കൊച്ചി: പട്ടികജാതി വിഭാഗക്കാര്‍ക്ക് കാര്‍ഷിക പ്രവര്‍ത്തനങ്ങള്‍ക്ക് സബ്‌സിഡി നല്‍കുന്ന പദ്ധതിയിലേയക്ക് ജില്ലാ പട്ടികജാതി വികസന ആഫീസ്സര്‍ അപേക്ഷ ക്ഷണിച്ചു. സ്വന്തം ഭൂമിയിലോ പാട്ടത്തിനോ വാടകയ്‌ക്കോ  ഭക്ഷ്യവിളകള്‍ 
കൃഷി ചെയ്യുന്ന പട്ടികജാതി വിഭാഗക്കാര്‍ക്ക്  കൃഷി ആവശ്യത്തിനായുള്ള ആകെ 
ചെലവിന്റെ 50 ശതമാനം   (പരമാവധി 25000 രൂപ വരെ)  പദ്ധതിപ്രകാരം സബ്‌സിഡിയായി നല്‍കും.

കൊച്ചി: പട്ടികജാതി വികസന വകുപ്പിനു വേണ്ടി സി-ഡിറ്റ് നടപ്പിലാക്കുന്ന സൈബര്‍ശ്രീ സെന്ററില്‍ മാറ്റ്‌ലാബ് പരിശീലനത്തിന് അപേക്ഷ ക്ഷണിച്ചു. തിരുവനന്തപുരത്തുവച്ച് നല്‍കുന്ന പരിശീലനത്തിന് 20 നും 26 നും മധ്യേ പ്രായമുളള പട്ടികജാതി വിഭാഗത്തില്‍പ്പെട്ടവര്‍ക്ക് അപേക്ഷിക്കാം.

കൊച്ചി: ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പ് എറണാകുളം മേഖല ഡെപ്യൂട്ടി ഡയറക്ടര്‍ ഓഫീസിലെ വാര്‍ത്ത വിതരണത്തിന്റെ ഭാഗമായി വകുപ്പ് ഡയറക്ടറുടെ അന്തിമ അനുമതിക്ക് വിധേയമായി 2017-18 സാമ്പത്തിക വര്‍ഷത്തേക്ക് ഫോട്ടോഗ്രാഫി ജോലികള്‍ ഏറ്റെടുത്ത് നടത്തുന്നതിന് സ്വന്തമായി ഡിജിറ്റല്‍ ക്യാമറ ഉള്ള വ്യക്തികള്‍/ സ്ഥാപനങ്ങളില്‍ നിന്ന് സര്‍ക്കാര്‍ നിരക്കില്‍ കവിയാത്ത മത്സര സ്വഭാവമുള്ള ക്വട്ടേഷനുകള്‍ ക്ഷണിക്കുന്നു.

ജില്ലാ പ്രാരംഭ ഇടപെടല്‍ കേന്ദ്രത്തില്‍ ശിശുദിനാഘോഷം നടത്തി. ജില്ലാ മെഡിക്കല്‍ ഓഫീസര്‍ ഡോ.എ.എല്‍.ഷീജ ഉദ്ഘാടനം ചെയ്തു. ആര്‍സിഎച്ച് ഓഫീസര്‍ ഡോ.സന്തോഷ്, ദേശീയ ആരോഗ്യ ദൗത്യം ജില്ലാ പ്രോഗ്രാം മാനേജര്‍ ഡോ.എബി സുഷന്‍, ഡോ.അഞ്ജു, ആര്‍.ദര്‍ശന തുടങ്ങിയവര്‍ പങ്കെടുത്തു. ശിശുദിനാഘോഷ പരിപാടിയുടെ ഭാഗമായി പങ്കെടുത്ത ഭിന്നശേഷിക്കാരായ എല്ലാ കുട്ടികള്‍ക്കും ശിശുദിന കിറ്റും മത്സരവിജയികള്‍ക്ക് സമ്മാനങ്ങളും വിതരണം ചെയ്തു.                                      (പിഎന്‍പി 3064/17)

    ജില്ലയിലെ തെരഞ്ഞെടുക്കപ്പെട്ട തുടര്‍വിദ്യാ കേന്ദ്രങ്ങളില്‍ ചലച്ചിത്ര അക്കാദമിയും സാക്ഷരതാ മിഷനും സംയുക്തമായി ചലച്ചിത്ര പ്രദര്‍ശനം നടത്തുന്നു. 23ന് ഉച്ചയ്ക്ക് ശേഷം രണ്ടിന് പന്തളം ബ്ലോക്കിലെ മുട്ടാര്‍ വികസന വിദ്യാകേന്ദ്രത്തിലും വെകിട്ട് നാലിന് ആറډുള പഞ്ചായത്തിലെ എഴിക്കാട് തുടര്‍വിദ്യാകേന്ദ്രത്തിലും 25ന് വൈകിട്ട് ആറിന് മല്ലപ്പള്ളി ബ്ലോക്കിലെ ചന്തോലില്‍ തുടര്‍വിദ്യാ കേന്ദ്രത്തിലുമാണ് പ്രദര്‍ശനം. 
                                            (പിഎന്‍പി 3063/17)
 

