കേരള സർക്കാരിന്റെ പൊതുമേഖലാ സ്ഥാപനമായ കെൽട്രോൺ, 2026 അധ്യയന വർഷത്തേക്കുള്ള വിവിധ മാധ്യമ കോഴ്സുകളിലേക്ക് അപേക്ഷ ക്ഷണിച്ചു. പ്രിന്റ് മീഡിയ, ടെലിവിഷൻ ജേണലിസം, ഡിജിറ്റൽ മീഡിയ, വാർത്താ അവതരണം, ആങ്കറിങ്, പബ്ലിക് റിലേഷൻസ്, അഡ്വർടൈസിങ്, ആർട്ടിഫിഷ്യൽ ഇന്റലിജൻസ് അധിഷ്ഠിത കണ്ടന്റ് നിർമ്മാണം, വീഡിയോ ക്യാമറ പരിശീലനം, വീഡിയോ എഡിറ്റിങ് എന്നീ കോഴ്സുകളിലേക്കാണ് അപേക്ഷ ക്ഷണിച്ചിരിക്കുന്നത്. പ്ലസ് ടു അല്ലെങ്കിൽ ബിരുദം യോഗ്യതയുള്ളവർക്ക് അപേക്ഷിക്കാം. അംഗീകൃത മാധ്യമ സ്ഥാപനങ്ങളിൽ പ്രായോഗിക പരിശീലനവും ഇന്റേൺഷിപ്പ് അവസരങ്ങളും, പ്ലേസ്മെന്റ് സഹായവും ലഭിക്കും.

കോട്ടയം: തിരുനക്കര മഹാദേവക്ഷേത്രത്തിലെ ഉത്സവവും പകൽപ്പൂരവും പരാതിരഹിതമായി സംഘടിപ്പിക്കുന്നതിന് വിവിധ  സർക്കാർ വകുപ്പുകളെ ഏകോപിപ്പിച്ചുകൊണ്ടുള്ള പിന്തുണ ഉറപ്പാക്കുമെന്ന് സഹകരണം-തുറമുഖം-ദേവസ്വം വകുപ്പുമന്ത്രി വി.എൻ. വാസവൻ. ഉത്സവവുമായി ബന്ധപ്പെട്ടു വിവിധ വകുപ്പുകളുടെ നേതൃത്വത്തിലുള്ള ഒരുക്കങ്ങൾ വിലയിരുത്തുന്നതിനായി തിരുനക്കര ക്ഷേത്രം ഓഡിറ്റോറിയത്തിൽ ചേർന്ന അവലോകനയോഗത്തിൽ അധ്യക്ഷത വഹിച്ചു സംസാരിക്കുകയായിരുന്നു മന്ത്രി.

റവന്യൂവകുപ്പിന്റെ നേതൃത്വത്തിൽ കൺട്രോൾ റൂം  സജ്ജീകരിക്കും. തഹസിൽദാർ, ഡെപ്യൂട്ടി തഹസീൽദാർ റാങ്കിലുള്ള ഉദ്യോഗസ്ഥൻ മേൽനോട്ടം വഹിക്കണമെന്ന് മന്ത്രി നിർദേശിച്ചു.

കോട്ടയം: കേരള മദ്രസാധ്യാപക ക്ഷേമനിധിയിൽ 2025 -2026 സാമ്പത്തിക വർഷത്തെ ക്ഷേമനിധി വിഹിതം അടക്കാൻ ബാക്കിയുള്ളവർ മാർച്ച് 25 നകം വിഹിതം പോസ്റ്റ് ഓഫീസിൽ അടയ്ക്കണമെന്ന് ബോർഡ് ചീഫ് എക്‌സിക്യൂട്ടീവ് ഓഫീസർ അറിയിച്ചു.

 മന്ത്രി പി രാജീവ് ഉദ്ഘാടനം ചെയ്തു

കേരള സർക്കാർ കൃഷിവകുപ്പിന്റെ സമഗ്ര പച്ചക്കറി ഉത്പാദന യജ്ഞത്തിന്റെ ഭാഗമായി കളമശ്ശേരി ഫുഡ്‌ ക്രാഫ്റ്റ് ഇൻസ്റ്റിറ്റ്യൂട്ടിൽ സജ്ജമാക്കിയ പോഷകാഹാരത്തോട്ടം വ്യവസായ വകുപ്പ് മന്ത്രി പി രാജീവ് ഉദ്ഘാടനം ചെയ്തു. 

കോട്ടയം: വാഴൂർ ബ്ലോക്ക് പഞ്ചായത്തിന്റെ പരിധിയിലുള്ള കാഞ്ഞിരപ്പള്ളി ജനറൽ ആശുപത്രിയിൽ പ്രവർത്തിക്കുന്ന കാത്ത് ലാബിലെ ഒഴിവിലേക്ക് എക്കോ ടെക്നീഷ്യനെ നിയമിക്കുന്നതിന് വാക്-ഇൻ ഇന്റർവ്യൂ നടത്തും. മാർച്ച് 13ന് ഉച്ചയ്ക്ക് രണ്ട് മുതൽ നാല് വരെ വാഴൂർ ബ്ലോക്ക് പഞ്ചായത്ത് ഓഫീസിലാണ് ഇന്റർവ്യൂ. കാത്ത് ലാബിൽ പ്രവർത്തന പരിചയമുള്ള ഉദ്യോഗാർത്ഥികൾക്ക് അഭിമുഖത്തിൽ പങ്കെടുക്കാം. താത്പര്യമുള്ളവർ വിദ്യാഭ്യാസ യോഗ്യതയും പ്രവൃത്തി പരിചയവും തെളിയിക്കുന്ന സർട്ടിഫിക്കറ്റുകളുടെ സാക്ഷ്യപ്പെടുത്തിയ പകർപ്പുകൾ സഹിതം എത്തണം. ഫോൺ: 8281040553.

