കോവിഡ് 19 പ്രതിരോധത്തിന്റെ  ഭാഗമായി ജില്ലാ മൃഗാശുപത്രിയിൽ  ചികിത്സയുമായി ബന്ധപ്പെട്ട്  ക്രമീകരണങ്ങൾ ഏർപ്പെടുത്തിയതായി ചീഫ് വെറ്റിനറി സർജൻ അറിയിച്ചു. ജില്ലാ  മൃഗാശുപത്രിയിൽ തിരക്ക് വർദ്ധിക്കുന്ന സാഹചര്യത്തിലാണ് നടപടി. 

 *ക്രമീകരണങ്ങൾ ഇപ്രകാരം*
  
1. നഗരസഭ അതിർത്തിക്ക് പുറത്തുള്ളവർ അതത് പ്രദേശങ്ങളിലെ മൃഗാശുപത്രിയിലെ സേവനങ്ങൾ പരമാവധി പ്രയോജനപ്പെടുത്തുക. 

2. അത്യാവശ്യഘട്ടങ്ങളിൽ മാത്രം മൃഗങ്ങളെ ആശുപത്രിയിൽ കൊണ്ടുവരിക. പരമാവധി ഡോക്ടർമാരെ  ഫോണിൽ ബന്ധപ്പെട്ട്  സഹായം തേടുക. 
ഡോ. ജോജു  ഡേവിസ്-9447417100,  ഡോ. രഞ്ജിത്ത് മോഹൻ- 9447278281.

185 പേര്‍ രോഗ മുക്തരായി
ഉറവിടമറിയാതെ 16 പേര്‍ക്ക് വൈറസ്ബാധ
രോഗബാധിതരായി ചികിത്സയില്‍  592 പേര്‍
ഇതുവരെ രോഗബാധ സ്ഥിരീകരിച്ചത്  1,630 പേര്‍ക്ക്
1,330 പേര്‍ക്ക് കൂടി പ്രത്യേക നിരീക്ഷണം
ആകെ നിരീക്ഷണത്തിലുള്ളത് 37,323 പേര്‍

കുറ്റിപ്പുറം ഗ്രാമ പഞ്ചായത്തിലെ പെരുമ്പറമ്പ് മൂടാല്‍ ഗവ. എല്‍. പി. സ്‌കൂളിന് നിര്‍മിക്കുന്ന പുതിയ കെട്ടിടത്തിന്റെ ശിലാസ്ഥാപനം പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ നിര്‍വഹിച്ചു. സര്‍ക്കാര്‍ അനുവദിച്ച 1.30 കോടി രൂപ ഉപയോഗിച്ചാണ് കെട്ടിട നിര്‍മാണം നടത്തുന്നത്. ചടങ്ങില്‍ ഗ്രാമ പഞ്ചായത്ത് പ്രസിഡന്റ് ഫസീന അഹമ്മദ്കുട്ടി  അധ്യക്ഷയായി. പഞ്ചായത്ത് വൈസ് പ്രസിഡന്റ് പരപ്പാര സിദ്ദീഖ്, ബ്ലോക്ക് മെമ്പര്‍ കൈപ്പള്ളി അബ്ദുള്ളക്കുട്ടി, പഞ്ചായത്ത് വിദ്യാഭ്യാസ സ്ഥിരം സമിതി ചെയര്‍പേഴ്സണ്‍ സബിത പ്രവീണ്‍, വാര്‍ഡ് അംഗം
പ്രിയ, നഗരസഭ കൗണ്‍സിലര്‍ അച്യുതന്‍ തുടങ്ങിയവര്‍ പങ്കെടുത്തു.

വളാഞ്ചേരി നഗരസഭയില്‍ നടപ്പാക്കുന്ന ഐറിഷ് മാതൃകയിലുള്ള ഡ്രെയ്നേജ് പദ്ധതിയുടെ പ്രവര്‍ത്തനങ്ങള്‍ അന്തിമ ഘട്ടത്തിലേക്ക്. വളാഞ്ചേരി ടൗണില്‍ പെരിന്തല്‍മണ്ണ ഭാഗത്തേക്കുള്ള റോഡിലും പട്ടാമ്പി റോഡിലുമാണ് പദ്ധതി നടപ്പാക്കുന്നത്. പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എയുടെ ആസ്തി വികസന ഫണ്ടില്‍ നിന്നും 75 ലക്ഷം രൂപ ഉപയോഗിച്ച് നടപ്പാക്കുന്ന പദ്ധതിയുടെ നിര്‍മാണം പൊതുമരാമത്ത് റോഡ് വിഭാഗമാണ് നടത്തുന്നത്.

1.40 കോടി രൂപയുടെ ധനസഹായം വിതരണം ചെയ്തു

ലോക്ക്ഡൗണ്‍ കാലയളവില്‍  ജില്ലയില്‍ ഡയാലിസിസ് നടത്തുന്ന രോഗികള്‍ക്ക് ചികിത്സ നടത്തുന്നതിന് ജില്ലാ പഞ്ചായത്ത് അനുവദിച്ച ധനസഹായം രണ്ടാംഘട്ട വിതരണത്തോടെ പൂര്‍ത്തിയായി.  ഏപ്രില്‍ 20 മുതല്‍ മേയ് മൂന്ന് വരെയുള്ള ലോക്ക് ഡൗണ്‍ കാലയളവില്‍ ജില്ലാ പഞ്ചായത്ത് അനുവദിച്ച ധനസഹായമാണ് പൂര്‍ണമായും വിതരണം ചെയ്തത്. തിരൂര്‍, തിരൂരങ്ങാടി, പൊന്നാനി താലൂക്കുകളിലെ 16 ഡയാലിസിസ് യൂനിറ്റുകളില്‍ ഡയാലിസിസ് നടത്തുന്ന രോഗികള്‍ക്കുള്ള ധനസഹായമാണ് ഇന്നലെ(ജൂലൈ 25) വിതരണം ചെയ്തത്.

സഹായഹസ്തങ്ങളുമായി നിരവധി സന്നദ്ധ സംഘടനകളും
സ്ഥാപനങ്ങളും