സംസ്ഥാന ശിശുക്ഷേമ സമിതയുടെ കീഴില്‍ മലപ്പുറത്ത് പ്രവര്‍ത്തിക്കുന്ന ശിശു പരിപാലന കേന്ദ്രത്തിനെ ജുവനൈല്‍ ജസ്റ്റിസ് ആക്ട് പ്രകാരം ദത്തെടുക്കല്‍ കേന്ദ്രമായി ഉയര്‍ത്തി സര്‍ക്കാര്‍ ലൈസന്‍സ് ലഭ്യമാക്കി.

* ഉദ്ഘാടനം ഡിസംബര്‍ ആറിന് മുഖ്യമന്ത്രി നിര്‍വഹിക്കും

ദേവസ്വം റിക്രൂട്ട്‌മെന്റ് ബോര്‍ഡിന്റെ നിയമനനടപടികള്‍ ത്വരിതവും സുതാര്യവുമാക്കാനുള്ള ഓണ്‍ലൈന്‍ റിക്രൂട്ട്‌മെന്റ് മാനേജ്‌മെന്റ് സോഫ്ട്‌വെയറായ 'ദേവജാലിക'യുടെ ഉദ്ഘാടനം ഡിസംബര്‍ ആറിന് മുഖ്യമന്ത്രി പിണറായി വിജയന്‍ നിര്‍വഹിക്കും. 

ലോക എയ്ഡ്‌സ് ദിനാചരണത്തിന്റെ സംസ്ഥാനതല ഉദ്ഘാടനം ഡിസംബര്‍ ഒന്നിന് വി.ജെ.ടി ഹാളില്‍ ആരോഗ്യമന്ത്രി കെ.കെ. ശൈലജ ടീച്ചര്‍ നിര്‍വഹിക്കും. അവാര്‍ഡുകളും മന്ത്രി സമ്മാനിക്കും.

സര്‍ഗാലയ അന്താരാഷ്ട്ര കലാ കരകൗശലമേളയുടെ മുന്നോടിയായുള്ള 'കരകൗശല പൈതൃകയാത്ര'യുടെ ഫ്‌ളാഗ് ഓഫ് സഹകരണ-ടൂറിസം മന്ത്രി കടകംപള്ളി സുരേന്ദ്രന്‍ ഇന്ന് (നവംബര്‍ 29) നിര്‍വഹിക്കും. തൊഴില്‍-എക്‌സൈസ് മന്ത്രി ടി.പി. രാമകൃഷ്ണന്‍ സംബന്ധിക്കും. സെക്രട്ടേറിയറ്റിന് മുന്‍വശത്താണ് ചടങ്ങ്.  കേരളത്തിലെ തിരഞ്ഞെടുത്ത പരമ്പരാഗത കരകൗശല ഗ്രാമങ്ങളിലൂടെയാണ് റോഡ് ഷോ സംഘടിപ്പിക്കുന്നത്.

പാര്‍ലമെന്റിന്റെ ശീതകാല സമ്മേളനത്തിന് മുന്നോടിയായി മുഖ്യമന്ത്രി പിണറായി വിജയന്റെ അദ്ധ്യക്ഷതയില്‍ തിരുവനന്തപുരം തൈക്കാട് ഗസ്റ്റ് ഹൗസില്‍ എം. പിമാരുടെ യോഗം ചേര്‍ന്നു. കേന്ദ്ര സര്‍ക്കാരിന്റെ ശ്രദ്ധയില്‍പെടുത്തേണ്ട വിവിധ വിഷയങ്ങള്‍ യോഗം ചര്‍ച്ച ചെയ്തു. രാജ്യസഭാ ഉപാദ്ധ്യക്ഷന്‍ പ്രൊഫ. പി. ജെ. കുര്യന്‍ സന്നിഹിതനായിരുന്നു. 

വി.വി. ഷാജിയെ പത്തനംതിട്ട, കോട്ടയം, എറണാകുളം റവന്യൂ ജില്ലകളില്‍ ഉള്‍പ്പെട്ട പ്രദേശത്തേക്കും ജി. അനിതയെ കൊട്ടാരക്കര താലൂക്ക് പ്രദേശത്തേക്കും ടി.ജെ വര്‍ക്കിയെ കേരള സംസ്ഥാനത്തെ മുഴുവന്‍ പ്രദേശത്തേക്കും ഗ്രേസി ജോണിനെ തിരുവനന്തപുരം റവന്യൂ ജില്ലയില്‍ ഉള്‍പ്പെട്ട മുഴുവന്‍ പ്രദേശത്തേക്കും വിജയന്‍ കണ്ണോത്തിനെ കോഴിക്കോട് റവന്യൂ ജില്ലയില്‍ ഉള്‍പ്പെട്ട വടകര താലൂക്ക് പ്രദേശത്തേക്കും എസ്. ഗിരിജയെ തിരുവനന്തപുരം റവന്യൂ ജില്ലയില്‍ ഉള്‍പ്പെട്ട മുഴുവന്‍ പ്രദേശത്തേക്കും എസ്. പ്രസാദിനെ മാവേലിക്കര താലൂക്ക് പ്രദേശത്തേക്കും നോട്ടറിയായി അഞ്ചു വര്‍ഷത്തേക്കു കൂടി പുനര്‍ നിയമിച്ച് സര്‍ക്കാര്‍ ഉത്തരവായി

