സൈസ് വകുപ്പ് അന്വേഷണം ഊര്‍ജിതമാക്കിയിട്ടുണ്ട്.

ലോക്ക് ഡൗണിനിടെ മൃഗസംരക്ഷണ വകുപ്പ് നിര്‍ത്തിവെച്ചിരുന്ന പ്രതിരോധ കുത്തിവയ്പ് പുനരാരംഭിച്ചു. പശു, എരുമ, പന്നി തുടങ്ങിയ വളര്‍ത്തു മൃഗങ്ങളെ കര്‍ഷകര്‍ കുത്തിവയ്പിന് വിധേയമാക്കണമെന്ന് ജില്ലാ മൃഗസംരക്ഷണ ഓഫീസര്‍ അറിയിച്ചു.

കാലവര്‍ഷവുമായി ബന്ധപ്പെട്ട് മൃഗസംരക്ഷണ മേഖലയില്‍ സംഭവിക്കുന്ന നഷ്ടങ്ങള്‍ റിപ്പോര്‍ട്ട് ചെയ്യാനായി രാവിലെ 10 മുതല്‍ വൈകീട്ട് അഞ്ച്  മണി വരെ പ്രവര്‍ത്തിക്കുന്ന കണ്‍ട്രോള്‍ റൂം തുറന്നു. കാലവര്‍ഷക്കെടുതിയില്‍ പശു, എരുമ, പോത്ത്, ആട്, കോഴി, കാലിത്തൊഴുത്ത്, തീറ്റ തുടങ്ങിയവ നഷ്ടപ്പെടുന്നവര്‍ 0495 2762050 എന്ന നമ്പറില്‍ അറിയിക്കേണ്ടതാണെന്ന് ജില്ലാ മൃഗസംരക്ഷണ ഓഫീസര്‍ അറിയിച്ചു.

കോഴിക്കോട് വഖഫ് ട്രിബ്യൂണല്‍ ക്യാമ്പ് സിറ്റിങ് ജൂലൈ 14, 15,16 തീയതികളില്‍ എറണാകുളം കലൂരിലുളള കേരളാ സ്റ്റേറ്റ് വഖഫ് ബോര്‍ഡ് ഹെഡ് ഓഫീസ് കെട്ടിടത്തില്‍ നടക്കുമെന്ന് ശിരസ്തദാര്‍ അറിയിച്ചു.