നവോദയ വിദ്യാലയ പ്രവേശനത്തിനുള്ള അഡ്മിറ്റ് കാര്‍ഡുകള്‍ തയ്യാറായി. നവോദയ വിദ്യാലയ സമിതി വിദ്യാര്‍ത്ഥികളുടെ രജിസ്‌ട്രേഷന്‍ നമ്പര്‍ എസ്. എം. എസ് മുഖേന അറിയിച്ചിട്ടുണ്ട്. ഏപ്രില്‍ 21ന് നടക്കുന്ന പരീക്ഷയുടെ പ്രവേശന കാര്‍ഡുകള്‍ www.nvshq.org ല്‍ നിന്ന് ഡൗണ്‍ലോഡ് ചെയ്യുകയോ ബന്ധപ്പെട്ട നവോദയ വിദ്യാലയത്തില്‍ നിന്നും വാങ്ങുകയോ ചെയ്യാം. വിശദ വിവരങ്ങള്‍ക്ക്: 7286835226
പി.എന്‍.എക്‌സ്.1380/18

    തിരുവനന്തപുരത്ത് നടന്ന ദക്ഷിണേന്ത്യന്‍ സംസ്ഥാനങ്ങളിലെ ധനമന്ത്രിമാരുടെയും ഉദ്യോഗസ്ഥരുടെയും യോഗത്തിന്റെ തുടര്‍ച്ച ഈ മാസം ആന്ധ്രയിലെ വിജയവാഡയിലോ വിശാഖപട്ടണത്തോ നടക്കുമെന്ന് ധനമന്ത്രി ഡോ. ടി. എം തോമസ് ഐസക്ക് വാര്‍ത്താസമ്മേളനത്തില്‍ പറഞ്ഞു. ഇതുസംബന്ധിച്ച് ആന്ധ്രാപ്രദേശ് സര്‍ക്കാരുമായി സംസാരിച്ചു. ധനകാര്യ കമ്മീഷന്റെ പരിഗണനാ വിഷയങ്ങള്‍ സംബന്ധിച്ചാണ് കേരളം മുന്‍കൈയെടുത്ത് ചര്‍ച്ച സംഘടിപ്പിച്ചത്. ചര്‍ച്ച ദേശീയ ശ്രദ്ധയാകര്‍ഷിച്ചതായി ധനമന്ത്രി പറഞ്ഞു. സംസ്ഥാനങ്ങള്‍ക്കുണ്ടാകുന്ന നഷ്ടം ഗ്രാന്റിലൂടെ പരിഹരിക്കുമെന്നാണ് പ്രധാനമന്ത്രി പറഞ്ഞിരിക്കുന്നത്.

    കേരള ഫിനാന്‍ഷ്യല്‍ കോര്‍പറേഷന്റെ അടിസ്ഥാന പലിശ നിരക്ക് 9.5 ശതമാനമായി കുറയ്ക്കുമെന്ന് ധനമന്ത്രി ഡോ. ടി. എം. തോമസ് ഐസക്ക് വാര്‍ത്താസമ്മേളനത്തില്‍ പറഞ്ഞു. നിലവില്‍ പതിനാലര ശതമാനമാണ് കെ. എഫ്. സിയുടെ അടിസ്ഥാന പലിശ. പുതിയ വായ്പാ നയത്തിന്റെ പ്രഖ്യാപനവും സ്റ്റാര്‍ട്ട് അപ്പുകള്‍ക്കായുള്ള പദ്ധതിയുടെ ഉദ്ഘാടനവും മികച്ച വ്യവസായിക്കുള്ള അവാര്‍ഡ് വിതരണവും മികച്ച ഇടപാടുകാര്‍ക്ക് സ്വര്‍ണ നാണയ വിതരണവും മേയ് 9ന് മുഖ്യമന്ത്രി പിണറായി വിജയന്‍ നിര്‍വഹിക്കും. മേയ് 8ന് തിരുവനന്തപുരത്തെ കെ. എഫ്. സി ആസ്ഥാനത്ത് ഒറ്റത്തവണ തീര്‍പ്പാക്കല്‍ പരിപാടി സംഘടിപ്പിക്കും. നിലവില്‍ ഇതിനായി നൂറു പേര്‍ അപേക്ഷിച്ചിട്ടുണ്ട്.

കൊച്ചി: കേന്ദ്രാവിഷ്‌കൃത പദ്ധതികള്‍ വിലയിരുത്തുന്നതിനുളള ദിശ കമ്മിറ്റിയുടെ 2018-19 സാമ്പത്തിക വര്‍ഷത്തെ ആദ്യപാദ യോഗം ഏപ്രില്‍ 21-ന് രാവിലെ 10.30 ന് എറണാകുളം ഗവ: ഗസ്റ്റ് ഹൗസിലെ ബാങ്ക്വറ്റ് ഹാളില്‍ ചേരും.

