ആലപ്പുഴ: ഇന്നു നടക്കുന്ന നാലാം തരം തുല്യതാപരീക്ഷയിൽ 108 പേർ പങ്കാളികളാകും. ജില്ലയിലെ 11 സ്‌കൂളുകളെയാണ് പരീക്ഷാ കേന്ദ്രങ്ങളായി നിശ്ചയിച്ചിട്ടുള്ളത്. ഗവൺമെന്റ് എച്ച് എസ്.എസ്. കിടങ്ങറയിലാണ് ഏറ്റവും കൂടുതൽ പഠിതാക്കൾ പരീക്ഷ എഴുതുന്നത്. 25 പേർ. വി വി.എച്ച്.എസ്.എസ്. താമരക്കുളം, ഗവൺമെന്റ് യു.പി.എസ് ഓടമ്പിള്ളി, കെ.കെ. കുഞ്ചു പിള്ള എച്ച്.എസ്.എസ് അമ്പലപ്പുഴ എന്നിവിടങ്ങളിൽ രണ്ട് പേർ വീതം പരീക്ഷ എഴുതും. 

ആലപ്പുഴ: അടൂർ ഗവൺമെന്റ് പോളിടെക്‌നിക് കോളജിൽ ഗസ്റ്റ് ട്രേഡ്‌സ്മാൻ (ടർണിങ്) വിഭാഗത്തിലെ ഒരൊഴിവിലേക്കുള്ള നിയമനത്തിനുള്ള ഇന്റർവ്യൂ നവംബർ 29നു രാവിലെ 11ന് നടക്കും. താത്പര്യമുള്ള ഉദ്യോഗാർഥികൾ പ്രായം, വിദ്യാഭ്യാസ യോഗ്യത എന്നിവ തെളിയിക്കുന്ന അസൽ സർട്ടിഫിക്കറ്റുകൾ സഹിതം കൃത്യസമയത്ത് അടൂർ ഗവൺമെന്റ് പോളിടെക്‌നിക് കോളജിൽ എത്തണം. 60 ശതമാനം മാർക്കോടെ ബന്ധപ്പെട്ട ട്രേഡിൽ  ഐ.റ്റി.ഐ. യോഗ്യതയും എ.ഐ.സി.റ്റി.ഇ. പ്രകാരമുള്ള യോഗ്യതകളും ഉണ്ടായിരിക്കണം. തൊഴിൽ പരിചയം ഉള്ളവർക്ക് മുൻഗണന. വിശദവിവരങ്ങൾക്ക് ഫോൺ: 04734 231776.

(പി.എൻ.എ.2850/17)

ആലപ്പുഴ: വണ്ടാനം ഗവൺമെന്റ് ടി.ഡി മെഡിക്കൽ കോളജ് ആശുപത്രിയിലേക്ക് കമ്പ്യൂട്ടർ- (നാല്), യു.പി.എസ് (രണ്ട)് എന്നിവ വാങ്ങുന്നതിന് ക്വട്ടേഷൻ ക്ഷണിച്ചു. ഡിസംബർ അഞ്ചിന് വൈകിട്ട് മൂന്നിനകം ക്വട്ടേഷൻ സൂപ്രണ്ടിന് നൽകണം. കൂടുതൽ വിവരങ്ങൾക്ക് ഓഫീസുമായി ബന്ധപ്പെടുക.

