മുട്ടില്‍ ഗ്രാമപഞ്ചായത്തിലെ ചെലഞ്ഞിച്ചാല്‍ തുടര്‍ വിദ്യാകേന്ദ്രത്തിന്റെ കീഴില്‍ കേരള സംസ്ഥാന സാക്ഷരത മിഷന്‍ അതോറിറ്റിയുടെ സര്‍ട്ടിഫിക്കറ്റ് കോഴ്‌സുകള്‍ക്ക് അപേക്ഷ ക്ഷണിച്ചു.  നാല് മാസമാണ് കോഴ്‌സ് കാലാവധി.  പൊതു അവധി ദിവസങ്ങളിലാണ് ക്ലാസുകള്‍. വിദ്യാഭ്യാസ യോഗ്യത എട്ടാം ക്ലാസ്. കോഴ്‌സ് ഫീസ് 2500 രൂപ.  ഫോണ്‍ 9496111418.

    2018-2020 വര്‍ഷങ്ങളില്‍ അറിയിക്കപ്പെടുന്ന  വിവിധ ഒഴിവുകളിലേക്ക്  പരിഗണിക്കപ്പെടുന്നതിന് യോഗ്യരായ  ഉദ്യോഗാര്‍ഥികളുടെ  താത്ക്കാലിക  സെലക്ട് ലിസ്റ്റുകള്‍   ജില്ലാ എംപ്ലോയ്മെന്‍റ് എക്സ്ചേഞ്ചില്‍   പ്രസിദ്ധീകരിച്ചു.  ഡിസംബര്‍ 12 വരെ   ഉദ്യോഗാര്‍ഥികള്‍ക്ക് ലിസ്റ്റ് പരിശോധിച്ച്  ആവശ്യമെങ്കില്‍   അപ്പീല്‍ നല്‍കാം.  employment.kerala.gov.in വെബ്സൈറ്റിലും സീനിയോറിറ്റി ലിസ്റ്റുകള്‍ പരിശോധിക്കാം.

ജില്ലയുടെ ഹൂമന്‍ ഡവലപ്‌മെന്റ് ഇന്‍ഡക്‌സ് ഉയര്‍ത്തുന്നതിനുളള പ്രവര്‍ത്തനങ്ങള്‍ക്ക് നേതൃത്വം നല്‍കാന്‍  നിയോഗിച്ച നോഡല്‍ ഓഫീസറും എംപ്ലോയിസ് പ്രോവിഡന്റ് ഫണ്ട് ചീഫ് എക്‌സിക്യൂട്ടീവ് ഓഫീസറുമായ ഡോ.വി.പി ജോയി കളക്‌ട്രേറ്റില്‍ ജില്ലാ ഉദ്യോഗസ്ഥരുടെ യോഗം വിളിച്ചു. വിവിധ സംസ്ഥാനങ്ങളിലായി 150 ജില്ലകളിലാണ്  ഏറ്റവും കുറഞ്ഞ ഹൂമന്‍ ഡവലപ്‌മെന്റ് ഇന്‍ഡക്‌സ് ഉളളത്. വിവിധ കാരണങ്ങളാല്‍ ജില്ല പുറകിലാണെന്ന്  വി.പി.ജോയി പറഞ്ഞു.

    കുറ്റകൃത്യങ്ങള്‍ക്ക് ഇരയായവര്‍ക്ക് മാനസികവും ശാരീരികവുമായ സംരക്ഷണം ഉറപ്പാക്കുന്നതിനായി രൂപവത്കരിച്ച 'വിശ്വാസ്' സംഘടനയുടെ ഭാഗമായ വൊളന്‍റിയര്‍ ഗ്രൂപ്പ്' കൂടുതല്‍ സേവനമേഖലകളില്‍ പ്രവര്‍ത്തിക്കും. ഇതിന് മുന്നോടിയായി അംഗങ്ങള്‍ക്ക് നല്‍കിയ പരിശീലനംജില്ലാ പൊലീസ് മേധാവി പ്രതീഷ്കുമാര്‍ ഉദ്ഘാടനം ചെയ്തു. കലക്ടറേറ്റ് സമ്മേളനഹാളില്‍ നടന്ന പരിപാടിയില്‍ 'വിശ്വാസ്'  ചെയര്‍മാന്‍ കൂടിയായ ജില്ലാ കലക്ടര്‍ ഡോ:പി.സുരേഷ് ബാബു അധ്യക്ഷനായി.