ഗാര്‍ഹികാവശ്യങ്ങള്‍ക്കായുള്ള തേക്കുതടിയുടെ ചില്ലറ വില്‍പന തിരുവനന്തപുരം തടിവില്‍പന ഡിവിഷന്റെ കീഴിലുള്ള കുളത്തുപ്പുഴ(0475-2319241) തടി ഡിപ്പോയില്‍ ജൂണ്‍ 22 മുതല്‍ ആരംഭിക്കും. വീട് നിര്‍മിക്കുന്നതിനുവേണ്ട അംഗീകരിച്ച പ്ലാന്‍, അനുമതി, സ്‌കെച്ച് എന്നിവയുടെ പകര്‍പ്പും തിരിച്ചറിയല്‍ കാര്‍ഡുമായി ഡിപ്പോയില്‍ സമീപിച്ചാല്‍ അഞ്ച് ക്യുബിക് മീറ്റര്‍വരെ തേക്കുതടി നേരിട്ടുവാങ്ങാം.
(പി.ആര്‍.കെ നമ്പര്‍ 1643/2020)  

ജില്ലയില്‍ ലീഗല്‍ മെട്രോളജി ഓഫീസില്‍ ഓട്ടോമീറ്റര്‍ പുനപരിശോധന ആരംഭിക്കും. 2020 മാര്‍ച്ച് 'എ' ക്വാര്‍ട്ടറില്‍ മുദ്ര ചെയ്യേണ്ടവര്‍ 8590529011 ഫോണ്‍ നമ്പരില്‍ പ്രവൃത്തി ദിവസങ്ങളില്‍ രാവിലെ 10 മുതല്‍ വൈകിട്ട് നാലുവരെ ബന്ധപ്പെട്ട് പുനപരിശോധന തീയതിയും സമയവും ടോക്കണ്‍ നമ്പരും വാങ്ങണം. ബുക്ക് ചെയ്തവര്‍ അനുവദിച്ച സമയത്ത് മാത്രം പുനപരിശോധനയ്ക്ക് ഹാജരാകണം.

പെരിനാട് ഗ്രാമപഞ്ചായത്ത് പെരിനാടന്‍ ബ്രാന്‍ഡില്‍ അരി വിപണിയിലിറക്കി. കലക്‌ട്രേറ്റില്‍ ഗ്രാമപഞ്ചായത്ത് പ്രസിഡന്റ് എല്‍ അനിലില്‍ നിന്നും അരി ഏറ്റുവാങ്ങി ജില്ലാ കലക്ടര്‍ ബി അബ്ദുല്‍ നാസര്‍ ഉദ്ഘാടനം ചെയ്തു. കൃഷി ഭവന്റെ നേതൃത്വത്തില്‍ കുഴിയം, ഇടവട്ടം പാടശേഖരങ്ങളില്‍ വിളവിറക്കി തയ്യാറാക്കിയ 20 ടണ്‍ നെല്ല് കുത്തി അരിയാക്കിയാണ് വിപണിയിലെത്തിച്ചത്. 30 ശതമാനം തവിട് ചേര്‍ന്ന അരിയാണ് പെരിനാടന്‍ ബ്രാന്‍ഡിന്റെ പ്രത്യേകത. നെല്ല് ശേഖരിച്ച ദിവസം തന്നെ കര്‍ഷകര്‍ക്ക് സര്‍ക്കാര്‍ നിശ്ചയിച്ച വില നല്‍കി എന്നതും പദ്ധതിയുടെ വിജയമാണ്. കിലോക്ക് 50 രൂപ നിരക്കിലാണ് വിപണി വില നിശ്ചയിച്ചിരിക്കുന്നത്.

പ്രാദേശിക മാധ്യമപ്രവര്‍ത്തകര്‍ക്ക് ക്ഷേമനിധിയില്‍ അംഗങ്ങളാകാം. സംസ്ഥാനത്തെ പത്ര-ദൃശ്യ-ഡിജിറ്റല്‍ മാധ്യമരംഗത്ത് പ്രവര്‍ത്തിക്കുന്നവര്‍ക്കും പത്ര ഏജന്റുമാര്‍ക്കും വിതരണക്കാര്‍ക്കും മറ്റ് ക്ഷേമനിധിയില്‍ അംഗങ്ങളല്ലാത്ത തൊഴിലാളികള്‍ക്കും കേരള സംസ്ഥാന അസംഘടിത തൊഴിലാളി സാമൂഹ്യസുരക്ഷാ പദ്ധതിയില്‍ അംഗങ്ങളാകാം. പ്രസ്തുത അംഗങ്ങള്‍ക്ക് കേരള അസംഘടിത തൊഴിലാളി സാമൂഹ്യസുരക്ഷാ ബോര്‍ഡ് മുഖാന്തരമുള്ള താഴെ പറയുന്ന ആനുകൂല്യങ്ങള്‍ ലഭിക്കും.

