കോട്ടയം: ജില്ലാ പോലീസിന്റെ കൈവശത്തിലിരിക്കുന്നതും ജില്ലാ സായുധസേനാ അസിസ്റ്റന്റ്് കമാണ്ടന്റിന്റെ ഓഫീസ് പരിസരത്ത് സൂക്ഷിച്ചിട്ടുള്ളതുമായ എൻ.ഡി.പി.എസ് കേസിൽ പിടിച്ചെടുത്ത ആറ് (സ്‌ക്രാപ്പ്) വാഹനങ്ങൾ  ഇ-ലേലം ചെയ്യും. മാർച്ച് 17 രാവിലെ 11ന് എം.എസ്.ടി.സി ലിമിറ്റഡ് എന്ന സ്ഥാപനത്തിന്റെ  www.mstcecommerce.com മുഖേനയാണ് ലേലം നടത്തുന്നത്. വെബ്‌സൈറ്റിൽ രജിസ്റ്റർ ചെയ്തവർക്ക് ലേലത്തിൽ പങ്കെടുക്കാം.ഫോൺ: 04812562204.

കോട്ടയം: ഏറ്റുമാനൂർ ഗവൺമെന്റ് ഐ.ടി.ഐയിൽ ടർണർ ട്രേഡിലേയ്ക്ക് ദിവസ വേതനാടിസ്ഥാനത്തിൽ ഈഴവ, ഓപ്പൺ വിഭാഗങ്ങളിൽനിന്ന് ഇൻസ്ട്രക്ടർമാരെ നിയമിക്കുന്നതിന് മാർച്ച് 13 രാവിലെ 10ന് അഭിമുഖം നടത്തും. ഈഴവ വിഭാഗത്തിന്റെ അഭാവത്തിൽ മറ്റുള്ളവരെയും പരിഗണിക്കും. മെക്കാനിക്കൽ എൻജിനീയറിങ്ങിൽ ബിടെക്കും ഒരു വർഷ പരിചയവും/ ഡിപ്ലോമയും രണ്ടു വർഷ പരിചയവും അല്ലെങ്കിൽ ടർണർ ട്രേഡിൽ എൻ.ടി.സിയും മൂന്നു വർഷ പരിചയവുമാണ് യോഗ്യത. യോഗ്യതയുള്ളവർ അസ്സൽ സർട്ടിഫിക്കറ്റുകളുമായി എത്തണം. ഫോൺ: 0481 2535562.

കോട്ടയം: ജില്ലയിലെ 114 കേന്ദ്രങ്ങളിൽ അക്ഷയ സംരംഭകരെ തെരഞ്ഞെടുക്കുന്നതിന് മാർച്ച് 19 വരെ അപേക്ഷിക്കാം. ഫീസ് മാർച്ച് 21 വരെ സ്വീകരിക്കും. പൊതുവിഭാഗം -91,  പട്ടികജാതി വിഭാഗം - 20, പട്ടികവർഗ്ഗ വിഭാഗം- മൂന്ന് എന്നിങ്ങനെയാണ് അനുവദിക്കുന്ന അക്ഷയ കേന്ദ്രങ്ങളുടെ എണ്ണം. ഓൺലൈൻ അപേക്ഷ, ഒ.എം.ആർ പരീക്ഷ, അഭിമുഖം എന്നിവയുടെ അടിസ്ഥാനത്തിലാണ് റാങ്ക് പട്ടിക പ്രസിദ്ധീകരിക്കുക. പ്ലസ് ടു യോഗ്യതയുള്ള 18-50 പ്രായമുള്ളവർക്ക് അപേക്ഷിക്കാം. കമ്പ്യൂട്ടർ പരിജ്ഞാനം അഭികാമ്യം.  https://lbsedp.lbscentre.in/akshaya26 എന്ന വെബ്‌സൈറ്റ് വഴി അപേക്ഷിക്കുക.

കോട്ടയം: വെളിയന്നൂർ ആയുർവേദ ആശുപത്രിയുടെ പുതിയ ഒ.പി. ബ്ലോക്ക്  സഹകരണം- തുറമുഖം - ദേവസ്വം വകുപ്പ് മന്ത്രി വി.എൻ. വാസവൻ ഉദ്ഘാടനം ചെയ്തു. ആരോഗ്യ പരിപാലന രംഗത്ത് ആഗോള മാതൃക സൃഷ്ടിക്കുന്നതിൽ ആയുർവേദം വലിയ പങ്കാണ് വഹിക്കുന്നതെന്ന് അദ്ദേഹം പറഞ്ഞു. ആയുർദൈർഘ്യം കേരളത്തിൽ മറ്റു സംസ്ഥാനങ്ങളേക്കാൾ കൂടുതലായിരിക്കുന്നതും ആയുർവേദത്തിന്റെ ശക്തിയാണ് കാണിക്കുന്നത്. കോവിഡ് കാലത്ത് ആയുർവേദത്തിന്റെ ശക്തി നമ്മൾ തിരിച്ചറിഞ്ഞതാണെന്നും മന്ത്രി പറഞ്ഞു.

