സംസ്ഥാന സ്‌പോര്‍ട്‌സ് കൗണ്‍സിലിന്റെ നിയന്ത്രണത്തിലുളള പിരപ്പന്‍കോട് അന്താരാഷ്ട്ര സ്വിമ്മിംഗ് പൂളില്‍ കെയര്‍ ടേക്കര്‍, ലൈഫ് ഗാര്‍ഡ് തസ്തികകളില്‍ ദിവസവേതാനാടിസ്ഥാനത്തില്‍ ജീവനക്കാരെ നിയമിക്കുന്നതുമായി ബന്ധപ്പെട്ട് ഇന്ന് (ഏപ്രില്‍ 17ന്) രാവിലെ 10ന് നടത്താനിരുന്ന വാക്ക് ഇന്‍ ഇന്റര്‍വ്യൂ മാറ്റി വച്ചു.  പുതിയ തീയതി പിന്നീട് അറിയിക്കും.
പി.എന്‍.എക്‌സ്.1401/18
 

    മോട്ടോര്‍ വാഹന വകുപ്പില്‍ ഒറ്റത്തവണ തീര്‍പ്പാക്കല്‍ പദ്ധതിയുടെ കാലാവധി ജൂണ്‍ 30 വരെ ദീര്‍ഘിപ്പിച്ചു.  2017 ഒക്‌ടോബര്‍ 30നകം അഞ്ച് വര്‍ഷമോ, അതില്‍ കൂടുതലോ നികുതി കുടിശികയുളള വാഹനങ്ങള്‍, ഈ അവസരം പരമാവധി പ്രയോജനപ്പെടുത്തി, തുടര്‍ നടപടികളില്‍ നിന്ന് ഒഴിവാകണം.       
പി.എന്‍.എക്‌സ്.1400/18

    സര്‍ക്കാരിന്റെ വാര്‍ഷിക പദ്ധതിയില്‍ ഉള്‍പ്പെടുത്തി നടപ്പിലാക്കുന്ന മഴവെളള സംഭരണം- ഭൂജല പരിപോഷണം പരിപാടി അനുസരിച്ച് 2018 -19 വര്‍ഷത്തില്‍ സാമ്പത്തിക സഹായം ലഭിക്കുന്നതിന് അപേക്ഷ ക്ഷണിച്ചു.  ജലവിഭവ വകുപ്പിന്റെ ഭാഗമായ കേരള റൂറല്‍ വാട്ടര്‍ സപ്ലൈ ആന്റ് സാനിട്ടേഷന്‍ ഏജന്‍സിയുടെ കീഴില്‍ പ്രവര്‍ത്തിക്കുന്ന മഴകേന്ദ്രം മുഖേനയാണ് പദ്ധതി നടപ്പിലാക്കുന്നത്.

    വെറ്ററിനറി ആന്റ് അനിമല്‍ സയന്‍സ് സര്‍വകലാശാലയുടെ കീഴില്‍ തോന്നയ്ക്കല്‍ ബയോ 360 ലൈഫ് സയന്‍സ് പാര്‍ക്കില്‍ സ്ഥാപിച്ച ബയോസയന്‍സ് റിസര്‍ച്ച് & ട്രെയിനിംഗ് സെന്ററിന്റെ പ്രവര്‍ത്തനം ഇന്ന് (ഏപ്രില്‍ 17)  കൃഷി വകുപ്പ് മന്ത്രി അഡ്വ. വി.എസ്. സുനില്‍കുമാര്‍ ഉദ്ഘാടനം ചെയ്യും. വൈകിട്ട് 4.30ന് നടക്കുന്ന ചടങ്ങില്‍ ഡെപ്യൂട്ടി സ്പീക്കര്‍ വി.ശശി അധ്യക്ഷത വഹിക്കും. ഗവേഷണ സമുച്ചയത്തോടനുബന്ധിച്ച് സ്ഥാപിച്ചിട്ടുളള പരിശീലന ഹാളിന്റെ ഉദ്ഘാടനം ഡോ. എ. സമ്പത്ത് എം.പി നിര്‍വഹിക്കും.

