സുഭിക്ഷ കേരളം പദ്ധതിയുടെ ഭാഗമായി കര്‍ഷകര്‍ക്ക് ആയിരം  വാഴക്കന്നുകള്‍ വിതരണം ചെയ്തു. വേങ്ങര പഞ്ചായത്തിലെ പാണ്ടികശാല പതിനേഴാം വാര്‍ഡിലെ  150  കര്‍ഷകര്‍ക്കാണ് വാഴക്കന്നുകള്‍ നല്‍കിയത്. കര്‍ഷകനായ  കരുമ്പില്‍ അബൂബക്കറിന് വാഴക്കന്ന് നല്‍കി പരിപാടി  ഉദ്ഘാടനം ചെയ്തു.  പാണ്ടികശാലയില്‍ നടന്ന പരിപാടിയില്‍ വാര്‍ഡ് അംഗം വി.ഉമ്മു ഐമന്‍ യൂസുഫലി , കെ.മുസ്തഫ, ഇ.വി.സൈതലവി, എം.വേലായുധന്‍, ഇ.വി.സൈതലവി,  ഇ.വി.മൊയ്തീന്‍ക്കുട്ടി, ടി. കുഞ്ഞവറാന്‍, പി.വേലായുധന്‍ എന്നിവര്‍ പങ്കെടുത്തു.
 

    വേങ്ങര  പാണ്ടികശാല തട്ടാഞ്ചേരി മല ജംങ്ഷന്‍  - ഗ്രീന്‍ സോണ്‍ റോഡ് നിര്‍മാണ പ്രവൃത്തിയുടെ ടെന്‍ഡര്‍ നടപടികള്‍ പൂര്‍ത്തിയായി. വേങ്ങര ഗ്രാമപഞ്ചായത്തിന്റ 2020-21 വാര്‍ഷിക പദ്ധതിയില്‍ ഉള്‍പ്പെടുത്തി മൂന്ന് ലക്ഷം രൂപ ചെലവഴിച്ചാണ് റോഡ് നിര്‍മിക്കുന്നത്.  തട്ടാഞ്ചേരി മലയിലെ പത്തോളം കുടുംബങ്ങള്‍ക്ക് പുതിയ റോഡ് ഏറെ ആശ്വാസമാവുമെന്ന് വാര്‍ഡ് അംഗം വി.ഉമ്മു ഐമന്‍ യൂസുഫലി പറഞ്ഞു.
 

കോവിഡ് ആശുപത്രിയായ മാനന്തവാടി ജില്ലാ ആശുപത്രിയില്‍ കോവിഡ് ഡ്യൂട്ടിക്കായി താത്കാലിക നിയമനം നടത്തുന്നു. സ്റ്റാഫ് നഴ്‌സ് തസ്തികയില്‍ നിലവിലുള്ള നാല് ഒഴിവുകളിലേക്ക് ബി.എസ്.സി നഴ്‌സിങ് അല്ലെങ്കില്‍ ജി.എന്‍.എം, കെ.എന്‍.സി രജിസ്‌ട്രേഷന്‍ യോഗ്യതയുള്ളവര്‍ക്ക് അപേക്ഷിക്കാം. നഴ്‌സിങ് അസിസ്റ്റന്റ് തസ്തികയിലെ രണ്ട് ഒഴിവുകളിലേക്ക് പത്താം ക്ലാസ്സ് പാസായ നഴ്‌സിങ് അസിസ്റ്റന്റ് കോഴ്‌സ് പൂര്‍ത്തിയാക്കിയവര്‍ക്ക് അപേക്ഷിക്കാം.

ജില്ലയില്‍ 20 കോവിഡ് ഫസ്റ്റ്‌ലൈന്‍ ട്രീറ്റ്‌മെന്റ് സെന്ററുകളിലായി 2630 കിടക്കകള്‍ ഇതിനകം സജ്ജീകരിച്ചു. മൂന്ന് സി.എഫ്.എല്‍.ടി.സികളില്‍ ഉദ്യോഗസ്ഥരുടെ വിന്യാസം പൂര്‍ത്തിയായി. 10 ഡോക്ടര്‍മാര്‍, 16 സ്റ്റാഫ് നേഴ്‌സ്, 3 ഫാര്‍മസിസ്റ്റ്, 10 ഗ്രേഡ് 2 ജീവനക്കാര്‍ എന്നിങ്ങനെയാണ് മൂന്ന് സി.എഫ്.എല്‍.ടി.സികളിലായി നിയമിച്ചത്. 5819 കിടക്കകളുടെ സൗകര്യത്തില്‍ 54 കേന്ദ്രങ്ങള്‍ സി.എഫ്.എല്‍.ടി.സികളാക്കുന്നതിന് ജില്ലയില്‍ കണ്ടെത്തിയിട്ടുണ്ട്.

സുല്‍ത്താന്‍ ബത്തേരി നഗരസഭയിലെ 15, 23, 24 ഡിവിഷനുകളും വെള്ളമുണ്ട പഞ്ചായത്തിലെ നാലാം വാര്‍ഡും കണ്ടെയ്ന്‍മെന്റ് സോണുകളായി ജില്ലാ കലക്ടര്‍ പ്രഖ്യാപിച്ചു. മാനന്തവാടി നഗരസഭയിലെ 29-ാം ഡിവിഷനെ കണ്ടെയ്ന്‍മെന്റ് സോണില്‍ നിന്ന് ഒഴിവാക്കി.

ജില്ലയില്‍ ഇന്ന് 45 പേരാണ് രോഗമുക്തി നേടിയത്.

കോവിഡുമായി ബന്ധപ്പെട്ട് ജില്ലയില്‍ ഇന്ന് (25.07) പുതുതായി നിരീക്ഷണത്തിലായത് 325 പേരാണ്. 279 പേര്‍ നിരീക്ഷണ കാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 2914 പേര്‍. ജില്ലയില്‍ നിന്ന് ഇതുവരെ പരിശോധനയ്ക്കയച്ച 14272 സാമ്പിളുകളില്‍ 12938 പേരുടെ ഫലം ലഭിച്ചു. ഇതില്‍ 12582 നെഗറ്റീവും 356 പോസിറ്റീവുമാണ്.

45 പേര്‍ക്ക് രോഗമുക്തി

വയനാട് ജില്ലയില്‍ ഇന്ന് (25.07.20) 17 പേര്‍ക്ക് കോവിഡ് സ്ഥിരീകരിച്ചു. ഇവരില്‍ രണ്ട് പേര്‍ വിദേശത്ത് നിന്നും എട്ട് പേര്‍ ഇതര സംസ്ഥാനങ്ങളില്‍ നിന്നും വന്നവരാണ്. ഏഴ് പേര്‍ക്ക് സമ്പര്‍ക്കത്തിലൂടെയാണ് രോഗബാധ. 45 പേര്‍ ഇന്ന് രോഗമുക്തരായി. ഇതോടെ ജില്ലയില്‍ കോവിഡ് സ്ഥിരീകരിച്ചവരുടെ ആകെ എണ്ണം 356 ആയി. ഇതില്‍ 202 പേര്‍ രോഗമുക്തരായി. ഒരാള്‍ മരണപ്പെട്ടു. നിലവില്‍ 153 പേരാണ് ചികില്‍സയിലുളളത്. ഇതില്‍ ജില്ലയില്‍ 148 പേരും കോഴിക്കോട് മെഡിക്കല്‍ കോളേജില്‍ നാലും കണ്ണൂരില്‍ ഒരാളും ചികിത്സയില്‍ കഴിയുന്നു.

രോഗം സ്ഥിരീകരിച്ചവര്‍: