കണ്ണൂര്‍ പറശിനിക്കടവ് എം.വി.ആര്‍ ആയുര്‍വേദ മെഡിക്കല്‍ കോളേജില്‍ കേരള ആരോഗ്യ സര്‍വകലാശാല (KUHS) അംഗീകരിച്ച 2017 -18 വര്‍ഷത്തെ ബി.എസ്.സി നേഴ്‌സിംഗ്(ആയുര്‍വേദം), ബി.ഫാം (ആയുര്‍വേദം) കോഴ്‌സുകളിലേക്കുളള പ്രവേശനത്തിന്റെ മൂന്നാംഘട്ട അലോട്ട്‌മെന്റ്  www.lbscentre.in  എന്ന വെബ്‌സൈറ്റില്‍ പ്രസിദ്ധീകരിച്ചു.  അപേക്ഷകര്‍ വെബ്‌സൈറ്റില്‍ നിന്നും പ്രിന്റൗട്ടെടുത്ത അലോട്ട്‌മെന്റ് മെമ്മോയും ഒറിജിനല്‍ സര്‍ട്ടിഫിക്കറ്റുകളും സഹിതം നവംബര്‍ 23നകം കോളേജില്‍ ഹാജരായി നിര്‍ദിഷ്ട ഫീസ് അടച്ച് പ്രവേശനം നേടണം.  ഫോണ്‍: 0471 2560361, 2560362.

പി.എന്‍.എക്‌സ്.4957/17

Shri P. Sathasivamji, Hon’ble Governor of Kerala; Smt. J. Mercykutty Amma Hon’ble Minister for Fisheries, Harbour Engineering & Cashew Industry, Govt. of Kerala; Prof. K.V. Thomas, Member of Parliament; Dr. T. Mohapatra, Secretary, DARE and Director General, ICAR; Dr. J.K. Jena,Chairman, Asian fisheries Society Indian branch (AFSIB); Dr. C.N. Ravishankar, All Invited Guests, Delegates of the Conference, Representatives from the Press & Media; and brothers and sisters, Namasthe!

* ക്ഷേമനിധി ആനുകൂല്യങ്ങള്‍ പടിപടിയായി വര്‍ധിപ്പിക്കും
    ഇ-പേയ്‌മെന്റ്, ഇ-സ്റ്റാമ്പിംഗ് ഉള്‍പ്പെടെയുള്ള കാലത്തിനനുസരിച്ച മാറ്റങ്ങളിലൂടെ ക്രമക്കേടുകള്‍ കുറയ്ക്കാനായതായി രജിസ്‌ട്രേഷന്‍-പൊതുമരാമത്ത് വകുപ്പ് മന്ത്രി ജി. സുധാകരന്‍ പറഞ്ഞു. 
    ആധാരമെഴുത്ത്, പകര്‍പ്പെഴുത്ത്, സ്റ്റാമ്പ് വെണ്ടര്‍ ക്ഷേമനിധി അംഗങ്ങള്‍ക്ക് വര്‍ധിപ്പിച്ച ആനുകൂല്യങ്ങളുടെ വിതരണത്തിന്റെയും, ലൈസന്‍സികളുടെ തിരിച്ചറിയല്‍ കാര്‍ഡ് വിതരണത്തിന്റെയും സംസ്ഥാനതല ഉദ്ഘാടനം നിര്‍വഹിച്ചുസംസാരിക്കുകയായിരുന്നു അദ്ദേഹം.

വിനോദ സഞ്ചാര വകുപ്പിനു കീഴിലുള്ള മുസിരിസ് പൈതൃക പദ്ധതിക്കു വേണ്ടി സി-ഡിറ്റ് തയ്യാറാക്കിയ ഞാന്‍ മുഹമ്മദ് അബ്ദുള്‍ റഹ്മാന്‍ എന്ന വിഡിയോ ഡോക്യുമെന്ററി മുഖ്യമന്ത്രി പിണറായി വിജയന്‍ പ്രകാശനം ചെയ്തു. 