കോട്ടയം: കങ്ങഴ ഗ്രാമപഞ്ചായത്ത് 15-ാം വാർഡിലെ 33-ാം നമ്പർ പത്തനാട് അങ്കണവാടിയിൽ ആരംഭിച്ചിരിക്കുന്ന അങ്കണവാടി കം ക്രഷിൽ ക്രഷ് വർക്കർ (യോഗ്യത-പ്ലസ്ടു വിജയിച്ചവർ), ക്രഷ് ഹെൽപ്പർ (യോഗ്യത-പത്താം ക്ലാസ് വിജയിച്ചവർ)തസ്തികകളിലേക്ക് അപേക്ഷ ക്ഷണിച്ചു. കങ്ങഴ ഗ്രാമപഞ്ചായത്തിലെ സ്ഥിരതാമസക്കാരായ 18-35 വയസിനുമിടയിൽ പ്രായമുള്ള വനിതകൾക്ക് അപേക്ഷിക്കാം. മാർച്ച് 24ന് വൈകുന്നേരം അഞ്ചുവരെ അപേക്ഷകൾ സ്വീകരിക്കും. ഫോൺ: 7907209161.

കോട്ടയം: നട്ടാശ്ശേരി ഗവൺമെന്റ് യു.പി സ്‌കൂളിലെ കിഡ്സ് പാർക്കിന്റെ ഉദ്ഘാടനവും 109-ാമത് വാർഷികാഘോഷവും വിജയപുരം ഗ്രാമപഞ്ചായത്ത് പ്രസിഡന്റ് ഷൈനി വർക്കി ഉദ്ഘാടനം ചെയ്തു. ചടങ്ങിൽ പി.ടി.എ പ്രസിഡന്റ് ആശാ രാജേഷ് അധ്യക്ഷത വഹിച്ചു.

ഗ്രാമപഞ്ചായത്ത് വൈസ് പ്രസിഡന്റ് ബിജു അമ്പലത്തിങ്കൽ, ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ സിനി ബോബി എന്നിവർ പഠന പ്രവർത്തനങ്ങളിൽ മികവ് പുലർത്തിയ വിദ്യാർഥികൾക്ക് പുരസ്‌കാരം നൽകി.  ഗ്രാമപഞ്ചായത്തംഗങ്ങളായ ഉഷ വേണുഗോപാൽ, ലക്ഷ്മി എ. നായർ, സ്‌കൂൾ ഹെഡ്മിസ്ട്രസ് ബിന്ദു ബി. നായർ, എം.യു. സജിമോൻ, പി.ആർ. ജയസുധ എന്നിവർ പങ്കെടുത്തു.

കോട്ടയം: ഗാന്ധിനഗറിൽ പ്രവർത്തിക്കുന്ന വർക്കിംഗ് വിമൻസ് ഹോസ്റ്റലിൽ വാർഡന്റെ ഒഴിവിലേക്ക് കരാറടിസ്ഥാനത്തിൽ നിയമിക്കുന്നതിന് അഭിമുഖം നടത്തും. മാർച്ച് 26ന് രാവിലെ 11ന് ഭവന നിർമാണ ബോർഡിന്റെ കോട്ടയം ഡിവിഷൻ ഓഫീസിലാണ് അഭിമുഖം. പ്ലസ് ടു വിദ്യാഭ്യാസവും കമ്പ്യൂട്ടർ പരിജ്ഞാനവുമുള്ള പരിചയസമ്പന്നരായ വനിതകൾക്ക് മുൻഗണന. ഫോൺ: 7907691440.

കോട്ടയം: കേരള സർക്കാർ സ്ഥാപനമായ എൽ.ബി.എസ്സിന്റെ പാമ്പാടി ഉപകേന്ദ്രത്തിൽ ആരംഭിക്കുന്ന ആറുമാസം ദൈർഘ്യമുള്ള ഡി.സി.എ കോഴ്സിലേക്ക് അപേക്ഷ ക്ഷണിച്ചു. പ്ലസ് ടു വിജയിച്ചവർക്ക് അപേക്ഷിക്കാം. ഫോൺ: 0481 2505900, 9895041706.

കോട്ടയം: വൈക്കം ബ്ലോക്കിലെ ഹരിതകർമ സേനാംഗങ്ങൾക്ക് മെൻസ്ട്രുവൽ കപ്പ് വിതരണവും ബോധവത്കരണവും നടത്തി. ബ്ലോക്ക്പഞ്ചായത്ത് വൈസ് പ്രസിഡന്റ് ഗീത സോമൻ ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ പി.എസ.് പുഷ്പമണി അധ്യക്ഷത വഹിച്ചു. ബ്ലോക്ക് കോർഡിനേറ്റർ ഷെഫി മോളി ജോൺ ക്ലാസ്സ് നയിച്ചു. ബ്ലോക്ക് പഞ്ചായത്ത് അംഗങ്ങളായ ഹൈമി ബോബി, കെ.വി. വിഷ്ണുപ്രിയ, കെ.ബി. രഞ്ജന, ഹരിത കേരളം മിഷൻ ബ്ലോക്ക് കോർഡിനേറ്റർ പി.ആർ. അനുപമ എന്നിവർ പങ്കെടുത്തു.