കൊച്ചി:  പറവൂര്‍ ബ്ലോക്കിലെ സാമ്പത്തിക ബുദ്ധിമുട്ടുകള്‍മൂലം ഭവന നിര്‍മാണം മുടങ്ങികിടന്ന ഗുണഭോക്താക്കള്‍ക്ക് സംസ്ഥാന സര്‍ക്കാരിന്റെ ലൈഫ് മിഷന്‍ പദ്ധതിയിലൂടെ അധിക ധനസഹായം നല്‍കിക്കൊണ്ട് വീടു നിര്‍മ്മാണം പൂര്‍ത്തീകരിച്ചു. പറവൂര്‍ ബ്ലോക്ക് പഞ്ചായത്ത് പ്രസിഡന്റ് അഡ്വ.യേശുദാസ് പറപ്പിളളി പൂര്‍ത്തീകരിച്ച വീടുകള്‍ക്ക് താക്കോല്‍ദാന കര്‍മ്മം നിര്‍വഹിച്ചു.

കൊച്ചി:  പട്ടികജാതി വികസന വകുപ്പിന്റെ  കീഴില്‍ കണയന്നൂര്‍ താലൂക്കാഫീസിനു സമീപം പ്രവര്‍ത്തിക്കുന്ന ആണ്‍കുട്ടികള്‍ക്കായുളള പോസ്റ്റ് മെട്രിക് ഹോസ്റ്റലില്‍ റസിഡന്റ് ട്യൂട്ടറെ കരാര്‍ അടിസ്ഥാനത്തില്‍ നിയമിക്കുന്നതിന് ബിരുദാനന്തര ബിരുദവും, ബി.എഡും ഉളള പട്ടികജാതി വിഭാഗത്തില്‍പ്പെട്ട പുരുഷന്മാരായ ഉദ്യോഗാര്‍ഥികളില്‍ നിന്നും അപേക്ഷ ക്ഷണിച്ചു. ജില്ലയിലെ സര്‍ക്കാര്‍ എയ്ഡഡ് കോളേജുകളിലെയും ഹയര്‍ സെക്കണ്ടറി, വൊക്കേഷണല്‍ ഹയര്‍ സെക്കണ്ടറി സ്‌കൂളുകളിലെയും അദ്ധ്യാപകര്‍ക്ക് മുന്‍ഗണന നല്‍കും. പ്രതിമാസ ഹോണറേറിയം 7500 രൂപ. 

കൊച്ചി: ഡിസംബറില്‍ തിരുവനന്തപുരത്തു നടക്കുന്ന 22 മത് അന്താരാഷ്ട്ര ചലച്ചിത്ര മേളയുടെ പ്രചരണാര്‍ത്ഥം കേരള ചലച്ചിത്ര അക്കാദമിയും പബ്ലിക് റിലേഷന്‍സ് വകുപ്പിന്റെ എറണാകുളം ജില്ലാ ഓഫീസും നഗരത്തിലെ ഫിലിം സൊസൈറ്റികളുമായി ചേര്‍ന്നു ടൂറിങ് ടാക്കീസ് ചലച്ചിത്ര പ്രദര്‍ശനം നടത്തുന്നു. മുന്‍ വര്‍ഷങ്ങളില്‍ നടന്ന ചലച്ചിത്ര മേളകളില്‍ അവാര്‍ഡുകള്‍ നേടിയ അഞ്ചു ചിത്രങ്ങളാണ് നവംബര്‍ 26 ഞായറാഴ്ച ചില്‍ഡ്രന്‍സ് പാര്‍ക്ക് തിയറ്ററില്‍ പ്രദര്‍ശിപ്പിക്കുന്നത്. 

   മീസല്‍സ് റൂബെല്ല പ്രതിരോധ കുത്തിവയ്പ് ക്യാമ്പ് തടസപ്പെടുത്തുന്നവര്‍ക്കെതിരെ കര്‍ശന നടപടിയെടുക്കമെന്ന്  ജില്ലാ കളക്ടര്‍ ജീവന്‍ബാബു.കെ അറിയിച്ചു. കഴിഞ്ഞ 13ന് മുളിയാര്‍ ഗവ യുപി സ്‌കൂളില്‍ വാക്‌സിനേഷന്‍ ക്യാമ്പ് തടസ്സപ്പെടുത്തിയവര്‍ക്കെതിരെ ആദൂര്‍ പോലീസ് കേസ് എടുത്തിട്ടുണ്ട്. ജില്ലയില്‍ ഇതുവരെ 263261 (83%)കുട്ടികള്‍ക്ക് സുരക്ഷിതമായി പ്രതിരോധ കുത്തിവയ്പ് എടുത്തു. 9 മാസം മുതല്‍ 15 വയസ്സ് വരെയുള്ള എല്ലാ കുട്ടികള്‍ക്കും ഈ മാസം 25 വരെ എല്ലാ പ്രാഥമിക ആരോഗ്യകേന്ദ്രങ്ങളില്‍ നിന്നും സര്‍ക്കാര്‍ ആശുപത്രികളില്‍ നിന്നും കുത്തിവയ്പ് നല്‍കാം. 

