തിരുവനന്തപുരം മോഡല്‍ ഫിനിഷിംഗ് സ്‌കൂളില്‍ നവംബര്‍ രണ്ടാം വാരം ആരംഭിക്കുന്ന വെബ് ഡിസൈനിംഗ് ആന്റ് പബ്ലിഷിംഗ് അസിസ്റ്റന്റ് സൗജന്യ കോഴ്‌സില്‍ ഒഴിവുള്ള സീറ്റിലേക്ക് അപേക്ഷ ക്ഷണിച്ചു. കോഴ്‌സ് കാലാവധി ആയിരം മണിക്കൂര്‍, യോഗ്യത പത്താം ക്ലാസ് വിജയം. അപേക്ഷകര്‍ ബി.പി.എല്‍ കാര്‍ഡ് ഉപഭോക്താക്കളോ കുടുംബശ്രീ അംഗമോ ആശ്രിതരോ ആയിരിക്കണം. അല്ലാത്തവര്‍ വില്ലേജ് ഓഫീസര്‍ നല്‍കുന്ന 50,000 രൂപവരെയുള്ള വാര്‍ഷിക വരുമാന സര്‍ട്ടിഫിക്കറ്റ് അപേക്ഷയോടൊപ്പം ഹാജരാക്കണം. അപേക്ഷകര്‍ കോര്‍പ്പറേഷന്‍/മുനിസിപ്പാലിറ്റി സ്ഥിരതാമസക്കാര്‍ ആയിരിക്കണം. ഇത് തെളിയിക്കുന്നതിന് കൗണ്‍സിലറുടെ സാക്ഷ്യപത്രം ഹാജരാക്കണം.

നല്ല ഭക്ഷണത്തിനും നല്ല വസ്ത്രത്തിനും നല്ല വിദ്യാഭ്യാസത്തിനും അവകാശമുള്ളതുപോലെ സുരക്ഷിതമായ ഇന്റര്‍നെറ്റ് ഉപയോഗത്തിനും കുട്ടികള്‍ക്ക് അവകാശമുണ്ടെന്ന് മുഖ്യമന്ത്രി പിണറായി വിജയന്‍ പറഞ്ഞു. സൈബര്‍ ലോകത്ത് കുട്ടികള്‍ക്ക് സുരക്ഷ ഉറപ്പാക്കാന്‍ സംസ്ഥാന പോലീസ് വകുപ്പ് നടപ്പാക്കുന്ന കിഡ് ഗ്ലവ് പരിപാടിയുടെ സംസ്ഥാനതല ഉദ്ഘാടനം കവടിയാര്‍ ക്രൈസ്റ്റ് നഗര്‍ സ്‌കൂളില്‍ ഉദ്ഘാടനം ചെയ്തു സംസാരിക്കുകയായിരുന്നു മുഖ്യമന്ത്രി.

കാക്കനാട്:  ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പ് എറണാകുളം മേഖല ഡെപ്യൂട്ടി ഡയറക്ടര്‍ ഓഫീസിലെ വാര്‍ത്ത വിതരണത്തിന്റെ ഭാഗമായി വകുപ്പ് ഡയറക്ടറുടെ അന്തിമ അനുമതിക്ക് വിധേയമായി 2017-18 സാമ്പത്തിക വര്‍ഷത്തേക്ക് ഫോട്ടോഗ്രാഫി ജോലികള്‍ ഏറ്റെടുത്ത് നടത്തുന്നതിന് സ്വന്തമായി ഡിജിറ്റല്‍ ക്യാമറ ഉള്ള വ്യക്തികള്‍/ സ്ഥാപനങ്ങളില്‍ നിന്ന് സര്‍ക്കാര്‍ നിരക്കില്‍ കവിയാത്ത മത്സര സ്വഭാവമുള്ള ക്വട്ടേഷനുകള്‍ ക്ഷണിക്കുന്നു.

പ്രദര്‍ശനത്തിനുള്ള പക്ഷിമൃഗാദികള്‍ക്കുവേണ്ട തീറ്റ പ്രത്യേകമായി സംഭരിച്ചിട്ടുണ്ട്. 70 നാടന്‍ പശുക്കള്‍ക്ക് 5000 കിലോ വയ്‌ക്കോല്‍, 2000 കിലോ തീറ്റപ്പുല്ല്, മില്‍മയുടേയും കേരള ഫീഡ്‌സിന്റേയും കാലിത്തീറ്റ, പരുത്തിപ്പിണ്ണാക്ക്, ഗോതമ്പ് തവിട്, തേങ്ങാപ്പിണ്ണാക്ക്, ആട്ടിന്‍കൂട്ടത്തിന് 1000 കിലോ പ്ലാവില , നായ്ക്കള്‍ക്ക് ബ്രാന്‍ഡഡ് ഭക്ഷണം, ആനകള്‍ക്ക് മുന്നൂറോളം മടല്‍ ഓല എന്നിവയാണ് ഒരുക്കിയിട്ടുള്ളത്. എമുവിന്റെ മെനു നമ്മുടെ സ്വന്തം ചോറാണ്. 

