നിയമസഭാ തിരഞ്ഞെടുപ്പ്: വോട്ടെടുപ്പ് ഏപ്രിൽ ഒമ്പതിന്, വോട്ടെണ്ണൽ മെയ് നാലിന്

കണ്ണൂര്‍ ആയുര്‍വേദ കോളേജില്‍ ഒന്ന് വീതം പ്രൊഫസര്‍, അസി. പ്രൊഫസര്‍ തസ്തികകൾ

ആയുഷ് വകുപ്പില്‍ 10 തസ്തികകള്‍ സൃഷ്ടിച്ച് ഉത്തരവ് പുറപ്പെടുവിച്ചതായി ആരോഗ്യ വകുപ്പ് മന്ത്രി വീണാ ജോര്‍ജ്. കണ്ണൂര്‍ ആയുര്‍വേദ കോളേജില്‍ ഒരു പ്രൊഫസര്‍, ഒരു അസി. പ്രൊഫസര്‍ തസ്തികയും, തിരുവനന്തപുരം ഹോമിയോ മെഡിക്കല്‍ കോളേജില്‍ 4 അസി. പ്രൊഫസര്‍ തസ്തികകളും കോഴിക്കോട് ഹോമിയോ മെഡിക്കല്‍ കോളേജില്‍ 4 അസി. പ്രൊഫസര്‍ തസ്തികകളുമാണ് സൃഷ്ടിച്ചത്.

ഐക്യം ഊട്ടി ഉറപ്പിക്കാൻ 'റൺ ഫോർ യൂണിറ്റി 'എന്ന സന്ദേശവുമായി ജില്ലാ ഭരണകൂടവും ജില്ലാ ടൂറിസം പ്രൊമോഷൻ കൗൺസിലും കേന്ദ്ര ടൂറിസം മന്ത്രാലയം കൊച്ചി ഓഫീസും സംയുക്തമായി കനറ ബാങ്കിന്റെ സഹകരണത്തോടെ കണ്ണൂരിൽ ആറാമത് മിഡ് നൈറ്റ് യൂണിറ്റി റൺ സംഘടിപ്പിച്ചു 

പുരുഷൻമാർ മാത്രമുള്ള ടീം, സ്ത്രീകളും പുരുഷൻമാരുമുള്ള ടീം, യൂണിഫോം സർവീസിൽ ഉള്ളവരുടെ ടീം (മിലിട്ടറി/പോലീസ്/+ഫയർ ഫോഴ്‌സ് എക്‌സൈസ്, ഫോറസ്റ്റ്), സ്‌കൂൾ /കോളേജ് വിദ്യാർഥികൾക്കുള്ള ടീം, മുതിർന്ന പൗരൻമാരുടെ ടീം, സർക്കാർ ജീവനക്കാരുടെ ടീം എന്നീ വിഭാഗങ്ങളിൽ  5 പേർ അടങ്ങുന്ന ടീമുകളിലായി 
1000 ഓളം പേർ മിഡ് നൈറ്റ് റണ്ണിൽ പങ്കെടുത്തു. 

കണ്ണൂർ ജില്ലാ പഞ്ചായത്ത് വാർഷിക പദ്ധതിയിൽ ഉൾപ്പെടുത്തി നടപ്പിലാക്കുന്ന ഏച്ചൂർ നഗർ സമഗ്ര വികസന പദ്ധതിയുടെ പ്രവൃർത്തി ഉദ്ഘാടനം ജില്ലാ പഞ്ചായത്ത് പ്രസിഡണ്ട് അഡ്വ ബിനോയ് കുര്യൻ നിർവ്വഹിച്ചു. ജില്ലാ പഞ്ചായത്ത് വൈസ് പ്രസിഡണ്ട് ടി ശബ്ന അധ്യക്ഷത വഹിച്ചു.  