കോട്ടയം: ഈരാറ്റുപേട്ട ഐ.സി.ഡി.എസ്. പ്രോജക്ടിന്റെ പരിധിയിലുള്ള 145 അങ്കണവാടികളിൽ കണ്ടിജൻസി സാധനങ്ങൾ വിതരണം ചെയ്യുന്നതിന് ടെൻഡർ ക്ഷണിച്ചു. മാർച്ച് 13 ന് ഉച്ചകഴിഞ്ഞ് 2 വരെ ടെൻഡറുകൾ സ്വീകരിക്കും. ഫോൺ: 9188959694, 9495706151.

കോട്ടയം: പള്ളം അഡീഷണൽ ശിശുവികസന ഓഫീസ് പരിധിയിലുള്ള 134 അങ്കണവാടികളിൽ കണ്ടിജൻസി സാധനങ്ങൾ വിതരണം ചെയ്യുന്നതിന് ദർഘാസ് ക്ഷണിച്ചു. മാർച്ച് 21ന് ഉച്ചയ്ക്ക് രണ്ടുവരെ ദർഘാസുകൾ സ്വീകരിക്കും. ഫോൺ: 9961124296.

സംസ്ഥാന സർക്കാരിന്റെ പൊതുമേഖലാ സ്ഥാപനമായ ട്രാവൻകൂർ സിമന്റ്‌സ് ലിമിറ്റഡ്   വൈവിധ്യവത്കരണ പദ്ധതിയുടെ ഭാഗമായി പുതുതായി വികസിപ്പിച്ച 'വേമ്പനാട്' ടൈൽ അഡ്ഹസീവ്, 'വേമ്പനാട്' എൽ. സി. 3, വൈറ്റ് സിമന്റ് എന്നീ ഉത്പന്നങ്ങളുടെ സംസ്ഥാനതല ലോഞ്ചിംഗ് തിങ്കളാഴ്ച (മാർച്ച് 9) . ഉച്ചയ്ക്ക് 12 30ന് കളമശ്ശേരി ജിഞ്ചർ ഹോട്ടലിൽ  വ്യവസായ വകുപ്പ് മന്ത്രി പി രാജീവ്‌ നിർവഹിക്കും.

കോട്ടയം: വാക്കേത്തറ- കപിക്കാട് റോഡിൻ്റെ നിർമാണോദ്ഘാടനം പൊതുമരാമത്ത് - ടൂറിസം വകുപ്പ് മന്ത്രി പി.എ. മുഹമ്മദ് റിയാസ് ഓൺലൈനായി നിർവഹിച്ചു. 

പശ്ചാത്തല - വികസന മേഖലയിൽ സംസ്ഥാനം  വലിയൊരു കുതിപ്പാണ് കരസ്ഥമാക്കിയതെന്ന് മന്ത്രി പറഞ്ഞു. ലെവൽ ക്രോസ് ഒന്നു പോലുമില്ലാത്ത കേരളം എന്ന സ്വപ്ന പദ്ധതി യാഥാർത്ഥ്യമാക്കുന്നതിൻ്റെ പ്രവർത്തനങ്ങൾ ഏറ്റെടുത്ത് വരികയാണെന്നും അദ്ദേഹം കൂട്ടിച്ചേർത്തു. 
മധ്യമുണ്ടാർ തയ്യിൽച്ചിറയിൽ നടന്ന ചടങ്ങിൽ സി.കെ. ആശ എം.എൽ. എ. അധ്യക്ഷത വഹിച്ചു. 

സെമിനാർ മാർച്ച് 17ന്

ജില്ലാ ലൈബ്രറി കൗൺസിൽ സംഘടിപ്പിക്കുന്ന ഏകദിന സെമിനാർ മാർച്ച് 17ന് രാവിലെ പത്തുമണിക്ക് കണ്ണൂർ ശിക്ഷക് സദനിൽ നടക്കും. മുൻമന്ത്രി ഇ.പി ജയരാജൻ സെമിനാർ ഉദ്ഘാടനം ചെയ്യും. മതം, ഭരണകൂടം, ഭരണഘടന എന്ന വിഷയത്തിൽ മുൻമന്ത്രി മുല്ലക്കര രത്നാകരൻ, ഭരണഘടന പിന്നിട്ട 76 വർഷങ്ങൾ എന്ന വിഷയത്തിൽ ഡോ. ടി.എസ് ശ്യാംകുമാർ എന്നിവർ വിഷയാവതരണം നടത്തും. ജില്ലാതല വായനാമത്സരം, സർഗോത്സവം എന്നിവയിൽ വിജയിച്ചവർക്കുള്ള സമ്മാന വിതരണം പരിപാടിയിൽ നടക്കും. 

സൈഡ് വീലുള്ള സ്‌കൂട്ടർ, ഇലക്ടോണിക് വീൽചെയർ വിതരണം