ലോക സാക്ഷരതാ ദിനത്തോടനുബന്ധിച്ച്  സാക്ഷരതാ മിഷന്‍ ജില്ലാ ഓഫീസ് അങ്കണത്തില്‍ നടന്ന പരിപാടിയില്‍ ജില്ലാ പഞ്ചായത്ത് വൈസ് പ്രസിഡണ്ട് സി.കെ.ചാമുണ്ണി പതാക ഉയര്‍ത്തി. ഷാബിറ ടീച്ചര്‍ അദ്ധ്യക്ഷത വഹിച്ചു. ജില്ലാവിദ്യാഭ്യാസ ഡെപ്യൂട്ടി ഡയറക്ടര്‍ പി.വി.മനോജ് കുമാര്‍, ജില്ലാ യുവജനക്ഷേമ ഓഫീസര്‍ ഉദയകുമാരി എസ്., റിസോഴ്‌സ്‌പേര്‍സണ്‍മാരായ ജയന്‍, ഒ.വിജയന്‍ തുടങ്ങിയവര്‍ പങ്കെടുത്തു.

പാലക്കാട് താലൂക്ക് കണ്ണാടി 2 വില്ലേജില്‍ റീസര്‍വ്വെ നമ്പര്‍ 727 കനാല്‍ പുറമ്പോക്ക് 1 ഏക്കര്‍ 4 സെന്റ്, 18 സെന്റ് 2023-2024 കാലയളവില്‍ ഒരു സാമ്പത്തിക വര്‍ഷത്തേക്ക് കൃഷി ചെയ്ത് വിളവെടുക്കുന്നതിനുള്ള അവകാശം ലേലം ചെയ്യുന്നു. സെപ്റ്റംബര്‍ 12 ന് രാവിലെ 11 ന് കണ്ണാടി 2 വില്ലേജോഫീസില്‍ ലേലം നടക്കും. ഫോണ്‍: 0491-2505770.
 

കെല്‍ട്രോണില്‍ ഡിപ്ലോമ ഇന്‍ മോണ്ടിസറി ടീച്ചര്‍ ട്രെയിനിങ് (ഒരു വര്‍ഷം, പ്ലസ്ടു), പ്രൊഫഷണല്‍ ഡിപ്ലോമ ഇന്‍ ലോജിസ്റ്റിക്സ് ആന്‍ഡ് സപ്ലൈ ചെയിന്‍ മാനേജ്മെന്റ് (ഒരു വര്‍ഷം, പ്ലസ്ടു) തുടങ്ങിയ കോഴ്സുകളില്‍ ഒഴിവുള്ള സീറ്റികളിലേക്ക് അപേക്ഷിക്കാം. താത്പര്യമുള്ളവര്‍ യോഗ്യത തെളിയിക്കുന്ന സര്‍ട്ടിഫിക്കറ്റുകളുമായി പാലക്കാട് കെല്‍ട്രോണ്‍ നോളേജ് സെന്ററില്‍ എത്തണം. ഫോണ്‍: 0491-2504599, 8590605273.
 

ചിറ്റൂര്‍ ഗവ.കോളേജില്‍ കെമിസ്ട്രി വിഭാഗത്തില്‍ അതിഥി അധ്യാപക ഒഴിവിലേക്ക് കോളേജ് വിദ്യാഭ്യാസ ഡെപ്യൂട്ടി ഡയറക്ടര്‍ ഓഫീസില്‍ രജിസ്റ്റര്‍ ചെയ്തവര്‍ അസ്സല്‍ സര്‍ട്ടിഫിക്കറ്റ് സഹിതം സെപ്റ്റംബര്‍ 11 ന് രാവിലെ 11ന് അഭിമുഖത്തിന് എത്തണമെന്ന് പ്രിന്‍സിപ്പാള്‍ അറിയിച്ചു. ബിരുദാനന്തര ബിരുദത്തില്‍ 55 ശതമാനം മാര്‍ക്ക് അനിവാര്യം. നെറ്റ് യോഗ്യതയുള്ളവര്‍ക്ക് മുന്‍ഗണന ലഭിക്കും. ഫോണ്‍: 8078042347.

ദേശീയ ഗ്രാമീണ ഉപജീവനമിഷന്‍ കുടുംബശ്രീ മുഖാന്തിരം പാലക്കാട് ബ്ലോക്കില്‍ നടപ്പാക്കുന്ന എസ്.വി.ഇ.പി സംരംഭകത്വ വികസന പദ്ധതിയിലേക്കായി മൈക്രോ സംരംഭ കണ്‍സല്‍ട്ടന്റുമാരെ നിയമിക്കുന്നു. പാലക്കാട് ബ്ലോക്ക് പരിധിയിലെ സ്ഥിര താമസക്കാരും കുറഞ്ഞത് പ്ലസ് ടു യോഗ്യതയുള്ളവരും 25 നും 45 നും ഇടയില്‍ പ്രായമുള്ളവരുമായ കുടുംബശ്രീ അംഗം, കുടുംബശ്രീ കുടുംബാംഗം, ഓക്സിലറി ഗ്രൂപ്പ് അംഗം എന്നിവര്‍ക്ക് അപേക്ഷിക്കാം. കമ്പ്യൂട്ടര്‍ പരിജ്ഞാനം, കണക്കുകള്‍ കൈകാര്യം ചെയ്യുന്നതിനുള്ള മികവ് എന്നിവ ഉണ്ടായിരിക്കണം.

പാലക്കാട് താലൂക്ക് പുതുശ്ശേരി ഈസ്റ്റ് വില്ലേജില്‍ ബ്ലോക്ക് 33, റീസര്‍വ്വെ നമ്പര്‍ 622/2 ല്‍ ഉള്‍പ്പെട്ട കായ്ഫലമുള്ള 22 തെങ്ങുകളില്‍ 2023-2025 കാലയളവില്‍ ഫലവൃക്ഷങ്ങളിലെ വിളവെടുക്കുവാനുള്ള അവകാശം സെപ്റ്റംബര്‍ 12 ന് ലേലം ചെയ്യുന്നു. രാവിലെ 11 ന് പുതുശ്ശേരി ഈസ്റ്റ് വില്ലേജോഫീസില്‍ ലേലം നടക്കുമെന്ന് ഭൂരേഖ തഹസില്‍ദാര്‍ അറിയിച്ചു. ഫോണ്‍: 0491 2505770.
 

പാലക്കാട് ഗവ:ടെക്നിക്കല്‍ ഹൈസ്‌കൂളില്‍ ട്രേഡ് ഇന്‍സ്ട്രക്ടര്‍ (ആര്‍ ആന്‍ഡ് എസി) തസ്തികയില്‍ ദിവസവേതനാടിസ്ഥാനത്തില്‍ താത്ക്കാലിക നിയമനം നടത്തുന്നു. ഐ.ടി.ഐ/ടി.എച്ച്.എസ്.എല്‍.സി യാണ് യോഗ്യത. താത്പര്യമുള്ള ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകള്‍ സഹിതം സെപ്റ്റംബര്‍ 12 ന് രാവിലെ 10 ന് ടെക്നിക്കല്‍ ഹൈസ്‌കൂളില്‍ നടക്കുന്ന അഭിമുഖത്തില്‍ പങ്കെടുക്കണം. ഫോണ്‍: 9447522338