വെള്ളാര്‍മല ജി.വി.എച്ച്.എസ്സ്.എസ്സില്‍ വി.എച്ച്.എസ്.സി വിഭാഗത്തില്‍ നോണ്‍ വൊക്കേഷണല്‍ ടീച്ചര്‍ (ജൂനിയര്‍) ഇക്കണോമിക്‌സ് തസ്തികയില്‍ താല്‍ക്കാലിക നിയമനം നടത്തുന്നു. നവംബര്‍ 23 ന് ഉച്ചയ്ക്ക് 2 ന് കൂടിക്കാഴ്ച സ്‌കൂള്‍ ഓഫീസില്‍ നടക്കും. ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകളുമായി ഹാജരാകണം. ഫോണ്‍ 04936 236690

                വെളിച്ചെണ്ണ, തേന്‍, വിവിധ കറിപൗഡറുകള്‍ എന്നിവ  അഗ്മാര്‍ക്ക് മാനദണ്ഡങ്ങള്‍ പാലിച്ച് ഉല്‍പാദിപ്പിച്ച് വിതരണം ചെയ്യുന്നതിന് താല്‍പര്യമുള്ളവര്‍ക്ക് ആവശ്യമായ മാര്‍ഗ്ഗനിര്‍ദ്ദേശങ്ങള്‍ സുല്‍ത്താന്‍ ബത്തേരി കാര്‍ഷിക മൊത്ത വിപണന കേന്ദ്രത്തില്‍ പ്രവര്‍ത്തിക്കുന്ന അഗ്മാര്‍ക്ക് ലാബില്‍ നിന്നും ലഭിക്കും.

സുല്‍ത്താന്‍ ബത്തേരിയിലെ അമ്മായിപ്പാലത്തുള്ള ഗ്രാമീണ കാര്‍ഷിക മൊത്ത വിപണന കേന്ദ്രത്തില്‍ സെക്യൂരിറ്റി ചുമതല ഏറ്റെടുക്കാന്‍ തയ്യാറുള്ള സര്‍ക്കാര്‍ അംഗീകൃത ഏജന്‍സികളില്‍ നിന്നും സീല്‍ ചെയ്ത ക്വട്ടേഷനുകള്‍ ക്ഷണിച്ചു. ക്വട്ടേഷനുകള്‍ നവംബര്‍ 28ന് ഉച്ചയ്ക്ക് 12 വരെ സ്വീകരിക്കും. വിവരങ്ങള്‍ക്ക് ഓഫീസുമായി ബന്ധപ്പെടുക.

                ഉപജില്ലാ കലോത്സവത്തോടനുബന്ധിച്ച് അപ്പീലുകള്‍ തീര്‍പ്പാക്കുന്നതിനുള്ള ഹിയറിംഗുകള്‍ മാനന്തവാടി ഉപജില്ലയില്ലേത് നവംബര്‍ 24നും വൈത്തിരി ഉപജില്ലയില്ലേത് 25നും സുല്‍ത്താന്‍ ബത്തേരിയിലേത് ഡിസംബര്‍ 1നും ജില്ലാ വിദ്യാഭ്യാസ ഓഫീസില്‍ നടക്കും.

 ജില്ലാ പദ്ധതി രൂപീകരണവുമായി ബന്ധപ്പെട്ട് വനിതാസംഘടനകളുടെയും വനിതരംഗത്ത് പ്രവര്‍ത്തിക്കുന്ന സന്നദ്ധ സംഘടനകളുടെയും യോഗം ഉസമിതി ചെയര്‍മാനും ആന്തൂര്‍ മുനിസിപ്പാലിറ്റി അധ്യക്ഷയുമായ പി.കെ ശ്യാമള ടീച്ചറുടെ നേതൃത്വത്തില്‍ ചേര്‍ന്നു. കണ്ണൂരിനെ സ്ത്രീ സൗഹൃദ ജില്ലയാക്കുന്നതിനുള്ള പദ്ധതികള്‍ യോഗം ചര്‍ച്ച ചെയ്തു. 

നവംബര്‍ 25ന് രാവിലെ മാങ്ങാട്ടുപറമ്പ് ബറ്റാലിയന്‍ ആസ്ഥാനത്ത് നടക്കുന്ന കേരള ആംഡ് പൊലീസ് നാലാം ബറ്റാലിയന്റെയും മലബാര്‍ സ്‌പെഷല്‍ പൊലീസ് റിക്രൂട്ട് പൊലീസ് കോണ്‍സ്റ്റബിള്‍മാരുടെയും സംയുക്ത പാസിംഗ് ഔട്ട് പരേഡില്‍ മുഖ്യമന്ത്രി പിണറായി വിജയന്‍ സല്യൂട്ട് സ്വീകരിക്കും. സംസ്ഥാന പൊലീസ് മേധാവി ലോക്‌നാഥ് ബെഹ്‌റ, എ.ഡി.ജി.പി സുധേഷ്‌കുമാര്‍, ഡി.ഐ.ജി ഷഫീന്‍ അഹമ്മദ്, കേരള ആംഡ് പൊലീസ് നാലാം ബറ്റാലിയന്‍ കമാന്‍ഡന്റ് കെ. സഞ്ജയ്കുമാര്‍ ഗുരുഡിന്‍, എം.എസ്.പി ബറ്റാലിയന്‍ കമാന്‍ഡന്റ് കെ.പി ഫിലിപ്പ് തുടങ്ങിയവര്‍ സംബന്ധിക്കും.
പി എന്‍ സി/4414/2017

ജില്ലാ തല എയ്ഡ്‌സ് ദിനാചരണത്തിന്റെ ഭാഗമായി വിവിധ പരിപാടികള്‍ നടത്തുന്നതിനായി ജില്ലാ പഞ്ചായത്ത് പ്രസിഡന്റ് രക്ഷാധികാരിയും ജില്ലാ കളക്ടര്‍ ചെയര്‍മാനുമായി സംഘാടക സമിതി രൂപവത്കരിച്ചു. ജില്ലാ മെഡിക്കല്‍ ഓഫീസര്‍ (ആരോഗ്യം) കണ്‍വീനായിരിക്കും. 

മീസില്‍സ്-റൂബെല്ല ്രപതിരോധ കുത്തിവെപ്പ് ക്യാംപയിന്റെ ആദ്യഘട്ടത്തില്‍ പിറകിലായിരുന്ന കണ്ണൂര്‍ ജില്ല കഴിഞ്ഞ മൂന്നാഴ്ചയ്ക്കകം വന്‍ പുരോഗതി കൈവരിച്ചതായി ജില്ലാ കലക്ടര്‍ മീര്‍ മുഹമ്മദലിയുടെ നേതൃത്വത്തില്‍ നടന്ന അവലോകന യോഗം വിലയിരുത്തി. മൂന്നാഴ്ച മുമ്പ് 37 ശതമാനമായിരുന്നത് നിലവില്‍ 81.5 ശതമാനമായി ഉയര്‍ന്നു. കുത്തിവയ്‌പ്പെടുക്കേണ്ട 5,93,129 കുട്ടികളില്‍ ഇതിനകം 4,83,400 പേര്‍ ഇതിനകം വാക്‌സിന്‍ സ്വീകരിച്ചു. വരുംദിനങ്ങളില്‍ കൂടുതല്‍ കുട്ടികള്‍ വാക്‌സിനെടുക്കാന്‍ സന്നദ്ധരായതായി സ്‌കൂള്‍ അധികൃതര്‍ അറിയിച്ചു.