കാഞ്ഞങ്ങാട് നഗരസഭാ വജ്ര ജൂബിലി ഫെലോഷിപ്പ് പദ്ധതി, മുനിസിപ്പല്‍ ലൈബ്രറി എന്നിവയുടെ സംയുക്താഭിമുഖ്യത്തില്‍ നടത്തിയ ജില്ലതല ഓണ്‍ലൈന്‍ കലാ മത്സരത്തിലെ വിജയികളെ പ്രഖ്യാപിച്ചു. ചിത്രരചനാ മത്സരം 13 വയസ്സിന് താഴെയുള്ളവരില്‍ അലാമിപ്പള്ളിയിലെ അഭിമന്യൂ ഒന്നാംസ്ഥാനവും വെടിത്തറക്കാലിലെ വിഷ്ണു ലാലും കുണ്ടംകുഴിയിലെ ശ്രീനന്ദയും രണ്ടാം സ്ഥാനവും കരസ്ഥമാക്കി.

കേരളത്തിലെ പത്ര-ദൃശ്യ-ഡിജിറ്റല്‍ മാധ്യമരംഗത്ത് പ്രവര്‍ത്തിക്കുന്നവര്‍ക്കും പത്ര ഏജന്റുമാര്‍ക്കും വിതരണക്കാര്‍ക്കും മറ്റ് ക്ഷേമനിധിയില്‍ അംഗങ്ങളല്ലാത്ത തൊഴിലാളികള്‍ക്കും കേരള സംസ്ഥാന അസംഘടിതത്തൊഴിലാളി സാമൂഹ്യസുരക്ഷാ പദ്ധതിയില്‍ അംഗങ്ങളാവാം.കേരള സംസ്ഥാന അസംഘടിത തൊഴിലാളി സാമൂഹ്യ സുരക്ഷാ പദ്ധതിയില്‍ കുറഞ്ഞത് ഒരു വര്‍ഷമെങ്കിലും അംഗത്വമുള്ളവര്‍ക്ക് 60 വയസ് പൂര്‍ത്തിയാകുന്ന മുറയ്ക്ക് അവരുടെ അംഗത്വകാലയളവിന് ആനുപാതികമായി റിട്ടയര്‍മെന്റ് ആനുകൂല്യം അനുവദിക്കും.

മഹാത്മാ ഗാന്ധി ദേശീയ ഗ്രാമീണ തൊഴിലുറപ്പ് പദ്ധതിയുടെ പ്രവര്‍ത്തനവുമായി ബന്ധപ്പെട്ട് പരപ്പ ബ്ലോക്ക് പഞ്ചായത്തില്‍  ഡാറ്റാ എന്‍ട്രി ഓപ്പറേറ്ററുടെ ഒഴിവുണ്ട്. കൂടിക്കാഴ്ച ജൂണ്‍  24 ന് രാവിലെ  11 ന് പരപ്പ ബ്ലോക്ക് പഞ്ചായത്ത് ഓഫീസില്‍. ബി.കോമും പി.ജി.ഡി.സി.എ.യുമുള്ളവര്‍ക്ക് കൂടിക്കാഴ്ചയില്‍ പങ്കെടുക്കാം. ഫോണ്‍ 04672255655

 കുടുംബശ്രീ മിഷന്റെ ഞാനും എന്റെ അയല്‍ക്കൂട്ടവും കൃഷിയിലേക്ക് പദ്ധതി ജനകീയമാകുന്നു.  സുഭിക്ഷ കേരളം പദ്ധതിയുടെ ഭാഗമായി ഭക്ഷ്യ സ്വയം പര്യാപ്തത ലക്ഷ്യമാക്കി കുടുംബശ്രീ മിഷന്‍ ആരംഭിച്ച പദ്ധതിയാണ് ഞാനും എന്റെ അയല്‍ക്കൂട്ടവും കൃഷിയിലേക്ക്. കാഞ്ഞങ്ങാട് ബ്ലോക്ക് പഞ്ചായത്തിലെ തീരപ്രദേശ ഗ്രാമമായ അജാനൂരില്‍ വലിയ വിജയമാക്കിയിരിക്കുകയാണ് ഈ പദ്ധതി. 

അദാലത്തില്‍ 33 പരാതികള്‍ പരിഗണിച്ചു

ജില്ലാകളക്ടര്‍ ഡോ ഡി സജിത് ബാബൂവിന്റെ നേതൃത്വത്തില്‍ കാസര്‍കോട് താലൂക്ക്തല ഓണ്‍ലൈന്‍ പരാതി പരിഹാര അദാലത്ത് നടത്തി.അദാലത്തില്‍ 33 പരാതികളില്‍ 13 എണ്ണത്തില്‍ കളക്ടര്‍ തത്സമയം പരാതികാരുമായി സംവദിച്ചു.അക്ഷയ  കേന്ദ്രങ്ങളില്‍  ഒരുക്കിയ സംവിധാനം വഴിയാണ് പരാതിക്കാര്‍ കളക്ടറുമായി സംവദിച്ചത്. മുളിയാര്‍ പഞ്ചായത്തിലെ ഒന്നാംവാര്‍ഡിലെ കമ്മ്യൂണിറ്റി ഹാളില്‍ വൈദ്യൂതി ലഭ്യമാക്കണമെന്ന പരാതിയില്‍ അടിയന്തിര  നടപടി സ്വീകരിക്കാന്‍ പഞ്ചായത്ത് സെക്രട്ടറിയോട് കളക്ടര്‍ ആവിശ്യപ്പെട്ടു.കുറ്റിക്കോല്‍

