കൊച്ചി: സമഗ്ര ആരോഗ്യ ഇന്‍ഷുറന്‍സില്‍ അംഗമല്ലാത്ത മത്സ്യത്തൊഴിലാളികള്‍ക്ക് പദ്ധതിയില്‍ ചേരുന്നതിനുളള തീയതി നവംബര്‍ 20 വരെ ദീര്‍ഘിപ്പിച്ചു. എറണാകുളം ഫിഷറീസ് ഡപ്യൂട്ട#ി ഡയറക്ടര്‍ (മേഖല) ഓഫീസിലോ, അടുത്തുളള അക്ഷയ സെന്ററുകളിലോ മത്സ്യത്തൊഴിലാളി  ക്ഷേമിനിധി പാസ്ബുക്ക്, റേഷന്‍കാര്‍ഡ്, ആധാര്‍ കാര്‍ഡ് എന്നിവ സഹിതം എത്തിച്ചേരേതാണ്. കൂടുതല്‍ വിവരങ്ങള്‍ക്ക് ഫോണ്‍ 0484-2394476.

കൊച്ചി: മൂവാറ്റുപുഴ ബ്ലോക്ക് പഞ്ചായത്തിന്റെ 2017-18 വാര്‍ഷിക പദ്ധതിയില്‍ ഉള്‍പ്പെടുത്തി ശിശു വികസന പദ്ധതി ഓഫീസറുടെ ഓഫീസിലേക്ക് കമ്പ്യൂട്ടറുകളും അനുബന്ധ ഉപകരണങ്ങളും വാങ്ങുന്നതിന് അംഗീകൃത സ്ഥപനങ്ങളില്‍  നിന്നും മത്സര സ്വഭാവമുളള മുദ്രവച്ച ടെന്‍ഡറുകള്‍ ക്ഷണിച്ചു. അവസാന തീയതി നവംബര്‍  24-ന് വൈകിട്ട് മൂന്നു വരെ. കൂടുതല്‍ വിവരങ്ങള്‍ക്ക് ഫോണ്‍ 8281999194, 0485-2814205.

കൊച്ചി: എറണാകുളം ജില്ലയില്‍ എടവനക്കാട് ഇല്ലത്ത് പടിയില്‍ പ്രവര്‍ത്തിക്കുന്ന ഡിമെന്‍ഷ്യ മുഴുവന്‍ സമയപരിചരണ കേന്ദ്രത്തിലെ താമസക്കാരായിട്ടുളളവരുടെ പരിചരണത്തിനായി ഒരു താത്കാലിക ഫീമെയില്‍ നഴ്‌സിനെ ആവശ്യമുണ്ട്. യോഗ്യത ബി.എസ്.സി/ജി.എന്‍.എം പാസായിരിക്കണം. കൂടാതെ ഡിമെന്‍ഷ്യ പരിചരണത്തില്‍ മുന്‍പരിചയം. താത്പര്യമുളളവര്‍ നവംബര്‍ 21-ന് രാവിലെ 10.30-ന് കാക്കനാട് കളക്ടറേറ്റിലുളള ജില്ലാ സാമൂഹ്യനീതി ഓഫീസില്‍ നടത്തുന്ന വാക്-ഇന്‍-ഇന്റര്‍വ്യൂവില്‍ പങ്കെടുക്കണം.

കൊച്ചി: ജില്ലയിലെ പട്ടികവര്‍ഗ വിഭാഗത്തില്‍പ്പെട്ടവരും വിവിധ കോളേജുകളില്‍ എഞ്ചിനീയറിംഗ് കോഴ്‌സിന് പ്രവേശനം ലഭിച്ച് പഠനം നടത്തുന്നവരും വിവിധ കാരണങ്ങള്‍ കൊണ്ട് പഠനം പൂര്‍ത്തിയാക്കുവാന്‍ കഴിയാത്തവരും, പരീക്ഷയില്‍ പരാജയപ്പെട്ടവരും ആയ വിദ്യാര്‍ഥികള്‍ക്ക് പ്രത്യേക വിദഗ്ധ പരിശീലനം സൗജന്യമായി നല്‍കി എഞ്ചിനീയറിംഗ് കോഴ്‌സ് വിജയകരമായി പൂര്‍ത്തിയാക്കുവാനുളള അക്കാദമിക് പിന്തുണ നല്‍കുവാന്‍ സമുന്നതി എന്ന പദ്ധതിയിലൂടെ പട്ടികവര്‍ഗ വികസന വകുപ്പ് ഉദ്ദേശിക്കുന്നു.

കൊച്ചി: ദേശീയ ആരോഗ്യ ദൗത്യത്തിന്റെയും ജില്ലാ പ്രാരംഭ ഇടപെടല്‍ കേന്ദ്രത്തിന്റെയും ആഭിമുഖ്യത്തില്‍ വാത്സല്യം കുട്ടികളുടെയും രക്ഷിതാക്കളുടെയും കൂട്ടായ്മ സംഘടിപ്പിച്ചു. കൊച്ചി കോര്‍പ്പറേഷന്‍ ആരോഗ്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ അഡ്വ വികെ മിനിമോള്‍ ഉദ്ഘാടനം ചെയ്തു.

ഭിന്നശേഷിയുള്ള കുട്ടികള്‍ക്ക്  അവരുടെ ശാരീരികവും മാനസികവുമായ പ്രശ്‌നങ്ങള്‍ നന്നേ ചെറുപ്പത്തിലെ തിരിച്ചറിഞ്ഞ് ലഘൂകരിക്കനും അവര്‍ക്ക് സാധാരണ ജീവിതം സാധ്യമാക്കാനാവുമെന്ന് അവര്‍ പറഞ്ഞു.

    മ്യൂസിയം - നന്ദന്‍കോട് - ദേവസ്വം ബോര്‍ഡ് റോഡില്‍ ടാറിംഗ് പണികള്‍ നടക്കുന്നതിനാല്‍ ഇന്ന് (നവംബര്‍ 19) രാവിലെ ആറ് മുതല്‍ വൈകിട്ട് ഏഴ് വരെ ഗതാഗതം തടസ്സപ്പെടും.  ഇതുവഴി പോകേണ്ട വാഹനങ്ങള്‍ വെള്ളയമ്പലം രാജ് ഭവന്‍ വഴിയോ പി.എം.ജി - നന്ദന്‍കോട് - വൈ.എം.ആര്‍. റോഡ് വഴിയോ പോകണമെന്ന് പി.ഡബ്ല്യൂ.ഡി സിറ്റി റോഡ്‌സ് വിഭാഗം അസി. എന്‍ജിനീയര്‍ അറിയിച്ചു.   
(പി.ആര്‍.പി 1902/2017)

     അദാലത്തുകളിലെത്തുന്ന അപേക്ഷകള്‍ ക്രമംതെറ്റിയും വഴിമാറിയും നഷ്ടപ്പെട്ടുപോകുന്ന അവസ്ഥയ്ക്ക് പരിഹാരമായി ജില്ലാ കളക്ടറുടെ ചിറയിന്‍കീഴ് താലൂക്കിലെ പരാതി പരിഹാര വേദി.  വേദിയിലെത്തിയ മുഴുവന്‍ അപേക്ഷകളും ഓണ്‍ലൈനായി സ്വീകരിക്കുകയും വിവിധ വകുപ്പുകള്‍ക്ക് കൈമാറുകയും ചെയ്തു.  അപേക്ഷകള്‍ സ്വീകരിച്ച മാത്രയില്‍ അപേക്ഷകന്റെ ഫോണിലേയക്ക് നമ്പറുള്‍പ്പെടെയുള്ള എസ്.എം.എസ്. അലര്‍ട്ട് ലഭ്യമാക്കി.  അപേക്ഷയുടെ തുടര്‍ഗതി ഇതേ രീതിയില്‍ തന്നെ അപേക്ഷകനെ അറിയിക്കാനും സംവിധാനം ഒരുക്കിയിട്ടുണ്ട്.  

    ദേവികുളം താലൂക്കിന് അനുവദിച്ച ജനമൈത്രി എക്‌സൈസ് സ്‌ക്വാഡ് ഓഫീസിന്റെ ഉദ്ഘാടനം തിങ്കളാഴ്ച ( നവം.20) ഉച്ചക്ക് 2ന് അടിമാലിയില്‍ എക്‌സൈസ്- തൊഴില്‍ വകുപ്പ് മന്ത്രി ടി.പി രാമകൃഷ്ണന്‍ നിര്‍വഹിക്കും. വൈദ്യുതി വകുപ്പ് മന്ത്രി എം.എം മണി അധ്യക്ഷത വഹിക്കും. ജോയ്‌സ് ജോര്‍ജ്ജ് എം.പി, എസ്.രാജേന്ദ്രന്‍ എം.എല്‍.എ, ജില്ലാ പഞ്ചായത്ത് പ്രസിഡന്റ് കൊച്ചുത്രേസ്യ പൗലോസ്, ജില്ലാകലക്ടര്‍ ജി.ആര്‍. ഗോകുല്‍, ജില്ലാ പോലീസ് മേധാവി കെ.ബി വേണുഗോപാല്‍ അഡീഷണല്‍ എക്‌സൈസ് കമ്മീഷണര്‍ എ.വി. ജയന്‍, ജോയിന്റ് എക്‌സൈസ് കമ്മീഷണര്‍ പി.കെ. മനോഹരന്‍, ത്രിതല പഞ്ചായത്ത് പ്രതിനിധികള്‍ തുടങ്ങിയവര്‍ പങ്കെടുക്കും.