കോവിഡ് 19 നെതിരായ കേരളത്തിന്റെ പോരാട്ടം വ്യക്തമാക്കുന്ന 'കോവിഡിനോട് പൊരുതി ജയിക്കുന്ന കേരളം' എന്ന പുസ്തകത്തിന്റെ ജില്ലാതല പ്രകാശനം കോഴിക്കോട് ജില്ലാ പഞ്ചായത്ത് പ്രസിഡന്റ് ബാബു പറശ്ശേരി ജില്ലാ മെഡിക്കല്‍ ഓഫീസര്‍ ഡോ. വി ജയശ്രീക്ക് കൈമാറികൊണ്ട്  സിവില്‍ സ്റ്റേഷനില്‍ നിര്‍വഹിച്ചു.

സംസ്ഥാന മോട്ടോര്‍ തൊഴിലാളി ക്ഷേമനിധി ബോര്‍ഡ് അംഗങ്ങള്‍ക്ക് പ്രഖ്യാപിച്ചിട്ടുളള കോവിഡ്-19 ധനസഹായത്തിനുളള അപേക്ഷ സമര്‍പ്പിക്കുവാനുളള തീയതി  ആഗസ്റ്റ് 31 വരെ ദീര്‍ഘിപ്പിച്ചതായി  ജില്ലാ എക്സിക്യൂട്ടീവ് ആഫീസര്‍ അറിയിച്ചു.

 താമരശ്ശേരി കൃഷിഭവന്റെ നേതൃത്വത്തില്‍ ഞാറ്റുവേലച്ചന്ത സംഘടിപ്പിച്ചു.  വിവിധയിനം നടീല്‍വസ്തുക്കളും ജൈവ ഉല്‍പ്പാദനോപാധികളും കര്‍ഷകര്‍ക്ക് നേരിട്ടു വാങ്ങാന്‍ സൗകര്യമൊരുക്കി  ഇക്കോ ഷോപ്പുമായി സഹകരിച്ച് കൃഷിഭവന്‍ പരിസരത്താണ് ചന്ത നടത്തിയത്.    താമരശ്ശേരി ഗ്രാമപഞ്ചായത്ത് പ്രസിഡന്റ് ഹാജറ കൊല്ലരുകണ്ടി ഉദ്ഘാടനം ചെയ്തു. കര്‍ഷകനില്‍ നിന്നും പോളിസിക്കുള്ള അപേക്ഷ വാങ്ങി, വിള ഇന്‍ഷുറന്‍സ് ദിനാചരണത്തിന്റെ ഉദ്ഘാടനവും പ്രസിഡന്റ് നിര്‍വഹിച്ചു.  

കൊല്ലം കോര്‍പ്പറേഷനിലെ രായരു ജംഗ്ഷനിലെ മാവേലി സ്റ്റോര്‍ പാലത്തറയിലെ എന്‍ എസ് ആശുപത്രിയ്ക്ക് സമീപമുള്ള പുതിയ കെട്ടിടത്തിലേക്ക് മാറ്റി സ്ഥാപിക്കുന്നു. മാവേലി സ്റ്റോറിന്റെ പ്രവര്‍ത്തനം നാളെ(ജൂണ്‍ 3) രാവിലെ 11 ന് ഭക്ഷ്യപൊതുവിതരണ വകുപ്പ് മന്ത്രി പി തിലോത്തമന്‍ വീഡിയോ കോണ്‍ഫറന്‍സിംഗിലൂടെ നിര്‍വഹിക്കും.
മേയര്‍ ഹണി ബഞ്ചമിന്‍, എം നൗഷാദ് എം എല്‍ എ, കൗണ്‍സിലര്‍ എസ് ആര്‍ ബിന്ദു തുടങ്ങിയവര്‍ പങ്കെടുക്കും.

