പ്രൈമറി തലത്തില്‍ ഭാഷാ പിന്നാക്കാവസ്ഥ അനുവഭിക്കുന്ന മുഴുവന്‍ കുട്ടികളെയും ഭാഷാപരമായ മികവിലേക്ക് ഉയര്‍ത്തുന്നതിന് എസ്.എസ്.എ ആവിഷ്‌കരിച്ച മലയാളത്തിളക്കം പദ്ധതി സംസ്ഥാനത്തെ മുഴുവന്‍ പ്രൈമറി സ്‌കൂളുകളിലും നടപ്പാക്കാന്‍ പൊതുവിദ്യാഭ്യാസ ഡയറക്ടറുടെ ചേംബറില്‍ ചേര്‍ന്ന അംഗീകൃത അധ്യാപക സംഘടനാ പ്രതിനിധികളുടെ യോഗത്തില്‍ തീരുമാനമായി.  നവംബര്‍ 27 മുതല്‍ ഡിസംബര്‍ 8 വരെയും 2018 ജനുവരി രണ്ട് മുതല്‍ 10 വരെയും രണ്ട് ഘട്ടങ്ങളിലായി പദ്ധതി നടപ്പാക്കും.

പി.എന്‍.എക്‌സ്.4975/17

വള്ളത്തിന്റെ രൂപം. അമരത്തും അണിയത്തും  കുതിരപ്പുറത്തെ സഞ്ചാരി തൊഴുകൈകളോടെ തുഴച്ചില്‍കാര്‍. ആലിലകള്‍ കൊണ്ട് അലങ്കാരം. അഞ്ചു തിരി തെളിയിക്കാവുന്ന വിളക്കിന് പേര് വഞ്ചിവിളക്ക്. ഇതുപോലെയുളള ലോഹനിര്‍മ്മിത എണ്ണ വിളക്കുകളുടെ അപൂര്‍വ പ്രദര്‍ശനമാണ് ലോകപൈതൃക വാരാഘോഷത്തോടനുബന്ധിച്ച് തിരുവനന്തപുരം ആര്‍ട്ട് മ്യൂസിയത്തില്‍ ഒരുക്കിയിരിക്കുന്നത്. 

നവംബര്‍ 24 ന് പത്തനംതിട്ട ഗസ്റ്റ് ഹൗസില്‍ നടത്താന്‍ നിശ്ചയിച്ചിരുന്ന പത്തനംതിട്ട ജില്ലയിലെ നോട്ടറിമാരുടെ രജിസ്റ്റര്‍ പരിശോധന സാങ്കേതിക കാരണങ്ങളാല്‍ അന്നേദിവസം രാവിലെ 10 മുതല്‍ വൈകിട്ട് 3.30വരെ അടൂര്‍ പി.ഡബ്ല്യു.ഡി റസ്റ്റ് ഹൗസില്‍ നടത്തുമെന്ന് നിയമസെക്രട്ടറി അറിയിച്ചു.

പി.എന്‍.എക്‌സ്.4973/

തിരുവനന്തപുരം ശ്രീ സ്വാതി തിരുനാള്‍ സര്‍ക്കാര്‍ സംഗീത കോളേജിലെ റെക്കാഡിംഗ് തിയെറ്ററില്‍ ഒരു സൗണ്ട് എന്‍ജിനീയറെയും എന്‍ജിനീയറിംഗ് അസിസ്റ്റന്റിനെയും കരാറടിസ്ഥാനത്തില്‍ നിയമിക്കുന്നു.  സൗണ്ട് എന്‍ജിനീയര്‍ക്ക് 29,200 രൂപയും എന്‍ജിനീയറിംഗ് അസിസ്റ്റന്റിന് 26,475 രൂപയും പ്രതിമാസ ശമ്പളം നിലവിലെ കരാര്‍ നിയമങ്ങള്‍ക്ക് വിധേയമായി നല്‍കും.  താത്പര്യമുള്ള ഉദ്യോഗാര്‍ത്ഥികള്‍ പ്രിന്‍സിപ്പാളിന്റെ ചേംബറില്‍ നടക്കുന്ന അഭിമുഖത്തില്‍ പങ്കെടുക്കുന്നതിന് അസല്‍ സര്‍ട്ടിഫിക്കറ്റുകള്‍,  പ്രവൃത്തി പരിചയം സാക്ഷ്യപ്പെടുത്തിയത്, മറ്റ് അനുബന്ധ രേഖകള്‍ സഹിതം 29 ന് രാവിലെ 11 മണിക്ക് എത്തണം. 

കേരള നിയമസഭയുടെ പൊതുമേഖലാ സ്ഥാപനങ്ങളെ സംബന്ധിച്ച സമിതി നവംബര്‍ 29 ന് രാവിലെ 10 ന് പാലക്കാട് വാളയാര്‍ മലബാര്‍ സിമന്റ്‌സ് കോണ്‍ഫറന്‍സ് ഹാളില്‍ യോഗം ചേരും.  മലബാര്‍ സിമന്റ്‌സ് ലിമിറ്റഡിന്റെ പ്രവര്‍ത്തനം സംബന്ധിച്ച് ബന്ധപ്പെട്ട ഉദ്യോഗസ്ഥരുമായി ചര്‍ച്ച നടത്തുകയും  സ്ഥാപനം സന്ദര്‍ശിക്കുകയും ചെയ്യും.

