കാസര്‍കോട് വിദ്യാനഗറിലെ കേന്ദ്രീയ വിദ്യാലയംനമ്പര്‍ രണ്ടില്‍ 2020-21 അധ്യയന വര്‍ഷത്തില്‍ പ്ലസ് വണ്‍ സയന്‍സ്, കോമേഴ്‌സ് ക്ലാസുകളില്‍ ഒഴിവുണ്ട്. അപേക്ഷകള്‍ no2kasaragod.kvs ല്‍ ലഭിക്കും. അപേക്ഷകള്‍ admission2021kv2kasaragod@gmail.com ലേക്ക് അയക്കണം. ഫോണ്‍ 9496225040

ജില്ലയിലെ ആരോഗ്യ മേഖലയുടെ മുഖച്ഛായ തന്നെ മാറ്റി മറിച്ച പദ്ധതിയായാണ് ആര്‍ദ്രം.  കഴിഞ്ഞ നാല് വര്‍ഷക്കാലയളവില്‍ ജില്ലയുടെ ആരോഗ്യ മേഖലയുടെ നെടും തൂണുകളായ കാഞ്ഞങ്ങാട് ജില്ലാ ആശുപത്രിക്കും കാസര്‍കോട് ജനറല്‍ ആശുപത്രിക്കും മാത്രമായി 1.73 ലക്ഷം രൂപയുടെ പ്രവൃത്തികളാണ് നടന്നത്. കോവിഡ് 19 രണ്ടാം ഘട്ടത്തില്‍ ഏറ്റവും കൂടുതല്‍ കോവിഡ് രോഗികളെ ചികിത്സിച്ച് ഭേതമാക്കാന്‍ ജില്ലയെ പ്രാപ്തമാക്കാനും  ആര്‍ദ്രം പദ്ധതിക്ക് കഴിഞ്ഞു.

പട്ടികവര്‍ഗ വികസന വകുപ്പിന് കിഴില്‍ പ്രവര്‍ത്തിക്കുന്ന മൂന്നാര്‍ മോഡല്‍ റസിഡന്‍ഷ്യല്‍ സ്‌കൂളില്‍ പ്ലസ് വണ്‍ കൊമേഴ്‌സ് പ്രവേശനത്തിന് അപേക്ഷ ക്ഷണിച്ചു. വാര്‍ഷിക വരുമാനം ഒരു ലക്ഷം രൂപയില്‍ കവിയാത്ത പട്ടികജാതി, പട്ടികവര്‍ഗ, ജനറല്‍ വിഭാഗത്തില്‍പ്പെട്ട ആണ്‍കുട്ടികള്‍ക്ക് അപേക്ഷിക്കാം. അപേക്ഷ ഓഗസ്റ്റ് മൂന്നിന് അകം അടുത്തുള്ള ടിഇഒ/ടിഡിഒ ഓഫീസിലോ സ്‌കൂള്‍ ഓഫീസിലോ നേരിട്ട് എത്തിക്കണം. അപേക്ഷാഫോറം മുകളില്‍ പറഞ്ഞിട്ടുള്ള ഓഫീസുകളിലും ഐ.റ്റി.ഡി.പി ഓഫീസിലും അടുത്തുള്ള എംആര്‍എസുകളിലും ലഭിക്കും. ഫോണ്‍: 9446085395, 9895490567.  
 

വടശേരിക്കര  ഗ്രാമപഞ്ചായത്തിന്റെയും സിഎച്ച്‌സിയുടെയും ചുമതലയില്‍  പ്രവര്‍ത്തനം ആരംഭിക്കുന്ന ഫസ്റ്റ് ലൈന്‍ ട്രീറ്റ്‌മെന്റ് സെന്ററില്‍ താത്ക്കാലിക അടിസ്ഥാനത്തില്‍  സ്റ്റാഫ് നഴ്‌സിനെ നിയമിക്കുന്നു. 17,000 രൂപ പ്രതിമാസ വേതനം ലഭിക്കും. ജിഎന്‍എം/ബിഎസ്‌സി നഴ്‌സിംഗ് ഡിഗ്രിയും കേരള നഴ്‌സിംഗ് കൗണ്‍സില്‍ രജിസ്‌ട്രേഷനുമാണ് യോഗ്യത. പ്രായപരിധി 40 വയസ്. പ്രവൃത്തിപരിചയമുള്ളവര്‍ക്ക് മുന്‍ഗണന ലഭിക്കും. താത്പര്യമുള്ളവര്‍ ബയോഡേറ്റയും അസല്‍ സര്‍ട്ടിഫിക്കറ്റുകളും പകര്‍പ്പും  സഹിതം ഈ മാസം 30ന് രാവിലെ 11ന് സിഎച്ച്‌സിയില്‍ ഹാജരാകണം. ഫോണ്‍: 04735 251773.

കേരള ഖാദി ഗ്രാമവ്യവസായ ബോര്‍ഡിന്റെ ആഭിമുഖ്യത്തില്‍ ഇന്ന്(28) മുതല്‍ ഓഗസ്റ്റ് 30 വരെ ഓണം-ബക്രീദ് ഖാദി വില്‍പ്പന മേള നടത്തും. ഇന്ന് (28) രാവിലെ 11ന് ഇലന്തൂര്‍ ജില്ലാ ഖാദി ഗ്രാമവ്യവസായ ഓഫീസ് അങ്കണത്തില്‍ ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവി മേളയുടെ ജില്ലാതല ഉദ്ഘാടനം നിര്‍വഹിക്കും. മേളയില്‍ 30 ശതമാനം വരെ ഗവണ്‍മെന്റ് റിബേറ്റ് ലഭിക്കും.
 

