മേപ്പയ്യൂര്‍ ഗ്രാമപഞ്ചായത്തിലെ ബഡ്‌സ് റിഹാബിലിറ്റേഷന്‍ സെന്ററിന്റെ ശിലാസ്ഥാപനം ടി പി രാമകൃഷ്ണന്‍ എം.എല്‍.എ നിര്‍വഹിച്ചു. 2025-26ലെ എം.എല്‍.എ ആസ്തിവികസന ഫണ്ടില്‍നിന്ന് അനുവദിച്ച 30 ലക്ഷം രൂപ വിനിയോഗിച്ചാണ് മഞ്ഞക്കുളത്ത് സര്‍ക്കാര്‍ അനുവദിച്ച 25 സെന്റ് ഭൂമിയില്‍ കെട്ടിടം നിര്‍മിക്കുന്നത്.

കോട്ടയം: ഏറ്റുമാനൂർ അഡീഷണൽ ഐ.സി.ഡി.എസ്. പ്രോജക്ട് ഓഫീസിന്റെ പരിധിയിലുള്ള 117 അങ്കണവാടികളിലേക്ക് കണ്ടിജൻസി സാധനങ്ങൾ വിതരണം ചെയ്യുന്നതിന് ടെൻഡർ ക്ഷണിച്ചു. മാർച്ച് 13ന് ഉച്ചകഴിഞ്ഞ് രണ്ടുവരെ ടെൻഡറുകൾ സ്വീകരിക്കും. ഫോൺ: 7510162787.

താനൂർ ഫിഷെറീസ് സ്കൂളിൽ നിർമിച്ച വാനനിരീക്ഷണ കേന്ദ്രവും ജ്യോതിശാസ്ത്ര പഠനകേന്ദ്രവും സ്ട്രീം ഹബ്ബുകളും ഐ ലാബുകളും കായിക- ന്യൂനപക്ഷം ക്ഷേമ വകുപ്പ് മന്ത്രി വി അബ്ദുറഹിമാൻ ഉദഘാടനം ചെയ്‌തു. ഇന്ത്യയിലെ പൊതുവിദ്യാലയങ്ങളിൽ നിർമ്മിച്ച ഏറ്റവും വലിയ വാനനിരീക്ഷണ കേന്ദ്രമാണിത്. താനൂർ നഗരസഭ ചെയർപേഴ്സൺ നസ്‌ല ബഷീർ അധ്യക്ഷത വഹിച്ചു. തിരൂർ സബ് കളക്ടർ ദിലീപ് കൈനിക്കര മുഖ്യാതിഥിയായി.

താനൂർ ഫിഷറീസ് ടെക്നിക്കൽ ഹയർ സെക്കൻഡറി സ്കൂളിനെ ഏറ്റവും വലിയ അറിവുല്പാദന കേന്ദ്രമാക്കി വളർത്തുന്നതിനായി വിവിധ പദ്ധതികൾ ആവിഷ്കരിച്ചതായി മന്ത്രി വി അബ്ദുറഹിമാൻ പറഞ്ഞു. 

* പാചക വാതക സിലണ്ടറുകളുടെ ഉപഭോഗം നിരീക്ഷിക്കാൻ സംസ്ഥാന അടിസ്ഥാനത്തിൽ മോണിറ്ററിംഗ് കമ്മറ്റി

വെള്ളിയാർ പുഴയ്ക്ക് കുറുകെ മണിയാണീരിക്കടവ് പാലത്തിന് താഴ്ഭാഗത്ത് കല്ലടയിൽ നിർമ്മിച്ച ചെക്ക്ഡാം യു.എ. ലത്തീഫ് എം.എൽ.എ. ഉദ്ഘാടനം ചെയ്തു. ജില്ലയിലെ മേലാറ്റൂർ, കീഴാറ്റൂർ ഗ്രാമപഞ്ചായത്തുകളിലെ കാർഷിക ആവശ്യത്തിനുള്ള ജലലഭ്യത ഉറപ്പുവരുത്തുന്നതിനും കുടിവെള്ളക്ഷാമം പരിഹരിക്കുന്നതിനും 2021-2022 സാമ്പത്തിക വർഷത്തെ സംസ്ഥാന ബഡ്ജറ്റിൽ വകയിരുത്തിയ 3.22 കോടി രൂപ ചിലവഴിച്ചാണ് ചെക്ക്‌ഡാം നിർമ്മാണം പൂർത്തീകരിച്ചത്. 49 മീറ്റർ നീളത്തിലും 1.80 മീറ്റർ ഉയരത്തിലും എഫ്.ആർ.പി. ഷട്ടറുകളോടുകൂടി നിർമിച്ച ചെക്ക്‌ഡാമിൽ പൂർണ്ണതോതിൽ ജലം സംഭരിക്കുമ്പോൾ വെള്ളിയാർ പുഴയിൽ നിന്ന് 2.80 കി.മി.

