ചെന്നീര്‍ക്കര ഗവണ്‍മെന്‍റ് ഐടിഐയില്‍ ഫുഡ് പ്രൊഡക്ഷന്‍ ജനറല്‍ ട്രേഡില്‍ ഗസ്റ്റ് ഇന്‍സ്ട്രക്ടറുടെ ഒരു ഒഴിവുണ്ട്. ഹോട്ടല്‍ മാനേജ്മെന്‍റ്/കാറ്ററിംഗ് ടെക്നോളജിയില്‍ ഡിഗ്രിയും ഒരു വര്‍ഷ പ്രവൃത്തി പരിചയവും അല്ലെങ്കില്‍ ഹോട്ടല്‍ മാനേജ്മെന്‍റ്/കാറ്ററിംഗ് ടെക്നോളജിയില്‍ ഡിപ്ലോമയും  രണ്ട് വര്‍ഷത്തെ പ്രവൃത്തി പരിചയവും അല്ലെങ്കില്‍ ഫുഡ് പ്രൊഡക്ഷന്‍ ജനറല്‍ ട്രേഡില്‍ എന്‍റ്റിസി/എന്‍എസിയും മൂന്ന് വര്‍ഷത്തെ പ്രവൃത്തിപരിചയവുമാണ് യോഗ്യത. താത്പര്യമുള്ളവര്‍ ഈ മാസം 20ന് രാവിലെ 10ന് ഐടിഐയില്‍ നടക്കുന്ന കൂടിക്കാഴ്ചയില്‍ പങ്കെടുക്കണം. ഫോണ്‍: 0468 2258710.

ജില്ലാ വികസന സമിതിയോഗം ഈ മാസം 25ന് രാവിലെ 11ന് കളക്ടറേറ്റ് കോണ്‍ഫറന്‍സ് ഹാളില്‍ ചേരും. 10.30ന് നടക്കുന്ന പ്രീ ഡിഡിസി യോഗത്തിലും ബന്ധപ്പെട്ട ഉദ്യോഗസ്ഥര്‍ പങ്കെടുക്കണമെന്ന് ജില്ലാ കളക്ടര്‍ അറിയിച്ചു.                       (പിഎന്‍പി 3085/17)

കൊച്ചി: ജനാധിപത്യ സംവിധാനത്തിന്റെ സുഗമവും സുതാര്യവുമായ പ്രവര്‍ത്തനത്തിന് മാധ്യമങ്ങള്‍ വഹിക്കേണ്ട പങ്ക് സുപ്രധാനമാണെന്ന് പ്രമുഖ മാധ്യമപ്രവര്‍ത്തകന്‍ വി.ആര്‍. രാജമോഹന്‍ പറഞ്ഞു. സ്വതന്ത്രവും നിര്‍ഭയവുമായ മാധ്യമപ്രവര്‍ത്തനത്തിന് സമൂഹം എക്കാലത്തേക്കാളും പിന്തുണ നല്‍കേണ്ട ഘട്ടത്തിലൂടെയാണ് രാജ്യം കടന്നു പോകുന്നതെന്നും അദ്ദേഹം പറഞ്ഞു. ദേശീയ മാധ്യമദിനാചരണത്തിന്റെ ഭാഗമായി മലയാറ്റൂര്‍ നീലീശ്വരത്ത് മുണ്ടങ്ങാമറ്റം സഹൃദയ വായനശാലയില്‍ പബ്ലിക്ക് റിലേഷന്‍സ് വകുപ്പും ജില്ലാ ലൈബ്രറി കൗണ്‍സിലും ചേര്‍ന്ന് സംഘടിപ്പിച്ച സെമിനാറില്‍ മുഖ്യപ്രഭാഷണം നടത്തുകയായിരുന്നു രാജമോഹന്‍.

കൊച്ചി: ജില്ലയില്‍ ഷോപ്പിങ് മാളുകള്‍ അടക്കമുള്ള വ്യാപാരകേന്ദ്രങ്ങളില്‍ പ്ലാസ്റ്റിക് സാമഗ്രികളുടെ ഉപയോഗം കുറയ്ക്കുന്നതിനും പേപ്പര്‍ ബാഗുകള്‍ പ്രോത്സാഹിപ്പിക്കുന്നതിനും സ്ഥാപനങ്ങളുടെ യോഗം വിളിക്കും. ജില്ലാ പഞ്ചായത്ത് പ്രസിഡന്റ് ആശ സനലിന്റെ അധ്യക്ഷതയില്‍ ചേര്‍ന്ന ജില്ലാ സാനിറ്റേഷന്‍ സമിതി തീരുമാനിച്ചു. തദ്ദേശസ്ഥാപന പ്രതിനിധികളെയും യോഗത്തിലേക്ക് ക്ഷണിക്കും. പ്ലാസ്റ്റിക് ഉപയോഗം ഗണ്യമായി കുറയ്ക്കുന്നതിന് ബോധവല്‍ക്കരണം അനിവാര്യമാണെന്ന് ജില്ലാ പഞ്ചായത്ത് പ്രസിഡന്റ് ചൂണ്ടിക്കാട്ടി.

ജില്ലാ നിയമ സേവന അതോറിട്ടിയും ചൈല്‍ഡ് ലൈനും സംയുക്തമായി ജില്ലയില്‍ നടത്തിയ ബാലാവകാശ-നിയമ ബോധവല്‍ക്കരണ പ്രചാരണ വാഹനം തദ്ദേശസ്വയംഭരണവകുപ്പ് മന്ത്രി കെ.ടി ജലീല്‍ ഫഌഗ് ഓഫ് ചെയ്തു. കളക്ടറേറ്റില്‍ നടന്ന ചടങ്ങില്‍ ഒപ്പുശേഖരണയജ്ഞത്തിന്റെ ഉദ്ഘാടനവും  മന്ത്രി നിര്‍വഹിച്ചു. ജില്ലാ നിയമ സേവന അതോറിട്ടിയും ചൈല്‍ഡ് ലൈനും നിരവധി സേവനങ്ങള്‍ സമൂഹത്തിന് വേണ്ടി ചെയ്യുന്നുണ്ടെങ്കിലും എല്ലാ വിഭാഗം ജനങ്ങളിലേക്കും വിവരം എത്തിയിട്ടില്ലെന്ന് മന്ത്രി കെ.ടി ജലീല്‍ പറഞ്ഞു. ഇതുപോലുള്ള പ്രചാരണ പ്രവര്‍ത്തനങ്ങള്‍ കൂടുതല്‍ ജനങ്ങള്‍ക്ക് നിയമ സേവനങ്ങളെക്കുറിച്ചും മറ്റും അറിവ് പകരുന്നതിന് സഹായകരമാകുമെന്നും മന്ത്രി പറഞ്ഞു.