സംസ്ഥാന ഹോര്‍ട്ടിക്കള്‍ച്ചര്‍ മിഷന്‍-കേരള മുഖേന സംസ്ഥാന സര്‍ക്കാരിന്റെ ഹൈടെക് അഗ്രിക്കള്‍ച്ചര്‍ എന്ന പദ്ധതിയില്‍ നാച്യുറലി വെന്റിലേറ്റഡ് ട്യൂബുലാര്‍ സ്ട്രക്ച്ചര്‍ പോളീഹൗസുകള്‍ സ്ഥാപിക്കാന്‍ ധനസഹായം നല്‍കുന്നു. 10 സെന്റു മുതല്‍ ഒരു ഏക്കര്‍ വരെ വീസ്തീര്‍ണ്ണമുള്ള പോളീഹൗസുകള്‍ സ്ഥാപിക്കാന്‍ ചെലവിന്റെ 75 ശതമാനം വരെ ധനസഹായം നല്‍കും.

ലോക കേരള സഭയോടനുബന്ധിച്ച് സംസ്ഥാന സര്‍ക്കാര്‍ തിരുവനന്തപുരത്ത് 2018 ജനുവരി ഏഴു മുതല്‍ 14 വരെ കനകക്കുന്നിലും നിശാഗന്ധിയിലുമായി കാര്‍ഷിക ഫല പുഷ്പമേള സംഘടിപ്പിക്കും. ടൂറിസം മന്ത്രി കടകംപള്ളി സുരേന്ദ്രന്‍, കൃഷി മന്ത്രി വി.എസ്.സുനില്‍കുമാര്‍ എന്നിവരുടെ നേതൃത്വത്തില്‍ നടന്ന യോഗത്തിലാണ് തീരുമാനം. ജനുവരി 12, 13 തീയതികളിലാണ് ലോക കേരള സഭ നടക്കുന്നത്. 

    വ്യത്യസ്ഥ തരം മാലിന്യങ്ങളെ (ഭക്ഷ്യാവശിഷ്ടങ്ങള്‍, പേപ്പര്‍, ഗ്ലാസ്, ലോഹം, അറവ് മാലിന്യം, പ്ലാസ്റ്റിക്, ഇലക്‌ട്രോണിക് മാലിന്യം) അവയുടെ പുനരുപയോഗം പുന:ചംക്രമണം സംസ്‌കരണം എന്നിവ അടിസ്ഥാനപ്പെടുത്തിയുള്ള സംരംഭങ്ങള്‍ തുടങ്ങാന്‍ താല്‍പ്പര്യമുള്ളവര്‍ക്കായി ജില്ലാ വ്യസായ കേന്ദ്രത്തിന്റെ ആഭിമുഖ്യത്തില്‍ ദ്വിദിന ശില്‍പ്പശാല സംഘടിപ്പിക്കുന്നു.  താല്‍പ്പര്യമുള്ളവര്‍ മുന്‍കൂര്‍ രജിസ്റ്റര്‍ ചെയ്യണം.  ഫോണ്‍: 9745008834.  
(പി.ആര്‍.പി 1917/2017)
 

    സംസ്ഥാന പട്ടികജാതി പട്ടികഗോത്ര വര്‍ഗ്ഗ കമ്മീഷന്‍ നിലവിലുള്ള പരാതികളില്‍ തീര്‍പ്പ് കല്‍പ്പിക്കുന്നതിന് ജില്ലയില്‍ നവംബര്‍ 23, 24, 25 തീയതികളില്‍ തൈക്കാട് പി.ഡബ്ല്യു.ഡി. റസ്റ്റ് ഹൗസ്, കോണ്‍ഫറന്‍സ് ഹാളില്‍ പരാതിപരിഹാര അദാലത്തുകള്‍ നടത്തും.  കമ്മീഷന്‍ ചെയര്‍മാന്‍ റിട്ട. ജഡ്ജ് ഡോ. പി.എന്‍. വിജയകുമാറിന്റെ നേതൃത്വത്തില്‍ നടക്കുന്ന അദാലത്തില്‍ പോലീസ് വകുപ്പ്, റവന്യൂ വകുപ്പ്, വനം വകുപ്പ്, എക്‌സൈസ് വകുപ്പ്, വിദ്യാഭ്യാസ വകുപ്പ്, പഞ്ചായത്ത് വകുപ്പ്, ആരോഗ്യ വകുപ്പ്, പൊതുവിതരണ വകുപ്പ്, സഹകരണ വകുപ്പ്, പട്ടികജാതി പട്ടികവര്‍ഗ വികസന വകുപ്പ് തുടങ്ങി വിവിധ വകുപ്പുകളിലെ ഉദേ്യാഗസ്ഥര്‍ സംബന്ധിക്കും.