തൊഴിലിടങ്ങളില്‍ സ്ത്രീകള്‍ക്ക് നേരേയുള്ള ലൈംഗികാതിക്രമം സംബന്ധിച്ച 2013 ലെ നിയമത്തിന്റെ അടിസ്ഥാനത്തില്‍ ലോക്കല്‍, ഇന്റേണല്‍ പരാതി കമ്മിറ്റികള്‍ രൂപീകരിച്ചതിന്റെ വിശദാംശങ്ങള്‍ നിശ്ചിത പ്രൊഫോര്‍മയില്‍ തയ്യാറാക്കി സാമൂഹ്യനീതി വകുപ്പ് ഡയറക്ടര്‍ക്ക് നല്‍കണമെന്ന് വകുപ്പ് സ്‌പെഷ്യല്‍ സെക്രട്ടറി നിര്‍ദേശിച്ചു.  സാമൂഹ്യ നീതി വകുപ്പിനെ നിയമം നടപ്പാക്കുന്നതിനുള്ള നോഡല്‍ ഏജന്‍സിയായി സര്‍ക്കാര്‍ നേരത്തെ നിയോഗിച്ചിരുന്നു.

പി.എന്‍.എക്‌സ്.4954/17

പാലക്കാട് മെഡിക്കല്‍ കോളേജിലെ അനധ്യാപക തസ്തികകളില്‍ അന്യത്രസേവനം വഴി യോഗ്യരായ ജീവനക്കാരെ നിയമിക്കും. ജൂനിയര്‍ സൂപ്രണ്ട്, കോണ്‍ഫിഡന്‍ഷ്യല്‍ അസിസ്റ്റന്റ്, എസ്റ്റാബ്ലിഷ്‌മെന്റ് എല്‍.ഡി. ക്ലര്‍ക്ക്, അക്കാദമിക് എല്‍.ഡി. ക്ലര്‍ക്ക്, പര്‍ച്ചേസ് എല്‍.ഡി ക്ലര്‍ക്ക്, സെന്‍ട്രല്‍ സ്റ്റോര്‍ എല്‍.ഡി ക്ലര്‍ക്ക്, അക്കൗണ്ട് എല്‍.ഡി ക്ലര്‍ക്ക്, ടെപ്പിസ്റ്റ് (ഇംഗ്ലീഷ്/മലയാളം), ഓഫീസ് അറ്റന്‍ഡന്റ് തസ്തികകളിലാണ് നിയമനം.

പി.എന്‍.എക്‌സ്.4953/17

ലോക തണ്ണീര്‍ത്തട ദിനാഘോഷവുമായി ബന്ധപ്പെട്ട് ഫെബ്രുവരി രണ്ടിന് നടത്തുന്ന പരിപാടികള്‍ക്ക് സാമ്പത്തിക സഹായം ലഭിക്കുന്നതിന് സംസ്ഥാനത്തെ സര്‍ക്കാര്‍-എയ്ഡഡ് കോളേജുകള്‍, യൂണിവേഴ്‌സിറ്റി വകുപ്പുകള്‍, ഗവേഷണ സ്ഥാപനങ്ങള്‍, തണ്ണീര്‍ത്തടങ്ങളുമായി ബന്ധപ്പെട്ട് പ്രവര്‍ത്തിക്കുന്ന സന്നദ്ധ സംഘടനകള്‍ എന്നിവയില്‍ നിന്നും കേരള സംസ്ഥാന ശാസ്ത്ര സാങ്കേതിക പരിസ്ഥിതി കൗണ്‍സില്‍ അപേക്ഷ ക്ഷണിച്ചു. ഈ വര്‍ഷത്തെ മുഖ്യവിഷയമായ 'നഗരങ്ങളുടെ സുസ്ഥിര ഭാവിക്കായി തണ്ണീര്‍ത്തടങ്ങള്‍' എന്നതിനെ ആസ്പദമാക്കിയാണ് പരിപാടികള്‍ ആസൂത്രണം ചെയ്യേണ്ടത്. കൂടുതല്‍ വിവരങ്ങളും അപേക്ഷയും www.kscste.kerala.gov.in ല്‍ ലഭിക്കും.

