ദേശിയപാതാ വികസനത്തിനുള്ള സ്ഥലമെടുപ്പുമായി ബന്ധപ്പെട്ട് കാവനാട് സ്‌പെഷ്യല്‍ തഹസീല്‍ദാര്‍(എല്‍ എ) എന്‍ എച്ച് എ ഐ യൂണിറ്റ് നമ്പര്‍-3 ഓഫീസ് പരിധിയില്‍ വരുന്ന വടക്കുംതല, പ•ന, ചവറ, നീണ്ടകര വില്ലേജുകളിലെ വസ്തു ഉടമകളുടെ ദേശിയപാതാ നിയമപ്രകാരമുള്ള വിചാരണ ജൂലൈ 24 ന് ആരംഭിക്കും. ശക്തികുളങ്ങര മരിയാലയം ജംഗ്ഷനിലെ സേവ്യേര്‍സ് ആര്‍ക്കേഡ് ബില്‍ഡിംഗിലെ ഒന്നാം നിലയില്‍ പ്രവര്‍ത്തിക്കുന്ന സ്‌പെഷ്യല്‍ തഹസീല്‍ദാര്‍ ഓഫീസില്‍ കോവിഡ് മാനദണ്ഡങ്ങള്‍ പാലിച്ച് വിചാരണ നടത്തും.

തൊഴിലുറപ്പ് പദ്ധതിയില്‍ ജോലി ചെയ്യവേ ജോലി സ്ഥലത്ത് കുഴഞ്ഞ് വീണ് മരിച്ച തലച്ചിറ പള്ളിപ്പുരയില്‍ വീട്ടില്‍ സുബൈറത്ത് ബീവിയുടെ അവകാശിക്ക് 25,000 രൂപ അനുവദിച്ച് ജില്ലാ കലക്ടര്‍ ബി അബ്ദുല്‍ നാസര്‍ ഉത്തരവായി. തൊഴില്‍ ചെയ്യവേ മരണമടയുന്ന തൊഴിലാളിക്ക് തൊഴിലുറപ്പ് ചട്ടപ്രകാരം അനുവദിക്കുന്ന തുകയാണിത്.
(പി.ആര്‍.കെ നമ്പര്‍ 1880/2020)

റേഷന്‍ കാര്‍ഡില്‍ ആധാര്‍ നമ്പര്‍ ലിങ്ക് ചെയ്തിട്ടില്ലാത്തവര്‍ ഉടന്‍തന്നെ റേഷന്‍ കടയോ അക്ഷയ കേന്ദ്രം വഴിയോ ലിങ്ക് ചെയ്യണമെന്ന് ജില്ലാ സപ്ലൈ ഓഫീസര്‍ അറിയിച്ചു. റേഷന്‍ കാര്‍ഡ് മുഖേന ലഭിക്കുന്ന ആനുകൂല്യങ്ങള്‍ ലിങ്ക് ചെയ്യാതിരുന്നാല്‍ നഷ്ടപ്പെടാന്‍ സാധ്യതയുണ്ട്.
(പി.ആര്‍.കെ നമ്പര്‍ 1879/2020)
 

ജില്ലയിലെ ഓട്ടോറിക്ഷ, ടാക്‌സി, കോണ്‍ട്രാക്റ്റ് കാരേജ്, സ്റ്റേറ്റ് കാരേജ് വാഹനങ്ങളില്‍ ഡ്രൈവര്‍ ക്യാബിന്‍ വേര്‍തിരിക്കണമെന്ന് റീജിയണല്‍ ട്രാന്‍സ്‌പോര്‍ട്ട് ഓഫീസര്‍ ആര്‍ രാജീവ് അറിയിച്ചു. കോവിഡ് സുരക്ഷാ ക്രമീകരണങ്ങളുടെ ഭാഗമായിട്ടാണ് നിയന്ത്രണം. ഡ്രൈവര്‍ ക്യാബിന്‍ അക്രലിക്ക് ഷീറ്റ് കൊണ്ട് വേര്‍തിരിക്കാത്ത വാഹന ഉടമകള്‍ക്കെതിരെ നടപടി എടുക്കും. മാസ്‌ക്, ഗ്ലൗസ്, സാനിറ്റൈസര്‍ എന്നിവ ഡ്രൈവര്‍മാര്‍ നിര്‍ബന്ധമായും ഉപയോഗിക്കണമെന്നും ആര്‍ ടി ഒ അറിയിച്ചു.
(പി.ആര്‍.കെ നമ്പര്‍ 1878/2020)
 