തെ•ല ഗ്രാമപഞ്ചായത്തിലെ ഏഴാം വാര്‍ഡ് കണ്ടയിന്‍മെന്റ് സോണ്‍ ആയി നിശ്ചയിച്ച് ജില്ലാ ദുരന്ത നിവാരണ അതോറിറ്റി ചെയര്‍മാന്‍ കൂടിയായ ജില്ലാ കലക്ടര്‍ ബി അബ്ദുല്‍ നാസര്‍ ഉത്തരവായി.
കുളത്തൂപ്പുഴ ഗ്രാമപഞ്ചായത്തിലെ ഇ എസ് എം കോളനി(വാര്‍ഡ് നാല്), റോഡ്മല(5), അമ്പതേക്കര്‍(6), അമ്പലം(7), ചോഴിയക്കോട്(8), ആര്യങ്കാവ് ഗ്രാമപഞ്ചായത്തിലെ അച്ചന്‍കോവില്‍ ക്ഷേത്രം(1), അച്ചന്‍കോവില്‍(2) എന്നിവിടങ്ങളില്‍ നിലവിലുള്ള ഹോട്ട് സ്‌പോട്ട് നിയന്ത്രണങ്ങളും പിന്‍വലിച്ചു.

കോവിഡ് പ്രതിരോധത്തില്‍ ജില്ല ഏറെ മുന്നിലാണെന്ന് മന്ത്രി ജെ മേഴ്‌സിക്കുട്ടിയമ്മ. ജില്ലയിലെ ആദ്യത്തെ കൊറോണ പ്രാഥമിക ചികിത്സാ കേന്ദ്രം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു മന്ത്രി.
കോവിഡ് പ്രതിരോധത്തിന് ജില്ലയില്‍ നടപ്പാക്കിയ പ്രതിരോധ നിയന്ത്രണ ചികിത്സാ സംവിധാനങ്ങള്‍ വിലയിരുത്തുകയും അവ യഥാസമയം പ്രയോഗികമാക്കി ജനങ്ങളുടെ ആത്മവിശ്വാസം ഉയര്‍ത്തുകയും അവരെ ജാഗ്രതയുള്ളവരാക്കി മാറ്റുന്നതിന് ജില്ലാ ഭരണകൂടവും ആരോഗ്യവകുപ്പും കൈക്കൊണ്ട നടപടികളുടെ തുടര്‍ച്ചയായാണ് കൊറോണ ഫസ്റ്റ് ലൈന്‍ ട്രീറ്റ്‌മെന്റ് സെന്റര്‍ ആരംഭിക്കുന്നത്.

ഫര്‍ണിച്ചര്‍ മാനുഫാക്‌ച്ചേഴ്‌സ് ആന്റ് മര്‍ച്ചന്റ്‌സ് വെല്‍ഫെയര്‍ അസോസിയേഷന്‍ കൊല്ലം ജില്ലാ ഘടകത്തിന്റെ കോവിഡ് സാന്ത്വന പ്രവര്‍ത്തനങ്ങളുടെ ജില്ലാതല ഉദ്ഘാടനം എം മുകേഷ് എം എല്‍ എ നിര്‍വഹിച്ചു.

ഭാഗ്യക്കുറി ഏജന്റുമാരുടെയും വില്‍പ്പനക്കാരുടെയും ക്ഷേമനിധി ബോര്‍ഡിലെ 2015 ഏപ്രില്‍ മുതല്‍ അംശദായം മുടങ്ങി അംഗത്വം റദ്ദായ അംഗങ്ങള്‍ക്ക് അംഗത്വം പുനസ്ഥാപിക്കുന്നതിനുള്ള തീയതി ജൂലൈ 10 വരെ നീട്ടി. 2020 ജൂലൈ 10 വരെ പുതിയ അംഗത്വം എടുക്കുന്നവര്‍ക്കും അംഗത്വം പുനസ്ഥാപിക്കുന്നവര്‍ക്കും ഭാഗ്യ കൂപ്പണിന് അര്‍ഹത ലഭിക്കും. ഭാഗ്യ കൂപ്പണ്‍ വിതരണം ജില്ലാ ഭാഗ്യക്കുറി ക്ഷേമനിധി ഓഫീസ് മുഖേന ജൂലൈ 20 വരെ നടത്തും.