മലമ്പുഴ ബ്ലോക്ക് പഞ്ചായത്ത് സാക്ഷരതാ മിഷന്റെ കീഴില്‍ സംസ്ഥാന സാക്ഷരതാ മിഷന്‍ നടത്തുന്ന ഗുഡ് ഇംഗ്‌ളീഷ്-അഛി ഹിന്ദി സര്‍ട്ടിഫിക്കറ്റ് കോഴ്സിന്റെ രജിസ്ട്രേഷന്‍ തുടങ്ങി. ഇംഗ്‌ളീഷും ഹിന്ദിയും എഴുതാനും സംസാരിക്കാനും പരിശീലനം നല്‍കുന്ന നാല് മാസം ദൈര്‍ഘ്യമുള്ള കോഴ്സിന് പത്താംതരം തുല്യതാ പരീക്ഷയെഴുതിയവര്‍ക്ക് അപേക്ഷിക്കാം. 2500 രൂപയാണ് കോഴ്സ്-രജിസ്ട്രേഷന്‍ ഫീസ്.

നാലാംതരം, ഏഴാംതരം തുല്യത രജിസ്‌ട്രേഷന് നവംബര്‍ 30വരെ അപേക്ഷിക്കാം. വിശദവിവരം ബ്ലോക്ക് വികസന വിദ്യാ കേന്ദ്രം, മലമ്പുഴ ബ്ലോക്ക് പഞ്ചായത്ത്, മരുതറോഡ് വിലാസത്തില്‍ ലഭിക്കും. ഫോണ്‍: 9496215572 

സംസ്ഥാന യുവജനക്ഷേമ ബോര്‍ഡ് വിവിധ തദ്ദേശ സ്വയംഭരണ സ്ഥാപനങ്ങള്‍, സര്‍ക്കാര്‍ വകുപ്പുകള്‍, യൂത്ത് ക്ലബുകളുടെ സഹകരണത്തോടെ നടത്തുന്ന സംസ്ഥാന കേരളോത്സവത്തിന്റെ  സ്വാഗതസംഘ രൂപവത്കരണ യോഗം നവംബര്‍ 17 രാവിലെ 10ന് ജില്ലാ പഞ്ചായത്ത് സമ്മേളന ഹാളില്‍ ചേരും.

സംസ്ഥാന സ്‌കൂള്‍ ശാസ്ത്രമേളയില്‍ പങ്കെടുക്കാന്‍ ജില്ലയില്‍ നിന്നും അര്‍ഹത നേടിയ വിദ്യാര്‍ഥികളുടേയും എസ്‌കോട്ടിങ് അധ്യാപകരുടേയും യോഗം നവംബര്‍ 20 രാവിലെ 10.30ന് ജില്ലാ പഞ്ചായത്ത് ഹാളില്‍ ചേരും.

അപേക്ഷയിലുള്ള തിരിച്ചറിയല്‍ കാര്‍ഡില്‍ ഫോട്ടോ പതിച്ച് പ്രധാനാധ്യാപകന്‍ സാക്ഷ്യപ്പെടുത്തിയ രണ്ട് പകര്‍പ്പുകളും മുന്‍ വര്‍ഷത്തെ റോളിങ് ട്രോഫികളുമായെത്തണമെന്ന് വിദ്യാഭ്യാസ ഉപഡയറക്റ്റര്‍ അറിയിച്ചു.
 

ആരോഗ്യ മേഖലയിലെ മൂല്യ വര്‍ധനവ് നിര്‍ണയിക്കുന്നതിന് സംസ്ഥാനത്തിന്റെ സൂചകം കണ്ടെത്തുന്നതിനായി സാമ്പത്തിക സ്ഥിതിവിവര കണക്ക് വകുപ്പ് 'കേരളത്തിലെ സ്വകാര്യ മെഡിക്കല്‍ സ്ഥാപനങ്ങളെക്കുറിച്ചുള്ള സര്‍വേ 2017-18' തുടങ്ങുന്നു. ഇതിന്റെ ഭാഗമായി ഉദ്യോഗസ്ഥര്‍ക്ക് പരിശീലനം നല്‍കി.