ജില്ലയിലെ തീരപ്രദേശങ്ങളിൽ പൊതുജനങ്ങൾ അതീവ ജാഗ്രത പാലിക്കണമെന്ന് എന്ന് ജില്ലാ കളക്ടർ എ അലക്സാണ്ടർ അറിയിച്ചു. അനാവശ്യ ഗൃഹസന്ദർശന ങ്ങളും സുഹൃത്സംഗമങ്ങളും കർശനമായും ഒഴിവാക്കേണ്ടതാണ്. അവശ്യ കാര്യങ്ങൾക്ക് മാത്രമേ പുറത്തിറങ്ങാവൂ.

പാലക്കാട് ജില്ലയിൽ ഇന്ന്(ജൂലൈ ആറ്) മൂന്ന്‌ വയസുകാരന് ഉൾപ്പെടെ എട്ട് പേർക്ക്  കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. ഇതിൽ ഒരാൾ മലപ്പുറം ജില്ലയിൽ ചികിത്സയിലാണ്. ജില്ലയിൽ ഇന്ന് 33 പേർക്ക് രോഗമുക്തിയുള്ളതായും  അധികൃതർ അറിയിച്ചു.

*ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്.* 

*തമിഴ്നാട്- 1*
ചെന്നൈയിൽ നിന്നും വന്ന തിരുമിറ്റക്കോട് സ്വദേശി (35 സ്ത്രീ)

*മഹാരാഷ്ട്ര-2*
കഞ്ചിക്കോട് സ്വദേശികളായ രണ്ടുപേർ (31 സ്ത്രീ, 34 പുരുഷൻ).

ആലപ്പുഴ : ജല സംരക്ഷണ പ്രവർത്തനങ്ങളുടെ ഭാഗമായി ഇരുപത്തിയഞ്ചോളം കുളങ്ങൾ പൂർത്തിയാക്കി ചുനക്കര ഗ്രാമ പഞ്ചായത്ത്‌. വേനലിലെ കുടിവെള്ള ക്ഷാമത്തിനു ശാശ്വത പരിഹാരം, മഴയിലൂടെ ലഭിക്കുന്ന വെള്ളം സംരക്ഷിക്കുക എന്ന ലക്ഷ്യത്തോടെയാണ് പദ്ധതിക്ക് രൂപം കൊടുത്തത്. പുതിയ കുളങ്ങൾക്കൊപ്പം തന്നെ നാശോന്മുഖമായ കുളങ്ങളും പദ്ധതി വഴി പുനരുദ്ധാരണം ചെയ്തു. മഹാത്മാ ഗാന്ധി തൊഴിലുറപ്പ് പദ്ധതി വഴി രണ്ടര വർഷം കൊണ്ടാണ് പഞ്ചായത്തിലെ വിവിധ വാർഡുകളിൽ കുളങ്ങൾ പൂർത്തിയാക്കിയത്.

ആലപ്പുഴ: കാര്‍ത്തികപ്പള്ളി താലൂക്കില്‍ കായംകുളം വില്ലേജില്‍ 15 മീറ്റര്‍ പൊക്കവും 1.20 മീറ്റര്‍ ചുറ്റു വണ്ണവുമുള്ള മാവ് ജൂലൈ 13ന് രാവിലെ 11ന് കായംകുളം വില്ലേജാഫീസില്‍ ലേലം ചെയ്യുന്നു. കൂടുതല്‍ വിവരത്തിന് ഫോണ്‍: 0479 2412797.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂലൈ  5) വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 28 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 53 പേരെ അറസ്റ്റ് ചെയ്തു. അഞ്ച് വാഹനങ്ങൾ പിടിച്ചെടുത്തു.  

 *മാസ്ക് ധരിക്കാത്ത 315 പേർക്കെതിരെ കേസ്* 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 315 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തിയ ശേഷം കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 

ആലപ്പുഴ: പ്രളയത്തില്‍ നാശോന്മുഖമായ ജില്ലയിലെ സ്‌കൂളുകള്‍ക്ക് പുതിയ മുഖം നല്‍കി ഐ ആം ഫോര്‍ ആലപ്പി. പ്ലാന്‍ ഇന്ത്യയുടെ സഹകരണത്തോടെ ഐ ആം ഫോര്‍ ആലപ്പി വിദ്യാഭ്യാസ വകുപ്പുമായി ചേര്‍ന്നാണ പദ്ധതി നടപ്പാക്കിയത്. ജില്ലയിലെ താഴ്ന്ന പ്രദേശങ്ങളായ കുട്ടനാട്, മങ്കൊമ്പ്, വെളിയനാട്, കരുവാറ്റ എന്നിവിടങ്ങളിലെ സ്‌കൂളുകളിലാണ് പുനഃരുദ്ധാരണ പ്രവര്‍ത്തനങ്ങള്‍ നടത്തിയത്. 

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 188 പേരാണ് ചികിത്സയിലുള്ളത്.  ഇന്ന് (ജൂലായ് 5) ജില്ലയില്‍ 29 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 26 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 22370 സാമ്പിളുകള്‍ പരിശോധനയ്ക്കായി അയച്ചതില്‍ 19223 പരിശോധനാ ഫലങ്ങളാണ് ലഭ്യമായത്. ഇന്ന് 260 പരിശോധനാ ഫലങ്ങളാണ് ലഭിച്ചത്. പുതുതായി 1043 സാമ്പിളുകളും അയച്ചു. 616 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 416 പേർ രോഗമുക്തി നേടി. ഇനി 3147 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്.