കൊച്ചി:  തൃശൂര്‍ ജില്ലയിലെ അര്‍ദ്ധ സര്‍ക്കാര്‍ സ്ഥാപനത്തില്‍ സീനിയര്‍  മാനേജര്‍ (ഫിനാന്‍സ്) തസ്തികയില്‍ ഓപ്പണ്‍ വിഭാഗത്തിന് സംവരണം ചെയ്തിട്ടുളള ഒരു സ്ഥിരം ഒഴിവ് നിലവിലുണ്ട്.

യോഗ്യത എ.സി.എ/എ.സി.എം.എ/എം.കോം ശമ്പള സ്‌കെയില്‍ 16650-23200. പ്രായം 18-45 (നിയമാനുസൃത വയസിളവ് ബാധകം) എ.സി.എ/എ.സി.എം.എ ഉളളവര്‍ക്ക് ഏതെങ്കിലും ഇന്‍ഡസ്ട്രിയില്‍ ഫിനാന്‍സ് & അക്കൗണ്ട്‌സ് വിഭാഗത്തില്‍ 15 വര്‍ഷത്തെ പ്രവൃത്തി പരിചയവും, എം.കോം ഉളളവര്‍ക്ക് 20 വര്‍ഷത്തെ പ്രവൃത്തി പരിചയവും ആവശ്യമാണ്. ഇതില്‍ നാലു വര്‍ഷം കമ്പനിയുടെ സാമ്പത്തിക വിഭാഗത്തിന്റെ തലവനായിരിക്കണം. 

കൊച്ചി:  തൃശൂര്‍ ജില്ലയിലെ അര്‍ദ്ധ സര്‍ക്കാര്‍ സ്ഥാപനത്തില്‍ മാനേജര്‍ (എച്ച്.ആര്‍.ഡി) തസ്തികയില്‍ ഓപ്പണ്‍ വിഭാഗത്തിന് സംവരണം ചെയ്തിട്ടുളള ഒരു സ്ഥിരം ഒഴിവ് നിലവിലുണ്ട്.

യോഗ്യത എം.എസ്.ഡബ്ലിയു(പി.എം & ഐ.ആര്‍)/എം.ബി.എ (എച്ച് ബി)/എം.എച്ച്.ആര്‍.എം അല്ലെങ്കില്‍ തത്തുല്യം. ശമ്പള സ്‌കെയില്‍ 13610-20700. പ്രായം 18-45 (നിയമാനുസൃത വയസിളവ് ബാധകം)  ഏതെങ്കിലും മാന്യൂഫാക്ചറിംഗ് സ്ഥാപനത്തില്‍ എച്ച് ആര്‍ & അഡ്മിനിസ്‌ട്രേഷനില്‍ 15 വര്‍ഷത്തെ പ്രവൃത്തി പരിചയവും ഉണ്ടായിരിക്കണം.  ഇതില്‍ നാലു വര്‍ഷം എച്ച് ആര്‍ വിഭാഗം തലവനായിരിക്കണം. എല്‍.എല്‍.ബി അഭികാമ്യം. 

    എം.എഫ്.എസും സിഡാക്കും സംയുക്തമായി എഞ്ചിനീയറിംഗ് വിദ്യാര്‍ത്ഥികള്‍ക്ക് ഇന്റേണ്‍ഷിപ്പും, നൂതന സാങ്കേതികവിദ്യകളില്‍ വിവിധ കോഴ്‌സുകളും നടത്തുന്നു.  കൂടുതല്‍ വിവരങ്ങള്‍ക്ക് 0471 - 2307733, 7510869582.
പി.എന്‍.എക്‌സ്.1396/18

    സ്‌കോള്‍ കേരള നടത്തുന്ന ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ കോഴ്‌സ് (ഡി.സി.എ) മൂന്നാം ബാച്ചിന്റെ പൊതു പരീക്ഷ മെയ് ഒമ്പതിന് ആരംഭിക്കും.  പ്രായോഗിക പരീക്ഷ മെയ് ഒമ്പത് മുതല്‍ 12 വരെ അതത് പഠന കേന്ദ്രങ്ങളിലും , തിയറി പരീക്ഷ മെയ് 16 മുതല്‍ 20 വരെ തെരഞ്ഞെടുത്ത സര്‍ക്കാര്‍ ഹയര്‍ സെക്കണ്ടറി സ്‌കൂളിലും നടക്കും.