ലോകപൈതൃക വാരാഘോഷങ്ങളോടനുബന്ധിച്ച് മ്യൂസിയത്തിലെ കരുതല്‍ ശേഖരത്തില്‍ സൂക്ഷിക്കുന്ന അപൂര്‍വ്വങ്ങളായ ലോഹ നിര്‍മ്മിത എണ്ണവിളക്കുകളുടെ പ്രത്യേക പ്രദര്‍ശനം തിരുവനന്തപുരം ആര്‍ട്ട് (നേപ്പിയര്‍) മ്യൂസിയത്തില്‍ ഇന്ന് (22) ആരംഭിക്കും.  ഉച്ചയ്ക്ക് രണ്ട്  മുതല്‍ നവംബര്‍ 25 വൈകിട്ട് 5  വരെയാണ് പ്രദര്‍ശനം.

സംസ്ഥാന ഹോര്‍ട്ടിക്കള്‍ച്ചര്‍ മിഷന്‍-കേരള മുഖാന്തരം നടപ്പിലാക്കുന്ന മിഷന്‍ ഫോര്‍ ഇന്റഗ്രേറ്റഡ് ഡെവലപ്‌മെന്റ് ഓഫ് ഹോര്‍ട്ടിക്കള്‍ച്ചര്‍ പദ്ധതിയില്‍ ഉള്‍പ്പെടുത്തി വിജയകരമായ സാങ്കേതികവിദ്യ നടപ്പാക്കുന്നതിന് പൊതുമേഖലയിലുള്ള ഫാമുകള്‍ക്ക് യൂണിറ്റൊന്നിന് 25 ലക്ഷം രൂപയും, കര്‍ഷകര്‍ക്ക് 18.75 ലക്ഷം രൂപയും ധനസഹായം നല്‍കും.

താത്പര്യമുള്ള കര്‍ഷകര്‍, കര്‍ഷക കൂട്ടായ്മകള്‍, സന്നദ്ധ സംഘടനകള്‍, സര്‍ക്കാര്‍ - സര്‍ക്കാരിതര സ്ഥാപനങ്ങള്‍, ഫാമുകള്‍ എന്നിവര്‍ ഇതിനായുള്ള പ്രോജക്ടുകള്‍ ബന്ധപ്പെട്ട കൃഷിഭവന്‍ മുഖേന പ്രിന്‍സിപ്പല്‍ കൃഷി ഓഫീസിലെ കൃഷി ഡെപ്യൂട്ടി ഡയറക്ടര്‍ (എച്ച്) മുമ്പാകെ സമര്‍പ്പിക്കണം.

സ്‌കോള്‍ കേരള മുഖേന 2017-19 ബാച്ചിലേക്കുള്ള ഹയര്‍സെക്കണ്ടറി കോഴ്‌സിന്റെ ഒന്നാം വര്‍ഷ പ്രവേശനത്തിനുളള അപേക്ഷയോടൊപ്പം വിദ്യാര്‍ഥികള്‍ സമര്‍പ്പിച്ച അസല്‍ യോഗ്യതാ സര്‍ട്ടിഫിക്കറ്റുകള്‍ സൂക്ഷ്മ പരിശോധനയ്ക്ക് ശേഷം വിദ്യാര്‍ത്ഥികളുടെ മേല്‍വിലാസത്തിലേക്ക് സ്പീഡ് പോസ്റ്റ് മാര്‍ഗം തിരിച്ചയച്ചിട്ടുണ്ട്.  ഇപ്രകാരം സര്‍ട്ടിഫിക്കറ്റുകള്‍ തിരികെ ലഭിക്കാത്തവര്‍ ഡിസംബര്‍ 10-നകം സ്‌കോള്‍ കേരളയുടെ സംസ്ഥാന ഓഫീസില്‍ രേഖാമൂലം അറിയിക്കേണ്ടതാണെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു.

പി.എന്‍.എക്‌സ്.4949/17