വരടിയം ടെക്‌നിക്കൽ ഹയർ സെക്കണ്ടറി സ്‌കൂളിൽ പ്ലസ് വൺ പ്രവേശനത്തിന് അപേക്ഷ ക്ഷണിച്ചു. www.ihrd.kerala.gov.in/thss എന്ന വെബ്‌സൈറ്റ് മുഖേന ഓൺലൈനായാണ് അപേക്ഷ നൽകേണ്ടത്. അപേക്ഷ സ്‌കൂളിൽ ലഭിക്കേണ്ട അവസാന തീയതി ജൂലൈ 24. ഫോൺ: 0487 2214773, 8547005022.  

ഹയർ സെക്കന്ററി പരീക്ഷയിൽ തൃശൂർ ജില്ലയ്ക്ക് 87.13 ശതമാനം വിജയം. 28461 പേരാണ് ഉപരി പഠനത്തിന് യോഗ്യത നേടിയത്. 1662 കുട്ടികൾക്ക് എല്ലാവിഷയത്തിനും എ പ്ലസ് ലഭിച്ചു. 202 സ്‌കൂളുകളിലായി 32665 പേരാണ് ജില്ലയിൽ ഹയർസെക്കന്ററി പരീക്ഷ എഴുതിയത്.
തൃശ്ശൂർ വിവേകോദയം ബോയ്‌സ് ഹയർ സെക്കൻഡറി സ്‌കൂൾ, തൃശൂർ സേക്രഡ് ഹാർട്ട് കോൺവെൻറ് ഗേൾസ് ഹയർ സെക്കൻഡറി സ്‌കൂൾ എന്നിവയാണ് ഏറ്റവും കൂടുതൽ വിദ്യാർത്ഥികൾ എ പ്ലസ് നേടി വിജയിച്ച സ്‌കൂളുകൾ. ഏറ്റവും കൂടുതൽ വിദ്യാർത്ഥികൾ പരീക്ഷയെഴുതിയത് പുതുക്കാട് സെൻറ് ആൻറണീസ് എച്ച്എസ്എസിലാണ്. 19 സ്‌കൂളുകളാണ് 100 ശതമാനം വിജയം കൈവരിച്ചത്.

ഭാരത് പെട്രോളിയം കോർപ്പറേഷൻ അവരുടെ തിരുവനന്തപുരത്തും തൃശൂരുമുളള റീട്ടെയിൽ ഔട്ട്‌ലട്ടുകളിൽ സർവീസ് ദാതാക്കളെ നിയമിക്കുന്നു. താൽപര്യമുളള ജൂനിയർ കമ്മീഷണഡ് ഓഫീസർ റാങ്കിൽ കുറയാത്ത 60 വയസ്സിനു താഴെയുളള വിമുക്തഭടന്മാർ ജൂലൈ 31 നകം ജില്ലാ സൈനിക ക്ഷേമ ഓഫീസുമായി ബന്ധപ്പെടണം. ഫോൺ: 0487-2384037.
 

സുഭിക്ഷ കേരളം- സംയോജിത ഭക്ഷ്യസുരക്ഷാ പദ്ധതിയുടെ ഭാഗമായി വിദ്യാസമ്പന്നരായ യുവാക്കൾക്കും, വനിതകൾക്കും, വിദ്യാർത്ഥികൾക്കുമായി കൃഷിവകുപ്പിൽ ആറുമാസത്തെ കാർഷിക പരിചയ -പരിശീലന പരിപാടികൾക്കായി അവസരം. പരമാവധി യുവജനങ്ങളെയും, വിദ്യാർഥികളെയും കാർഷിക സംസ്‌കൃതി എന്തെന്ന് പഠിപ്പിക്കാനും കാർഷിക വ്യവസായ മേഖലയിലെ സാധ്യതകൾ മനസ്സിലാക്കി നൽകുന്നതിനുമാണീ പദ്ധതി നടപ്പിലാക്കുന്നത്.

