മാനന്തവാടി ഗവ. കോളേജിൽ ഫിസിക്സ്, കെമിസ്ട്രി, ഇലക്ട്രോണിക്സ് വിഷയങ്ങളിലെ അധ്യാപകരുടെ ഒഴിവുകളിലേക്ക് താത്കാലിക നിയമനം നടത്തുന്നു. കോഴിക്കോട് കോളേജ് വിദ്യാഭ്യാസ ഡെപ്യൂട്ടി ഡയറക്ട‍ർ തയ്യാറാക്കിയ പാനലിൽ ഉൾപ്പെട്ട താത്പര്യമുള്ള ഉദ്യോഗാർത്ഥികൾ യോഗ്യതാ സർട്ടിഫിക്കറ്റുകളുടെ അസലും ഒരു പക‍ർപ്പുമായി പ്രിൻസിപ്പൽ മുമ്പാകെ അഭിമുഖത്തിന് ഹാജരാവണം. ഫിസിക്സ് വിഷയത്തിലെ അഭിമുഖം മെയ് 29 രാവിലെ 11 മണിക്കും കെമിസ്ട്രി വിഷയത്തിലെ അഭിമുഖം മെയ് 29 ഉച്ചയ്ക്ക് ശേഷം രണ്ടിനും ഇലക്ട്രോണിക്സ് വിഷയത്തിലെ അഭിമുഖം ജൂൺ 2 രാവിലെ 10.30നും നടക്കും. ഫോൺ: 9539596905.

വിവിധ ആഫ്രിക്കൻ രാജ്യങ്ങളിൽ എബോള രോഗം സ്ഥിരീകരിച്ചതിനെ തുടർന്ന് ലോകാരോഗ്യ സംഘടന പൊതുജനാരോഗ്യ ജാഗ്രതാ നിർദേശം നൽകിയ പശ്ചാത്തലത്തിൽ ജില്ലയിൽ വിവിധ വകുപ്പുകളിലെ ഉദ്യോഗസ്ഥർ യോഗം ചേർന്നു. നിലവിൽ ഇന്ത്യയിൽ രോഗം സ്ഥിരീകരിച്ചിട്ടില്ലാത്ത സാഹചര്യത്തിൽ ആശങ്ക വേണ്ടെന്ന് ജില്ലാ കളക്ടർ ഡി.ആർ മേഘശ്രീയുടെ അധ്യക്ഷതയിൽ ചേർന്ന യോഗം വിലയിരുത്തി. സംസ്ഥാനത്തെ വിമാനത്താവളങ്ങളിൽ പ്രത്യേക പരിശോധനകൾ ആരംഭിച്ചിട്ടുണ്ട്. എബോള ബാധിത രാജ്യങ്ങളിൽ നിന്ന് എത്തുന്നവരിൽ രോഗബാധ സംശയിക്കപ്പെടുന്നവർക്ക് പനിയോ മറ്റ് രോഗ ലക്ഷണങ്ങളോ ഉണ്ടെങ്കിൽ ക്വാറന്റൈൻ നിർദേശിക്കുകയാണ് ചെയ്യുന്നത്.

ലോക പുകയില വിരുദ്ധ ദിനത്തോടനുബന്ധിച്ച് ജില്ലയിൽ വ്യാപകമായ ബോധവത്കരണ പരിപാടികളും നിയമലംഘനങ്ങൾ തടയാൻ ശക്തമായ പരിശോധനയും നടത്തും. ജില്ലയിലെ പുകയില നിയന്ത്രണ പരിപാടികളുടെ പുരോഗതി വിലയിരുത്താൻ ജില്ലാ കളക്ടർ ഡി.ആർ മേഘശ്രീയുടെ അദ്ധ്യക്ഷതയിൽ വിവിധ വകുപ്പുകളിലെ ഉദ്യോഗസ്ഥർ യോഗം ചേർന്നു. ദേശീയ പുകയില നിയന്ത്രണ പരിപാടിയുടെ ഭാഗമായി പൊതുജനങ്ങളെ ബോധവത്കരിക്കുന്നതിനൊപ്പം പുകയില കാരണമായുണ്ടാകുന്ന രോഗങ്ങളും മരണങ്ങളും കുറയ്ക്കാനും കുട്ടികളെയും യുവാക്കളെയും പുകയില ഉപയോഗത്തിൽ നിന്ന് തടയാനും ലക്ഷ്യമിട്ട് വിവിധ പരിപാടികൾ ജില്ലയിൽ സംഘടിപ്പിക്കും.

