2023-24 വർഷത്തെ എം.ടെക് പ്രവേശനവുമായി ബന്ധപ്പെട്ട് തിരുവനന്തപുരം ബാർട്ടൺഹിൽ ഗവൺമെന്റ് എൻജിനീയറിംഗ് കോളേജിൽ ഒഴിവുള്ള സീറ്റുകളിലേക്കുള്ള സ്പോട്ട് അഡ്മിഷൻ സെപ്റ്റംബർ 13 ബുധനാഴ്ച (13.09.203) നടക്കും. വിദ്യാർഥികൾ അസ്സൽ സർട്ടിഫിക്കറ്റുകളും അനുബന്ധ രേഖകളുമായി അന്നേ ദിവസം രാവിലെ ഒമ്പതിനു കോളേജിൽ ഹാജരാകണം. രാവിലെ 10നു ശേഷം രജിസ്ട്രേഷൻ ഉണ്ടായിരിക്കുന്നതല്ല.

2023 സെപ്റ്റംബർ 16ന് നടത്തുന്ന എൽ.എൽ.എം 2023 കോഴ്സിലേക്കുള്ള പ്രവേശന പരീക്ഷയ്ക്ക് ഓൺലൈൻ അപേക്ഷ സമർപ്പിച്ചവരുടെ അഡ്മിറ്റ് കാർഡുകൾ പ്രവേശന പരീക്ഷാ കമ്മീഷണറുടെ www.cee.kerala.gov.in എന്ന വെബ്സൈറ്റിൽ നിന്നും ഡൗൺലോഡ് ചെയ്യാം

        തിരുവനന്തപുരം റീജിയണൽ ക്യാൻസർ സെന്ററിൽ കരാറടിസ്ഥാനത്തിൽ റസിഡന്റ് മെഡിക്കൽ ഓഫീസർ തസ്തികയിൽ സെപ്റ്റംബർ 26ന് വാക്ക്-ഇൻ-ഇന്റർവ്യൂ നടത്തുന്നു.

        സർക്കാർ ഉത്തരവ് പ്രകാരം ഭേദഗതി വരുത്തിയ 2023ലെ പി ജി മെഡിക്കൽ കോഴ്സിലേക്കുള്ള പ്രോസ്പെക്ടസും വിജ്ഞാപനവും പ്രവേശന പരീക്ഷാ കമ്മീഷണറുടെ വെബ്സൈറ്റിൽ പ്രസിദ്ധീകരിച്ചു.

 കുഷ്ഠരോഗ നിര്‍മാര്‍ജനത്തിന്റെ ഭാഗമായി കുട്ടികളുടെ രോഗ നിര്‍ണയത്തിനായി ആരോഗ്യ വകുപ്പ് നടപ്പിലാക്കുന്ന ബാലമിത്ര പദ്ധതി രണ്ടാംഘട്ടത്തിന് സെപ്റ്റംബർ 20ന് ജില്ലയിൽ തുടക്കമാകും. രണ്ടു മാസമാണ് പരിപാടി നടക്കുക.

ബാല മിത്രയുടെയും മിഷൻ ഇന്ദ്രധനുഷിന്റെയും രണ്ടാംഘട്ട പ്രവർത്തനങ്ങളുടെ ഭാഗമായും ജില്ലയിലെ പകർച്ചവ്യാധി പ്രതിരോധം ശക്തിപ്പെടുത്തലുമായി ബന്ധപ്പെട്ടും ജില്ലാ വികസന കമ്മീഷണർ എം.എസ് മാധവിക്കുട്ടിയുടെ നേതൃത്വത്തിൽ യോഗം ചേർന്നു. 

കരുമാല്ലൂർ പഞ്ചായത്തിലെ കുടിവെള്ളക്ഷാമത്തിന് ശാശ്വത പരിഹാരം കാണുന്ന പദ്ധതിക്ക് അടങ്കൽ തുക ഉയർത്തി സാമ്പത്തിക അനുമതി ലഭിച്ചു.  51.30 കോടി രൂപയുടെ കുടിവെള്ള പദ്ധതിയാണ് ഒരു വർഷത്തിനുള്ളിൽ കരുമാല്ലൂരിൽ യാഥാർത്ഥ്യമാകാൻ ഒരുങ്ങുന്നത്.

നിർമ്മാണ പ്രവർത്തനങ്ങൾ നേരത്തെ തന്നെ ആരംഭിച്ച പദ്ധതിയുടെ അടങ്കൽ തുക 36.50 കോടി രൂപയിൽ നിന്ന് 51.30 കോടി രൂപയായി ഉയർത്തിയാണ് ഇപ്പോൾ സാമ്പത്തിക അനുമതി ലഭിച്ചിരിക്കുന്നത്. പദ്ധതി 2024ൽ പൂർത്തിയാക്കുമെന്ന ലക്ഷ്യത്തോടെ അതിവേഗത്തിലാണ് നിർമ്മാണ പ്രവർത്തനങ്ങൾ പുരോഗമിക്കുന്നത്. 

