ജില്ലാ ലേബര്‍ ഓഫീസിന്‍റെ 2007 മോഡല്‍ അംബാസിഡര്‍ കാര്‍ ജൂലൈ  15 ന്  രാവിലെ 11 മണിക്ക് ലേലം ചെയ്യും. ജൂലൈ 13 വൈകുന്നേരം അഞ്ചു വരെ ക്വട്ടേഷന്‍ സ്വീകരിക്കും. ഫോണ്‍: 0481 2564365

നാട്ടകം കുടുംബാരോഗ്യകേന്ദ്രത്തില്‍ ലാബ് ടെക്നീഷ്യന്‍ ഗ്രേഡ് രണ്ട്, ഡ്രൈവര്‍ തസ്തികകളില്‍ കരാര്‍ അടിസ്ഥാനത്തില്‍ നിയമനം നടത്തുന്നു. ഗവണ്‍മെന്‍റ് അംഗീകൃത സ്ഥാപനത്തില്‍നിന്ന് ബി.എസ്.സി എം.എല്‍.ടി/ഡി.എം.എല്‍.ടി യും പാരാമെഡിക്കല്‍ കൗണ്‍സില്‍ സര്‍ട്ടിഫിക്കറ്റുമാണ് ലാബ് ടെക്നീഷ്യന്‍ തസ്തികയിലേക്കുള്ള യോഗ്യത. എട്ടാം ക്ലാസ് വിജയിച്ചവരെയാണ് ഡ്രൈവര്‍ തസ്തികയില്‍ പരിഗണിക്കുന്നത്. ടാക്സി പെര്‍മിറ്റുള്ള ഒമ്നി വാന്‍ ഉണ്ടായിരിക്കണം.

ജീവനക്കാര്‍ക്ക് കോവിഡ് ബാധിച്ചതിനെത്തുടര്‍ന്ന് താത്കാലികമായി അടച്ച പൊന്‍കുന്നത്തെ സ്വകാര്യ ആശുപത്രിയില്‍ ഡയാലിസിസ് ചെയ്തിരുന്ന രോഗികള്‍ക്ക് ആശ്വാസവുമായി ആരോഗ്യ വകുപ്പ്. ജില്ലാ കളക്ടറുടെ നിര്‍ദേശപ്രകാരം വകുപ്പ് നിയോഗിച്ച വിദഗ്ധ സംഘം അടുത്ത രണ്ടാഴ്ച്ചത്തേയ്ക്ക് ഇവിടെ താമസിച്ച് സേവനം ലഭ്യമാക്കും. ആദ്യ ദിവസമായ ഇന്നലെ(ജൂലൈ 5) മൂന്നു രോഗികള്‍ക്ക് ഡയാലിസിസ് ചെയ്തു.

കോട്ടയം ജില്ലയില്‍ ഒരു കുടുംബത്തിലെ മൂന്നു പേര്‍ ഉള്‍പ്പെടെ എട്ടു പേര്‍ക്കു കൂടി കോവിഡ് 19 സ്ഥിരീകരിച്ചു. ഇതില്‍ രണ്ടു പേര്‍ വിദേശത്തുനിന്നും ആറു  പേര്‍ മറ്റു സംസ്ഥാനങ്ങളില്‍നിന്നും എത്തിയവരാണ്. ഒരാള്‍ക്കു മാത്രമാണ് രോഗലക്ഷണങ്ങള്‍ ഉണ്ടായിരുന്നത്. ആറു പേര്‍ വീട്ടിലും ഒരാള്‍ ക്വാറന്റയിന്‍ കേന്ദ്രത്തിലും ഒരാള്‍ ആശുപത്രിയിലും നിരീക്ഷണത്തിലായിരുന്നു. ഇന്ന് അഞ്ചു പേര്‍ രോഗമുക്തരായി ആശുപത്രി വിട്ടു. ഇതില്‍ രണ്ടു പേര്‍ എറണാകുളം മെഡിക്കല്‍ കോളേജ് ആശുപത്രിയില്‍ ചികിത്സയിലായിരുന്നു.

മാലിന്യ സംസ്‌ക്കരണത്തിനും കുടിവെള്ള വിതരണത്തിനും മുന്‍ഗണന

മാലിന്യ സംസ്‌ക്കരണം, ശുചിത്വം, കുടിവെള്ള വിതരണം, ജലസംരക്ഷണം എന്നീ മേഖലകള്‍ക്ക് മുന്‍ഗണന നല്‍കി ജില്ലയിലെ തദ്ദേശഭരണ സ്ഥാപനങ്ങള്‍ വാര്‍ഷിക പദ്ധതി പരിഷ്‌കരിക്കും. പതിനഞ്ചാം ധനകാര്യ കമ്മീഷന്റെ ഗ്രാന്റ് ഉള്‍പ്പെടുത്തി തദ്ദേശഭരണ സ്ഥാപനങ്ങളുടെ വികസന ഫണ്ട് വിഹിതം പുനഃക്രമീകരിച്ച് സംസ്ഥാന സര്‍ക്കാര്‍ ഉത്തരവ് പുറപ്പെടുവിച്ച സാഹചര്യത്തിലാണിത്. 