ഹയർ സെക്കൻഡറി പരീക്ഷയിൽ ജില്ലയ്ക്ക് 72.72 ശതമാനം വിജയം. വൊക്കേഷണൽ ഹയർ സെക്കണ്ടറിയിൽ സംസ്ഥാനത്ത് തന്നെ ഏറ്റവും ഉയർന്ന വിജയ ശതമാനമായ 87.30 ആണ് വയനാട് ജില്ലയ്ക്ക് ലഭിച്ചത്. ഹയർ സെക്കൻഡറിയിൽ വിവിധ സ്ട്രീമുകളിലായി 636 പേർ എല്ലാ വിഷയങ്ങളിൽ എ പ്ലസ് ഗ്രേഡ് നേടി. ജില്ലയിലെ 60 ഹയർ സെക്കൻഡറി സ്കൂളുകളിൽ നിന്ന് രജിസ്റ്റർ ചെയ്ത 9411 വിദ്യാർത്ഥികളിൽ 9289 പേരാണ് പരീക്ഷയെഴുതിയത്. ഇവരിൽ 6755 പേർ ഉപരിപഠനത്തിന് അർഹത നേടി. ഓപ്പൺ സ്കൂൾ വിഭാഗത്തിൽ ജില്ലയിൽ നിന്ന് പരീക്ഷയ്ക്ക് രജിസ്റ്റർ ചെയ്ത 463 പേരിൽ 452 പേർ പരീക്ഷയെഴുതുകയും 310 പേർ ഉപരിപഠനത്തിന് യോഗ്യത നേടുകയും ചെയ്തു.

കണ്ണൂര്‍ സര്‍വ്വകലാശാലയിലെ വിവിധ വകുപ്പുകളിലെയും സെന്ററുകളിലെയും യു.ജി/പി.ജി പ്രവേശനത്തിന് ഓണ്‍ലൈനായി അപേക്ഷിക്കാനുള്ള തീയതി നീട്ടി. ജൂണ്‍ 13ന് വൈകിട്ട് അഞ്ച് വരെ അപേക്ഷിക്കാം. പ്രോസ്‌പെക്ടസ് ഉള്‍പ്പെടെ കൂടുതല്‍ വിവരങ്ങള്‍ admissions.kannuruniversity.ac.in ല്‍ ലഭ്യമാണ്.
ഫോണ്‍: 0497-2766388, 7356948230

വള്ളിക്കോട് ഗ്രാമപഞ്ചായത്തില്‍ മഴക്കാലപൂര്‍വ പ്രവര്‍ത്തനങ്ങളുടെ ഭാഗമായി മുഴിക്കല്‍ ജംഗ്ഷന്‍ മുതല്‍ താഴൂര്‍ പമ്പ് ഹൗസ് വരെ ശുചീകരണം നടത്തി. ഗ്രാമപഞ്ചായത്ത് പ്രസിഡന്റ് ബീന സോമന്‍ ഉദ്ഘാടനം ചെയതു. ബ്ലോക്ക് പഞ്ചായത്ത് പ്രസിഡന്റ് റോബിന്‍ പീറ്റര്‍, ഗ്രാമപഞ്ചായത്ത് വൈസ് പ്രസിഡന്റ്  ജോര്‍ജ് വര്‍ഗീസ്, ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ പ്രസന്ന രാജന്‍, ബ്ലോക്ക് അംഗം എസ് സുമേഷ്, വാര്‍ഡ് അംഗം ആര്‍ മോഹനന്‍ നായര്‍, ഗ്രാമപഞ്ചായത്ത് സെക്രട്ടറി, അസിസ്റ്റന്റ് സെക്രട്ടറി, പഞ്ചായത്ത് ഉദ്യോഗസ്ഥര്‍, ഹരിതകര്‍മ സേനാംഗങ്ങള്‍, കുടുംബശ്രീ പ്രവര്‍ത്തകര്‍, ആരോഗ്യ പ്രവര്‍ത്തകര്‍ തുടങ്ങിയവര്‍ പങ്കെടുത്തു.