കൂവപ്പടി ഗ്രാമപഞ്ചായത്തിന്റെ സമഗ്ര മാലിന്യനിർമാർജ്ജന പദ്ധതിയായ ക്ലീൻ കൂവപ്പടി ഗ്രീൻ കൂവപ്പടി മൂന്നാം ഘട്ടത്തിലേക്ക് കടക്കുന്നു. വിജയകരമായ രണ്ട് ഘട്ടങ്ങൾ പൂർത്തിയാക്കിയാണ് പദ്ധതി അടുത്ത് ഘട്ടത്തിലേക്ക് എത്തിയിരിക്കുന്നത്.

മൂന്നാംഘട്ടത്തിന്റെ ഭാഗമായി 12000 വീടുകൾക്കും 4000 സ്ഥാപനങ്ങൾക്കും ക്യാരിബാഗുകൾ വിതരണം ചെയ്യും. അജൈവ മാലിന്യങ്ങൾ കൃത്യമായി ശേഖരിച്ചു വയ്ക്കുന്നതിനാണ് ബാഗുകൾ സൗജന്യമായി ലഭ്യമാക്കുന്നത്. ഇതുമായി ബന്ധപ്പെട്ട പ്രവർത്തനങ്ങൾ ഇതിനോടകം ആരംഭിച്ചിട്ടുണ്ട്.

എന്നും രാവിലെ എഴുന്നേൽക്കുക, കുട്ടികളുടെ കാര്യം നോക്കുക, തിരുക്കുപിടിച്ച് ജോലി സ്ഥലത്തേക്ക് ഓടുക, തിരികെ വീണ്ടും അടുക്കളയിലെ ലോകത്തേക്ക്... ഒരേ മട്ടിൽ പോയിക്കൊണ്ടിരുന്ന ജീവിതരീതിയിൽ നിന്നും വ്യത്യസ്തമായി ഓരോ ദിനവും പുതിയതായി തുടങ്ങണമെന്ന ആഗ്രഹമാണ് ചോറ്റാനിക്കര ഐനിപ്പിള്ളി വീട്ടിൽ റോസ് ഗ്ലൈസിനിനെ ഒരു സംരംഭകയാക്കിയത്. മറ്റാരെയും ആശ്രയിക്കാതെ സ്വന്തം കാര്യം എന്തെങ്കിലും വരുമാനം നേടണമെന്ന ആഗ്രഹത്തിൽ റോസ് ബിസിനസിന്‍റെ പല വഴികളെയും പറ്റി ആലോചിച്ചു. ഒടുവിൻ പാചകത്തിലുള്ള താല്പര്യം എന്തുകൊണ്ട് ഒരു തൊഴിലായി മുന്നോട്ടുകൊണ്ടുപോയി ബിസിനസ് ആരംഭിച്ചാലോ എന്ന ആലോചന  മനസ്സിലുദിച്ചത്. 

സംസ്ഥാന സര്‍ക്കാരിന്റെ ഉന്നത വിദ്യാഭ്യാസ വകുപ്പിന്റെ കീഴില്‍ പ്രവര്‍ത്തിക്കുന്ന അസാപ്‌കേരള ഫാഷന്‍ഡിസൈന്‍ പരിശീലനം ആരംഭിക്കുന്നു. ഇതിന് മുന്നോടിയായി സെപ്റ്റംബര്‍ 18ന് കളമശ്ശേരി കമ്മ്യൂണിറ്റി സ്‌കില്‍ പാര്‍ക്കില്‍ ഏകദിന ശില്പശാല സംഘടിപ്പിക്കും. പ്ലസ് 2 കഴിഞ്ഞവര്‍ക്കും / ഡിഗ്രി കഴിഞ്ഞവര്‍ക്കും  തൊഴില്‍ അന്വേഷകര്‍ക്കും ശില്പശാലയില്‍ പരിശീലനം നല്‍കും. പ്രവേശനംസൗജന്യം. 
കൂടുതല്‍ വിവരങ്ങള്‍ക്കായി :9778598336 , 9995618202, 9495219570.

മത്സ്യത്തൊഴിലാളികളുടെ മക്കള്‍ക്കുള്ള വിദ്യാഭ്യാസ ആനുകൂല്യം പ്രീമെട്രിക്ക് & പോസ്റ്റ്‌മെട്രിക്ക് (ഫിഷറീസ് ഇ-ഗ്രാന്റ്‌സ്) വിവിധ സാങ്കേതിക കാരണങ്ങളാല്‍ ലഭിക്കാത്തത് സംബന്ധിച്ച് 2017-18 സാമ്പത്തിക വര്‍ഷം മുതലുള്ള പരാതികള്‍ തീര്‍പ്പാക്കുന്നതിനായി സെപ്റ്റംബര്‍ 13(ബുധന്‍) മുതല്‍ 16(ശനി) വരെ എറണാകുളം സലിം അലി റോഡിലെ ഫിഷറീസ് കോംപ്ലക്‌സ് അവെയര്‍നസ് ഹാളില്‍ അദാലത്ത് നടത്തും.