കൈതപ്പൊയില്‍ - കോടഞ്ചേരി - അഗസ്ത്യമൂഴി റോഡ് നവീകരണ പ്രവൃത്തിയുമായി ബന്ധപ്പെട്ട് താഴെ തിരുമ്പാടി മുതല്‍ അഗസ്ത്യമൂഴിവരെയുളള ഭാഗത്ത് തൊണ്ടിമ്മല്‍, കൂളിപാറ, മരക്കാട്പുറം ഭാഗങ്ങളില്‍ പാറപൊട്ടിച്ച് മാറ്റേണ്ടതിനാല്‍ ഈ റോഡിലൂടെയുളള വാഹന ഗതാഗതത്തിന് ക്രമീകരണങ്ങള്‍ ഏര്‍പ്പെടുത്തിയതായി എക്സിക്യൂട്ടീവ് എഞ്ചിനീയര്‍ അറിയിച്ചു.  വാഹനങ്ങള്‍ മുക്കം വെന്റ് പൈപ്പ് പാലം വഴി തിരുമ്പാടി, കുമാരനല്ലൂര്‍, മണ്ടാംകടവ് റോഡിലൂടെയും ഓമശ്ശേരി - തിരുവമ്പാടി റോഡിലൂടെയും തിരിഞ്ഞ് പോകണം.

   
കോഴിക്കോട് ജില്ലയിലെ പൊതു വിദ്യാഭ്യാസ വകുപ്പില്‍  യു.പി.സ്‌കൂള്‍ അസിസ്റ്റന്റ് (മലയാളം, തസ്തികമാറ്റം, കാറ്റഗറി നമ്പര്‍ : 269/18) റാങ്ക് പട്ടികയിലെ മുഴുവന്‍ ഉദ്യോഗാര്‍ത്ഥികളേയും നിയമന ശിപാര്‍ശ ചെയ്തു കഴിഞ്ഞതിനാല്‍ റാങ്ക് പട്ടിക  2020 മാര്‍ച്ച് 19 മുതല്‍ റദ്ദായതായി ജില്ലാ പി.എസ്.സി. ഓഫീസര്‍ അറിയിച്ചു.

    പൂജപ്പുര ഇലക്ട്രിക്കല്‍ സെക്ഷന്‍ പരിധിയില്‍ അറ്റകുറ്റപ്പണികള്‍ നടക്കുന്നതിനാല്‍ ആര്‍.ബി.ഐ  ക്വാര്‍ട്ടേഴ്‌സ്, തമലം, ലെങ്കാ ട്രാന്‍സ്‌ഫോര്‍മര്‍ പ്രദേശങ്ങള്‍ എന്നിവിടങ്ങളില്‍ ഇന്ന് (ജൂലൈ 3) രാവിലെ ഒന്‍പത് മുതല്‍ വൈകുന്നേരം   അഞ്ച് വരെ വൈദ്യുതി മുടങ്ങുമെന്ന് കെ.എസ്.ഇ.ബി. അറിയിച്ചു.  
(പി.ആര്‍.പി. 691/2020)