ദേശീയ പക്ഷിമൃഗമേളയ്‌ക്കെത്തിയ കര്‍ഷകര്‍ക്കും ഉദ്യോഗസ്ഥര്‍ക്കുമായി കുടുംബശ്രീയുടെ നേതൃത്തില്‍ വൈവിധ്യമാര്‍ന്ന രുചികളാണ് ഒരുക്കുന്നത്. കരുണ കുടുംബശ്രീയുടെ ക്വാളിറ്റി കാറ്ററിംഗ് യൂണിറ്റിലെ സുധയുടെ നേതൃത്വത്തിലുള്ള 20 അംഗ സംഘമാണ് കലവറയില്‍. 

ദേശീയ പക്ഷിമൃഗ മേളയ്‌ക്കെത്തിയവര്‍ക്ക് കൗതുകവും സന്ദേശവും പകര്‍ന്ന് പൊലിസ് ശ്വാന പ്രദര്‍ശനം.  വേദി രണ്ടിലായിരുന്നു പ്രകടനം. സിറ്റി പോലീസിലെ റാണി  എന്ന നായ ട്രെയിനര്‍ മനോജിന്റെ ബൈക്കിന്റെ മുന്നിലേറിയപ്പോള്‍ തന്നെ സദസ്യരില്‍ ആകാംക്ഷ പടര്‍ന്നു. 
ഉദ്ഘാടകന്‍ എം. നൗഷാദ് എംഎല്‍എ റാണിയുടെ തലയില്‍ ഹെല്‍മറ്റ് ധരിപ്പിച്ച് ബൈക്ക് മുന്നോട്ട് നീങ്ങുമ്പോള്‍ ഇരുചക്ര വാഹന യാത്രക്കാര്‍ ഹെല്‍മറ്റ് സുരക്ഷ ഉറപ്പാക്കണമെന്ന അനൗണ്‍സ്‌മെന്റ് മുഴങ്ങി. 

കഞ്ചിക്കോട് കിൻഫ്ര വ്യവസായ പാർക്കിനകത്ത് ഇതര സംസ്ഥാന തൊഴിലാളികൾക്കായി നിർമിക്കുന്ന പാർപ്പിട സമുച്ചയം 'അപ്നാ ഘർ' ജനുവരിയിൽ തൊഴിലാളികൾക്ക് കൈമാറുമെന്ന് തൊഴിൽ-എക്സൈസ് വകുപ്പ് മന്ത്രി ടി.പി. രാമകൃഷ്‌ണൻ പറഞ്ഞു. പാർപ്പിട സമുച്ചയത്തിന്റെ നിർമാണ പുരോഗതി വിലയിരുത്തി സംസാരിക്കുകയായിരുന്നു മന്ത്രി. നിർമാണ പ്രവർത്തനങ്ങൾ ഏറ്റെടുത്ത കിറ്റ്‌കോ നവംബർ അവസാനത്തോടെ പണി പൂർത്തിയാക്കി കെട്ടിടം തൊഴിൽ വകുപ്പിന് കൈമാറുമെന്ന് ഉറപ്പു നലകിയിട്ടുണ്ട്. തിരുവനന്തപുരം, എറണാകുളം, കോഴിക്കോട് ജില്ലകളിൽ സമാന രീതിയിൽ 'അപ്നാ ഘർ' പാർപ്പിട സമുച്ചയം നിർമിക്കുമെന്നും മന്ത്രി പറഞ്ഞു. 

ഐ.റ്റി.ഐ.കൾ വഴി തൊഴിൽ സാധ്യത വർദ്ധിപ്പിക്കുമെന്ന് തൊഴിൽ-എക്സൈസ് വകുപ്പ് മന്ത്രി ടി.പി. രാമകൃഷ്ണൻ പറഞ്ഞു. പെരുമാട്ടി ഗവ.ഐ.റ്റി.ഐ ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.വിദ്യാർഥികൾക്ക് മികച്ച നൈപുണ്യ പരിശീലനം നൽകി സംസ്ഥാനത്തെ തൊഴിൽ സാധ്യതകൾ മെച്ചപ്പെടുത്തകയാണ് സർക്കാർ ലക്ഷ്യമെന്നും മന്ത്രി പറഞ്ഞു.

പതിനഞ്ചാമത് സംസ്ഥാന എക്സൈസ് കലാ-കായിക മേള ഇന്ന് (നവംബർ 12) സമാപിക്കും. മൂന്ന് ദിവസം നീണ്ടുനിന്ന കലാ-കായിക മേളയുടെ സമാപന സമ്മേളനം വൈകിട്ട് മൂന്നിന് വിക്ടോറിയ കോളെജിൽ പട്ടികജാതി-വർഗ-പിന്നാക്ക ക്ഷേമ-നിയമ-സാംസ്കാരിക വകുപ്പ് മന്ത്രി എ.കെ.ബാലൻ ഉദ്ഘാടനം ചെയ്യും.

എക്‌സൈസ് കമ്മീഷനർ ഋഷിരാജ് സിങ് അധ്യക്ഷനാകുന്ന പരിപാടിയിൽ കെ.ബാബു എം.എൽ.എ. മുഖ്യാതിഥിയാകും.

ലഹരി ഉപയോഗത്തിനെതിരെ നടപടികള്‍ സ്വീകരിക്കുന്നതില്‍ കേരളം ഒന്നാമതാണെന്ന് എക്സൈസ്-തൊഴില്‍ വകുപ്പ് മന്ത്രി ടി.പി. രാമകൃഷ്ണന്‍ പറഞ്ഞു.  പതിനഞ്ചാമത്  സംസ്ഥാന എക്സൈസ് കലാ-കായികമേള വിക്ടോറിയ കോളെജില്‍ ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.