കൈത്തറി വസ്ത്ര പ്രചരണത്തിന്റെ ഭാഗമായി  കൈത്തറി & ടെക്‌സ്റ്റൈല്‍ വകുപ്പും  ജില്ലാ വ്യവസായ കേന്ദ്രവും സംയുക്തമായി സ്‌കൂള്‍ വിദ്യാര്‍ത്ഥികള്‍ക്ക് എല്‍ പി, യു പി, ഹൈസ്‌കൂള്‍ വിഭാഗങ്ങളിലായി ചിത്രരചനാ മത്സരം നടത്തുന്നു.  

എല്‍ പി വിഭാഗത്തില്‍ ക്രയോണ്‍സും യു പി, ഹൈസ്‌കൂള്‍ വിഭാഗത്തില്‍ ജലച്ചായവും ഉപയോഗിച്ചാണ് ചിത്രരചന.  പങ്കെടുക്കുന്നവര്‍ക്ക് സര്‍ട്ടിഫിക്കറ്റും ഒന്നും രണ്ടും സ്ഥാനം നേടുന്നവര്‍ക്ക് ക്യാഷ് അവാര്‍ഡും സംസ്ഥാനതലത്തില്‍ പങ്കെടുക്കുന്നതിനുളള അവസരവും ലഭിക്കും.  25 ന് രാവിലെ 10 മണിക്ക് കണ്ണൂര്‍ ജവഹര്‍ ലൈബ്രറി ഹാളിലാണ് മത്സരം.

വികലാംഗ ദിനാഘോഷം സംഘടിപ്പിക്കുന്നതിന്റെ ആലോചനായോഗം 7 ന് ഉച്ചക്ക് 2 മണിക്ക് ജില്ലാ കലക്ടറുടെ ചേമ്പറില്‍ ചേരും.  വികലാംഗ സംഘടനാ പ്രതിനിധികള്‍, സ്ഥാപന മേധാവികള്‍ തുടങ്ങിയര്‍ പങ്കെടുക്കണമെന്ന് ജില്ലാ സാമൂഹ്യനീതി ഓഫീസര്‍ അറിയിച്ചു.

പി എന്‍ സി/4183/2017

കേരള ബീഡി-ചുരുട്ട് തൊഴിലാളി ക്ഷേമനിധിയില്‍ അംഗങ്ങളായി അംശദായം അടച്ച് വരുന്ന തൊഴിലാളികളും സ്വയംതൊഴിലില്‍ ഏര്‍പ്പെട്ടിരിക്കുന്നവര്‍ക്കും സാമ്പത്തിക താങ്ങല്‍ പദ്ധതി പ്രകാരമുളള പൂരക വേതനത്തിന് അപേക്ഷ സമര്‍പ്പിക്കണം.

അപേക്ഷാ ഫോം ബന്ധപ്പെട്ട തൊഴിലുടമ/സ്ഥാപനങ്ങളില്‍ നിന്നും ലഭിക്കും. പൂരിപ്പിച്ച അപേക്ഷകള്‍ തൊഴിലുടമകള്‍ളുടെ സാക്ഷ്യപത്രം സഹിതം ചീഫ് എക്‌സിക്യുട്ടീവ് ഓഫീസറുടെ കാര്യാലയത്തില്‍ 15ന് മുമ്പ് സമര്‍പ്പിക്കണം.

കേരള ബീഡി-ചുരുട്ട് തൊഴിലാളി ക്ഷേമനിധി ബോര്‍ഡില്‍ നിന്ന് പെന്‍ഷന്‍ വാങ്ങുന്നവര്‍ അതാത് ബാങ്കുകളില്‍ 30 നകം ലൈഫ് സര്‍ട്ടിഫിക്കറ്റ് ഹാജരാക്കണമെന്ന് എക്‌സിക്യുട്ടീവ് ഓഫീസര്‍ അറിയിച്ചു.

പി എന്‍ സി/4181/2017

ബേപ്പൂര്‍, നടുവട്ടത്തുളള ക്ഷീര പരിശീലന കേന്ദ്രത്തില്‍  മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലുള്ള ക്ഷീരോല്പാദക സഹകരണ സംഘം ഭരണ സമിതിയംഗങ്ങള്‍ക്ക് രണ്ടുദിവസത്തെ പരിശീലനം സംഘടിപ്പിക്കുന്നു.  8, 9 തീയതികളിലാണ് പരിശീലനം. താല്‍പര്യമുളളവര്‍ 8 ന് രാവിലെ 10 മണിക്ക് മുമ്പ്, ഫോട്ടോ പതിച്ച തിരിച്ചറിയല്‍ കാര്‍ഡിന്റെ പകര്‍പ്പു സഹിതം കോഴിക്കോട് ക്ഷീര പരിശീലന കേന്ദ്രത്തില്‍ എത്തി പേര് രജിസ്റ്റര്‍ ചെയ്യണം. ഫോണ്‍: 0495 2414579.

പി എന്‍ സി/4180/2017

കാസര്‍കോട് എംപി പി കരുണാകരന്റെ പ്രാദേശിക വികസന ഫണ്ടില്‍ കണ്ണൂര്‍ ജില്ലയില്‍ ഇതുവരെ 87.31 ശതമാനം തുക വിനിയോഗിച്ചു. പി കുരണാകരന്‍ എംപിയുടെ അധ്യക്ഷതയില്‍ കലകട്‌റുടെ ചേംബറില്‍ ചേര്‍ന്ന യോഗത്തില്‍ അവതരിപ്പിച്ചതാണ് ഈ കണക്ക്. 2016-17 സാമ്പത്തിക വര്‍ഷം വരെയുള്ള കാലയളവില്‍  ജില്ലയ്ക്ക് 515.586 ലക്ഷം രൂപയാണ് വിവിധ പദ്ധതികള്‍ക്കായി അനുവദിച്ചത്. ഇതില്‍ ഇതുവരെ 450.15 ലക്ഷം രൂപ വിനിയോഗിച്ചു. 2014-15 ലെയും 15-16 ലെയും രണ്ട് പ്രവൃത്തികള്‍ വീതം ഇനി പൂര്‍ത്തിയാകാനുണ്ട്. ഇൗ പ്രവൃത്തികള്‍ പുരോഗമിച്ച് വരികയാണ്. 16-17 സാമ്പത്തിക വര്‍ഷത്തില്‍ അനുവദിച്ച 35ല്‍ 18 പ്രവൃത്തികള്‍ ഇതിനകം പൂര്‍ത്തിയാക്കാനായി.

അംഗീകൃത അക്ഷയ കേന്ദ്രങ്ങള്‍ അല്ലാതെ ജനസേവന കേന്ദ്രങ്ങളെന്ന പേരില്‍ പ്രവര്‍ത്തിക്കുന്ന സ്ഥാപനങ്ങള്‍ക്കെതിരെ ജാഗ്രത പാലിക്കണമെന്ന് സംസ്ഥാന ഐടി മിഷന്‍ അറിയിച്ചു. ഇങ്ങനെ നിരവധി സ്ഥാപനങ്ങള്‍ പ്രവര്‍ത്തിക്കുന്നതായി ശ്രദ്ധയില്‍പ്പെടുത്തിയിട്ടുണ്ടെന്ന് ഐടി മിഷന്‍ ഡയറക്ടര്‍ ശ്രീരാം സാംബശിവ റാവു തദ്ദേശസ്ഥാപനങ്ങള്‍ക്ക് അയച്ച കത്തില്‍ പറഞ്ഞു.  

ഡിസംബര്‍ 5 ലോക മണ്ണ് ദിനാഘോഷത്തിന്റെ ഭാഗമായി സംസ്ഥാന മണ്ണ് പര്യവേക്ഷണ സംരക്ഷണ വകുപ്പ്, ഹൈസ്‌കൂള്‍ - ഹയര്‍സെക്കന്ററി/വൊക്കേഷണല്‍ ഹയര്‍സെക്കന്ററി - കോളേജ് തല വിദ്യാര്‍ത്ഥികള്‍ക്കായി പരിസ്ഥിതി സംരക്ഷണം വിഷയമായി പോസ്റ്റര്‍ രചന, പരിസ്ഥിതി ക്വിസ് മത്സരങ്ങള്‍ സംഘടിപ്പിക്കുന്നു. രണ്ട് മത്സരങ്ങളിലും മൂന്നു വിഭാഗത്തിലെയും വിദ്യാര്‍ത്ഥികള്‍ക്ക് പങ്കെടുക്കാം.

കൂത്തുപറമ്പ് നിയോജക മണ്ഡലത്തിലെ ചെറുപ്പറമ്പ്-പാത്തിക്കല്‍ റോഡ് ടാറിങ്ങ് ്രപവൃത്തി ഉദ്ഘാടനം ഇന്ന് ( നവംബര്‍ 5) ആരോഗ്യ വകുപ്പ് മ്രന്തി കെ കെ ശൈലജ ടീച്ചര്‍ നിര്‍വഹിക്കും. വൈകിട്ട് നാല് മണിക്ക് ജാതിക്കൂട്ടത്ത് നടക്കുന്ന പരിപാടിയില്‍ കുന്നോത്ത്പറമ്പ് ഗ്രാമ പഞ്ചായത്ത് ്രപസിഡണ്ട് കരുവാങ്കണ്ടി ബാലന്‍ അധ്യക്ഷത വഹിക്കും. മുല്ലപ്പള്ളി രാമചന്ദ്രന്‍ എംപി, ജില്ലാ പഞ്ചായത്ത് പ്രസിഡണ്ട് കെ വി സുമേഷ്, കൂത്തുപറമ്പ് ബ്ലോക്ക് പഞ്ചായത്ത് പ്രസിഡണ്ട് എ അശോകന്‍, ഗ്രാമ പഞ്ചായത്ത് പ്രസിഡണ്ടുമാര്‍, മറ്റ് ജന്രപതിനിധികള്‍ തുടങ്ങിയവര്‍ സംസാരിക്കും.

എം.പി ഫണ്ടില്‍ നിന്ന് ഇതിനകം അനുമതി ലഭിച്ച ജില്ലയിലെ സ്‌കൂള്‍ സ്മാര്‍ട്ട് ക്ലാസ് റൂമുകള്‍ ഡിസംബറോടെ സജ്ജീകരിക്കാന്‍ പി.കെ ശ്രീമതി ടീച്ചര്‍ എം.പി കെല്‍ട്രോണിന് നിര്‍ദേശം നല്‍കി. സ്‌കൂളുകള്‍ക്കുള്ള കംപ്യൂട്ടറുകളും എത്രയും വേഗം ലഭ്യമാക്കണം. ഗുണനിലവാരത്തിന്റെ കാര്യത്തില്‍ ജാഗ്രത പുലര്‍ത്തണമെന്നും എം.പി പറഞ്ഞു. കലക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന എം.പി ഫണ്ട് പദ്ധതി അവലോകനയോഗത്തില്‍ സംസാരിക്കുകയായിരുന്നു അവര്‍.