എടക്കാട് ബ്ലോക്ക് പഞ്ചായത്ത് പ്രസിഡണ്ട് കെ വി ബിജു മുഖ്യാതിഥിയായി. ജില്ലാ പഞ്ചായത്തിന്റെ 2025 -26  വാർഷിക പദ്ധതിയിൽ ഒരു കോടി രൂപ ചെലവഴിച്ചാണ് പട്ടികജാതി മേഖലയിൽ ഉൾപ്പെട്ട ഏച്ചൂർ നഗർ വിവിധ വികസന പദ്ധതികൾ നടപ്പിലാക്കുന്നത്. 

കൂത്തുപറമ്പ് സഹകരണ റൂറൽ ബാങ്കിന്റെ അഞ്ചരക്കണ്ടി കൊളത്തുമല ബ്രാഞ്ചിനായി നിർമ്മിച്ച കോ-ഓപ്പ് ടവറിന്റെയും കൊളത്തുമല ബ്രാഞ്ചിന്റെയും ഉദ്ഘാടനം മുഖ്യമന്ത്രി പിണറായി വിജയൻ നിർവഹിച്ചു. 

കോട്ടയം: തിരുവാർപ്പ് ഗ്രാമപഞ്ചായത്തിലെ അയ്യമ്മാത്ര–തുമ്പെകളം–തിരുവാർപ്പ് റോഡിന്റെ നിർമാണ പ്രവർത്തനങ്ങൾക്ക് തുടക്കമായി. സഹകരണം -തുറമുഖം-ദേവസ്വം വകുപ്പ് മന്ത്രി വി.എൻ. വാസവൻ നിർമാണോദ്ഘാടനം നിർവഹിച്ചു.
റോഡിന് സമീപം നടന്ന ചടങ്ങിൽ തിരുവാർപ്പ് ഗ്രാമപഞ്ചായത്ത് പ്രസിഡന്റ് ജയ സജിമോൻ അധ്യക്ഷത വഹിച്ചു.

ജില്ലാ കളക്ടറുടെ അധ്യക്ഷതയിൽ യോഗം ചേർന്നു

നിയമസഭ തിരഞ്ഞെടുപ്പ് പ്രഖ്യാപനത്തിന്റെ പശ്ചാത്തലത്തിൽ ജില്ലാ തിരഞ്ഞെടുപ്പ് ഓഫിസറായ ജില്ലാ കളക്ടർ സ്നേഹിൽ കുമാർ സിംഗിന്റെ അധ്യക്ഷതയിൽ തിരഞ്ഞെടുപ്പ് ഉദ്യോഗസ്ഥരുടെ യോഗം ഓൺലൈനായി ചേർന്നു. മാതൃകാ പെരുമാറ്റച്ചട്ടം കർശനമായി നടപ്പിലാക്കുന്നതിന്റെ ഭാഗമായി, പൊതു-സ്വകാര്യ ഇടങ്ങളിലെ അനധികൃത പ്രചാരണ സാമഗ്രികൾ നീക്കം ചെയ്യാൻ  ജില്ലാ കളക്ടർ നിർദ്ദേശം നൽകി. 

പിണറായി ഗ്രാമപഞ്ചായത്ത് പന്തക്കപ്പാറ ഗവ. ആയുർവേദ ആശുപത്രി ഉദ്ഘാടനം ചെയ്തു

കേരളത്തിലെ ആയുർവേദ പാരമ്പര്യം ലോകം ശ്രദ്ധിക്കുന്ന തരത്തിലേക്ക് ഉയർത്തുന്ന പ്രവർത്തനങ്ങളാണ് സംസ്ഥാന സർക്കാർ നടത്തിക്കൊണ്ടിരിക്കുന്നതെന്ന് മുഖ്യമന്ത്രി പിണറായി വിജയൻ പറഞ്ഞു. പിണറായി ഗ്രാമപഞ്ചായത്ത് പന്തക്കപാറയിൽ നിർമ്മിച്ച ഗവ. ആയുർവേദ ആശുപത്രിയുടെ പുതിയ മന്ദിരം ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി.