ജില്ലയിലെ കോവിഡ് രോഗികളെ ആശുപത്രികളില്‍ എത്തിക്കുന്നതിന് ആംബുലന്‍സ് സൗകര്യത്തിന് മെഡിക്കല്‍ ഓഫീസര്‍മാര്‍ക്ക് താലൂക്ക്തലങ്ങളില്‍ സജ്ജമാക്കിയിട്ടുള്ള സേവന ഉപയോഗിക്കാമെന്ന് ജില്ലാ മെഡിക്കല്‍ ഓഫീസര്‍ ഡോ ആര്‍ ശ്രീലത അറിയിച്ചു. ആംബുലന്‍സ് ഉപയോഗിച്ചതിന് ശേഷം മെഡിക്കല്‍ ഓഫീസര്‍മാര്‍ ട്രിപ്പ് ഷീറ്റ് ഹാജരാക്കണം. പ്രതിഫലം ജില്ലാ കേന്ദ്രത്തില്‍ നിന്നും നല്‍കും.
(പി.ആര്‍.കെ നമ്പര്‍ 1998/2020)

ബക്രീദ്-ഓണം എന്നിവ പ്രമാണിച്ച് ഖാദി തുണിത്തരങ്ങള്‍ക്ക് ഓഗസ്റ്റ് 30 വരെ പ്രത്യേക സര്‍ക്കാര്‍ റിബേറ്റ് അനുവദിച്ചു. കേരള ഖാദി ഗ്രാമ വ്യവസായ ബോര്‍ഡ് നിയന്ത്രണത്തില്‍ പ്രവര്‍ത്തിക്കുന്ന കര്‍ബല ജംഗ്ഷനിലെ ഖാദി സൗഭാഗ്യ(0474-2742587), കൊട്ടാരക്കര(0474-2650631), കരുനാഗപ്പള്ളി(0476-2621587) എന്നീ വിപണനശാലകളിലും സഞ്ചരിക്കുന്ന വില്‍പ്പനശാലയിലും റിബേറ്റ് ആനുകൂല്യം ലഭിക്കും.
(പി.ആര്‍.കെ നമ്പര്‍ 1997/2020)

മൊബൈല്‍ ചാര്‍ജര്‍ ഉപയോഗിച്ച് ചാര്‍ജ് ചെയ്യാവുന്ന ഓട്ടോമാറ്റിക് ഹാന്‍ഡ് സാനിറ്റൈസര്‍ മെഷീനുമായി ടി കെ എം എഞ്ചിനീയറിംഗ് കോളജ് വിദ്യാര്‍ഥികള്‍. കോളജിലെ വിവിധ ബ്രാഞ്ചുകളിലെ വിദ്യാര്‍ഥികളുടെ കുട്ടായ്മയായ ഐ ഇ ഡി സി യും കോളജ് സ്റ്റാര്‍ട്ട് ആപ് ആയ വെക്ടര്‍ സ്‌പെഡിംഗ് ടെക് എന്നിവയും ചേര്‍ന്നാണ് നിര്‍മാണം. ഒതുക്കമുള്ളതും ഏതു സ്ഥലത്തും സ്ഥാപിക്കാവുന്നതുമാണ്. കൈ കാണിക്കുമ്പോള്‍ തൊടാതെ തന്നെ സാനിറ്റൈസര്‍ ലഭിക്കും. കോളജ് പ്രൊഫസര്‍ എം എന്‍ മുഹമ്മദ് ഷാഫി, വിദ്യാര്‍ഥികളായ എം എസ് അലി, മുഹമ്മദ് സല്‍മാന്‍ എന്നിവര്‍ ചേര്‍ന്ന് മെഷീന്‍ ജില്ലാ കലക്ടര്‍ക്ക് കൈമാറി. തുടക്കത്തില്‍ 10 എണ്ണമാണ് നിര്‍മിച്ചത്.

ജില്ലാ ലൈബ്രറി കൗണ്‍സില്‍ കോവിഡ് പ്രഥമിക ചികിത്സാ കേന്ദ്രത്തില്‍ ചികിത്സയിലുള്ളവര്‍ക്ക് വേണ്ടി 1000 പുസ്തങ്ങള്‍ കൈമാറി. കലക്‌ട്രേറ്റില്‍ നടന്ന ചടങ്ങില്‍ ജില്ലാ കലക്ടര്‍ ബി അബ്ദുല്‍ നാസര്‍ ലൈബ്രറി കൗണ്‍സില്‍ പ്രസിഡന്റ് മുരളീകൃഷ്ണന്‍, സെക്രട്ടറി ഡി സുകേശന്‍ എന്നിവരില്‍ നിന്നും ഏറ്റുവാങ്ങി.

തൃശൂർ ഭക്ഷ്യ സുരക്ഷാ അസിസ്റ്റന്റ് കമ്മീഷണറുടെ കാര്യാലയത്തിലെ മഹീന്ദ്ര ജീപ്പ് (1990 മോഡൽ) പൊളിച്ച് വിൽക്കാൻ ക്വട്ടേഷൻ ക്ഷണിച്ചു. ക്വട്ടേഷൻ ആഗസ്റ്റ് ഏഴിന് ഉച്ച 1.15 വരെ സ്വീകരിക്കും. നിരതദ്രവ്യം 1500 രൂപ. വിലാസം -ഭക്ഷ്യസുരക്ഷാ അസിസ്റ്റന്റ് കമ്മീഷണറുടെ ഓഫീസ്, എംജി റോഡ്, തൃശൂർ-680001, ഫോൺ - 0487 2424158, 8943346188.

സർവ്വെ ഓഫീസിലേക്ക് പൊതുജനങ്ങൾ സേവനങ്ങൾക്കും പരാതികൾക്കും supt-tsr.syr@kerala.gov.in എന്ന മെയിലിൽ ബന്ധപ്പെടണമെന്ന് ജില്ലാ സർവ്വെ സൂപ്രണ്ട് അറിയിച്ചു. കോവിഡ് 19 പ്രതിരോധ പ്രവർത്തനത്തിന്റെ ഭാഗമായി സർവ്വെ ഓഫിസിൽ പൊതുജനങ്ങൾക്ക് നിയന്ത്രങ്ങൾ ഏർപ്പെടുത്തിയ സഹചര്യത്തിലാണ് മെയിൽ വഴി അപേക്ഷകൾ സ്വീകരിക്കുന്നത്. ഫോൺ: 9495331863
 

ഐ എച്ച് ആർ ഡിയുടെ വരടിയം ടെക്നിക്കൽ ഹയർസെക്കന്ററി സ്‌കൂളിലേക്ക് പ്ലസ് വൺ പ്രവേശനത്തിന് ഓൺലൈനായി അപേക്ഷിക്കാനുള്ള തീയതി നീട്ടി. http.//ihrd.kerala.gov.in/thss. എന്ന ലിങ്കിൽ ഓൺലൈനായി അപേക്ഷിച്ച് ലഭിക്കുന്ന അപേക്ഷാഫോം, മാർക്ക് ലിസ്റ്റ് പകർപ്പ്, ആധാർ കാർഡിന്റെ പകർപ്പ് എന്നിവ ഇ-മെയിൽ വഴിയോ തപാലിലോ സ്‌കൂളിൽ ലഭിക്കേണ്ട അവസാന തീയതി ജൂലൈ 30. ഫോൺ- 9497072620, മെയിൽ വിലാസം: thssvaradium.ihrd@gmail.com

പൊതുജനങ്ങളുടെ പരാതികൾ തീർപ്പാക്കുന്നതിന് വേണ്ടി ആഗസ്റ്റ് എട്ട് (ശനിയാഴ്ച) ഉച്ച രണ്ട് മണിക്ക് തലപ്പിള്ളി താലൂക്കിലെ ഇ - പരാതി പരിഹാര അദാലത്ത് നടത്തുന്നു. ആഗസ്റ്റ് ഒന്നുവരെ അപേക്ഷകൾ പൊതുജനങ്ങൾക്ക് നേരിട്ട് അക്ഷയകേന്ദ്രം വഴി സമർപ്പിക്കാവുന്നതാണ്. കോവിഡ് 19 പശ്ചാത്തലത്തിൽ വീഡിയോ കോൺഫറൻസിങ് മുഖേനയാണ് അദാലത്ത് നടത്തുക. പരാതിക്കാർക്ക് അക്ഷയകേന്ദ്രം വഴി അദാലത്തിൽ പങ്കെടുക്കാം. സി എം ഡി ആർ എഫ്, എൽ ആർ എം കേസ്, റേഷൻ കാർഡ് സംബന്ധിച്ച പരാതികൾ, കോടതിയുടെ പരിഗണനയിലിരിക്കുന്ന വിഷയങ്ങൾ എന്നിവ അദാലത്തിൽ സ്വീകരിക്കുന്നതല്ലെന്നും ജില്ലാ കളക്ടർ അറിയിച്ചു. ഫോൺ: 04884 232226.
 

സമ്പർക്ക സാധ്യതകൾ പരമാവധി ഒഴിവാക്കുകയെന്ന സന്ദേശമാണ് സംസ്ഥാന മന്ത്രിസഭായോഗം ഓൺലൈനാക്കിയതിലൂടെ സർക്കാർ നൽകുന്നതെന്ന് കൃഷി വകുപ്പ് മന്ത്രി അഡ്വ. വി.എസ്. സുനിൽകുമാർ പറഞ്ഞു. തൃശൂർ കളക്ടറേറ്റിലെ വീഡിയോ കോൺഫറൻസ് ഹാളിൽവെച്ച് മന്ത്രിസഭാ യോഗത്തിൽ പങ്കെടുത്ത ശേഷം സംസാരിക്കുകയായിരുന്നു മന്ത്രി. സമ്പർക്ക വ്യാപനം തടയുന്നതിന്റെ ഭാഗമായാണ് ക്യാബിനറ്റ് യോഗം ഓൺലൈൻ വഴിയാക്കിയതെന്ന് മന്ത്രി പറഞ്ഞു.