വിഷുവുമായി ബന്ധപ്പെട്ട് കൈത്തറി ഉൽപ്പന്നങ്ങളുടെ റിബേറ്റോടെയുളള വിൽപന കോവിഡ് 19 മൂലം സംഘടിപ്പിക്കുവാൻ കഴിയാതെ വന്നതിനാൽ ജൂലൈ 1 മുതൽ ജൂലൈ 20 വരെയുളള കാലയളവിലെ വിൽപനക്ക് സർക്കാർ സ്‌പെഷ്യൽ റിബേറ്റ് പ്രഖ്യാപിച്ചു. തൃശ്ശൂർ ജില്ല വ്യവസായ കേന്ദ്രത്തിനു കീഴിലുളള പ്രാഥമിക കൈത്തറി സംഘങ്ങൾ, ഹാന്റക്‌സ്, ഹാൻവീവ് എന്നിവിടങ്ങളിൽ സ്‌പെഷ്യൽ റിബേറ്റ് ലഭിക്കുമെന്ന് ജില്ല വ്യവസായ കേന്ദ്രം ജനറൽ മാനേജർ അറിയിച്ചു. ഫോൺ: 0487-2360847, 2361945.

മാന്ദാമംഗലം പദ്ധതിയിലെ ഗുണഭോക്താക്കൾക്ക് വീട് നിർമ്മിക്കാൻ തുക അനുവദിച്ചു. 2018 പ്രളയത്തിൽ വീട് നഷ്ടമായ കുടുംബങ്ങൾക്ക് ഭവനത്തിനായി വിവിധ പദ്ധതികൾ വഴി ഭവനം നിർമ്മിച്ചു നൽകിയിരുന്നു. എന്നാൽ മാന്ദാമംഗലം പദ്ധതിയിലെ ഗുണഭോക്താക്കൾക്ക് വീട് നിർമ്മിച്ചു നൽകാൻ തീരുമാനിച്ച സ്ഥലം വാസയോഗ്യമല്ലായിരുന്നു. അതിനാൽ സ്ഥലം വാങ്ങുന്നതിനും വീട് നിർമിക്കുന്നതിനുമായി ഒരു കുടുംബത്തിന് 10 ലക്ഷം രൂപ നൽകാൻ തീരുമാനിച്ചു. ഭവനവുമായി ബന്ധപ്പെട്ട തീരുമാനങ്ങൾ ചർച്ച ചെയ്യാൻ മാന്ദാമംഗലം ഗുണഭോക്താക്കളുമായി ജില്ലാ കളക്ടർ എസ്. ഷാനവാസ് നടത്തിയ യോഗത്തിലാണ് തീരുമാനം.

തലയോലപ്പറമ്പ് ഗ്രാമപഞ്ചായത്തിലെ നാലാം വാര്‍ഡ് കണ്ടെയ്ന്‍മെന്റ് സോണാക്കി ജില്ലാ കളക്ടര്‍ ഉത്തരവായി. 

പള്ളിക്കത്തോട് ഗ്രാമപഞ്ചായത്തിലെ എട്ടാം വാര്‍ഡിനെ കണ്ടെയ്ന്‍മെന്റ് സോണുകളുടെ പട്ടികയില്‍നിന്ന് ഒഴിവാക്കി.

ജില്ലയില്‍ നിലവിലുള്ള കണ്ടെയ്ന്‍മെന്റ് സോണുകള്‍.

(തദ്ദേശഭരണ സ്ഥാപനം വാര്‍ഡ് എന്ന ക്രമത്തില്‍)

ചിറക്കടവ്- 4,5

എരുമേലി-12

തൃക്കൊടിത്താനം-12

പാറത്തോട്-8

മണര്‍കാട്-8

അയ്മനം -6

കടുത്തുരുത്തി-16

ഉദയനാപുരം-16

ജൂലൈ 13ന് കോട്ടയത്ത് കോവിഡ് സ്ഥിരീകരിച്ച പാല മുനിസിപ്പാലിറ്റി ജീവനക്കാരനൊപ്പം ബസില്‍ സഞ്ചരിച്ചവര്‍  കോട്ടയം കൊറോണ കണ്‍ട്രോള്‍ റൂമില്‍ ബന്ധപ്പെടണമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു.  ചുവടെ പറയുന്ന ബസുകളില്‍  ജൂണ്‍ 29 മുതല്‍ ജൂലൈ 13 വരെ (ജൂലൈ 4, 5 തീയതികളില്‍ ഒഴികെ) യാത്ര ചെയ്തവരാണ് വിവരം അറിയിക്കേണ്ടത്.

1.  രാവിലെ 7.30 : കാഞ്ഞിരംപടി, ഷാപ്പുപടി - കോട്ടയം  വരെ ഹരിത ട്രാവല്‍സ്

2. രാവിലെ 8.00: കോട്ടയം മുതല്‍ പാലാ വരെ കോട്ടയം -കട്ടപ്പന വഴി ഉപ്പുതറയ്ക്കുള്ള  കെ.എസ്.ആര്‍.ടി.സി ബസ്