(പി.എൻ.എ.2849/17)

ആലപ്പുഴ: വണ്ടാനം ഗവൺമെന്റ് റ്റി.ഡി. മെഡിക്കൽ കോളജ് ആശുപത്രിയിൽ വിവിധ ഉപകരണങ്ങൾ വാങ്ങുന്നതിന് ക്വട്ടേഷൻ ക്ഷണിച്ചു. ഐ.സി.എം.ആർ. പ്രൊജക്ടിൽ ഹീറ്റിങ് ബ്ലോക്ക് വാങ്ങുന്നതിനുള്ള ക്വട്ടേഷൻ ഡിസംബർ നാലിന് ഉച്ചയ്ക്ക് ഒരു മണിക്കകവും പതോളജി വിഭാഗത്തിലേക്ക് സോഡിയം സിട്രേറ്റ് ട്യൂബ് (രണ്ട് മി.ലി)വാങ്ങുന്നതിനും വിവിധ വിഭാഗത്തിലേക്ക് ആൽക്കഹോൾ വാങ്ങുന്നതിനുള്ള ക്വട്ടേഷനുകൾ ഡിസംബർ ഏഴിന് ഉച്ചയ്ക്ക് ഒരു മണിക്കകവും പ്രിൻസിപ്പൽ, ഗവൺമെന്റ് റ്റി.ഡി മെഡിക്കൽ കോളജ്, ആലപ്പുഴ-688 005 എന്ന വിലാസത്തിൽ ലഭിക്കണം. വിശദവിവരത്തിന് ഫോൺ: 0477-2282015. 

(പി.എൻ.എ.2848/17)

ആലപ്പുഴ: കാരുണ്യ ബനവലന്റ് പദ്ധതിയിൽ 3,85,35,840 രൂപയുടെ ചികിത്സാ ധനസഹായത്തിനുള്ള അപേക്ഷ സർക്കാരിന്റെ അംഗീകാരത്തിന് ശിപാർശ ചെയ്തതായി ജില്ലാ കളക്ടർ ടി.വി. അനുപമ അറിയിച്ചു. ഈ മാസം ചേർന്ന ജില്ലാതലയോഗത്തിൽ 291 പേരുടെ അപേക്ഷകളാണ് അംഗീകരിച്ചത്. 125 പേർ കാൻസർ രോഗികളും 112 ഹൃദ്‌രോഗികളും 41 വൃക്കരോഗികളും 13  പേർ ന്യൂറോ സംബന്ധമായ അസുഖമുള്ളവരുമാണ്. 

അറുപത്തി ഒന്‍പതാമത് എന്‍.സി.സി ദിനാഘോഷം ഇന്ന് (നവംബര്‍ 27) വൈകിട്ട് മൂന്നു മണിക്ക് സെന്‍ട്രല്‍ സ്റ്റേഡിയത്തില്‍ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.  തൃശൂര്‍ മണ്ണുത്തി 1 കേരള ആര്‍ ആന്റ് വി സ്‌ക്വാഡ്രനിലെ സീനിയര്‍ എന്‍.സി.സി കേഡറ്റുകളുടെ അശ്വാഭ്യാസ പ്രദര്‍ശനവും 1 കേരള എയര്‍ വിംഗ് എന്‍.സി.സിയുടെ എയര്‍ഷോയും, മൈക്രോ ലൈറ്റ് എയര്‍ക്രാഫ്റ്റിന്റെ പുഷ്പ വൃഷ്ടിയും, നാവിക, വ്യോമസേന എന്‍.സി.സി വിഭാഗങ്ങളുടെ മോഡല്‍ പ്രദര്‍ശനവും ഉണ്ടായിരിക്കും.  2018 ജനുവരി 26ന് ന്യൂഡല്‍ഹിയില്‍ നടക്കുന്ന റിപ്പബ്ലിക്ദിന പരേഡില്‍ പങ്കെടുക്കാന്‍ തെരഞ്ഞെടുക്കപ്പെട്ട കേഡറ്റുകളുടെ കലാസാംസ്‌കാരിക പരിപാടിയും നടക്കും.

മീസല്‍സ്‌റൂബെല്ല വാക്‌സിനേഷന്‍ 95 ശതമാനത്തിനു താഴെ നടന്നിട്ടുളള തിരുവനന്തപുരം, കൊല്ലം, എറണാകുളം, തൃശൂര്‍, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളില്‍ വാക്‌സിനേഷന്‍ ഡിസംബര്‍ ഒന്നു വരെ നീട്ടാന്‍ തീരുമാനിച്ചതായി ആരോഗ്യ വകുപ്പ് ഡയറക്ടര്‍ അറിയിച്ചു.

