സാങ്കേതിക കാരണങ്ങളാല്‍ മാര്‍ച്ച് 20 ന് നോര്‍ക്ക റൂട്ട്‌സിന്റെ എറണാകുളം മേഖല ഓഫീസില്‍ സര്‍ട്ടിഫിക്കറ്റ് അറ്റസ്റ്റേഷന്‍ ഉണ്ടായിരിക്കില്ലെന്ന് സെന്റര്‍ മാനേജര്‍ അറിയിച്ചു.

കരിഞ്ചന്ത, പൂഴ്ത്തിവയ്പ്പ്, വിലക്കയറ്റം എന്നിവ തടയുന്നതിന്റെ ഭാഗമായി ജില്ലാ സപ്ലൈ ഓഫീസറുടെ നേതൃത്വത്തില്‍ പരിശോധന നടത്തി. കോഴിക്കോട് വലിയങ്ങാടിയിലെ അരി മൊത്തവിതരണ കേന്ദ്രങ്ങളിലാണ് കോഴിക്കോട് താലൂക്ക് സപ്ലൈ ഓഫീസര്‍, സിറ്റിറേഷനിംഗ് ഓഫീസര്‍ നോര്‍ത്ത്, സിറ്റി റേഷനിംഗ് ഓഫീസര്‍ സൗത്ത് എന്നിവരുള്‍പ്പെട്ട സ്‌ക്വാഡ് പരിശോധന നടത്തിത്.
മൂന്നുമാസത്തേക്കാവശ്യമായ സ്റ്റോക്ക് മിക്കവാറും എല്ലാ ഗോഡൗണുകളിലുമുളളതായി വ്യാപാരികള്‍ അറിയിച്ചു. പരിശോധനകള്‍ അടുത്ത ദിവസങ്ങളിലും ജില്ലയുടെ വിവിധ ഭാഗങ്ങളില്‍ തുടരുമെന്ന് ജില്ലാ സപ്ലൈ ഓഫീസര്‍ അറിയിച്ചു.

ഭക്ഷ്യ സുരക്ഷയും ഭദ്രതയും ഒരുപോലെ  ഉറപ്പുവരുത്തുന്നതിന്റെ ഭാഗമായി സ്വയം ഭരണ സ്ഥാപനങ്ങള്‍ വഴി നടപ്പിലാക്കുന്ന മുട്ടക്കോഴി വളര്‍ത്തല്‍ പദ്ധതി പക്ഷിപ്പനിയുടെയും  കൊറോണ രോഗത്തിന്റെയും പശ്ചാത്തലത്തില്‍ നിര്‍ത്തിവയ്ക്കേണ്ട സാഹചര്യമില്ലെന്ന് ജില്ലാ മൃഗസംരക്ഷണ ഓഫീസര്‍ അറിയിച്ചു.

നോര്‍ക്ക റൂട്ട്സിന്‍റെ എറണാകുളം മേഖല ഓഫീസില്‍

കോഴിക്കോട് ജില്ലയിൽ 19ന് ഉഷ്ണതരംഗത്തിന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. താപനില സാധാരണ താപനിലയിൽ നിന്ന് 4.5 ഡിഗ്രി സെൽഷ്യസിലും അധികം ഉയരും. ജില്ലയിൽ പുറംജോലികളിൽ ഏർപ്പെടുന്നവരും  നഗരങ്ങളിലും നിരത്തിലും ഉള്ളവരും വെയിലേൽക്കുന്ന സാഹചര്യം ഒഴിവാക്കി വൈകിട്ട് നാല് വരെയെങ്കിലും ശ്രദ്ധിക്കണം. ധാരാളം വെള്ളം കുടിക്കുകയും വിശ്രമിക്കുകയും ശരീരം തണുപ്പിക്കുകയും ചെയ്യണം.

ഗുലാത്തി ഇൻസ്റ്റിറ്റ്യൂട്ട് ഓഫ് ഫിനാൻസ് ആൻഡ് ടാക്‌സേഷനിൽ ജൂനിയർ അക്കൗണ്ടന്റിനെ കരാർ വ്യവസ്ഥയിൽ നിയമിക്കുന്നു. 20,500 രൂപയാണ് പ്രതിമാസ വേതനം. www.gift.res.in മുഖേന  ഏപ്രിൽ 10നകം അപേക്ഷിക്കണം. വിശദവിവരങ്ങൾക്ക്: 0471-2595960, 8078886555.
പി.എൻ.എക്സ്.1112/2020

ഗ്രാമവികസന വകുപ്പിൽ 2020 ലെ പൊതുസ്ഥലം മാറ്റത്തിനുള്ള അപേക്ഷ ക്ഷണിച്ചു. നിർദ്ദിഷ്ട മാതൃകയിലുള്ള അപേക്ഷകൾ പ്രോജക്ട് ഡയറക്ടർ/ അസിസ്റ്റന്റ് ഡവലപ്പ്‌മെന്റ് കമ്മീഷണർമാരിൽ (ജനറൽ) നിന്നുള്ള ശുപാർശ സഹിതം ഗ്രാമവികസന കമ്മീഷണറേറ്റിൽ നാലിന് വൈകിട്ട് അഞ്ചിന് മുൻപ് എത്തിക്കണം. വിശദവിവരങ്ങൾക്ക് www.rdd.kerala.gov.in.    
പി.എൻ.എക്സ്.1111/2020

കേരളാ ഇൻഫ്രാസ്ട്രക്ചർ ആൻഡ് ടെക്‌നോളജി ഫോർ എഡ്യൂക്കേഷനിൽ (കൈറ്റ്) മാസ്റ്റർ ട്രെയിനർമാരെ തിരഞ്ഞെടുക്കുന്നു. ഹയർ സെക്കൻഡറി-വൊക്കേഷണൽ ഹയർസെക്കൻഡറി/ ഹൈസ്‌കൂൾ/ പ്രൈമറി സ്‌കൂൾ അധ്യാപകർക്ക് അപേക്ഷിക്കാം. എയിഡഡ് മേഖലയിൽ നിന്നുള്ള അപേക്ഷകർ സ്‌കൂൾ മാനേജരിൽ നിന്നുള്ള നിരാക്ഷേപ സാക്ഷ്യപത്രം അഭിമുഖ സമയത്ത് സമർപ്പിക്കണം.