കൊച്ചി: സ്‌കൂളുകളില്‍ സുരക്ഷിതവും ഫലപ്രദവുമായ ഇന്റര്‍നെറ്റ് സൗകര്യം നടപ്പാക്കുന്നതിനുള്ള ജില്ലാ ഭരണകൂടത്തിന്റെ ഇ-ജാഗ്രത പദ്ധതിക്ക് പുരസ്‌കാരം. രാജസ്ഥാന്‍ സര്‍ക്കാരിന്റെ തദ്ദേശസ്വയംഭരണവകുപ്പ് അജ്മീര്‍ സ്മാര്‍ട് സിറ്റി ലിമിറ്റഡുമായി ചേര്‍ന്ന് അജ്മീറില്‍ സംഘടിപ്പിച്ച സ്മാര്‍ട് സിറ്റി സമ്മിറ്റിലാണ് ഇ-ജാഗ്രതയ്ക്ക് നൂതനസംരംഭങ്ങള്‍ക്കുള്ള ഇന്നവേഷന്‍ പുരസ്‌കാരം ലഭിച്ചത്. രാജസ്ഥാന്‍ സര്‍ക്കാരിന്റെ പ്രൈമറി ആന്റ് സെക്കന്ററി വിദ്യാഭ്യാസവകുപ്പ് മന്ത്രി വാസുദേവ് ദേവ്‌നാനിയും അജ്മീര്‍ എംപി ഡോ രഘു ശര്‍മയും പുരസ്‌കാരം ജില്ലാ കളക്ടര്‍ കെ മുഹമ്മദ് വൈ സഫീറുള്ളയ്ക്ക് സമ്മാനിച്ചു. 

    ദേശീയ പഞ്ചായത്ത് പുരസ്‌കാരത്തിന് അര്‍ഹമായ പഞ്ചായത്തുകളെ കേന്ദ്ര പഞ്ചായത്തീരാജ് മന്ത്രാലയം പ്രഖ്യാപിച്ചു. കൊല്ലം ജില്ലാ പഞ്ചായത്തിന് ദീന്‍ ദയാല്‍ ഉപാധ്യായ പഞ്ചായത്ത് ശാക്തീകരണ്‍ പുരസ്‌കാര്‍ 2018 ലഭിച്ചു. ബ്ലോക്ക് പഞ്ചായത്തുകളായ ശ്രീകൃഷ്ണപുരം (പാലക്കാട്), നെടുമങ്ങാട് (തിരുവനന്തപുരം) ഗ്രാമപഞ്ചായത്തുകളായ മാറാഞ്ചേരി (മലപ്പുറം), ബുധനൂര്‍ (ആലപ്പുഴ), ശാസ്താംകോട്ട (കൊല്ലം) എന്നിവയ്ക്കും ഇതേ പുരസ്‌കാരം ലഭിച്ചു.

    മലയാള സിനിമയുടെ അഭിമാനമായി 65 ാമത് ദേശീയ പുരസ്‌കാരങ്ങള്‍ നേടിയ മലയാള ചലച്ചിത്ര പ്രവര്‍ത്തകരെ ഹൃദയപൂര്‍വ്വം അഭിനന്ദിക്കുന്നതായി സാംസ്‌കാരിക മന്ത്രി എ.കെ. ബാലന്‍ പറഞ്ഞു.  മലയാള സിനിമയ്ക്ക് ലഭിച്ച വലിയ അംഗീകാരമാണ് ഈ അവാര്‍ഡുകള്‍. അര്‍ഹതയ്ക്കുള്ള അംഗീകാരമായി മലയാള ചലച്ചിത്ര രംഗത്തെ ദേശീയ തലത്തിലേക്ക് ഉയര്‍ത്തിയ എല്ലാവര്‍ക്കും സാംസ്‌കാരിക വകുപ്പിന്റെ ആശംസകള്‍ നേരുന്നതായി അദ്ദേഹം പറഞ്ഞു.
പി.എന്‍.എക്‌സ്.1376/18

തിരുവനന്തപുരത്തെ സംസ്ഥാന തിരഞ്ഞെടുപ്പ് കമ്മീഷന്‍ ഓഫീസില്‍ ഡാറ്റാ എന്‍ട്രി ഓപ്പറേറ്ററുടെ ഒരു ഒഴിവിലേയ്ക്ക് ഡെപ്യൂട്ടേഷന്‍ വ്യവസ്ഥയില്‍ നിയമനം ലഭിക്കുന്നതിന് അപേക്ഷ ക്ഷണിച്ചു.

കൊച്ചി: വനിതാ ശിശുക്ഷേമ വകുപ്പിന് കീഴില്‍ ആലുവയില്‍ പ്രവര്‍ത്തിക്കുന്ന വാഴക്കുളം അഡീഷണല്‍ ഐസിഡിഎസ് പ്രൊജക്ട് ഓഫീസിലേക്ക് മാര്‍ച്ച് 31 വരെ വാഹനം വാടകയ്ക്ക് എടുത്ത് ഉപയോഗിക്കുന്നതിന് ടെണ്ടര്‍ ക്ഷണിച്ചു. ടെണ്ടര്‍ സ്വീകരിക്കുന്ന അവസാനതീയതി ഏപ്രില്‍ 27 ഉച്ചയ്ക്ക് 2 മണി. ഫോണ്‍ 0484 2605625, 9446719398