വെള്ളമുണ്ട ഗ്രാമ പഞ്ചായത്തിലെ കണ്ടത്തുവയല്‍, വാരാമ്പറ്റ, തരുവണ ഹോമിയോ ഡിസ്‌പെന്‍സറികളിലേക്കും പീച്ചാംങ്ങോട് ഐസിഡിഎസ്, വെള്ളമുണ്ട ഐടിഐ എന്നിവടങ്ങളിലേക്കും പാര്‍ട്ട് ടൈം ക്യാഷ്വല്‍ സ്വീപ്പര്‍ നിയമനത്തിനായി കുടുംബശ്രീ അംഗങ്ങളില്‍ നിന്നും അപേക്ഷ ക്ഷണിച്ചു. അപേക്ഷ ഫോറം കുടുംബശ്രീ ഓഫീസിലും നോട്ടീസ് ബോര്‍ഡിലും ലഭ്യമാണ്. ഉദ്യോഗാര്‍ത്ഥികള്‍ അപേക്ഷ ജൂണ്‍ ഏഴിന് വൈകിട്ട് അഞ്ചിനകം സി.ഡി.എസ് ഓഫീസില്‍ നല്‍കണം. ഫോണ്‍: 9562106327

കോളിയാടി -നെന്‍മേനി ഗ്രാമപഞ്ചായത്തിലെ വെറ്ററിനറി ഡിസ്‌പെന്‍സറിയ്ക്കു കീഴിലുള്ള പുത്തന്‍കുന്ന്, അമ്പുകുത്തി വെറ്ററിനറി സബ്‌സെന്ററുകളില്‍ താത്ക്കാലിക കാഷ്വല്‍ പി.ടി.എസ് നിയമനം നടത്തുന്നു. എസ്.എസ്.എല്‍.സി / തത്തുല്യം, കുടുംബശ്രീയില്‍  അംഗത്വം എന്നിവയാണ് യോഗ്യത. പ്രദേശവാസികള്‍ക്കും പ്രവൃത്തി പരിചയമുള്ളവര്‍ക്കും മുന്‍ഗണന.  ഉദ്യോഗാര്‍ത്ഥികള്‍ യോഗ്യത സര്‍ട്ടിഫിക്കറ്റുകളുടെ അസ്സല്‍, സാക്ഷ്യപ്പെടുത്തിയ പകര്‍പ്പ് എന്നിവ സഹിതം മെയ് 29ന് രാവിലെ 11.30ന് കോളിയാടി ഗ്രാമപഞ്ചായത്ത് ഓഫീസില്‍ കൂടിക്കാഴ്ചക്ക് എത്തണം.

കോളിയാടി - നെന്‍മേനി  ഗ്രാമപഞ്ചായത്തിലെ ചീരാല്‍, കോളിയാടി പ്രദേശങ്ങളില്‍ ശുചീകരണ പ്രവൃത്തികള്‍ നടത്തുന്നതിന് ദിവസവേതനാടിസ്ഥാനത്തില്‍ ഉദ്യോഗാര്‍ത്ഥികളെ തെരഞ്ഞെടുക്കുന്നു. എസ്.എസ്.എല്‍.സി / തത്തുല്യതയുമാണ് യോഗ്യത. പ്രദേശവാസികള്‍ക്കും പ്രവൃത്തി പരിചയമുള്ളവര്‍ക്കും മുന്‍ഗണന. ഉദ്യോഗാര്‍ത്ഥികള്‍ സര്‍ട്ടിഫിക്കറ്റുകളുടെ അസ്സല്‍, സാക്ഷ്യപ്പെടുത്തിയ പകര്‍പ്പ് എന്നിവ സഹിതം മെയ് 29ന് രാവിലെ 10.30ന് കോളിയാടി പഞ്ചായത്ത് ഓഫീസില്‍ കൂടിക്കാഴ്ചക്കെത്തണം

മീനങ്ങാടി ഐ.എച്ച്.ആര്‍.ഡി മോഡല്‍ കോളേജില്‍ മലയാളം, ഇംഗ്ലീഷ്,  ഇലക്ട്രോണിക്‌സ്, മാത്തമാറ്റിക്‌സ് വിഷയങ്ങളില്‍ അസിസ്റ്റന്റ് പ്രൊഫസര്‍ നിയമനം നടത്തുന്നു. മലയാളം വിഷയത്തിന് മെയ് 29ന് രാവിലെ 11നും ഇംഗ്ലീഷിന് അന്നേ ദിവസം ഉച്ചക്ക് രണ്ടിനും അഭിമുഖം നടക്കും. ഇലക്ട്രോണിക്‌സ് അസിസ്റ്റന്റ് പ്രൊഫസര്‍ തസ്തികയിലേക്ക് മെയ് 30ന് രാവിലെ 11 നും മാത്തമാറ്റിക്‌സ് അസിസ്റ്റന്റ് പ്രൊഫസര്‍  തസ്തികയിലേക്ക് അന്നേ ദിവസം ഉച്ചക്ക് ഒന്നിനും അഭിമുഖം നടക്കും. ഫോണ്‍: 04936-246446, 8547005077