പി.എന്‍.എക്‌സ്.5034/17

വോളിബോള്‍ അസോസിയേഷന്‍ നിശ്ചയിച്ചിരുന്ന ടൂരണമെന്റുകള്‍ വോളിബോള്‍ കളിക്കാരുടെ ഭാവി പരിഗണിച്ച് നടത്തുവാന്‍ സ്‌പോര്‍ട്‌സ് കൗണ്‍സില്‍ അനുവാദം നല്‍കിയതായി കൗണ്‍സില്‍ പ്രസിഡന്റ് ടി.പി.ദാസന്‍ അറിയിച്ചു.  സ്‌പോര്‍ട്‌സ് ആക്റ്റിന് വിരുദ്ധമായി തെരഞ്ഞെടുപ്പ് നടത്തിയതുമായി ബന്ധപ്പെട്ടാണ് വോളിബോള്‍ അസോസിയേഷന്റെ അഫിലിയേഷന്‍ റദ്ദാക്കിയത്.  നിലവിലുളള പ്രസിഡന്റിനും സെക്രട്ടറിക്കും പകരം വൈസ് പ്രസിഡന്റ്, ജോയിന്റ് സെക്രട്ടറി എന്നിവര്‍ക്ക് ചുമതല നല്‍കിയ സാഹചര്യത്തിലാണ് ചാമ്പ്യന്‍ഷിപ്പ് നടത്താന്‍ അനുവാദം നല്‍കിയത്.  ഭാരവാഹികളെ തെരഞ്ഞെടുക്കുന്നതിനുളള ക്രമീകരണങ്ങള്‍ നടത്താന്‍ വോളിബോള്‍ അസോസിയേഷന്റെ ഭാരവാഹിയോഗം സംസ്ഥ

റീജിയണല്‍ ക്യാന്‍സര്‍ സെന്റര്‍ റിസപ്ഷനിസ്റ്റ് അപ്രന്റീസ് ട്രെയ്‌നിംഗ് പ്രോഗ്രാമിലേക്ക് അപേക്ഷകള്‍ ക്ഷണിച്ചു.  ഡിസംബര്‍ 15 വൈകിട്ട് നാല് മണിയ്ക്കകം അപേക്ഷകള്‍ നല്‍കണം.  വിശദ വിവരങ്ങളും അപേക്ഷാ ഫോറവും www.rcctvm.org  ലഭിക്കും.

പി.എന്‍.എക്‌സ്.5032/17

വയനാട് ജില്ലയില്‍ വിവിധ സ്‌കീമുകളില്‍ കര്‍ഷകര്‍ക്ക് വിതരണം ചെയ്യുന്നതിനുള്ള തുക  അനധികൃതമായി പിന്‍വലിച്ച മാനന്തവാടി അസിസ്റ്റന്റ് ഡയറക്ടര്‍ ബാബു. അലക്‌സാണ്ടറെ സര്‍വീസില്‍ നിന്നും സസ്‌പെന്റ് ചെയ്ത് ക്രിമിനല്‍ കേസ് രജിസ്റ്റര്‍ ചെയ്യാനും വിജിലന്‍സ് അന്വേഷിക്കാനും കൃഷി വകുപ്പ് മന്ത്രി വി.എസ്. സുനില്‍ കുമാര്‍ നിര്‍ദേശം നല്‍കി.  ഇത്തരത്തിലുളള ക്രമക്കേടുകള്‍ കണ്ടെത്തുന്നതിന് സംസ്ഥാനത്തുടനീളം കര്‍ശന പരിശോധനകള്‍ നടത്തുന്നതിനും നിര്‍ദേശം നല്‍കിയിട്ടുണ്ട്.

പി.എന്‍.എക്‌സ്.5031/17