പേരാവൂര്‍ താലൂക്ക് ആശുപത്രിയുടെ സമഗ്ര വികസനത്തിന് ആദ്യഘട്ടമായി കിഫ്ബിയില്‍ നിന്നും  22.16 കോടി രൂപയുടെ സാമ്പത്തികാനുമതി ലഭ്യമാക്കിയതായി ആരോഗ്യ വകുപ്പ് മന്ത്രി കെ കെ ശൈലജ ടീച്ചര്‍ അറിയിച്ചു.  പേരാവൂര്‍ ആശുപത്രിയുടെ നിലവാരം മെച്ചപ്പെടുത്തുന്നതിലൂടെ മലയോര മേഖലയിലെ ജനങ്ങളുടെ ആരോഗ്യ സുരക്ഷിതത്വം ഉറപ്പ് വരുത്തുകയെന്നതാണ് സര്‍ക്കാര്‍ ലക്ഷ്യമിടുന്നതെന്നും  മന്ത്രി പറഞ്ഞു.

കൊവിഡ് രോഗത്തിന്റെ ഭാഗമായി വിദേശ രാജ്യങ്ങളില്‍ നിന്നും ഇതര സംസ്ഥാനങ്ങളില്‍ നിന്നുമായി കണ്ണൂര്‍ ജില്ലയിലേക്ക്  ഇതുവരെ മടങ്ങിയെത്തിയത് 41916 പ്രവാസികള്‍. വിമാനത്തിലും റെയില്‍, റോഡ് മാര്‍ഗങ്ങളിലുമായി ജൂലൈ ഒന്ന് വരെ ജില്ലയിലേക്ക് എത്തിയവരുടെ കണക്കാണിത്. വിദേശ രാജ്യങ്ങളില്‍ നിന്ന് ഇതിനകം എത്തിയത് 16735 പേരാണ്. ഇതര സംസ്ഥാനങ്ങളില്‍ നിന്നായി മടങ്ങിയെത്തിയത് 25181 പേരും. നോര്‍ക്കയിലും കൊവിഡ് ജാഗ്രത പോര്‍ട്ടലിലും രജിസ്റ്റര്‍ ചെയ്ത് എത്തിയവരാണ് ഇത്.

കേരള മോട്ടോര്‍ തൊഴിലാളി ക്ഷേമപദ്ധതിയിലെ അംഗങ്ങള്‍ക്ക് അനുവദിച്ചിട്ടുള്ള കോവിഡ് 19 ധനസഹായത്തിന് അപേക്ഷിക്കുന്ന തീയതി ആഗസ്റ്റ് 31 വരെ നീട്ടി. 

പത്തനംതിട്ട നഗരസഭ പരിധിയില്‍ സ്ഥിരതാമസക്കാരായ ക്ഷീരകര്‍ഷകര്‍ക്ക് തീറ്റപ്പു ല്‍ കൃഷി പദ്ധതിക്ക് അപേക്ഷിക്കാം. ഒരു യൂണിറ്റിന് 50 സെന്റ് ഭൂമിയെങ്കിലും ഉണ്ടായിരിക്കണം. കരം അടച്ച രസീത്, ആധാര്‍ കാര്‍ഡിന്റെ പകര്‍പ്പ്, ബാങ്ക് പാസ്ബുക്കിന്റെ പകര്‍പ്പ് എന്നിവ സഹിതമുള്ള അപേക്ഷ ജൂലൈ 10ന് വൈകിട്ട് മൂന്നിനകം ജില്ലാ വെറ്ററിനറി കേന്ദ്രത്തില്‍ നല്‍കണം.

കേന്ദ്ര-സംസ്ഥാന സര്‍ക്കാരുകളുടെ വിവിധ പദ്ധതികള്‍ക്കുള്ള ആനുകൂല്യങ്ങള്‍ എത്തിക്കുന്നതിനും ധനകാര്യ സ്ഥാപനങ്ങളില്‍ നിന്നുള്ള സഹായങ്ങള്‍ ലഭ്യമാക്കുന്നതിനും പശു, ആട്, പന്നി, കോഴി വളര്‍ത്തല്‍ മേഖലകളില്‍  പ്രവര്‍ത്തിക്കുന്നവര്‍ കിസാന്‍ ക്രെഡിറ്റ് കാര്‍ഡ് എടുക്കണമെന്ന് ചീഫ് വെറ്ററിനറി ഓഫീസര്‍ അറിയിച്ചു. 

പത്തനംതിട്ട നഗരസഭ പരിധിയില്‍ കിസാന്‍ ക്രെഡിറ്റ് കാര്‍ഡുള്ള ക്ഷീരകര്‍ഷകര്‍ അതിന്റെ പകര്‍പ്പ് ജൂലൈ 10ന് വൈകിട്ട് മൂന്നിനകം ജില്ലാ വെറ്ററിനറി കേന്ദ്രത്തില്‍ നല്‍കണം.

1. ജൂണ്‍ 21 ന് കോവിഡ് സ്ഥിരീകരിച്ച തൊടുപുഴ സ്വദേശിയായ ഡ്രൈവര്‍

2. തമിഴ്നാട് നിന്നെത്തി ജൂണ്‍ 16 ന് കോവിഡ് സ്ഥിരീകരിച്ച ഉടുമ്പന്നൂര്‍ സ്വദേശി.