    കൊച്ചി: മഹാരാജാസ് കോളേജിലെ ഗവേഷണ വകുപ്പുകള്‍ 100 പ്രബന്ധങ്ങളുടെ പൂര്‍ത്തീകരണ സമര്‍പ്പണം ആഘോഷിക്കുന്നു. വിവിധ വിഷയങ്ങളിലായി കോളേജിലെ അധ്യാപകരുടെ മാര്‍ഗനിര്‍ദേശത്തിന് കീഴില്‍ പൂര്‍ത്തീകരിച്ച പ്രബന്ധങ്ങള്‍ ജനശ്രദ്ധയിലെത്തിക്കുകയെന്ന ലക്ഷ്യത്തോടെ സംഘടിപ്പിക്കുന്ന സെന്റിനറി പിഎച്ച്ഡി ഫീറ്റ് ഡിസംബര്‍ 11ന് കോളേജ് ഓഡിറ്റോറിയത്തില്‍ നടക്കും. രാവിലെ പത്തിന് വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ് ഉദ്ഘാടനം ചെയ്യും. ഉന്നത വിദ്യാഭ്യാസ കൗണ്‍സില്‍ വൈസ് ചെയര്‍മാന്‍ ഡോ. രാജന്‍ ഗുരുക്കള്‍ മുഖ്യപ്രഭാഷണം നടത്തും.

 കോട്ടിക്കുളം-തച്ചങ്ങാട് റോഡ് അഭിവൃദ്ധിപ്പെടുത്തുന്നതിന്റെ ഉദ്ഘാടനം നാളെ(24) ഉച്ചയ്ക്ക് 3.30ന് മുതിയക്കാലില്‍ പൊതുമരാമത്ത്‌വകുപ്പ് മന്ത്രി ജി.സുധാകരന്‍ നിര്‍വഹിക്കും. കെ.കുഞ്ഞിരാമന്‍ എംഎല്‍എ അധ്യക്ഷതവഹിക്കും. ജില്ലാ പഞ്ചായത്ത് പ്രസിഡന്റ് എജിസി ബഷീര്‍, കാഞ്ഞങ്ങാട് ബ്ലോക് പഞ്ചായത്ത് പ്രസിഡന്റ് എം.ഗൗരി, ജില്ലാ പഞ്ചായത്ത്,  ബ്ലോക്-ഗ്രാമ പഞ്ചായത്ത് പ്രതിനിധികള്‍, വിവിധ രാഷ്ട്രീയ കക്ഷി നേതാക്കള്‍ തുടങ്ങിയവര്‍ പങ്കെടുക്കും. 

    നവജാതശിശുക്കളുടെ ആധാര്‍ നടപ്പാക്കുന്നതിന്റെ ജില്ലാതല ഉദ്ഘാടനം കാസര്‍കോട് ജനറല്‍ ആശുപത്രി ലേബര്‍ വാര്‍ഡില്‍ ഇന്ന് (23) രാവിലെ 9.30 ന് ജില്ലാകളക്ടര്‍ കെ ജീവന്‍ബാബു  നിര്‍വ്വഹിക്കും. ജില്ലാ അക്ഷയ പ്രൊജക്ടിന്റെ ആഭിമുഖ്യത്തിലാണ് പരിപാടി.

   സംസ്ഥാന വനിതാ കമ്മീഷന്റെ കാസര്‍കോട് ജില്ലയിലെ മെഗാ അദാലത്ത് ഇന്ന് (23) രാവിലെ 10.30 കളക്ടറേറ്റ് കോണ്‍ഫറന്‍സ് ഹാളില്‍ നടക്കും.  

   ഹൊസ്ദുര്‍ഗ് ടൗണ്‍ എംപ്ലോയ്‌മെന്റ് എക്‌സ്‌ചേഞ്ചില്‍ 2018-2020  വര്‍ഷത്തേക്കുളള വിവിധ ഒഴിവുകള്‍ക്ക് നാമനിര്‍ദ്ദേശം ചെയ്യുന്നതിനുളള  താല്‍ക്കാലിക സീനിയോറിറ്റി ലിസ്റ്റുകള്‍ പ്രസിദ്ധീകരിച്ചു. ഈ ലിസ്റ്റുകള്‍ ഡിസംബര്‍ 12 നകം  എല്ലാ അസ്സല്‍ സര്‍ട്ടിഫിക്കറ്റുകളും  രജിസ്‌ട്രേഷന്‍ ഐഡന്റിറ്റി കാര്‍ഡും സഹിതം ഈ ഓഫീസില്‍  നേരിട്ട് ഹാജരായോ ംംം.ലാുഹീ്യാലി.േസലൃമഹമ.ഴീ്.ശി എന്ന വെബ് സൈറ്റ് മുഖേനയോ പരിശോധിച്ച് പരാതികള്‍ ഉണ്ടെങ്കില്‍ ഓണ്‍ലൈന്‍ വഴിയോ  രേഖാമൂലമോ എംപ്ലോയ്‌മെന്റ് ഓഫീസര്‍ക്ക് സമര്‍പ്പിക്കാം.  

കൊച്ചി: രണ്ടു ദിവസത്തെ കേരള സന്ദര്‍ശനം പൂര്‍ത്തിയാക്കി ഉപരാഷ്ട്രപതി വെങ്കയ്യ നായിഡു മടങ്ങി. കൊച്ചി നഗരസഭയുടെ സുവര്‍ണജൂബിലി  കൊച്ചിന്‍ ചേംബര്‍ ഓഫ് കോമേഴ്‌സ് ആന്‍ഡ് ഇന്‍ഡസ്ട്രിയുടെ വാര്‍ഷികാഘോഷം എന്നീ ചടങ്ങുകളിലാണ് ഉപരാഷ്ട്രപതി ഇന്നലെ പങ്കെടുത്തത്.