    തിരുവനന്തപുരം ജില്ലാ പഞ്ചായത്തിന്റെ നടപ്പ് സാമ്പത്തിക വര്‍ഷത്തെ റ്റി.എസ്.പി ഗ്രാന്റ് - ഇന്‍ എയ്ഡില്‍ ഉള്‍പ്പെടുത്തി മെഡിക്കല്‍ കോഴ്‌സ്, എന്‍ജിനീയറിങ് കോഴ്‌സ്, ബിരുദാനന്തര / ഗവേഷണ കോഴ്‌സ്, പ്രൊഫഷണല്‍ കോഴ്‌സുകള്‍ക്ക് എന്‍ട്രന്‍സ് കോച്ചിങ്, മറ്റ് പ്രൊഫഷണല്‍ കോഴ്‌സുകള്‍ എന്നീ കോഴ്‌സുകള്‍ക്ക് പഠനം നടത്തിവരുന്ന ജില്ലയിലെ പട്ടികവര്‍ഗ്ഗ വിദ്യാര്‍ഥികള്‍ക്ക് ധനസഹായം അനുവദിക്കുന്നതിന് അപേക്ഷ ക്ഷണിച്ചു.  

കേരള നിയമസഭയുടെ  വജ്രജൂബിലിയുടെ ഭാഗമായി   നടത്തപ്പെടുന്ന  ചിത്രമേള ഡിസം. രണ്ടിന് രാവിലെ  10 ന്  മഞ്ചേശ്വരം ഗോവിന്ദപൈ സ്മാരകം ഗിളിവിണ്ടുവില്‍ നടത്തും. ജില്ലയില്‍ പ്രഗത്ഭരായ  ചിത്രകലാകാരന്മാര്‍   നിയമസഭയുടെ അറുപത് വര്‍ഷത്തെ സ്മരണകള്‍ ഓര്‍മിപ്പിക്കുന്ന ചിത്രങ്ങള്‍ ക്യാന്‍വാസില്‍  പ്രതിഫലിപ്പിക്കും.

പരമ്പരാഗത ഖാദി തുണിത്തരങ്ങളില്‍ നിന്നും വ്യത്യസ്തമായി ഇനി പര്‍ദ്ദകളും വിപണിയില്‍ ലഭിക്കും. പ്രകൃതിദത്തമായ പരുത്തി നൂലുകൊണ്ട് നിര്‍മ്മിക്കുന്ന പര്‍ദ്ദ ചാര നിറത്തിലും മറ്റ് വര്‍ണങ്ങളിലും ലഭിക്കും. ചൂടുകാലത്ത് തണുപ്പും തണുപ്പ് കാലത്ത് ചൂടും പ്രദാനം ചെയ്യുന്ന തരത്തിലാണ് പര്‍ദ്ദ നിര്‍മ്മിച്ചിരിക്കുന്നത്. ചൈനീസ് നെക്ക്, ഹൈനെക്ക്, കോട്ട്, അറേബ്യന്‍, ഡിസൈനര്‍ പീസ് എന്നീ പേരുകളിലുള്ള ഖാദി പര്‍ദ്ദകള്‍ ഇപ്പോള്‍ ലഭിക്കും. 1800 രൂപ മുതല്‍ 2000 രൂപ വരെയാണ് പര്‍ദ്ദകളുടെ വില. 20 ശതമാനം സര്‍ക്കാര്‍ റിബേറ്റ് ലഭിക്കും.