ജില്ലയിലെ ഭിന്നശേഷിക്കാരായവര്‍ക്ക് വേണ്ടി ജില്ലാ ഭരണകൂടം നടപ്പിലാക്കുന്ന വി ഡിസേര്‍വ് പദ്ധതിയുടെ മൂന്നാം ഘട്ടത്തിലെ ഗുണഭോക്താക്കള്‍ക്കുള്ള സഹായ ഉപകരണങ്ങളുടെ വിതരണം തുടങ്ങി.

കാസര്‍കോട്് വികസന പാക്കേജില്‍ ഉള്‍പ്പെടുത്തി കാസര്‍കോട്  ഉദയഗിരിയില്‍ നിര്‍മ്മിച്ച വര്‍ക്കിങ് വുമണ്‍സ് ഹോസ്റ്റല്‍  ജൂണ്‍ 19 ന് രാവിലെ 10.30 ന് കളക്ടറേറ്റില്‍ റവന്യു, ഭവന നിര്‍മ്മാണ വകുപ്പ്  മന്ത്രി ഇ ചന്ദ്രേശഖരന്‍ ഉദ്ഘാടനം ചെയ്യും.

ലോക് ഡൗണ്‍ പഞ്ചാത്തലത്തില്‍ സ്വദേശത്തേക്ക് മടങ്ങിയ തൊഴിലാളികള്‍ക്ക് സ്‌പോണ്‍സര്‍മാരുടെ ഉത്തരവാദിത്വത്തില്‍ തിരികെയെത്തി ജോലിയില്‍ പ്രവേശിക്കാന്‍ അവസരമൊരുങ്ങും. ഇത് സംബന്ധിച്ച് ജില്ലാ ഭരണകൂടം തയ്യാറാക്കിയ നിര്‍ദ്ദേശങ്ങള്‍ സര്‍ക്കാരിന്റെ അനുമതിക്കായി സമര്‍പ്പിക്കും. കുറഞ്ഞത് അഞ്ച് പേരെങ്കിലും അടങ്ങുന്ന സംഘങ്ങളായി വേണം സ്‌പോണ്‍സര്‍മാര്‍ ഇവരെ തിരികെ കൊണ്ടുവരാന്‍. ഇങ്ങനെ മടങ്ങിയെത്തുന്ന അതിഥി തൊഴിലാളികള്‍ ജോലി ചെയ്യുന്ന  സ്ഥലങ്ങള്‍ ക്വാറന്റെന്‍ പ്രദേശമായി കണക്കാക്കും. മടങ്ങിയെത്തിയതിന് ശേഷം ആരോഗ്യ പരിശോധന നടത്തും. 

കണ്ടെയ്ന്‍മെന്റ് സോണുകളില്‍ നിയന്ത്രണം കര്‍ശനമായി തുടരും. പൊതു ഇടങ്ങളില്‍ മാസ്‌ക് ധരിക്കാതെ വരുന്നവരുടെ എണ്ണം വര്‍ധിക്കുന്നതായി ശ്രദ്ധയില്‍ പെട്ടിട്ടുണ്ടെന്നും മാസ്‌ക് ധരിക്കാത്തവര്‍ക്കെതിരെ  കര്‍ശന നടപടി സ്വീകരിക്കുമെന്നും ജില്ലാ കളക്ടര്‍ ഡോ ഡി സജിത് ബാബു  അറിയിച്ചു. 

ആലപ്പുഴ:  മുഹമ്മ പെരുന്തുരുത്തുകരി പാടത്ത് ഇത്തവണ സ്വയം വിളവെടുത്തതിലൂടെ  ലഭിച്ച നെല്ലിൽ അഞ്ച് ക്വിന്റല്‍  നെല്ല് വിറ്റ് ലഭിച്ച  തുക മുഖ്യമന്ത്രിയുടെ ദുരിതാശ്വാസനിധിയിലേക്ക് നൽകി മുഹമ്മ താരേഴത്തുവീട്ടിൽ വിനീത ബൈജു. സ്വന്തം നെല്‍ കൃഷിയിടത്തില്‍ നടന്ന വിളവെടുപ്പിൽ  13500 രൂപയാണ് നെല്ലില്‍ നിന്ന് ലഭിച്ചത്.  ബുധനാഴ്ച ആലപ്പുഴ സിവിൽ സ്റ്റേഷനിൽ എത്തി വിനീതയും കുടുംബവും  ജില്ലാകലക്ടര്‍ എ.  അലക്സാണ്ടർക്ക് തുക കൈമാറുകയായിരുന്നു.