ജില്ലയില്‍ 47 പേര്‍ക്ക് കൂടി ഇന്നലെ (ജൂലൈ 13) കോവിഡ് 19 സ്ഥിരീകരിച്ചു. ഇവരില്‍ 21 പേര്‍ക്ക് സമ്പര്‍ക്കത്തിലൂടെയാണ് രോഗബാധ. പൊന്നാനിയില്‍ രോഗ വ്യാപനം തടയുന്നതിന്റെ ഭാഗമായി നടത്തിയ പരിശോധനയിലാണ് ഇതില്‍ 19 പേര്‍ക്കും വൈറസ് ബാധ സ്ഥിരീകരിച്ചത്. രോഗം സ്ഥിരീകരിച്ചവരില്‍ ശേഷിക്കുന്ന നാല് പേര്‍ ഇതര സംസ്ഥാനങ്ങളില്‍ നിന്നും 22 പേര്‍ വിദേശ രാജ്യങ്ങളില്‍ നിന്ന് എത്തിയവരാണെന്ന് ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു.

മക്കരപ്പറമ്പ് ഇലക്ട്രിക്കല്‍ സെക്ഷന്‍ പരിധിയില്‍ വരുന്ന സബ്‌സ്റ്റേഷന്‍ മുതല്‍ മക്കരപ്പറമ്പ് ടൗണ്‍ വരെയുള്ള ഭാഗങ്ങളില്‍  ഇന്ന് (ജൂലൈ 14) രാവിലെ എട്ട് മുതല്‍ വൈകീട്ട് അഞ്ച് വരെ വൈദ്യുതി വിതരണം തടസ്സപ്പെടും. 
 

തൊഴിലാളി ക്ഷേമനിധി ബോര്‍ഡിന്റെ പരിധിയില്‍ വരുന്ന എല്ലാ തൊഴില്‍ സ്ഥാപനങ്ങളും 2019 രണ്ടാം അര്‍ധ വര്‍ഷം വരെയുള്ള കുടിശ്ശികയും 2020 ഒന്നാം അര്‍ധ വര്‍ഷം മുതല്‍ 90 രൂപ (തൊഴിലുടമ 45, തൊഴിലാളി 45)നിരക്കില്‍ പുതുക്കിയ ക്ഷേമനിധി വിഹിതവും www.labourwelfarefund.in വെബ്‌സൈറ്റ് വഴിയോ ക്യാഷ്, ചെക്ക്, ഡി.ഡി മുഖേനയോ ജൂലൈ 31നകം അടയ്ക്കണമെന്ന് ലേബര്‍ വെല്‍ഫെയര്‍ ഫണ്ട് ഇന്‍സ്‌പെക്ടര്‍ അറിയിച്ചു. 
 

ചെറിയമുണ്ടം ഗ്രാമപഞ്ചായത്തിലെ ആറാം വാര്‍ഡില്‍ 13 ലക്ഷം രൂപ ചെലവില്‍ നിര്‍മിച്ച അങ്കണവാടി കെട്ടിടം നാടിന് സമര്‍പ്പിച്ചു. എം. എല്‍.എ യുടെ ആസ്തി വികസന ഫണ്ടില്‍ നിന്ന് അനുവദിച്ച 13 ലക്ഷം രൂപ വിനിയോഗിച്ചാണ് പുതിയ അങ്കണവാടി കെട്ടിടം നിര്‍മിച്ചത്. കെട്ടിടോദ്ഘാടനം വി. അബ്ദു റഹ്മാന്‍ എം.എല്‍എ നിര്‍വഹിച്ചു. ചെറിയമുണ്ടം പഞ്ചായത്ത് പ്രസിഡന്റ് എം. എ റഫീഖ് മാസ്റ്റര്‍ അധ്യക്ഷനായി. വാര്‍ഡ് മെമ്പര്‍ ചേലാട്ട് അറുമുഖന്‍, എ.സി രാധാകൃഷ്ണന്‍, രാധ ടീച്ചര്‍ തുടങ്ങിയവര്‍ സംസാരിച്ചു. 

പൊ•ള പഞ്ചായത്തിലെ പൊന്‍മള - കല്ലംകുളമ്പ് റോഡ് (ആര്‍.സി. റോഡ്) പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ ഉദ്ഘാടനം ചെയ്തു. എം.എല്‍.എ.യുടെ 2019-20 വര്‍ഷത്തെ ആസ്തി വികസന പദ്ധതിയില്‍ ഉള്‍പ്പെടുത്തി 20 ലക്ഷം രൂപ അനുവദിച്ചാണ് റോഡ് കോണ്‍ക്രീറ്റ് ചെയ്തത്. പൊ•ള ഗ്രാമ പഞ്ചായത്ത് പ്രസിഡന്റ് കെ. മൊയ്തീന്‍ അധ്യക്ഷനായി.  മലപ്പുറം ബ്ലോക്ക് പഞ്ചായത്ത് വൈസ് പ്രസിഡന്റ് വി.എ റഹ്മാന്‍, ഗ്രാമ പഞ്ചായത്ത് അംഗങ്ങളായ മണി പൊന്‍മള, എം.പി മുസ്തഫ മാസ്റ്റര്‍, പഞ്ചായത്ത് മുന്‍ പ്രസിഡന്റ് നഫീസ ടീച്ചര്‍ എന്നിവര്‍ പങ്കെടുത്തു.