തിരുവനന്തപുരം നെടുമങ്ങാട് സ്വദേശിയായ സമീര്‍ വൃക്കയിലെ കല്ല് നീക്കം ചെയ്യുന്നതിനുള്ള ശസ്ത്രക്രിയക്കിടെ കിംസ് ആശുപത്രിയില്‍ മരിച്ച സംഭവത്തില്‍ കേരള വനിതാ കമ്മീഷന്‍ പോലീസ് മേധാവിയോട് റിപ്പോര്‍ട്ട് ആവശ്യപ്പെട്ടു.  സമീറിന്റെ ഭാര്യ വനിതാ കമ്മീഷനില്‍ നല്‍കിയ പരാതിയുടെ അടിസ്ഥാനത്തില്‍ കമ്മീഷന്‍ അംഗം ഡോ ഷാഹിദ കമാല്‍ ആണ് റിപ്പോര്‍ട്ട് ആവശ്യപ്പെട്ടത്.

സുഭിക്ഷ കേരളം പദ്ധതിയുടെ ഭാഗമായി ജില്ലയിലെ  മൃഗസംരക്ഷണ മേഖലയുടെ സമഗ്രവികസനത്തിനായി   60.84 കോടി രൂപയുടെ പദ്ധതികള്‍ നടപ്പാക്കും. ജില്ലയിലെ 68 ഗ്രാമപഞ്ചായത്തുകളിലും 11 ബ്ലോക്ക് പഞ്ചായത്തുകളിലും  നാല് മുനിസിപ്പാലിറ്റികളിലും കൊല്ലം കോര്‍പറേഷന്‍ എന്നിവിടങ്ങളിലുമായി 596 പദ്ധതികളാണ് നടപ്പാക്കുന്നത്.
മുട്ടയുത്പാദനം, മാംസോത്പാദനം എന്നിവയില്‍ സ്വയംപര്യാപ്തത ലക്ഷ്യമിട്ട് 53 ഗ്രാമപഞ്ചായത്തുകളിലും കൊല്ലം കോര്‍പറേഷനിലുമായി മുട്ടക്കോഴി വളര്‍ത്തലിനുളള പദ്ധതി യാഥാര്‍ഥ്യമാകും.  അറുപതിനായിരം ഗുണഭോക്താക്കള്‍ക്ക് ഇതുവഴി ആനുകൂല്യം ലഭ്യമാകും.

കേരളത്തിലെ പ്രാദേശിക മാധ്യമപ്രവർത്തകർക്ക് ഇനി മുതൽ കേരള സംസ്ഥാന അസംഘടിതതൊഴിലാളി സാമൂഹ്യ സുരക്ഷാപദ്ധതിയിൽ അംഗങ്ങളാവാം. കേരളത്തിലെ പത്ര-ദൃശ്യ-ഡിജിറ്റൽ മാധ്യമരംഗത്ത് പ്രവർത്തിക്കുന്നവർ, പത്രഏജന്റുമാർ, വിതരണക്കാർ, മറ്റ് ക്ഷേമനിധികളിൽ അംഗങ്ങളല്ലാത്ത തൊഴിലാളികൾ എന്നിവർക്കാണ് കേരള അസംഘടിത തൊഴിലാളി സാമൂഹ്യസുരക്ഷാ ബോർഡ് മുഖാന്തിരം ക്ഷേമനിധിയിൽ ചേരാൻ കഴിയുക.

ലോക്ക് ഡൗൺ മൂലം തൊഴിൽ നഷ്ടപ്പെട്ട ആഭരണതൊഴിലാളി ക്ഷേമനിധി ബോർഡിലെ അംഗങ്ങൾക്കു സർക്കാർ പ്രഖ്യാപിച്ച 1000 രൂപ ധനസഹായം നാളിതുവരെ ലഭിക്കാത്തവർ www.boardswelfareassistance.ic.kerala.gov.in എന്ന വെബ്‌സൈറ്റ് മുഖേന നേരിട്ടോ അക്ഷയകേന്ദ്രം വഴിയോ അപേക്ഷിക്കണം. അപേക്ഷയോടൊപ്പം ആധാർ, ക്ഷേമനിധി ഐഡി കാർഡ്, ക്ഷേമനിധി പാസ്ബുക്ക്, ബാങ്ക് പാസ്ബുക്ക് എന്നിവ സ്‌കാൻ ചെയ്ത് അപ്‌ലോഡ് ചെയ്യണമെന്ന് ജില്ലാ എക്‌സിക്യൂട്ടീവ് ഓഫീസർ അറിയിച്ചു. ഫോൺ: 0487 2426219.