തലയോലപ്പറമ്പ് മൃഗസംരക്ഷണ കേന്ദ്രത്തിന്‍റെ ആഭിമുഖ്യത്തില്‍ ഇന്ന് (ജൂലൈ 9 )  രാവിലെ 10 മുതല്‍ ഒന്നു വരെ മുട്ടക്കോഴി വളര്‍ത്തല്‍ സംബന്ധിച്ച് വെബിനാര്‍ സംഘടിപ്പിക്കും. ജില്ലാ മൃഗ സംരക്ഷണ ഓഫീസര്‍ ഡോ. എസ്. എന്‍ ബിന്ദു  ഉദ്ഘാടനം ചെയ്യും.  

മറ്റക്കര  വെറ്ററിനറി സര്‍ജന്‍ ഡോ. കുര്യാക്കോസ് മാത്യു ക്ലാസ് നയിക്കും. അസിസ്റ്റന്‍റ് ഡയറക്ടര്‍   ഡോ. ആര്‍. മിനി  മോഡറേറ്റര്‍ ആയിരിക്കും. താല്പര്യമുള്ളവര്‍ക്ക് https://meet.google.com/kyd-kkaj-qpt   എന്ന ലിങ്കില്‍ ക്ലിക്ക് ചെയ്ത്  പങ്കെടുക്കാം.

വൈക്കം താലൂക്ക് ഹെഡ്ക്വാര്‍ട്ടേഴ്സ് ആശുപത്രിയില്‍  ജൂനിയര്‍ പബ്ലിക് ഹെല്‍ത്ത് നഴ്സ് തസ്തികയില്‍ നിയമനത്തിന് അപേക്ഷ ക്ഷണിച്ചു. പ്ലസ്ടുവും സര്‍ക്കാര്‍ അംഗീകൃത എ.എന്‍.എം കോഴ്സുമാണ് യോഗ്യത. നഴ്സിംഗ് ആന്‍റ് മിഡ്വൈഫറി കൗണ്‍സില്‍ രജിസ്ട്രേഷന്‍ ഉണ്ടായിരിക്കണം. പ്രായപരിധി 40. പ്രവൃത്തിപരിചയം ഉള്ളവര്‍ക്ക് മുന്‍ഗണന. 

കോവിഡ് 19 ബാധിതരുടെ എണ്ണം ജില്ലയില്‍ വര്‍ധിച്ചു വരുന്ന സാഹചര്യത്തില്‍ സമൂഹ വ്യാപനം പ്രതിരോധിക്കുന്നതിന് കര്‍ശന നടപടികള്‍ സ്വീകരിക്കാന്‍ ജില്ലാ ദുരന്ത നിവാരണ അതോറിറ്റി തീരുമാനിച്ചു. രോഗമുക്തരായി വീടുകളിലേക്ക് മടങ്ങുന്നവരും ക്വാറന്‍റയിന്‍ നിര്‍ദേശിക്കപ്പെട്ടവരും മറ്റുള്ളവരുമായി സമ്പര്‍ക്കത്തില്‍ ഏര്‍പ്പെടുന്നില്ലെന്ന് ഉറപ്പാക്കുന്നതിന് നിരീക്ഷണം ശക്തമാക്കും.

മത്സ്യകര്‍ഷക ദിനാചരണത്തിന്‍റെ ഭാഗമായി ജൂലൈ 10 ,13 തീയതികളില്‍ ഫിഷറീസ് വകുപ്പ് ബയോഫ്ളോക്ക് മത്സ്യകൃഷി സംബന്ധിച്ച് ത്രിദിന ഓണ്‍ലൈന്‍ സെമിനാര്‍ സംഘടിപ്പിക്കുന്നു. ഉദ്ഘാടനം പത്തിന് രാവിലെ 10ന്  ഫിഷറീസ് വകുപ്പ് മന്ത്രി ജെ. മേഴ്സിക്കുട്ടിയമ്മ ഓണ്‍ലൈനില്‍ നിര്‍വഹിക്കും. 

മുറിച്ചിട്ടിരിക്കുന്ന മൂന്നു തേക്ക് മരങ്ങള്‍ ഓഗസ്റ്റ് 25ന് രാവിലെ 11ന് കോരുത്തോട് വില്ലേജ് ഓഫീസില്‍ വച്ച് ലേലം ചെയ്യും. കൂടുതല്‍ വിവരങ്ങള്‍ കോട്ടയം റവന്യൂ ഡിവിഷന്‍ ഓഫീസിലും കോരുത്തോട് വില്ലേജ് ഓഫീസിലും ലഭിക്കും.