മേലാറ്റൂര്‍ 110 കെ.വി സബ്‌സ്റ്റേഷനില്‍ അറ്റകുറ്റപണി നടക്കുന്നതിനാല്‍ നവംബര്‍ എട്ടിന് രാവിലെ എട്ട് മുതല്‍ വൈകുന്നേരം അഞ്ച് വരെ സബ്‌സ്റ്റേഷനില്‍ നിന്നുള്ള വൈദ്യുതി വിതരണം മുടങ്ങും.

ജില്ലയിലെ തദ്ദേശ സ്വയംഭരണ സ്ഥാപനങ്ങളിലെ പദ്ധതി നിര്‍വഹണം സംബന്ധിച്ച് വകുപ്പുമന്ത്രി  ഡോ. കെ.ടി ജലീല്‍ നേരിട്ട് വിലയിരുത്തി. 21.74 ശതമാനം തുക ചെലവഴിച്ച മലപ്പുറം സംസ്ഥാനത്ത് പത്താം സ്ഥാനത്താണ്. ഇരുപത് ശതമാനം മാത്രം തുക ചെലവഴിച്ച വകുപ്പുകളുടെ പ്രവര്‍ത്തനമാണ് മന്ത്രി പ്രത്യേകം അവലോകനം ചെയ്തത്. മത്സ്യബന്ധനം, വ്യവസായം, കുടുംബശ്രീ, പട്ടികവര്‍ഗ വികസനം എന്നീ മേഖലകളാണ് പൂജ്യം ശതമാനത്തില്‍ നില്‍ക്കുന്നത്. 50 പഞ്ചായത്തുകളും ഇതേ അവസ്ഥയിലുണ്ട്. പദ്ധതി നിര്‍വഹണത്തില്‍ മികച്ച പഞ്ചായത്തുകളുടെ പ്രവര്‍ത്തനം മാതൃകയാക്കി ഡിസംബര്‍ 31 നകം മറ്റുള്ളവര്‍ മുന്നേറണമെന്ന് മന്ത്രി പറഞ്ഞു.

നവോദയ വിദ്യാലയം  2018 അദ്ധ്യായന വര്‍ഷം ആറാം ക്ലാസ്സിലേക്കുള്ള ഓണ്‍ലൈന്‍ അപേക്ഷ  അക്ഷയ കേന്ദ്രങ്ങള്‍ വഴി  അപേക്ഷിക്കാം.  അക്ഷയ കേന്ദ്രത്തില്‍ നിന്നും ലഭിക്കുന്ന അപേക്ഷാ ഫോം പൂരിപ്പിച്ച്  രക്ഷിതാവിന്റെയും, ഹെഡ്മാസ്റ്ററുടേയും ഒപ്പും സാക്ഷ്യപത്രവും, വിദ്യാര്‍ത്ഥിയുടെ മൂന്ന്, നാല്, അഞ്ച് ക്ലാസ്സുകളിലെ പഠന വിവരങ്ങളും  അടങ്ങിയ രേഖ സഹിതം  നവംബര്‍ 25 നകം അക്ഷയ കേന്ദ്രം വഴി അപേക്ഷിക്കാം.

പെരിന്തല്‍മണ്ണ താലൂക്ക് പുഴക്കാട്ടിരി വില്ലേജ് പുഴക്കാട്ടിരി ദേശം സര്‍വ്വെ നമ്പര്‍ 5/1 ല്‍പ്പെട്ട 05.62 ആര്‍ ഭൂമി ഡിസംബര്‍ അഞ്ചിന് രാവിലെ 11ന് പുഴക്കാട്ടിരി വില്ലേജ് ഓഫീസ് പരിസരത്ത് ലേലം ചെയ്യും.

ജില്ലാ കലക്ടറുടെ അധീനതയിലുള്ള കെ.എല്‍ 10 ക്യൂ 5070 അംബാസിഡര്‍ കാര്‍ നവംബര്‍ 16ന് രാവിലെ 11ന് കലക്‌ട്രേറ്റ് പരിസരത്ത് ലേലം ചെയ്യും.

മലമ്പുഴ മൃഗ സംരക്ഷണ പരിശീലന കേന്ദ്രത്തില്‍ നവംബര്‍ ഒമ്പതിന്  ടര്‍ക്കി വളര്‍ത്തലില്‍ സൗജന്യ പരിശീലനം സംഘടിപ്പിക്കുന്നു. പങ്കെടുക്കുവാന്‍ താല്പര്യമുള്ളവര്‍ നേരിട്ടോ ഫോണ്‍ മുഖനെയോ മുന്‍കൂട്ടി പേര് രജിസ്റ്റര്‍ ചെയ്യണം. ഫോണ്‍ നമ്പര്‍        0491 - 2815454 , 8281777080.   രജിസ്റ്റര്‍ ചെയ്തവര്‍ ആധാര്‍ നമ്പറുമായി  രാവിലെ 10  നകം മലമ്പുഴ മൃഗ സംരക്ഷണ പരിശീലന കേന്ദ്രത്തില്‍ എത്തിത്തണം.

മീസില്‍സ് -റൂബല്ലാ വാക്‌സിനേഷന്‍ പിന്നാക്കം നില്‍ക്കുന്ന വിദ്യാലയങ്ങള്‍ക്കെതിരെ ജില്ലാ ഭരണകൂടം കര്‍ശന നടപടികള്‍ക്കൊരുങ്ങുന്നു. വാക്‌സിനേഷന്‍ ദൗത്യത്തിന്റെ പുരോഗതി അവലോകനം ചെയ്യാന്‍ കലക്ടറേറ്റില്‍ ജില്ലാ കലക്ടര്‍ യു.വി ജോസിന്റെ അദ്ധ്യക്ഷതയില്‍ ചേര്‍ന്ന യോഗമാണ് ഇത് സംബന്ധിച്ച തീരുമാനമെടുത്തത്.

കേന്ദ്ര - സംസ്ഥാന സര്‍ക്കാരുകള്‍ എല്‍ ഐ സി മുഖേന നടപ്പിലാക്കുന്ന ആം ആദ്മി ബീമാ യോജന ആനുകൂല്യങ്ങള്‍ ലഭിക്കുന്നതിന് ഗുണഭോക്താക്കള്‍ ബാങ്ക് അക്കൗണ്ട് വിവരങ്ങള്‍, ആധാര്‍ നമ്പര്‍ എന്നിവ ംംം.രവശമസ.ീൃഴല്‍ മുഖേന  ബന്ധിപ്പിക്കണം. അക്ഷയ, കുടുംബശ്രീ ഉന്നതി, ജനസേവന കേന്ദ്രങ്ങള്‍ വഴി അഞ്ച് രൂപ ഫീസ് നല്‍കിയും സേവനം ഉപയോഗപ്പെടുത്താം. അവസാന തീയതി നവംബര്‍ 15. ആം ആദ്മി ബീമാ യോജന പദ്ധതിയിലെ 18 മുതല്‍ 50 വരെയുള്ള അംഗങ്ങള്‍ക്കുള്ള മരണാന്തര ധനസഹായം 30000 രൂപയില്‍ നിന്നും രണ്ട് ലക്ഷം രൂപയായി വര്‍ധിപ്പിച്ചിട്ടുണ്ട്.