റീജണല്‍ പബ്ലിക് ഹെല്‍ത്ത് ലബോറട്ടറിയുടെയും ജില്ലാ വെക്ടര്‍ കണ്‍ട്രോള്‍ യൂണിറ്റിന്റെയും പുതിയ കെട്ടിടങ്ങളുടെ ഉദ്ഘാടനം ആരോഗ്യ വകുപ്പ് മന്ത്രി വീണാ ജോര്‍ജ് ഓണ്‍ലൈനായി നിര്‍വഹിച്ചു. അഹമ്മദ് ദേവര്‍കോവില്‍ എം.എല്‍.എ അധ്യക്ഷനായി. 

ഡി.എച്ച്.എസ് പ്ലാന്‍ ഫണ്ടില്‍നിന്ന് 6.16 കോടി രൂപ ചെലവിട്ടാണ് റീജണല്‍ പബ്ലിക് ഹെല്‍ത്ത് ലബോറട്ടറിക്ക് പുതിയ കെട്ടിടമൊരുക്കിയത്. ക്ലിനിക്കല്‍ പത്തോളജി, ബയോ കെമിസ്ട്രി, ഹോര്‍മോണ്‍ അസെ തുടങ്ങിയ പരിശോധനകള്‍ക്ക് പുറമെ ക്യാന്‍സര്‍ കണ്ടെത്തുന്നതിനുള്ള സൈറ്റോളജി, പാപ് സ്മിയര്‍, കോവിഡ്, ലെപ്റ്റോസ്പൈറ എന്നിവക്കുള്ള ആര്‍.ടി.പി.സി.ആര്‍ ടെസ്റ്റുകളും നടത്തും.

കോട്ടയം: എം.എൽ.എ. എസ്.ഡി.എഫ്. പദ്ധതിയിൽ ഉൾപ്പെടുത്തി വാഴൂർ ബ്ലോക്ക് ഡെവലപ്മെന്റ് ഓഫീസ് വഴി നടപ്പാക്കുന്ന വാഴൂർ ഗ്രാമപഞ്ചായത്തിലെ കല്ലടി കുടിവെള്ള പദ്ധതിക്ക് മോട്ടോർ പമ്പ് സെറ്റ് സ്ഥാപിക്കൽ, ചിറക്കടവ് ഗ്രാമപഞ്ചായത്തിലെ  ആൽഫ അവന്യു അനക്സ്-2 റോഡ് കോൺക്രീറ്റിംഗ് എന്നീ പ്രവർത്തികൾക്ക് ഇ ടെൻഡർ ക്ഷണിച്ചു. മാർച്ച് 12ന് വൈകുന്നേരം 4.30ന് മുൻപായി ടെൻഡറുകൾ നൽകണം. വിൻഡോ നമ്പർ :ബി274847/2026. ഫോൺ: 8281040553.
 

