ജില്ലാ സായുധ സേന പതാക ദിന നിധി കുടിശ്ശികയുള്ള ജില്ലാതല വകുപ്പ് മേധാവികളും ഓഫീസ് അധികാരികളും സായുധ സേനാ പതാക ദിന നിധിയിലേക്കുളള പതാക വില്പന കുടിശ്ശിക തുക മാര്‍ച്ച് 25നകം ജില്ലാ സൈനികക്ഷേമ ഓഫീസ് മുഖേന സര്‍ക്കാരിലേക്ക് അടച്ച് രസീത് കൈപ്പറ്റണമെന്ന് ജില്ലാ സായുധ സേന പതാക ദിന നിധി ചെയര്‍മാനായ ജില്ലാ കളക്ടര്‍ അറിയിച്ചു.

മലപ്പുറം ജില്ലയില്‍ ഇക്കോണമിക് ആന്‍ഡ് സ്റ്റാറ്റിസ്റ്റിക്സ് വകുപ്പില്‍ സ്റ്റാറ്റിസ്റ്റിക്കല്‍ അസിസ്റ്റന്റ് ഗ്രേഡ് II/ സ്റ്റാറ്റിസ്റ്റിക്കല്‍ ഇന്‍വെസ്റ്റര്‍ ഗ്രേഡ് II/( കാറ്റഗറി നമ്പര്‍ 039/2020) തസ്തികയിലേക്കുള്ള തെരഞ്ഞെടുപ്പിനായി 2023 ഫെബ്രുവരി 10ന് നിലവില്‍ വന്ന റാങ്ക് പട്ടിക ( 91/2023 ഡി.ഒ.എം.) മൂന്ന് വര്‍ഷ കാലാവധി 2026 ഫെബ്രുവരി ഒന്‍പതിന് പൂര്‍ത്തിയാക്കിയതിനാല്‍ റദ്ദാക്കിയതായി ജില്ലാ പി.എസ്.സി ഓഫീസര്‍ അറിയിച്ചു.

കോട്ടയം: ആയുഷ് വകുപ്പ്, ഹോമിയോപ്പതി വകുപ്പ്, ജില്ലാ നാഷണൽ ആയുഷ് മിഷൻ എന്നിവയുടെ നേതൃത്വത്തിൽ  ഹെൽത്തി കേരള ക്യാമ്പയിന്റെ ഏറ്റുമാനൂർ നിയോജക മണ്ഡലംതല ഉദ്ഘാടനം നടത്തി. കുമരകം സാംസ്‌കാരിക നിലയത്തിൽ വച്ച് നടത്തിയ പരിപാടി ഗ്രാമപഞ്ചായത്ത് പ്രസിഡന്റ് എ.പി. ഗോപി ഉദ്ഘാടനം ചെയ്്തു. കുമരകം ഗ്രാമപഞ്ചായത്ത് വൈസ് പ്രസിഡന്റ് രമ്യ ഷിജോ അധ്യക്ഷത വഹിച്ചു. ജില്ലാ പഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷൻ പി.കെ. വൈശാഖ് മുഖ്യപ്രഭാഷണം നടത്തി. ജില്ലാ ഹോമിയോ മെഡിക്കൽ ഓഫീസർ ഡോ. കെ.എസ്. മിനി പദ്ധതി വിശദീകരിച്ചു.

കുടിശ്ശികയായ 1,44,000/ രൂപ ഈടാക്കുന്നതിനായി നിലമ്പൂര്‍ വില്ലേജിലെ ജപ്തി ചെയ്തിട്ടുള്ള ബ്ലോക്ക് 95ലെ റീ.സ 45/2 ലെ 0.0405 ഹെക്ടര്‍ സ്ഥലം ഏപ്രില്‍ 27ന് രാവിലെ 11ന് ചുങ്കത്തറ വില്ലേജ് ഓഫീസില്‍ ലേലം ചെയ്യും.

