കൊട്ടാരക്കര താലൂക്ക് ആശുപത്രിയില്‍ പുതുതായി സ്ഥാപിച്ച സി ടി സ്‌കാന്‍  യൂണിറ്റ് ഇന്ന്(ജൂണ്‍ 9) രാവിലെ  10 ന് വീഡിയോ കോണ്‍ഫറന്‍സിങ്ങിലൂടെ ആരോഗ്യ വകുപ്പ് മന്ത്രി കെ കെ  ശൈലജ  ഉദ്ഘാടനം ചെയ്യും. ചടങ്ങില്‍ പി അയിഷാ  പോറ്റി എം എല്‍ എ അധ്യക്ഷയാകും. കൊടിക്കുന്നില്‍ സുരേഷ് എം പി വിശിഷ്ടാതിഥിയാകും.

തദ്ദേശ സ്വയംഭരണ സ്ഥാപന തിരഞ്ഞെടുപ്പിനുള്ള അന്തിമ വോട്ടര്‍പട്ടിക ജൂണ്‍ 17 ന് പ്രസിദ്ധീകരിക്കും. ജനുവരി 20 ന് കരടായി പ്രസിദ്ധീകരിച്ച വോട്ടര്‍ പട്ടിക സംബന്ധിച്ച് മാര്‍ച്ച് 16 വരെ ലഭിച്ച അപേക്ഷകളില്‍ തീര്‍പ്പാക്കാത്തവയുണ്ടെങ്കില്‍ കോവിഡ് പ്രോട്ടോകോള്‍ പാലിച്ച് ജൂണ്‍ 15 നകം പൂര്‍ത്തീകരിക്കും. ലഭിച്ച അപേക്ഷകള്‍ സംബന്ധിച്ച് എന്തെങ്കിലും രേഖകള്‍ (ഫോട്ടോ ഉള്‍പ്പടെ) ആവശ്യമായി വരുന്നപക്ഷം ജൂണ്‍ 11 വരെ അവ സമര്‍പ്പിക്കുന്നതിനുള്ള അവസരം വോട്ടര്‍മാര്‍ക്ക് ലഭിക്കും.
 (പി.ആര്‍.കെ നമ്പര്‍ 1587/2020)

കേരള ഓട്ടോമൊബൈല്‍ വര്‍ക്ക്‌ഷോപ്പ് തൊഴിലാളി ക്ഷേമനിധിയില്‍ അംശദായം 2020 സെപ്തംബര്‍ 30 വരെ ഒടുക്കാം. അംഗത്വം എടുത്ത് അംശദായം ഒടുക്കുന്നതില്‍ വീഴ്ച്ച വരുത്തിയ തൊഴിലാളികള്‍ക്ക് അവസരം ഉപയോഗപ്പെടുത്താം. വിശദ വിവരങ്ങള്‍ കോണ്‍ഗ്രസ് ഭവന് എതിര്‍വശത്തുള്ള ക്ഷേമനിധി ബോര്‍ഡ് ജില്ലാ ഓഫീസിലും 0474-2749334 നമ്പരിലും ലഭിക്കും.
(പി.ആര്‍.കെ നമ്പര്‍ 1586/2020)

ഭാരത് സേവക് സമാജ് കൊല്ലം ഹൈസ്‌കൂള്‍ ജംഗ്ഷന്‍-കോട്ടമുക്ക് റോഡിലുള്ള ബി എസ് എസ് ജില്ലാ സെന്ററില്‍ വിവിധ തൊഴില്‍ പരിശീലന കോഴ്‌സുകളിലേക്ക് വനിതകളില്‍ നിന്നും അപേക്ഷ ക്ഷണിച്ചു.

ക്ഷീരവികസന വകുപ്പ് മുഖേന മില്‍ക്ക് ഷെഡ് ഡെവലപ്‌മെന്റ് പദ്ധതി പ്രകാരം ഡയറി യൂണിറ്റുകള്‍, കറവയന്ത്രം, കാലിത്തൊഴുത്ത് നിര്‍മാണം, അവശ്യാധിഷ്ഠിത ധനസഹായം എന്നിവയ്ക്ക് അപേക്ഷ ക്ഷണിച്ചു. അപേക്ഷ ജൂണ്‍ 20 നകം ബ്ലോക്ക്തലത്തില്‍ പ്രവര്‍ത്തിക്കുന്ന ക്ഷീരവികസന യൂണിറ്റുകളില്‍ നല്‍കണം.
(പി.ആര്‍.കെ നമ്പര്‍ 1584/2020)

കോവിഡ് 19 ന്റെ രോഗവ്യാപന സാധ്യത കണക്കിലെടുത്ത് കൊല്ലം താലൂക്കില്‍ സര്‍വീസ് നടത്തുന്ന എല്ലാ ആംബുലന്‍സുകളുടെയും ഡ്രൈവര്‍ കാബിനും പാസഞ്ചര്‍ കാബിനും വേര്‍തിരിച്ച് ഏഴു ദിവസത്തിനും ആശ്രാമം മൈതാനത്ത് പരിശോധയ്ക്ക് ഹാജരാക്കണമെന്ന് ആര്‍ ടി ഒ അറിയിച്ചു.
(പി.ആര്‍.കെ നമ്പര്‍ 1583/2020)

திருவனந்தபுரம்,

Six new hotspots, total 150

കോളേജ് ഓഫ് അപ്ലൈഡ് സയൻസിൽ ഇലക്ട്രോണിക്സ് & മാത്തമാറ്റിക്സ് വിഭാഗത്തിലേക്ക് താൽക്കാലികാടിസ്ഥാനത്തിൽ ഗസ്റ്റ് അധ്യാപകരെ നിയമിക്കുന്നു. ഐ എച്ച് ആർ ഡി യുടെ കിഴിൽ കൊടുങ്ങല്ലൂർ എറിയാട് പ്രവർത്തിക്കുന്നതാണ് കോളേജ്. അഭിമുഖം 12.06.2020 ന് രാവിലെ 10.30 ന്. പിജിയും നെറ്റുമാണ് യോഗ്യത. ഉദ്യോഗാർത്ഥികൾ അസ്സൽ രേഖകൾ സഹിതം ഹാജരാകേണ്ടതാണ്. കൂടുതൽ വിവരങ്ങൾക്ക് ബന്ധപ്പെടുക 0480 2816270.