തിരുവനന്തപുരം, കൊച്ചി, കരിപ്പൂര്‍ അന്താരാഷ്ട്ര വിമാനത്താവളങ്ങള്‍ വഴി തിങ്കളാഴ്ച (ജൂലൈ 13 ) ഏഴു വിമാനങ്ങളിലായി പത്തനംതിട്ട ജില്ലക്കാരായ 68 പ്രവാസികള്‍കൂടി എത്തി. ഇവരില്‍ 21 പേരെ വിവിധ കോവിഡ് കെയര്‍ സെന്ററുകളിലും ഒരു ഗര്‍ഭിണി ഉള്‍പ്പെടെ 47 പേരെ വീടുകളിലും നിരീക്ഷണത്തിലാക്കി.

ജില്ലയില്‍ കോവിഡ് 19 രോഗം വര്‍ധിക്കുന്ന സാഹചര്യത്തില്‍ പൊതുപരിപാടികള്‍ നടത്തുന്നതിന് പോലീസ് അനുമതി വാങ്ങണമെന്നും ഇതു പാലിക്കാത്തവര്‍ക്കെതിരേ കര്‍ശന നടപടിയെടുക്കുമെന്നും വനം, വന്യജീവി വകുപ്പ് മന്ത്രി കെ.രാജു പറഞ്ഞു. ജില്ലയിലെ കോവിഡ് പ്രതിരോധ പ്രവര്‍ത്തനങ്ങള്‍ വിലയിരുത്താന്‍ പത്തനംതിട്ട കളക്ട്രേറ്റില്‍ ചേര്‍ന്ന വീഡിയോ കോണ്‍ഫറന്‍സ് അവലോകന യോഗത്തില്‍ സംസാരിക്കുകയായിരുന്നു മന്ത്രി.

പത്തനംതിട്ട ജില്ലയില്‍ ഇന്ന്(14) മൂന്നു പേര്‍ക്ക് കോവിഡ്-19 സ്ഥിരീകരിച്ചു. ഇന്ന്(14) ആര്‍ക്കും സമ്പര്‍ക്കത്തിലൂടെ രോഗം സ്ഥിരീകിരിച്ചിട്ടില്ല.

കോവിഡ് രോഗവ്യാപനം തടയുന്നതിനായി കുന്നംകുളം നഗരസഭയുടെ 12-ാം ഡിവിഷൻ, മുരിയാട് ഗ്രാമപഞ്ചായത്തിലെ 09, 13, 14 വാർഡുകൾ എന്നിവ കണ്ടെയ്ൻമെന്റ് സോണുകളായി ജില്ലാ കളക്ടർ എസ് ഷാനവാസ് പ്രഖ്യാപിച്ചു. നേരത്തെ പ്രഖ്യാപിച്ച കുന്നംകുളം നഗരസഭയിലെ 10, 11, 25 ഡിവിഷനുകൾ, നടത്തറ ഗ്രാമപഞ്ചായത്തിലെ 8-ാം വാർഡ്, പുത്തൻച്ചിറയിലെ 06, 07 വാർഡുകൾ, അന്നമനടയിലെ 17, 07, 08 വാർഡുകൾ, അരിമ്പൂരിലെ 5-ാം വാർഡ്, അതിരപ്പിളളിയിലെ 4-ാം വാർഡ്, ഇരിങ്ങാലക്കുട നഗരസഭയിലെ 27-ാം ഡിവിഷൻ എന്നിവ കണ്ടെയ്ൻമെന്റ് സോണുകളായി തുടരും.  

തൃശൂർ ഫുഡ് ക്രാഫ്റ്റ് ഇൻസ്റ്റിറ്റ്യൂട്ടിൽ ഫുഡ് ആൻഡ് ബീവറേജ് സർവീസ്, ഫുഡ് പ്രൊഡക്ഷൻ, ഫ്രണ്ട് ഓഫീസ് ഓപ്പറേഷൻ, ഹോട്ടൽ അക്കോമഡേഷൻ ഓപ്പറേഷൻ എന്നീ കോഴ്‌സുകളിലേക്ക് അപേക്ഷ ക്ഷണിച്ചു. എസ്എസ്എൽസി യോഗ്യതയുളള പരിശീലനത്തിന്റെ കാലാവധി ഒരു വർഷമാണ്. എസ്‌സി, എസ്ടി, ഒഇസി വിഭാഗത്തിൽപ്പെട്ട വിദ്യാർത്ഥികൾക്ക് പഠനം സൗജന്യമാണ്. അപേക്ഷഫോറവും വിശദവിവരങ്ങളും www.fcikerala.org എന്ന വെബ്‌സൈറ്റിൽ ലഭിക്കും. ഓൺലൈനായി അപേക്ഷ സ്വീകരിക്കുന്ന അവസാന തീയതി ജൂലൈ 30 വൈകീട്ട് 5 മണി. ഫോൺ: 0487 2384253, 9847677549, 9895880075.

തൃശൂർ ജില്ലാ സായുധ സേന കമാണ്ടിന്റെ കാര്യാലയത്തിൽ സൂക്ഷിച്ചിട്ടുളളതും പോലീസ് വകുപ്പിന് ഉപയോഗ്യമല്ലാത്തതുമായ ടയർ, ട്യൂബ്, ഫ്‌ളാപ്പ്, വെസ്റ്റ് ഓയിൽ, സ്‌പെയർ പാർട്‌സ് എന്നിവ ആഗസ്റ്റ് 11 രാവിലെ 11 ന് ലേലം ചെയ്യും. ഫോൺ: 0487 2361000.

നഗരസഭ ജീവനക്കാർ ഉൾപ്പെടെ നഗരസഭാ പ്രദേശത്ത് കോവിഡ് രോഗ സ്ഥിരീകരിച്ചതോടെ നഗരസഭ അടച്ചു. നഗരസഭ കൗൺസിൽ യോഗം നടന്നുകൊണ്ടിരിക്കെയാണ് പുതിയ കോവിഡ് സ്ഥിരീകരണ വിവരങ്ങൾ പുറത്തുവന്നത്. ഇതോടെ യോഗം പെട്ടെന്ന് അവസാനിപ്പിക്കുകയായിരുന്നു. തുടർന്ന് എല്ലാ ജീവനക്കാരോടും ജോലി നിർത്താനും വീട്ടിലേക്കു പോകുവാനും ചെയർപേഴ്സൻ സീതാ രവീന്ദ്രൻ നിർദേശം നൽകി. തുടർന്ന് നഗരസഭ ഓഫീസ്, അനുബന്ധ ഓഫീസുകൾ, കാന്റീൻ എന്നിവ അടച്ചു പൂട്ടി. നഗരത്തിലെ ചില കച്ചവട സ്ഥാപനങ്ങളും നേരത്തെ തന്നെ അടച്ചിരുന്നു.
 

കൊറോണ രോഗപ്രതിരോധപ്രവർത്തനത്തിന്റെ ഭാഗമായി മൊബൈൽ മെഡിക്കൽ ആൻഡ് സർവൈലൻസ് യൂണിറ്റിനായി രണ്ടു യൂണിറ്റുകൾക്കായി ഡ്രൈവർ, വാഹനം (ട്രാവലർ-ഫോർസ്/റാറ്റ റിങ്ഗ്ലർ), സ്റ്റാഫുകൾ, ഉപകരണങ്ങൾ, മരുന്നുകൾ, ലാബ് കിറ്റുകൾ മുതലായവ ഒരുക്കുന്നതിന് ഓൺലൈൻ വഴി ഇ-ടെണ്ടർ ക്ഷണിച്ചു. വിശദവിവരങ്ങൾ www.arogyakeralam.gov.in എന്ന വെബ് സൈറ്റിൽ ലഭിക്കും. ഫോൺ: 0487 2325824, 9747211538.