മലപ്പുറം എക്സൈസ് വകുപ്പും ജില്ലാ വിമുക്തി മിഷനും ജില്ലയിലെ കോളേജ് വിദ്യാര്‍ഥികള്‍ക്കായി സംഘടിപ്പിച്ച 'നീതി സാരം' ജില്ലാ തല ക്വിസ് മത്സരത്തില്‍ മഞ്ചേരി മെഡിക്കല്‍ കോളേജ് വിജയികളായി. മഞ്ചേരി മെഡിക്കല്‍ കോളേജില്‍ നിന്നുള്ള നവീന്‍ രാജേഷ്, മുഹമ്മദ് ഡാനിഷ് എന്നിവര്‍ ഒന്നാം സ്ഥാനവും മഞ്ചേരി എന്‍.എസ്.എസ് കോളേജില്‍ നിന്നുള്ള പി.കെ. ശ്രീജിത, എം. ശ്രീനന്ദ എന്നിവര്‍ രണ്ടാം സ്ഥാനവും പൊന്നാനി എം.ഇ.എസ് കോളേജില്‍ നിന്നുള്ള മുഹമ്മദ് ആദില്‍, ഫാത്തിമ റഷ, കെ. ഹൃതിക്ക്, പി. തഷ്രീഫാ എന്നിവര്‍ മൂന്നാം സ്ഥാനം പങ്കിട്ടു.

ദേശീയ ആരോഗ്യ ദൗത്യത്തിന്റെ കീഴില്‍ ജില്ലയില്‍ നടന്നുവരുന്ന വിവിധ പദ്ധതികള്‍ അവലോകനം ചെയ്യുന്നതിനായി ജില്ലാ കളക്ടറുടെ അധ്യക്ഷതയില്‍ ചേംബറില്‍ യോഗം ചേര്‍ന്നു. ജില്ലയിലെ ഓരോ വകുപ്പിലും നടന്നു വരുന്ന പ്രവര്‍ത്തനങ്ങള്‍ ജില്ലാകളക്ടര്‍ അവലോകനം നടത്തുന്നതിന്റെ ഭാഗമായാണ് ജില്ലയിലെ പൊതുജനാരോഗ്യ സംവിധാനം, കുട്ടികളിലെ ഷെഡ്യൂള്‍ഡ് വാക്‌സിനേഷന്‍ കണക്കുകള്‍, മാതൃ-ശിശു ആരോഗ്യ പ്രവര്‍ത്തനങ്ങള്‍, ഗാര്‍ഹിക പ്രസവം, പകര്‍ച്ച വ്യാധി പ്രതിരോധ പ്രവര്‍ത്തനങ്ങള്‍, ആര്‍ദ്രം പദ്ധതി, പാലിയേറ്റീവ് പ്രവര്‍ത്തനങ്ങള്‍, സാംക്രമികേതര രോഗ പ്രതിരോധ പ്രവര്‍ത്തനങ്ങള്‍, ജില്ലയില്‍ പുരോഗമിക്കുന്ന ജെ.ഇ, എച്ച്. പി.

മൂടാടി സ്മാര്‍ട്ട് വില്ലേജ് ഓഫീസിനായി നിര്‍മിച്ച കെട്ടിടത്തിന്റെ ഉദ്ഘാടനം റവന്യൂ വകുപ്പ് മന്ത്രി കെ രാജന്‍ ഓണ്‍ലൈനായി നിര്‍വഹിച്ചു. പൊതുജനങ്ങള്‍ക്ക് മെച്ചപ്പെട്ട സേവനം ലഭ്യമാക്കുന്നതിന് പ്ലാന്‍ ഫണ്ടില്‍ ഉള്‍പ്പെടുത്തി 50 ലക്ഷം രൂപ ചെലവിട്ടാണ് ആധുനിക സംവിധാനങ്ങളോടെ പുതിയ കെട്ടിടം നിര്‍മിച്ചത്. ഓഫീസുകളുടെ ഭൗതിക സാഹചര്യം മെച്ചപ്പെടുത്തുന്നതിന് ആവിഷ്‌കരിച്ച പദ്ധതിയുടെ ഭാഗമായാണ് എല്ലാ വില്ലേജുകളും സ്മാര്‍ട്ട് വില്ലേജുകള്‍ ആക്കി മാറ്റുന്നത്. 

നിയമസഭാ തിരഞ്ഞെടുപ്പിനോടനുബന്ധിച്ച് ജില്ലയിലെ തിരഞ്ഞെടുപ്പ് നടപടികള്‍ നിരീക്ഷിക്കുന്നതിനായി നിയോഗിക്കപ്പെട്ട വിവിധ സ്‌ക്വാഡുകള്‍ക്ക് പ്രത്യേക പരിശീലനം നല്‍കി.ജില്ലാ പഞ്ചായത്ത് ഹാളില്‍ നടന്ന പരിപാടിയില്‍ ഫ്ളയിങ് സ്‌ക്വാഡ്, സ്റ്റാറ്റിക് സര്‍വയലന്‍സ് ടീം, സര്‍വയലന്‍സ് ചെക്ക്പോസ്റ്റ് ടീം എന്നിവര്‍ക്കാണ് പരിശീലനം നല്‍കിയത്.