നഗരസഭ ജീവനക്കാർ ഉൾപ്പെടെ നഗരസഭാ പ്രദേശത്ത് കോവിഡ് രോഗ സ്ഥിരീകരിച്ചതോടെ നഗരസഭ അടച്ചു. നഗരസഭ കൗൺസിൽ യോഗം നടന്നുകൊണ്ടിരിക്കെയാണ് പുതിയ കോവിഡ് സ്ഥിരീകരണ വിവരങ്ങൾ പുറത്തുവന്നത്. ഇതോടെ യോഗം പെട്ടെന്ന് അവസാനിപ്പിക്കുകയായിരുന്നു. തുടർന്ന് എല്ലാ ജീവനക്കാരോടും ജോലി നിർത്താനും വീട്ടിലേക്കു പോകുവാനും ചെയർപേഴ്സൻ സീതാ രവീന്ദ്രൻ നിർദേശം നൽകി. തുടർന്ന് നഗരസഭ ഓഫീസ്, അനുബന്ധ ഓഫീസുകൾ, കാന്റീൻ എന്നിവ അടച്ചു പൂട്ടി. നഗരത്തിലെ ചില കച്ചവട സ്ഥാപനങ്ങളും നേരത്തെ തന്നെ അടച്ചിരുന്നു.
 

കൊറോണ രോഗപ്രതിരോധപ്രവർത്തനത്തിന്റെ ഭാഗമായി മൊബൈൽ മെഡിക്കൽ ആൻഡ് സർവൈലൻസ് യൂണിറ്റിനായി രണ്ടു യൂണിറ്റുകൾക്കായി ഡ്രൈവർ, വാഹനം (ട്രാവലർ-ഫോർസ്/റാറ്റ റിങ്ഗ്ലർ), സ്റ്റാഫുകൾ, ഉപകരണങ്ങൾ, മരുന്നുകൾ, ലാബ് കിറ്റുകൾ മുതലായവ ഒരുക്കുന്നതിന് ഓൺലൈൻ വഴി ഇ-ടെണ്ടർ ക്ഷണിച്ചു. വിശദവിവരങ്ങൾ www.arogyakeralam.gov.in എന്ന വെബ് സൈറ്റിൽ ലഭിക്കും. ഫോൺ: 0487 2325824, 9747211538.

സംസ്ഥാന സർക്കാർ എല്ലാ ജില്ലകളിലും പ്രാവർത്തികമാക്കുന്ന കോവിഡ് ഫസ്റ്റ് ലൈൻ സെന്ററിന്റെ തൃശൂർ ജില്ലയിലെ ചുമതല ജീവൻ ബാബുവിനാണ്. നിലവിലെ പൊതു വിദ്യാഭ്യാസ ഡയറക്ടറും മുൻ കാസർകോട് ജില്ലാ കളക്ടറുമായിരുന്ന ജീവൻ ബാബു ബുധനാഴ്ച (ജൂലൈ 15) ചുമതലയേൽക്കും. കോവിഡ് പ്രതിരോധത്തിന്റെ ഭാഗമായി അൻപതിനായിരം കിടക്കകളാണ് ഫസ്റ്റ്ലൈൻ സെന്ററുകളിലൂടെ തയ്യാറാക്കുന്നത്. ജില്ലയിൽ 5000 കിടക്കകളാണ് ഈ പദ്ധതി വഴി ഒരുക്കുന്നത്. സ്‌കൂളുകൾ, ഓഡിറ്റോറിയങ്ങൾ എന്നിവ കൂടി ഉൾപ്പെടുത്തിയായിരിക്കും ഫസ്റ്റ് ലൈൻ സെന്ററുകൾ തയ്യാറാക്കുക.

 
കുന്ദമംഗലം ഗവ. കോളജ് നിര്‍മ്മാണ പ്രവൃത്തി മന്ത്രി കെ ടി ജലീല്‍ ഉദ്ഘാടനം ചെയ്തു