ഇതര സംസ്ഥാനങ്ങളില്‍നിന്ന്  തിങ്കളാഴ്ച ( ജൂലൈ 13)  മുംബൈ -തിരുവനന്തപുരം, നിസാമുദീന്‍ - എറണാകുളം സ്‌പെഷല്‍ ട്രെയിനുകളില്‍  പത്തനംതിട്ട ജില്ലക്കാരായ 11 പേര്‍കൂടി എത്തി. ഇവരില്‍ അഞ്ച് പേരെ വിവിധ കോവിഡ് കെയര്‍ സെന്ററുകളിലും ആറു പേരെ വീടുകളിലും നിരീക്ഷണത്തില്‍ പ്രവേശിപ്പിച്ചു.
 

                                  ഏഴംകുളം പഞ്ചായത്തിലെ വല്യാങ്കുളം മൂലയില്‍ഭാഗം റോഡ് ചിറ്റയം ഗോപകുമാര്‍ എംഎല്‍എയുടെ ആസ്തി വികസന ഫണ്ടില്‍ നിന്നും 16 ലക്ഷം രൂപ അനുവദിച്ച് നിര്‍മാണം ആരംഭിച്ചു. റോഡിന്റെ നിര്‍മാണ ഉദ്ഘാടനം  ചിറ്റയം ഗോപകുമാര്‍ എം എല്‍ എ നിര്‍വഹിച്ചു. വാര്‍ഡ് മെമ്പര്‍ രേഖാ ബാബു അധ്യക്ഷത വഹിച്ചു. മുന്‍ പ്രസിഡന്റുമാരായ ഇ.എ. റഹിം, പ്രസന്നകുമാര്‍, ആര്‍. തുളസീധരന്‍ പിള്ള, കമലാസനന്‍ എന്നിവര്‍ സംസാരിച്ചു.
 

ജനങ്ങള്‍ വീട്ടികളില്‍ തന്നെ തുടരേണ്ടതാണ്.  അത്യാവശ്യ കാര്യങ്ങള്‍ക്ക് മാത്രമേ വീടുകളില്‍ നിന്ന് പുറത്തു പോകാന്‍ അനുവദിക്കുകയുള്ളു. മെഡിക്കല്‍ അത്യാഹിതങ്ങള്‍ക്കും ആവശ്യവസ്തുക്കളുടെ സേവനത്തിനും വിതരണത്തിനുമല്ലാതെ കണ്ടെയ്ന്‍മെന്റ് സോണില്‍ നിന്നു പുറത്തേക്കു പോകാനോ അകത്തേക്ക് കടക്കാനോ അനുവദിക്കുന്നതല്ല. കണ്ടെയ്ന്‍മെന്റ് സോണുകളില്‍ ഏഴു ദിവസത്തേക്ക് പൊതുഗതാഗത സേവനങ്ങള്‍ അനുവദിക്കില്ല.

വള്ളിക്കോട് ഗ്രാമപഞ്ചായത്ത് കുടുംബശ്രീയുമായി ചേര്‍ന്ന് ആരംഭിച്ച  ജനകീയ ഹോട്ടല്‍ കൈപ്പട്ടൂര്‍- അടൂര്‍ റോഡില്‍ മില്‍മ ഡയറിക്ക് സമീപം പ്രവര്‍ത്തനം തുടങ്ങി. ഗ്രാമപഞ്ചായത്ത് പ്രസിഡന്റ് ലിസിമോള്‍ ജോസഫ് ഉദ്ഘാടനം ചെയ്തു. കുടുംബശ്രീയുടെ സ്വാതി കാറ്ററിംഗ് യൂണിറ്റിനാണ് ഹോട്ടലിന്റെ നടത്തിപ്പ് ചുമതല. രാവിലെ എട്ട് മുതല്‍ വൈകിട്ട് ഏഴ് വരെ ഹോട്ടല്‍ പ്രവര്‍ത്തിക്കും. ഉച്ചയൂണിന് 20 രൂപയും ഉച്ചയൂണ് പാഴ്‌സലിന് 25 രൂപയുമാണ്.  
 

ഇതര സംസ്ഥാനങ്ങളില്‍നിന്ന്  തിങ്കളാഴ്ച ( ജൂലൈ 13)  മുംബൈ -തിരുവനന്തപുരം, നിസാമുദീന്‍ - എറണാകുളം സ്‌പെഷല്‍ ട്രെയിനുകളില്‍  പത്തനംതിട്ട ജില്ലക്കാരായ 11 പേര്‍കൂടി എത്തി. ഇവരില്‍ അഞ്ച് പേരെ വിവിധ കോവിഡ് കെയര്‍ സെന്ററുകളിലും ആറു പേരെ വീടുകളിലും നിരീക്ഷണത്തില്‍ പ്രവേശിപ്പിച്ചു.

തിരുവനന്തപുരം, കൊച്ചി, കരിപ്പൂര്‍ അന്താരാഷ്ട്ര വിമാനത്താവളങ്ങള്‍ വഴി തിങ്കളാഴ്ച (ജൂലൈ 13 ) ഏഴു വിമാനങ്ങളിലായി പത്തനംതിട്ട ജില്ലക്കാരായ 68 പ്രവാസികള്‍കൂടി എത്തി. ഇവരില്‍ 21 പേരെ വിവിധ കോവിഡ് കെയര്‍ സെന്ററുകളിലും ഒരു ഗര്‍ഭിണി ഉള്‍പ്പെടെ 47 പേരെ വീടുകളിലും നിരീക്ഷണത്തിലാക്കി.

ജില്ലയില്‍ കോവിഡ് 19 രോഗം വര്‍ധിക്കുന്ന സാഹചര്യത്തില്‍ പൊതുപരിപാടികള്‍ നടത്തുന്നതിന് പോലീസ് അനുമതി വാങ്ങണമെന്നും ഇതു പാലിക്കാത്തവര്‍ക്കെതിരേ കര്‍ശന നടപടിയെടുക്കുമെന്നും വനം, വന്യജീവി വകുപ്പ് മന്ത്രി കെ.രാജു പറഞ്ഞു. ജില്ലയിലെ കോവിഡ് പ്രതിരോധ പ്രവര്‍ത്തനങ്ങള്‍ വിലയിരുത്താന്‍ പത്തനംതിട്ട കളക്ട്രേറ്റില്‍ ചേര്‍ന്ന വീഡിയോ കോണ്‍ഫറന്‍സ് അവലോകന യോഗത്തില്‍ സംസാരിക്കുകയായിരുന്നു മന്ത്രി.

പത്തനംതിട്ട ജില്ലയില്‍ ഇന്ന്(14) മൂന്നു പേര്‍ക്ക് കോവിഡ്-19 സ്ഥിരീകരിച്ചു. ഇന്ന്(14) ആര്‍ക്കും സമ്പര്‍ക്കത്തിലൂടെ രോഗം സ്ഥിരീകിരിച്ചിട്ടില്ല.