യുവജനങ്ങളിലെ സംരംഭകസന്നദ്ധത വളര്‍ത്തിയെടുക്കുന്നതിനും സംരംഭക പദ്ധതികള്‍ക്കാവശ്യമായ വായ്പ സൗകര്യങ്ങളും മാര്‍ഗ്ഗനിര്‍ദ്ദേശങ്ങളും നല്‍കുന്നതിനുമായി ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ ആഭിമുഖ്യത്തില്‍ നവംബര്‍ 20ന് സെമിനാര്‍ നടത്തും.  കല്‍പ്പറ്റ ബ്ലോക്ക് ട്രൈസം ഹാളില്‍ നടത്തുന്ന സെമിനാര്‍ രാവിലെ 10ന് സി.കെ.ശശീന്ദ്രന്‍ എം.എല്‍.എ. ഉദ്ഘാടനം ചെയ്യും.

ജില്ലാ ടി.ബി. എലിമിനേഷൻ 

ബോർഡ് രൂപീകരിച്ചു

ആലപ്പുഴ: ജില്ലാ ടി.ബി. എലിമിനേഷൻ ബോർഡ് രൂപീകരണയോഗം കളക്ടറേറ്റിൽ നടന്നു. ജില്ലാ കളക്ടർ ടി.വി. അനുപമ അധ്യക്ഷത വഹിച്ചു.  ജില്ലയിലെ മന്ത്രിമാർ, എം.പി.മാർ, എം.എൽ.എ.മാർ, ജില്ലാ പഞ്ചായത്ത് പ്രസിഡന്റ്, നഗരസഭ ചെയർമാൻ എന്നിവർ രക്ഷാധികാരികളായും ജില്ലാ കളക്ടർ ചെയർപേഴ്‌സണും ജില്ലാ മെഡിക്കൽ ഓഫീസർ (ആരോഗ്യം), ആരോഗ്യകേരളം ജില്ലാ പ്രോഗ്രാം ഓഫീസർ എന്നിവർ വൈസ് ചെയർപേഴ്‌സൺമാരും ജില്ലാ ടി.ബി. ഓഫീസർ കൺവീനറുമായ ബോർഡ് രൂപീകരിച്ചു. 

ആലപ്പുഴ: ബീച്ച് ഫെസ്റ്റിവലിന്റെ സംഘാടക സമിതി രൂപീകരണയോഗം നവംബർ 21ന് വൈകിട്ട് നാലിന് കളക്ടറേറ്റ് കോൺഫറൻസ് ഹാളിൽ ചേരും.

(പി.എൻ.എ.2783/17)

ആലപ്പുഴ: ക്ലാസ് മുറികൾക്കുവെളിയിലുള്ള ലോകത്തെക്കുറിച്ച് ചിന്തിക്കാനും സമൂഹത്തിൽ ഫലപ്രദമായി ഇടപെടാനും വിദ്യാർഥികൾക്ക് കഴിയണമെന്ന് കേന്ദ്ര വിനോദസഞ്ചാര-ഐ.ടി. സഹമന്ത്രി അൽഫോൻസ് കണ്ണന്താനം പറഞ്ഞു. സൻസദ് ആദർശ് ഗ്രാം യോജ്‌നയുടെ ദേശീയതല പരിശീലന പരിപാടിയുടെ ഉദ്ഘാടനം കായംകുളം പാറ്റൂർ ശ്രീബുദ്ധ എൻജിനീയറിങ് കോളജിൽ നിർവഹിക്കുകയായിരുന്നു അദ്ദേഹം.

നിര്‍ദിഷ്ട അളവില്‍ കുറഞ്ഞ ഭക്ഷണ സാധനങ്ങള്‍ വിറ്റതിനും അമിത വില ഈടാക്കിയതിനും പമ്പയിലെ രണ്ട് ഹോട്ടലുകളില്‍ നിന്ന് 10,000 രൂപ പിഴ ഈടാക്കി. പമ്പ ഡ്യൂട്ടി മജിസ്‌ട്രേറ്റ് എ.കെ. രമേശന്‍, എക്‌സിക്യുട്ടീവ് മജിസ്‌ട്രേട്ട് കെ. നവീന്‍ബാബു എന്നിവരുടെ നേതൃത്വത്തിലുള്ള സ്‌ക്വാഡാണ് പരിശോധന നടത്തി പിഴ ചുമത്തിയത്. പമ്പയിലും പരിസരങ്ങളിലുമുള്ള കടകളില്‍ സ്‌ക്വാഡ് പരിശോധന നടത്തി. 
    