ഇരവിപേരൂര്‍ ഗ്രാമപഞ്ചായത്തില്‍ 104 കിടക്കളുമായി രണ്ട് കോവിഡ് പ്രാഥമിക ചികിത്സാകേന്ദ്രങ്ങള്‍ സര്‍ക്കാര്‍ നിര്‍ദേശപ്രകാരം തയാറാക്കി. ജില്ലയിലെ രണ്ടാമത് ചികിത്സാകേന്ദ്രമായി നേരത്തെ പ്രവര്‍ത്തനം ആരംഭിച്ച കൊട്ടയ്ക്കാട് ആശുപത്രിയിലെ 40 കിടക്കകള്‍ക്കു പുറമേ 64 കിടക്കകളുമായി യാഹിര്‍ കണ്‍വന്‍ഷന്‍ സെന്റര്‍ കൂടി സജ്ജമാക്കി. യാഹിര്‍ കണ്‍വന്‍ഷന്‍ സെന്ററിലെ കോവിഡ് ചികിത്സാകേന്ദ്രത്തിന്റെ പ്രവര്‍ത്തന ഉദ്ഘാടനം ഗ്രാമപഞ്ചായത്ത് പ്രസിഡന്റ് അനസൂയാദേവി നിര്‍വഹിച്ചു.

കോവിഡ് പ്രതിരോധ പ്രവര്‍ത്തനങ്ങളുടെ ഭാഗമായി  ഇലന്തൂര്‍ സാമൂഹികാരോഗ്യ കേന്ദ്രത്തിലേക്ക് താത്ക്കാലിക അടിസ്ഥാനത്തില്‍ സ്റ്റാഫ് നഴ്‌സിനെ തെരഞ്ഞെടുക്കുന്നതിന് നാളെ (29) രാവിലെ 11ന് നടത്താനിരുന്ന അഭിമുഖം മാറ്റിവച്ചു.
 

പത്തനംതിട്ട നഗരസഭയിലെ വാര്‍ഡ് 13, 14, 21, 25 എന്നീ സ്ഥലങ്ങളിലെ കണ്ടെയ്ന്‍മെന്റ് സോണുകളുടെ കാലാവധി ജൂലൈ 29 മുതല്‍ ഏഴു ദിവസത്തേക്കും പള്ളിക്കല്‍ ഗ്രാമപഞ്ചായത്തിലെ ഏഴാം വാര്‍ഡിലെ കണ്ടെയ്ന്‍മെന്റ് സോണ്‍ കാലാവധി ഓഗസ്റ്റ് രണ്ടു വരെയും കോട്ടാങ്ങല്‍ ഗ്രാമപഞ്ചായത്തിലെ വാര്‍ഡ് അഞ്ച്, ആറ്, ഏഴ്, എട്ട്, ഒന്‍പത് എന്നീ സ്ഥലങ്ങളില്‍  ജൂലൈ 28 മുതല്‍ ഏഴു ദിവസത്തേക്കും ദീര്‍ഘിപ്പിച്ച് ജില്ലാ ദുരന്തനിവാരണ അതോറിറ്റി ചെയര്‍മാനും ജില്ലാ മജിസ്ട്രേറ്റും കൂടിയായ ജില്ലാ കളക്ടര്‍ പി.ബി.

അടൂര്‍ നഗരസഭയിലെ വാര്‍ഡ് 14, 15, 16, 17, കോയിപ്രം ഗ്രാമപഞ്ചായത്തിലെ വാര്‍ഡ് 17, എഴുമറ്റൂര്‍ ഗ്രാമപഞ്ചായത്തിലെ വാര്‍ഡ് ഒന്ന്, മലയാലപ്പുഴ ഗ്രാമ പഞ്ചായത്തിലെ വാര്‍ഡ് 12, മെഴുവേലി ഗ്രാമപഞ്ചായത്തിലെ വാര്‍ഡ് ആറ്, 13, പള്ളിക്കല്‍ ഗ്രാമപഞ്ചായത്തിലെ വാര്‍ഡ് ഒന്ന്, മൂന്ന്, ആറ്, എട്ട് എന്നീ സ്ഥലങ്ങളെ ജൂലൈ 27 മുതല്‍ ഏഴു ദിവസത്തേക്ക് കണ്ടെയ്ന്‍മെന്റ് സോണുകളായി പ്രഖ്യാപിച്ച് ജില്ലാ ദുരന്തനിവാരണ അതോറിറ്റി ചെയര്‍മാനും ജില്ലാ മജിസ്ട്രേറ്റും കൂടിയായ ജില്ലാ കളക്ടര്‍ പി.ബി. നൂഹ് ഉത്തരവ് പുറപ്പെടുവിച്ചു.

കോവിഡ് പ്രതിരോധ പ്രവര്‍ത്തനങ്ങള്‍ ശക്തമാക്കുന്നതിന്റെ ഭാഗമായി 102 കിടക്കകളുള്ള പ്രാഥമിക ചികിത്സാകേന്ദ്രം കരുനാഗപ്പള്ളിയില്‍ ഇന്നലെ(ജൂലൈ 27) ആരംഭിച്ചു. കരുനാഗപ്പള്ളി വി വി വേലുക്കുട്ടി അരയന്‍ മെമ്മോറിയല്‍ ഫിഷറീസ് ഹയര്‍ സെക്കന്‍ഡറി സ്‌കൂള്‍ ഹോസ്റ്റലിലാണിത്. ആര്‍ രാമചന്ദ്രന്‍ എം എല്‍ എ ഉദ്ഘാടനം ചെയ്തു.