കൊല്ലം കോര്‍പ്പറേഷനിലെ വാളത്തുംഗല്‍(36), ആക്കോലില്‍(37), തെക്കുംഭാഗം(38), ഇരവിപുരം(39) ഡിവിഷനുകളും കുലശേഖരപുരം ഗ്രാമപഞ്ചായത്തിലെ 4, 5, 6, 10, 11, 12, 14, 16, 17, 22, 23 വാര്‍ഡുകളും, പേരയം ഗ്രാമപഞ്ചായത്തിലെ എസ് ജെ ലൈബ്രറി വാര്‍ഡ്(13) എന്നിവ കണ്ടയിന്‍മെന്റ് സോണുകളായി പ്രഖ്യാപിച്ച് ജില്ലാ ദുരന്ത നിവാരണ അതോറിറ്റി ചെയര്‍മാന്‍ കൂടിയായ ജില്ലാ കലക്ടര്‍ ബി അബ്ദുല്‍ നാസര്‍ ഉത്തരവായി.

തിരുവല്ല നഗരസഭയിലെ വാര്‍ഡ് 28, 33, കുളനട ഗ്രാമപഞ്ചായത്തിലെ വാര്‍ഡ് 14, റാന്നി ഗ്രാമപഞ്ചായത്തിലെ വാര്‍ഡ് ഒന്ന്, രണ്ട് എന്നീ സ്ഥലങ്ങളിലെ കണ്ടെയ്ന്‍മെന്റ് സോണ്‍ നിയന്ത്രണം ജൂലൈ 15 മുതല്‍ ഒഴിവാക്കി ജില്ലാ കളക്ടറും ജില്ലാ ദുരന്തനിവാരണ അതോറിറ്റി ചെയര്‍മാനുമായ പി.ബി. നൂഹ് ഉത്തരവായി. ഈ സ്ഥലങ്ങള്‍ ജൂലൈ എട്ടു മുതല്‍ ഏഴു ദിവസത്തേക്കാണ് കണ്ടെയ്ന്‍മെന്റ് സോണായി പ്രഖ്യാപിച്ചിരുന്നത്.

കോവിഡ് രോഗത്തിന്റെ പശ്ചാത്തലത്തില്‍ സ്റ്റേഷന്‍  ഹെഡ്ക്വാര്‍ട്ടര്‍  നിര്‍ദേശ പ്രകാരം  പത്തനംതിട്ട  മിലിറ്ററി  കാന്റീന്‍  ജൂലൈ  19  വരെ  പ്രവര്‍ത്തിക്കില്ല.
 

ഇതര സംസ്ഥാനങ്ങളില്‍നിന്ന്  തിങ്കളാഴ്ച ( ജൂലൈ 13)  മുംബൈ -തിരുവനന്തപുരം, നിസാമുദീന്‍ - എറണാകുളം സ്‌പെഷല്‍ ട്രെയിനുകളില്‍  പത്തനംതിട്ട ജില്ലക്കാരായ 11 പേര്‍കൂടി എത്തി. ഇവരില്‍ അഞ്ച് പേരെ വിവിധ കോവിഡ് കെയര്‍ സെന്ററുകളിലും ആറു പേരെ വീടുകളിലും നിരീക്ഷണത്തില്‍ പ്രവേശിപ്പിച്ചു.
 

                                  ഏഴംകുളം പഞ്ചായത്തിലെ വല്യാങ്കുളം മൂലയില്‍ഭാഗം റോഡ് ചിറ്റയം ഗോപകുമാര്‍ എംഎല്‍എയുടെ ആസ്തി വികസന ഫണ്ടില്‍ നിന്നും 16 ലക്ഷം രൂപ അനുവദിച്ച് നിര്‍മാണം ആരംഭിച്ചു. റോഡിന്റെ നിര്‍മാണ ഉദ്ഘാടനം  ചിറ്റയം ഗോപകുമാര്‍ എം എല്‍ എ നിര്‍വഹിച്ചു. വാര്‍ഡ് മെമ്പര്‍ രേഖാ ബാബു അധ്യക്ഷത വഹിച്ചു. മുന്‍ പ്രസിഡന്റുമാരായ ഇ.എ. റഹിം, പ്രസന്നകുമാര്‍, ആര്‍. തുളസീധരന്‍ പിള്ള, കമലാസനന്‍ എന്നിവര്‍ സംസാരിച്ചു.