സാമൂഹ്യവ്യാപനത്തിനുള്ള സാധ്യത സൂചിപ്പിക്കുന്നതിനാല്‍ കോവിഡ് പ്രോട്ടോകോള്‍ നിര്‍ദേശങ്ങളും ശുചിത്വ മാനദണ്ഡങ്ങളും ഏവരും പാലിക്കണമെന്ന് ജില്ലാപോലീസ് മേധാവി കെ.ജി. സൈമണ്‍ നിര്‍ദേശിച്ചു. പത്തനംതിട്ട മുനിസിപ്പാലിറ്റിയിലെയും, ജില്ലയിലെ മറ്റു ചില പ്രദേശങ്ങളിലെയും അപകടകരമായ സ്ഥിതി രൂക്ഷമാകാതിരിക്കാന്‍ ആരോഗ്യപ്രവര്‍ത്തകരുടെയും പോലീസിന്റെയും നിര്‍ദേശങ്ങള്‍ ജനങ്ങള്‍ അനുസരിക്കണം. ഒരുതരത്തിലുള്ള കൂട്ടംകൂടലിനും ആളുകള്‍ മുതിരരുത്. പൊതുനിരത്തുകളിലെ എല്ലാത്തരം ഒത്തുചേരലുകളും തടഞ്ഞു ശക്തമായ നിയമനടപടികള്‍ എടുക്കും.

സമ്പർക്കം മുഖേനയുള്ള കേസുകൾ കൂടുന്ന സാഹചര്യത്തിൽ ബ്രെയ്ക്ക് ദ ചെയിൻ ക്യാമ്പെയ്ൻ കൂടുതൽ ശക്തമായി മുന്നോട്ടു കൊണ്ടുപോകുമെന്ന് മുഖ്യമന്ത്രി പിണറായി വിജയൻ അറിയിച്ചു. സാമൂഹിക അകലം കർശനമായി പാലിക്കാനും, കൈകൾ ഇടയ്ക്കിടെ സോപ്പുപയോഗിച്ച് ശുചിയാക്കാനും എല്ലാവരും ശ്രദ്ധിക്കണം. അതുപോലെത്തന്നെ പ്രധാനമാണ് പൊതുവിടങ്ങളിലെ മാസ്‌കിന്റെ  ഉപയോഗവും. രോഗം ഒരാളിൽ നിന്നും മറ്റൊരാളിലേയ്ക്ക് പകരാതിരിക്കാൻ മാസ്‌കുകൾ സഹായിക്കുന്നുണ്ട്.

ജില്ലയില്‍ റാപിഡ് ആന്റിജന്‍ ടെസ്റ്റിലൂടെ വേഗത്തില്‍ കോവിഡ് രോഗികളെ കണ്ടെത്താനുള്ള പ്രവര്‍ത്തനം ആരംഭിച്ചു. ജൂലൈ 10 ന് ആരംഭിച്ച റാപിഡ് ടെസ്റ്റില്‍ 286 പേരുടെ സ്രവം പരിശോധിച്ചു. ഇതുവരെ 28 പേരുടെ പരിശോധനാ ഫലം പോസിറ്റീവാണ്. ജില്ലയില്‍ ജൂലൈ 10 ന് നാലു പേര്‍ക്കും ജൂലൈ 11 ന്  24 പേര്‍ക്കും രോഗം സ്ഥിരീകരിച്ചതോടെ റാപിഡ് ടെസ്റ്റിലൂടെ 28 പേര്‍ക്കാണ് കോവിഡ് രോഗം കണ്ടെത്തിയിട്ടുള്ളത്.

ചികിത്സയിലുള്ളത് 3,442 പേർ; 16 പുതിയ ഹോട്ട് സ്‌പോട്ടുകൾ

കോവിഡ് സ്ഥിരീകരണത്തിനുള്ള പരിശോധനയിൽ ആൻറിജൻ ടെസ്റ്റ് കൃത്യതയും ആധികാരികതയും ഉറപ്പാക്കുന്നതായി ആരോഗ്യ വകുപ്പ് വ്യക്തമാക്കി.
കോവിഡ് 19 അതിവേഗം പടരുന്ന സ്ഥലങ്ങളിൽ വേഗത്തിൽ അണുബാധ നിർണ്ണയിക്കുകയും അവർക്കു ചികിത്സ നൽകുകയും ചെയ്യേണ്ടത് അത്യാവശ്യമാണ്. രോഗം ഗുരുതരമാകുന്നത് തടയുന്നതിനും തുടർവ്യാപനം ഉണ്ടാകുന്നത് നിയന്ത്രിക്കുന്നതിനും ഇത് സഹായിക്കും.
അണുബാധ വേഗത്തിൽ പടരുമ്പോൾ കുറച്ചു സമയത്തിനുളളിൽ പരിശോധനാഫലം ലഭിക്കുന്ന പരിശോധനകൾ ആവശ്യമാണ്. അതിനാലാണ് ആൻറിജൻ ടെസ്റ്റ് അണുവ്യാപനം കൂടുതലുളള സ്ഥലങ്ങളിൽ നടത്തുന്നത്.

* ആന്‍റിജന്‍ ടെസ്റ്റിന് അരമണിക്കൂര്‍ സമയം മതി

ജില്ലാ പഞ്ചായത്തിന്റെ 2020-21 വാർഷിക പദ്ധതിയിയായ  ഓൺലൈൻ പഠന സൗകര്യം ഒരുക്കൽ  പദ്ധതിയിൽ  ഉൾപ്പെടുത്തി ചിതലി പഴയകളം ക്യുബൻസ് ആർട്സ് & സ്പോർട്സ് ക്ലബ് (യൂത്ത് റിക്രിയേഷൻ ക്ലബ്‌) ലേക്ക് അനുവദിച്ച ടി.വി, ടാറ്റാ സ്കൈ ഡി.ടി എച്ച് എന്നിവ വിതരണം ചെയ്തു. ടി വി വിതരണോദ്ഘാടനം ജില്ലാ പഞ്ചായത്ത്‌ പ്രസിഡന്റ്‌ അഡ്വ. കെ. ശാന്തകുമാരി നിർവഹിച്ചു.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂലൈ  10) വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 9 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 42 പ്രതികൾക്കെതിരെ കേസ് രജിസ്റ്റർ ചെയ്തിട്ടുള്ളത്. 18 പേരെ അറസ്റ്റ് ചെയ്തു.ഒരു  വാഹനം  പിടിച്ചെടുത്തു. 
 *മാസ്ക് ധരിക്കാത്ത 160 പേർക്കെതിരെ കേസ്* 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 160 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 244 പേരാണ് ചികിത്സയിലുള്ളത്.  ഇന്ന് (ജൂലൈ 10) ജില്ലയില്‍ 28 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 44 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 25141 സാമ്പിളുകള്‍ പരിശോധനയ്ക്കായി അയച്ചതില്‍ 21808 പരിശോധനാ ഫലങ്ങളാണ് ലഭ്യമായത്. ഇന്ന് 394 പരിശോധനാ ഫലങ്ങളാണ് ലഭിച്ചത്. പുതുതായി 872 സാമ്പിളുകളും അയച്ചു. 753 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 504 പേർ രോഗമുക്തി നേടി. ഇനി 3333 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.