ജില്ലാ കളക്ടര്‍ നടത്തിവരുന്ന സഫലം ഓണ്‍ലൈന്‍ അദാലത്തിന്റെ രണ്ടാംഘട്ടം പീരുമേട് താലൂക്കിന്റെ അദാലത്ത് ഓഗസ്റ്റ് നാലിന് നടത്തും.

ജില്ലയിൽ കാലവർഷം ശക്തിപ്രാപിച്ചതിനെ  തുടർന്ന് കാലവർഷവുമായി  ബന്ധപ്പെട്ട അന്വേഷണങ്ങൾക്കായി കൺട്രോൾ റൂം തുറന്നു. സിവിൽ സ്റ്റേഷനിലെ അടിയന്തിര പ്രതികരണ കേന്ദ്രത്തിൽ തുറന്ന  കൺട്രോൾറൂമിൽ അന്വേഷണങ്ങൾക്കായി 1077എന്ന നമ്പറിൽ ബന്ധപ്പെടാമെന്ന് ജില്ലാ കളക്ടർ അറിയിച്ചു.  ജില്ലയിൽ അടുത്ത രണ്ടാഴ്ച അതി ശക്തമായ മഴയ്ക്ക് സാധ്യതയുണ്ടെന്ന് മുന്നറിയിപ്പ് ലഭിച്ചതിനെത്തുടർന്നാണ് കൺട്രോൾ റൂം തുറന്നത്.
 കൂടാതെ കോവിഡ്, കാലവർഷം എന്നിവയുമായി ബന്ധപ്പെട്ട സംശയങ്ങൾക്ക് എല്ലാ താലൂക്കുകളിലും കൺട്രോൾ റൂം നിലവിലുണ്ട്.
 

കോവിഡ് 19 ബാധിതരായി  ജില്ലയില്‍ നിലവില്‍ 525 പേരാണ് ചികിത്സയിലുള്ളത്.  ഇന്ന് (ഓഗസ്റ്റ് 6) ജില്ലയില്‍ 136 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 49 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 33404 സാമ്പിളുകള്‍ പരിശോധനയ്ക്കായി അയച്ചതില്‍ 32304 പരിശോധനാ ഫലങ്ങളാണ് ലഭ്യമായത്. ഇന്ന് 227 പരിശോധനാ ഫലങ്ങളാണ് ലഭിച്ചത്. പുതുതായി 144 സാമ്പിളുകൾ അയച്ചു. 2054 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 1502 പേർ രോഗമുക്തി നേടി. ഇനി 311 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ഓഗസ്റ്റ് 6) വൈകിട്ട് 7 വരെ ജില്ലയിൽ പോലീസ് നടത്തിയ പരിശോധനയിൽ 53 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 96 പേരെ അറസ്റ്റ് ചെയ്തു. ഒരു വാഹനം പിടിച്ചെടുത്തു.

 മാസ്ക് ധരിക്കാത്ത 335 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 335 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തിയ ശേഷം കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 

പാലക്കാട് ജില്ലയിൽ ഇന്നും (ഓഗസ്റ്റ് 7) ഓഗസ്റ്റ് എട്ടിനും കേന്ദ്ര കാലാവസ്ഥ വകുപ്പ് ഓറഞ്ച് അലെർട്ട് പ്രഖ്യാപിച്ചു.
ഒറ്റപ്പെട്ടയിടങ്ങളിൽ അതിതീവ്രമോ അതിശക്തമായതോ ആയ മഴക്കുള്ള സാധ്യതയാണ് പ്രവചിച്ചിരിക്കുന്നത്. 24 മണിക്കൂറിൽ 115.6 മി.മീ  മുതൽ 204.4 മി.മീ  മഴ ലഭിക്കുമെന്നാണ് കാലാവസ്ഥ വകുപ്പ് അർത്ഥമാക്കുന്നത്. 

ഓഗസ്റ്റ് 9 ന് പാലക്കാട് ജില്ലയിൽ യെലോ അലെർട്ടാണ് പ്രഖ്യാപിച്ചിരിക്കുന്നത്. ഈ ദിവസം ഒറ്റപ്പെട്ടയിടങ്ങളിൽ 24 മണിക്കൂറിൽ 64.5 മി.മീ  മുതൽ 115.5 മി.മീ വരെ ലഭിക്കുന്ന ശക്തമായ മഴയാണ് പ്രതീക്ഷിക്കുന്നത്.