കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂലൈ  6) വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 26 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 36 പേരെ അറസ്റ്റ് ചെയ്തു. മൂന്ന് വാഹനങ്ങൾ പിടിച്ചെടുത്തു.  സാമൂഹിക അകലം പാലിക്കാത്തതിന് 21 കേസുകൾ രജിസ്റ്റർ ചെയ്തിട്ടുണ്ട്.

 *മാസ്ക് ധരിക്കാത്ത 176 പേർക്കെതിരെ കേസ്* 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 176 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 171 പേരാണ് ചികിത്സയിലുള്ളത്.  ഇന്ന് (ജൂലായ് 06) ജില്ലയില്‍ 8 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 32 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 22580 സാമ്പിളുകള്‍ പരിശോധനയ്ക്കായി അയച്ചതില്‍ 19859 പരിശോധനാ ഫലങ്ങളാണ് ലഭ്യമായത്. ഇന്ന് 636 പരിശോധനാ ഫലങ്ങളാണ് ലഭിച്ചത്. പുതുതായി 210 സാമ്പിളുകളും അയച്ചു. 624 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 449 പേർ രോഗമുക്തി നേടി. ഇനി 2721 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

റേഷന്‍ വിതരണം സുഗമമായി നത്തുന്നതിന് ആധാര്‍ റേഷന്‍ കാര്‍ഡുമായി ബനധിപ്പിക്കണമെന്ന്  സിറ്റി റേഷനിംഗ് ഓഫീസര്‍ (നോര്‍ത്ത്) അറിയിച്ചു. കാര്‍ഡിലുള്‍ടപ്പെട്ട എല്ലാവരും അടിയന്തരമായി ആധാര്‍ റേഷന് കാര്‍ഡുമായി ലിങ്ക് ചെയ്യണം. കാര്‍ഡിലെ ഏതെങ്കിലും അംഗത്തിന്റെ ആധാര്‍ ലിങ്ക് ചെയ്യാന്‍ ബാക്കിയുണ്ടെങ്കില്‍ അത്തരം കാര്‍ഡുകളില്‍ തിരുത്തലോ, ചേര്‍ക്കലോ തുടങ്ങിയവ നടത്താന്‍ സാധിക്കുകയില്ല. മുന്‍ഗണനാ കാര്‍ഡിലേക്ക് മാറാനും പ്രയാസകരമാണ്. ഓണ്‍ലൈന്‍/അക്ഷയ വഴിയോ ഓഫീസ് വഴിയോ ആധാര്‍ ലിങ്ക് ചെയ്യാം.   ഫോണ്‍ : 0495 2374565.

കോഴിക്കോട് താലൂക്കില്‍ നന്മണ്ട വില്ലേജില്‍ റി.സ. 65/1ഇ യില്‍ ഉള്‍പ്പെട്ട ഏഴ് സെന്റ് ജപ്തി ചെയ്ത ഭൂമിയും കുഴിക്കൂറും  സെപ്തംബര്‍ 15ന് രാവിലെ 11.30 മണിക്ക് നന്മണ്ട വില്ലേജ് ഓഫീസില്‍ ലേലം ചെയ്യുമെന്ന് തഹസില്‍ദാര്‍ അറിയിച്ചു.  

കോഴിക്കോട് ഇഎംഎസ് സ്മാരക സഹകരണ പരിശീലന കേന്ദ്രത്തില്‍ പ്രവേശനത്തിന് തെരഞ്ഞെടുക്കപ്പെട്ടവരുടെ അഭിമുഖം ജൂലൈ 13ന് രാവിലെ 10 മണിക്ക് നടക്കും. തെരഞ്ഞെടുക്കപ്പെട്ട ജനറല്‍ വിഭാഗം അപേക്ഷകര്‍ ഒറിജിനല്‍ സര്‍ട്ടിഫിക്കറ്റ്, ട്രാന്‍സ്ഫര്‍ സര്‍ട്ടിഫിക്കറ്റ്, ഫീസ് സഹിതം ഹാജരാവണം. ജീവനക്കാരില്‍ നിന്നും തെരഞ്ഞെടുക്കപ്പെട്ടവരുടെ ഇന്റര്‍വ്യൂ തീയതി പിന്നീട് അറിയിക്കുമെന്ന് പ്രിന്‍സിപ്പല്‍ അറിയിച്ചു. വിശദ വിവരങ്ങള്‍ക്ക് - 0495 2306460, 9447425406.