ശബരിമല സന്നിധാനത്തെ അയ്യപ്പാ ഓഡിറ്റോറിയത്തില്‍ ഇന്ന് (20) രാവിലെ ഒന്‍പതു മുതല്‍ 11 വരെ തൃശൂര്‍ പഴഞ്ഞി അരുവായി വികെഎം കളരി സംഘത്തിലെ എം.ബി. വിനോദ് കുമാര്‍ ഗുരുക്കളും സംഘവും കളരിപ്പയറ്റ് അവതരിപ്പിക്കും. തുടര്‍ച്ചയായി ആറാം വര്‍ഷമാണ് ഇവര്‍ സന്നിധാനത്ത് കളരിപ്പയറ്റ് നടത്തുന്നത്. കളരി ഗുരുക്കള്‍ എം.ബി. വിനോദ് കുമാറിന്റെ നേതൃത്വത്തില്‍ ഇരുപതോളം വിദ്യാര്‍ഥികള്‍ അഭ്യാസങ്ങള്‍ കാഴ്ചവയ്ക്കും.

ശബരിമല ക്ഷേത്രത്തിലെ അയ്യപ്പാ ഓഡിറ്റോറിയത്തില്‍ ഭക്തജനങ്ങള്‍ക്ക് കലാപരിപാടികള്‍ അവതരിപ്പിക്കാന്‍ അവസരം. ഭജന, ഭക്തിഗാനമേള പോലുള്ള സംഗീത പരിപാടികളും ഭരതനാട്യം, കുച്ചുപ്പുടി പോലുള്ള നൃ്ത്തപരിപാടികളും അവതരിപ്പിക്കാം. ഇതിനു പുറമേ കളരിപ്പയറ്റ് പോലെയുള്ള ആയോധന കലകളും അവതരിപ്പിക്കാം.

സ്റ്റേജും ശബ്ദ സംവിധാനവും ദേവസ്വം ബോര്‍ഡ് സൗജന്യമായി നല്‍കും. കൂടുതല്‍ സൗകര്യങ്ങള്‍ ആവശ്യമുള്ളവര്‍ സ്വന്തം ചെലവില്‍ സജ്ജീകരിക്കണം. പരിപാടി അവതരിപ്പിക്കാന്‍ ആഗ്രഹിക്കുന്നവര്‍ ദേവസ്വം ബോര്‍ഡ് പിആര്‍ഒ മുരളി കോട്ടയ്ക്കകവുമായി ബന്ധപ്പെടണം. ഫോണ്‍: 04735-202048, 9446446464. 

ശബരിമല തീര്‍ഥാടകര്‍ ഇനി ആനയും പാമ്പും ഉള്‍പ്പെടെ വന്യജീവികളെ കണ്ട് പേടിക്കേണ്ട. ഇതിനു പുറമേ വനത്തില്‍ വഴി തെറ്റിയാലും സഹായത്തിനായി  24 മണിക്കൂറും പ്രവര്‍ത്തിക്കുന്ന വനം വകുപ്പിന്റെ കണ്‍ട്രോള്‍ റൂം നമ്പരില്‍ വിളിക്കുകയേ വേണ്ടു. വനപാലകര്‍ കുതിച്ചെത്തും. സഹായം ആവശ്യമുള്ള തീര്‍ഥാടകര്‍ക്ക് പമ്പയിലെയോ(04735-203492) സന്നിധാനത്തെയോ(04735-202077) കണ്‍ട്രോള്‍ റൂമുകളുമായി ബന്ധപ്പെടാം. പമ്പയിലും സന്നിധാനത്തും എലിഫന്റ് സ്‌ക്വാഡിനെയും പാമ്പ് പിടുത്ത സ്‌ക്വാഡിനെയും വിന്യസിച്ചിട്ടുണ്ട്. പമ്പയിലെ എലിഫന്റ് സ്‌ക്വാഡില്‍ വെറ്ററിനറി ഓഫീസര്‍ ഉള്‍പ്പെടെ 12 പേരുണ്ട്.

ശബരിമല: അയ്യപ്പദര്‍ശനത്തിനെത്തുന്നവര്‍ക്ക് ശരണപാതയില്‍ ദേവസ്വം ബോര്‍ഡിന്റെ ഔഷധ ജലവിതരണം സജീവം. ദിവസവും ശരാശരി ഒന്നേകാല്‍ ലക്ഷം ലിറ്റര്‍ ഔഷധ ജലമാണ് അയ്യപ്പന്മാര്‍ക്ക് നല്‍കുന്നത്. ചുക്ക്, പതിമുഖം, രാമച്ചം എന്നിവ ചേര്‍ത്ത് തയാറാക്കുന്ന കുടിവെള്ളം ദാഹശമനത്തോടൊപ്പം രോഗപ്രതിരോധത്തിനും ഉത്തമമാണ്. അന്തരീക്ഷത്തിലെ ചൂടും തണുപ്പുമൊന്നും വകവയ്ക്കാതെ ഭക്തിപൂര്‍വം മല കയറുന്നവര്‍ക്ക് ഈ ഔഷധ ജലം വലിയ ആശ്വാസമാണ്. നിലവില്‍ 52 ഇടങ്ങളിലാണ് വിതരണമുള്ളത്. 400 തൊഴിലാളികളെ ഇതിനായി നിയോഗിച്ചിട്ടുണ്ട്.