ജില്ലയിലെ കോവിഡ് 19 പ്രതിരോധ പ്രവര്‍ത്തനങ്ങളുമായി ബന്ധപ്പെട്ട് മന്ത്രിമാരായ എ.കെ ബാലന്‍, കെ.കൃഷ്ണന്‍കുട്ടി എന്നിവരുടെ നേതൃത്വത്തില്‍ ഇന്ന് (ജൂലൈ നാല്) രാവിലെ 9.30 ന് അവലോകന യോഗം നടക്കും. കലക്ടറേറ്റ് കോണ്‍ഫറന്‍സ് ഹാളില്‍ നടക്കുന്ന യോഗത്തില്‍ ബന്ധപ്പെട്ട ഉദ്യോഗസ്ഥര്‍ പങ്കെടുക്കണമെന്ന് ജില്ലാ കലക്ടര്‍ അറിയിച്ചു.

പട്ടികജാതി-പട്ടികവര്‍ഗ്ഗ-പിന്നാക്കക്ഷേമ-നിയമ-സാസ്‌ക്കാരിക-പാര്‍ലമെന്ററികാര്യ വകുപ്പ് മന്ത്രി എ.കെ ബാലന്‍ ഇന്നും നാളെയും(ജൂലൈ നാല്, അഞ്ച്) ജില്ലയില്‍ ഉണ്ടാവും.  ഇന്ന്  (ജൂലൈ നാല്) രാവിലെ 9.30 ന് പാലക്കാട്  മെഡിക്കല്‍ കോളെജ് പരിസരത്ത് സംഘടിപ്പിക്കുന്ന വനമഹോത്സവം, 10 ന്  പാലക്കാട് കലക്ടറേറ്റില്‍ നടക്കുന്ന കോവിഡ്-19 അവലോകന യോഗം, തുടര്‍ന്ന് ഉച്ചക്ക് 12 ന് കലക്ടറേറ്റില്‍ കോണ്‍ഫറന്‍സ് ഹാളില്‍ പത്രസമ്മേളനം എന്നിവയില്‍ പങ്കെടുക്കും. 

കര്‍ഷക തൊഴിലാളി ക്ഷേമനിധി ബോര്‍ഡ് ജില്ലാ എക്‌സിക്യൂട്ടീവ്  ഓഫീസിലെ   കോവിഡ്-19 ന്റെ പശ്ചാത്തലത്തില്‍ തൊഴില്‍ ദിനം നഷ്ടപ്പെട്ട അംഗങ്ങള്‍ക്ക് ധനസഹായത്തിന് അപേക്ഷിക്കാം.  www.karshakathozhilali.org ലാണ് അപേക്ഷിക്കേണ്ടത്. അക്ഷയകേന്ദ്രങ്ങള്‍ വഴിയും അപേക്ഷിക്കാം. ഇത് വരെ ധനസഹായത്തിന് അപേക്ഷിക്കാത്ത തൊഴിലാളികള്‍ അപേക്ഷ നല്‍കണം. നിലവില്‍ കുടിശ്ശികയുളള അംഗങ്ങളുള്‍പ്പെടെ എല്ലാ അംഗങ്ങളും ധനസഹായത്തിന് അര്‍ഹരാണെന്ന് ജില്ലാ എക്‌സിക്യൂട്ടീവ് ഓഫീസര്‍ അറിയിച്ചു.

കുറ്റകൃത്യങ്ങള്‍ക്ക് ഇരയായവരുടെ ക്ഷേമത്തിനുവേണ്ടി പ്രവര്‍ത്തിക്കുന്ന 'വിശ്വാസി' (വിക്ടിംസ് ഇന്‍ഫര്‍മേഷന്‍, സെന്‍സിറ്റൈസേഷന്‍, വെല്‍ഫെയര്‍ ആന്റ് അസിസ്റ്റന്‍സ് സൊസൈറ്റി)ന്റെ സിവില്‍ സ്റ്റേഷനിലുള്ള നവീകരിച്ച ഓഫീസും കൗണ്‍സിലിംഗ് റൂമും  വി. കെ. ശ്രീകണ്ഠന്‍ എം.പി ഉദ്ഘാടനം ചെയ്തു. നിയമപരമായി മാത്രമല്ല, മനുഷ്യത്വപരമായും സാമൂഹിക പ്രതിബദ്ധതയോടെയും ഓരോ കാര്യങ്ങളിലും ഇടപെടുന്ന വിശ്വാസിന്റെ സേവനം അഭിനന്ദനാര്‍ഹമാണെന്ന് അദ്ദേഹം പറഞ്ഞു. അസി.കലക്ടര്‍ ഡി. ധര്‍മ്മലശ്രീ അധ്യക്ഷയായി.