നാഷണല്‍ അര്‍ബന്‍ ലൈവ്‌ലിഹുഡ്‌സ് മിഷന്റെയും, കുടുംബശ്രീ മിഷന്റെയും ആഭിമുഖ്യത്തില്‍ നെയ്യാര്‍ഡാമിലെ കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റ് (കിക്മ)യില്‍ സൗജന്യമായി നടത്തുന്ന മൂന്ന് മാസത്തെ ജൂനിയര്‍ മാര്‍ക്കറ്റിംഗ് അസോസിയേറ്റ്, അക്കൗണ്ടിംഗ് അസിസ്റ്റന്റ് വിത്ത് റ്റാലി, അക്കൗണ്ടിംഗ് എന്നീ റസിഡന്‍ഷ്യല്‍ കോഴ്‌സുകളിലേക്ക് ഡിസംബര്‍ നാലിന് രാവിലെ 10 മുതല്‍ കിക്മ ക്യാമ്പസില്‍ ഇന്റര്‍വ്യൂ നടത്തും. പ്ലസ്ടുവാണ് പാസ്സാണ് അടിസ്ഥാന യോഗ്യത. 18 നും 35 നും മദ്ധ്യേ പ്രായമുള്ളവര്‍ക്ക് പങ്കെടുക്കാം. അപേക്ഷകള്‍ കിക്മ വെബ്‌സൈറ്റിലും (www.kicmakerala.in) കിക്മ ഓഫീസിലും ലഭ്യമാണ്.

മൊബൈല്‍ ഫോണ്‍ റിപ്പയറിംഗ് ആന്റ് സര്‍വീസിംഗ്, പി.സി അസംബ്ലിംഗ് ആന്റ് സോഫ്ട്വെയര്‍ ഇന്‍സ്റ്റലേഷന്‍, ഡി.റ്റി.പി (ഇന്‍ഡിസൈന്‍) കോഴ്സുകള്‍ പഠിപ്പിക്കുന്നതിന്  ഐ.ടി.ഐ/ഐ.ടി.സി/ഡിപ്ലോമ വിദ്യാഭ്യാസയോഗ്യതയുളള പ്രവൃത്തിപരിചയമുള്ള ഗസ്റ്റ് അധ്യാപകരെ നിയമിക്കുന്നു.  

ബയോഡേറ്റയുമായി പാളയത്തെ എല്‍.ബി.എസിന്റെ കേന്ദ്ര ഓഫീസില്‍ നവംബര്‍ 30 ന് രണ്ട് മണിക്ക് എത്തണം. കൂടുതല്‍ വിവരങ്ങള്‍ക്ക് എല്‍.ബി.എസ് സെന്റര്‍ ഫോര്‍ സയന്‍സ് ആന്റ് ടെക്നോളജി, നന്ദാവനം, പാളയം, തിരുവനന്തപുരം എന്ന വിലാസത്തിലോ 0471-2560332, 2560333 എന്ന നമ്പരുമായോ ബന്ധപ്പെടണം.

പി.എന്‍.എക്‌സ്.5060/17

കുടുംബശ്രീ സംസ്ഥാന മിഷനിലെ ഓഫീസ് സെക്രട്ടേറിയല്‍ സ്റ്റാഫ് തസ്തികയിലേക്ക് ഡെപ്യൂട്ടേഷന്‍ നിയമനത്തിന് അപേക്ഷ ക്ഷണിച്ചു. യോഗ്യതയുള്ള ജീവനക്കാര്‍ ചട്ടപ്രകാരം അവരുടെ മാതൃവകുപ്പില്‍ നിന്നുള്ള എന്‍.ഒ.സി സഹിതം അപേക്ഷിക്കണം. ഒഴിവുകളുടെ എണ്ണം എട്ട്. അപേക്ഷകര്‍ 19000-43600 (പൂതുക്കിയത്) ശമ്പളസ്‌കെയിലില്‍ ഇപ്പോള്‍ ജോലി ചെയ്ത് വരുന്നവരായിരിക്കണം. യോഗ്യത അംഗീകൃത സര്‍വകലാശാലയില്‍ നിന്ന് ബിരുദം. ബിരുദാനന്തര ബിരുദം നേടിയവര്‍ക്ക് മുന്‍ഗണന. കമ്പ്യൂട്ടറില്‍ പ്രായോഗിക പരിജ്ഞാനം ഉണ്ടായിരിക്കണം. സാമൂഹിക വികസന പരിപാടികളിലും ദാരിദ്ര്യ നിര്‍മ്മാര്‍ജന പ്രവര്‍ത്തനങ്ങളിലും താല്‍പര്യവും ആഭിമുഖ്യവും ഉണ്ടായിരിക്കണം.

വൈവിധ്യമാര്‍ന്ന കഥാപാത്രങ്ങള്‍ക്ക് ജീവന്‍ നല്‍കി അഭിനയ പ്രതിഭകൊണ്ട് മലയാളികളെ വിസ്മയിപ്പിച്ച നടിയായിരുന്നു വാസന്തി. വളരെ ചെറുപ്പത്തിലേ ബാലെയിലൂടെയും നാടകത്തിലൂടെയും അഭിനയരംഗത്തെത്തിയ അവര്‍ 450 ഓളം ചലച്ചിത്രങ്ങളിലും 16 ഓളം സീരിയലുകളിലും 100 ഓളം നാടകങ്ങളിലും അഭിനയിച്ചു. നാടകാഭിനയത്തിന് സര്‍ക്കാര്‍ പുരസ്‌കാരവും സിനിമാ അഭിനയത്തിന് ഫിലിം ക്രിറ്റിക്‌സ് അവാര്‍ഡും ലഭിച്ചു. അവരുടെ ആകസ്മിക വേര്‍പാട് വേദനാജനകമാണ്. - മന്ത്രി അനുശോചന സന്ദേശത്തില്‍ പറഞ്ഞു. 

പി.എന്‍.എക്‌സ്.5058/17