പി.എന്‍.എക്‌സ്.4971/

സംസ്ഥാന പട്ടികജാതി പട്ടികഗോത്ര വര്‍ഗ്ഗ കമ്മീഷന്‍ നിലവിലുള്ള പരാതികളില്‍ തീര്‍പ്പ് കല്‍പ്പിക്കുന്നതിന്  നവംബര്‍ 23, 24, 25 തീയതികളില്‍ തൈക്കാട് പി.ഡബ്ല്യു.ഡി. റസ്റ്റ് ഹൗസ് കോണ്‍ഫറന്‍സ് ഹാളില്‍ പരാതിപരിഹാര അദാലത്തുകള്‍ നടത്തും.  കമ്മീഷന്‍ ചെയര്‍മാന്‍ റിട്ട. ജഡ്ജ് ഡോ. പി.എന്‍. വിജയകുമാറിന്റെ നേതൃത്വത്തില്‍ നടക്കുന്ന അദാലത്തില്‍ പോലീസ്,  റവന്യൂ,  വനം,  എക്‌സൈസ്, വിദ്യാഭ്യാസം,  പഞ്ചായത്ത്, ആരോഗ്യം,  പൊതുവിതരണം,  സഹകരണം, പട്ടികജാതി പട്ടികവര്‍ഗ വികസനം തുടങ്ങി വിവിധ വകുപ്പുകളിലെ ഉദേ്യാഗസ്ഥര്‍ സംബന്ധിക്കും.

പി.എന്‍.എക്‌സ്.4970/

* ക്രിസ്തുമസ് -പുതുവത്സര ബമ്പര്‍ ഭാഗ്യക്കുറി മന്ത്രി പ്രകാശനം ചെയ്തു

കേരള സാമൂഹ്യ സുരക്ഷാ മിഷന്‍ ഗവ/എയ്ഡഡ് സ്‌കൂള്‍/കോളേജുകളില്‍ പഠിക്കുന്ന വിദ്യാര്‍ത്ഥികള്‍ക്ക് നടപ്പിലാക്കിവരുന്ന 'സ്‌നേഹപൂര്‍വ്വം പദ്ധതി' ധനസഹായത്തിന്  അപേക്ഷിക്കാനുള്ള തീയതി നവംബര്‍ 30 വരെ നീട്ടി.

പി.എന്‍.എക്‌സ്.4968/17

ഫിനാന്‍സ് ആക്ട് 2014 വഴിയുളള നികുതി വര്‍ദ്ധനവിനെതിരെ അന്തര്‍ സംസ്ഥാന സര്‍വീസ് നടത്തുന്ന കാര്യേജുകള്‍  ഹൈക്കോടതിയില്‍ സമര്‍പ്പിച്ച അപ്പീല്‍ തീര്‍പ്പായ സാഹചര്യത്തില്‍ വാഹനങ്ങളില്‍ നിന്ന് നികുതി കുടിശിക പിരിച്ചെടുക്കാന്‍ നടപടികള്‍ സ്വീകരിക്കാന്‍ ചെക്ക്‌പോസ്റ്റുകള്‍ക്ക് ട്രാന്‍സ്‌പോര്‍ട്ട് കമ്മീഷണര്‍ നിര്‍ദേശം നല്‍കി.  സംസ്ഥാനത്തിനകത്തേക്ക് സര്‍വീസ് നടത്തുന്ന എല്ലാ അന്യസംസ്ഥാന ഓള്‍ ഇന്ത്യ ടൂറിസ്റ്റ് ബസുകളും ഹൈക്കോടതി നിഷ്‌കര്‍ഷിച്ചിട്ടുളള സമയപരിധിക്കുളളില്‍ നികുതി കുടിശിക അടയ്ക്കണം.  സമയപരിധിയില്‍ കുടിശിക അടയ്ക്കാതെ സര്‍വീസ് നടത്തുന്ന വാഹനങ്ങള്‍ പിടിച്ചെടുക്കുന്നതടക്കമുളള നടപടികള്‍ സ്വീകരിക്കും

വ്യാജ സര്‍ട്ടിഫിക്കറ്റ് ഹാജരാക്കി ട്രാവന്‍കൂര്‍ - കൊച്ചിന്‍ മെഡിക്കല്‍ കൗണ്‍സിലില്‍ നിന്ന് മോഡേണ്‍ മെഡിസിനില്‍ രജിസ്‌ട്രേഷന്‍ നേടിയെന്ന് അന്വേഷണത്തില്‍ തെളിഞ്ഞ എറണാകുളം ഇടപ്പളളി ശ്രീനാരായണ റോഡില്‍ 50/150 എഫ്,  എറ്റിക്കല്‍ ഹൗസില്‍ ഷാജഹാന്‍ യൂസഫിന്റെ 16-4-2011 ലെ 42964-ാം നമ്പര്‍ രജിസ്‌ട്രേഷന്‍, നവംബര്‍ 10ലെ മോഡേണ്‍ മെഡിസിന്‍ കൗണ്‍സില്‍ യോഗ തീരുമാനപ്രകാരം റദ്ദാക്കി. ഇദ്ദേഹത്തിന്റെ പേര് രജിസ്റ്ററില്‍ നിന്നു നീക്കാനും ക്രിമിനല്‍  നിയമ നടപടികള്‍ സ്വീകരിക്കാനും ശുപാര്‍ശ ചെയ്തതായി  ട്രാവന്‍കൂര്‍ കൊച്ചിന്‍ മെഡിക്കല്‍ കൗണ്‍സില്‍ രജിസ്ട്രാര്‍ അറിയിച്ചു.

പി.എന്‍.എക്‌സ്.4966/17