24 പേര്‍  ഇന്‍സ്റ്റിറ്റിയൂഷനല്‍ ക്വാറന്റൈനില്‍

 
ദുബായ്, അബുദാബി, ഷാര്‍ജ, ഖത്തര്‍, മാള്‍ട്ട, മസ്‌കറ്റ്, ജിദ്ദ, റാസല്‍ഖൈമ, കുവൈറ്റ് എന്നിവിടങ്ങളില്‍ നിന്നും നെടുമ്പാശ്ശേരി, കരിപ്പൂര്‍, തിരുവനന്തപുരം,  കണ്ണൂര്‍ അന്താരാഷ്ട്ര വിമാനത്താവളങ്ങളില്‍ ഇന്നലെ (ജൂലൈ 2) ജില്ലയിലെത്തിയത് 116 പാലക്കാട് സ്വദേശികള്‍. ഇവരില്‍ 24 പേര്‍ ഇന്‍സ്റ്റിറ്റിയൂഷനല്‍ ക്വാറന്റൈനില്‍  പ്രവേശിച്ചു. 92 പേര്‍ വീടുകളില്‍ നിരീക്ഷണത്തിലാണ്.

കുടുംബശ്രീ ജില്ലാ മിഷന്‍ പട്ടികവര്‍ഗ വികസന പദ്ധതി പ്രവര്‍ത്തനങ്ങള്‍ ഏകോപിപ്പിക്കുന്നതിന്റെ ഭാഗമായി ട്രൈബല്‍ ആനിമേറ്റര്‍മാരെ നിയമിക്കുന്നു. എസ്.എസ്.എല്‍.സി വിജയിച്ച പട്ടികവര്‍ഗ വിഭാഗക്കാര്‍ക്കാണ് അവസരം. മണ്ണാര്‍ക്കാട്, മലമ്പുഴ, നെന്മാറ ബ്ലോക്കുകളിലെ സ്ഥിരം താമസക്കാര്‍ക്ക് മുന്‍ഗണന.  താത്പര്യമുള്ളവര്‍ വെള്ളപേപ്പറില്‍ തയ്യറാക്കിയ അപേക്ഷ, യോഗ്യത തെളിയിക്കുന്ന രേഖകള്‍ സഹിതം ജൂലൈ 15 നകം ജില്ലാ മിഷന്‍ കോഡിനേറ്റര്‍, കുടുംബശ്രീ ജില്ലാ മിഷന്‍ ഓഫീസ്, സിവില്‍ സ്റ്റേഷന്‍, പാലക്കാട്- 678001 എന്ന വിലാസത്തില്‍ നല്‍കണമെന്ന് കോഡിനേറ്റര്‍ അറിയിച്ചു.

കുടുംബശ്രീ ജില്ലാ മിഷന്‍ പട്ടികവര്‍ഗ വികസന പദ്ധതി പ്രവര്‍ത്തനങ്ങള്‍ ഏകോപിപ്പിക്കുന്നതിന്റെ ഭാഗമായി ട്രൈബല്‍ ആനിമേറ്റര്‍മാരെ നിയമിക്കുന്നു. എസ്.എസ്.എല്‍.സി വിജയിച്ച പട്ടികവര്‍ഗ വിഭാഗക്കാര്‍ക്കാണ് അവസരം. മണ്ണാര്‍ക്കാട്, മലമ്പുഴ, നെന്മാറ ബ്ലോക്കുകളിലെ സ്ഥിരം താമസക്കാര്‍ക്ക് മുന്‍ഗണന.  താത്പര്യമുള്ളവര്‍ വെള്ളപേപ്പറില്‍ തയ്യറാക്കിയ അപേക്ഷ, യോഗ്യത തെളിയിക്കുന്ന രേഖകള്‍ സഹിതം ജൂലൈ 15 നകം ജില്ലാ മിഷന്‍ കോഡിനേറ്റര്‍, കുടുംബശ്രീ ജില്ലാ മിഷന്‍ ഓഫീസ്, സിവില്‍ സ്റ്റേഷന്‍, പാലക്കാട്- 678001 എന്ന വിലാസത്തില്‍ നല്‍കണമെന്ന് കോഡിനേറ്റര്‍ അറിയിച്ചു.

ശ്രീകൃഷ്ണപുരം സര്‍ക്കാര്‍ എഞ്ചിനീയറിംഗ് കോളേജില്‍ 2020-2022 വര്‍ഷത്തില്‍ ക്യാന്റീന്‍ നടത്തിപ്പിനായി എഫ്എസ്എസ്എഐ സര്‍ട്ടിഫിക്കറ്റ് ഉളളവരില്‍ നിന്നും ക്വട്ടേഷനുകള്‍ ക്ഷണിച്ചു. 'ക്യാന്റീന്‍ നടത്തിപ്പിനുളള ക്വട്ടേഷന്‍'  എന്ന രേഖപ്പെടുത്തി ജൂലൈ 10 ന് ഉച്ചയ്ക്ക് രണ്ടിനകം ക്വട്ടേഷന്‍ ഓഫീസില്‍ നല്‍കണം. അന്നേ ദിവസം  വൈകിട്ട് മൂന്നിന് തുറക്കും.