റാമ്പ് പദ്ധതിയുടെ ഭാഗമായി മര മേഖലയിലെ മോഡുലാർ ഫർണീച്ചർ ഡിസൈനിങ്, ഫർണീച്ചർ നിർമാണ രംഗത്തെ പ്രധാന ആധുനിക സാങ്കേതിക വിദ്യകൾ, കേരള ഫോറസ്റ്റ് റൂൾസ് എന്നീ വിഷയങ്ങളിൽ മലപ്പുറം ജില്ലാ വ്യവസായ കേന്ദ്രത്തിന്റെ ആഭിമുഖ്യത്തിൽ സൂര്യ റീജൻസിയിൽ ജില്ലാതല ടെക്നോളജി ക്ലിനിക്ക് സംഘടിപ്പിച്ചു. മലപ്പുറം ജില്ലാ വ്യവസായ കേന്ദ്രം ജനറൽ മാനേജർ എം. ഗിരീഷ് ഉദ്ഘാടനം ചെയ്തു. ജില്ലാ വ്യവസായ കേന്ദ്രം മാനേജർ എം എസ് സുനിത സ്വാഗതം പറഞ്ഞ ചടങ്ങിൽ ജില്ലാ വ്യവസായ കേന്ദ്രം മാനേജർ എ. അബ്ദുൽ ലത്തീഫ് അധ്യക്ഷത വഹിച്ചു. ജില്ലാ വ്യവസായ കേന്ദ്രം മാനേജർ പി. സ്മിത, ഡെപ്യൂട്ടി രജിസ്ട്രാർ പി.സി.

വളാഞ്ചേരി പോലീസ് സ്റ്റേഷന്‍ പുതിയ കെട്ടിടം നിര്‍മ്മിക്കുന്ന സ്ഥലത്തെ പ്ലാവ്, ചരല്‍ക്കൊന്ന, ഉങ്ങ്, വട്ട, പാറകം എന്നീ മരങ്ങള്‍ മുറിച്ചുമാറ്റി മാര്‍ച്ച് 18ന് രാവിലെ 11ന് വളാഞ്ചേരി പോലീസ് സ്റ്റേഷന്‍ പരിസരത്ത് ലേലം ചെയ്യും. സീല്‍ ചെയ്ത ദര്‍ഘാസുകള്‍ നേരിട്ടോ തപാല്‍ മാര്‍ഗ്ഗമോ നിശ്ചിത നിരദ്രവ്യ തുകയായ (2600 രൂപ) ജില്ലാ പോലീസ് മേധാവിയുടെ പേരില്‍ അടച്ചതിന്റെ ഡിമാന്‍ഡ് ഡ്രാഫ്റ്റ് സഹിതം മാര്‍ച്ച് 17ന് വൈകീട്ട് അഞ്ചിനുള്ളില്‍ വളാഞ്ചേരി പോലീസ് സ്റ്റേഷനിലെ എസ്.എച്ച്.ഒയുടെ കാര്യാലയത്തില്‍ ലഭ്യമാക്കണം.

കോട്ടയം: ഉൾനാടൻ ജലാശയത്തിലെ മത്സ്യ സമ്പത്തിന്റെ സംയോജിത പരിപാലനം പദ്ധതിയുടെ ഭാഗമായി അയർക്കുന്നം പഞ്ചായത്തിൽ മഠം പാലത്തിനു താഴെ വടക്കേടത്ത് കടലിൽ മത്സ്യക്കുഞ്ഞുങ്ങളെ നിക്ഷേപിച്ചു.  ഗ്രാമപഞ്ചായത്ത് പ്രസിഡന്റ് ഗീതാ രാധാകൃഷ്ണൻ കാർപ്പ് മത്സ്യക്കുഞ്ഞുങ്ങളെ നിക്ഷേപിച്ചുകൊണ്ട് പരിപാടി ഉദ്ഘാടനം ചെയ്തു. വൈസ് പ്രസിഡന്റ് ജോയി കൊറ്റത്തിൽ അധ്യക്ഷത വഹിച്ചു.

ജില്ലാ ഫിഷറീസ് അസിസ്റ്റന്റ് ഡയറക്ടർ എ. കൃഷ്ണകുമാരി, കോട്ടയം മത്സ്യഭവൻ ഫിഷറീസ് എക്സ്റ്റൻഷൻ ഓഫീസർ ബ്ലെസ്സി ജോഷി, ഫിഷറീസ് ഉദ്യോഗസ്ഥരായ ഐശ്വര്യ സലി, എൻ.എസ്. ശ്യാമിലി  എന്നിവർ പങ്കെടുത്തു.